[Zawgyi]
30
အချိန်သည် ညနေ၇နာရီကျော်လို့၈နာရီထိုးတော့မည်။တောက်လျှောက်ထိုင်ရာမထနှင်းပန်း၏ဘေးတွင်အဖော်ပြုပေးနေသော မွန့်မျက်နှာသည်တော်တော်လေးညှိုးကျနေသည်။
နှင်းပန်းလေးနဲ့တွေ့မှတစ်ခုခုစားဖို့ရည်ရွယ်ကာ နေ့လည်တည်းကဘာမှမစားထားပေမဲ့ ဆာလောင်ဖို့ကိုလည်း မွန် သတိမရနိုင်ပါ။
နှင်းပန်းမေ့မြောနေသည့် နာရီပိုင်းလောက်လေးကိုတောင် မွန်ဘယ်လိုမှသည်းမခံနိုင်။ နှင်းပန်းလေး ပြန်နိုးလာဖို့ကိုပဲ တစ်ချိန်လုံးဆုတောင်းနေမိ၏။
"အစ်မမွန်"
အင်ကြင်း၏အသံကြောင့် မွန် ဝဲတက်နေသောမျက်ရည်စတို့ကိုသုတ်ပြီး
"အင်ကြင်း.."
"အစ်မမွန် စိတ်အေးအေးထားပါ မမကအန္တရာယ်မရှိတော့ဘူးမလား"
မျက်ရည်သည်သုတ်နေသည့်ကြားမှမတိတ်နိုင်ရာ မွန်သုတ်ဖို့မကြိုးစားတော့။
"အစ်မကြောင့်ပါ အင်ကြင်းရယ် အစ်မကတကယ်နှင်းပန်းလေးနဲ့မထိုက်တန်ပါဘူး"
မွန့်အသွင်သည် တော်တော်လေးကိုနွမ်းလျနေသည်မို့ အင်ကြင်းအားပေးစကားပြောလိုက်၏။
"ချစ်တဲ့စိတ်ရှိတာနဲ့တင် ထိုက်တန်နေပါပြီ အစ်မမွန်ရယ်အဲ့တာထက် မမကိုယ်တိုင်ကိုကအစ်မမွန်ကိုသိပ်ချစ်တာလေ"
အင်ကြင်း၏အားပေးစကားကိုကြားတော့ မွန်က
ခပ်ယေးယေးကလေးပြုံးလေသည်။ ထိုက်တန်တယ်တဲ့လား။ တကယ်တော့ မွန်ဟာနှင်းပန်းနဲ့တကယ်ရောထိုက်တန်ရဲ့လားလို့ ကိုယ့်ကိုကိုယ်အဖန်ဖန်ဆန်းစစ်ဖူးသည်။ နှင်းပန်းသည် မွန့်ကိုသာအမြဲဦးစားပေးခဲ့ပေမဲ့ မွန်ကတော့သူမအတ္တတွေကိုရှေ့တန်းတင်ကာနှင်းပန်းကိုဒုတိယဦးစားပေးအဖြစ်သာရွေးချယ်မိခဲ့သည်။
အပြစ်ရှိတယ်လို့ခံစားရသဖြင့် နှင်းပန်းနားမကပ်ရဲသောစိတ်များဝင်လာတိုင်းနောက်ဆုတ်ချင်လာမိသော်ငြား နှင်းပန်းသည်သူမကိုသိပ်တွယ်တာနေတာမို့ မွန် နောက်ဆုတ်ခွင့်မရခဲ့။
ထို့ပြင်ယခင်ကမထိုက်တန်ခဲ့လျှင်တောင်နောက်ပိုင်းထိုက်တန်လာဖို့ကြိုးစားလို့ရတာပဲ။
