[Zawgyi]
19
အထွဋ် နှင့် အင်ကြင်း၏ဆက်ဆံရေးသည်ယခင်ကကဲ့သို့ဘုဘောက်မဟုတ်ဘဲအတော်အဆက်ချောလာပြီ။ Welcome မှာ သန်ဘက်ခါဖြစ်၍ အထွဋ်ယနေ့အဝတ်စမ်းဝတ်ကြည့်ဖို့အင်ကြင်း၏ဆိုင်သို့ရောက်နေ၏။
ဒီကြားထဲ အထွဋ် နှင်းပန်းကိုသိပ်မတွေ့ဖြစ်။ နှင်းပန်းကအတော်လေးအိမ်တွင်းပုန်းနေသလိုပဲ။
"ဝတ်ကြည့်လို့ရပြီနော်"
အထွဋ် တစ်ယောက် နှင်းပန်း၏အိမ်ထဲကိုလှမ်းချောင်းနေရာမှ အင်ကြင်း၏အသံကြောင့်ဆိုင်ခန်းထဲပြန်ဝင်ခဲ့သည်။
အင်ကြင်းလှမ်းပေးသည့်ဝမ်းဆက်လေးကိုအဝတ်လဲခန်းတွင်လဲပြီးနောက်
"တီအင်ကြင်း လုပ်ပါဦး အထွဋ်ဒါမတပ်တတ်ဘူး"
ကြယ်သီးများကိုအပြည့်မတပ်ရသေးဘဲထွက်လာခြင်းဖြစ်ရာအထွဋ်၏ဗိုက်သားလေးကိုအင်ကြင်းမြင်နေရ၏။ ခပ်ညိုညိုအသားအရေဆိုပေမဲ့ ပေါ်နေသည့်အသားအရတော့ဗိုက်တွင်အမြှောင်းရှိပုံပဲ။
"အင်း တီတီလာပြီ"
အင်ကြင်း ပေကြိုးလေးကိုလည်ပင်းတွင်ချိတ်ပြီး အထွဋ်အင်္ကျီကြယ်သီးလေးကိုတပ်ပေးနေစဉ် အထွဋ်ဟာ သူမအနီးသို့တိုးကပ်လိုက်ကာ မျက်နှာချင်းနီးကပ်ရပြန်ပြီ။
ရုတ်တရပ်သူမမျက်နှာနားတိုးကပ်လာသည့်အထွဋ်ကြောင့်အင်ကြင်းမှာဖိန်းတိန်းရှိန်းတိန်းလေးဖြစ်လာရသည်။ အထွဋ်နှာခေါင်းမှရှူထုတ်လိုက်သောလေအချို့သည်အင်ကြင်း၏မျက်နှာကိုခပ်သဲ့သဲ့ကလေးရိုက်ခတ်နေ၏။
မျက်နှာရဲစပြုလာသောအင်ကြင်းကိုကြည့်ကာအထွဋ်ပြုံးလိုက်ပြီးမျက်နှာကိုပိုတောင်ကပ်လိုက်သေးသည်။
ထိုအပြုအမူကြောင့်အင်ကြင်းကြယ်သီးကိုခပ်သွက်သွက်သာတပ်ပေးပြီး တစ်ဖက်သို့လှည့်လိုက်သည်။ ထိုအမူအယာတို့ကိုတစ်ထပ်တည်းလုပ်ခဲ့ဖူးသူသည် သူမ၏မှတ်ညဏ်ထဲဆိုးဆိုးရွားရွားဝင်ရောက်လာပြန်ရာ မျက်ရည်လေးလည်းမသိမသာဝဲတက်လာရ၏။
အထွဋ် ပြုံးနေရာမှ မျက်ခုံးတို့ကိုတွ့န်ချိုးလိုက်သည်။ရုတ်တရပ်ကြီးအင်ကြင်းဘာကြောင့်မျက်နှာပျက်ရသလဲ၊ သူမအမူအယာကိုအင်ကြင်းမကြိုက်လို့များလား။ တကယ်တော့ အထွဋ် အင်ကြင်းကိုစချင်စိတ်လေးနဲ့လုပ်လိုက်မိပေမဲ့ အင်ကြင်းစိတ်များဆိုးသွားသလားနည်းနည်းတော့ပူမိသည်။
