[Zawgyi]
26
"အန်တီ နှင်းပန်းလေးရှိလားဟင်"
နံနက်၇နာရီကျော်ကျော်သာရှိသေးသော်ငြား မွန်သည် နှင်းပန်းတို့အိမ်သို့ရောက်နေလေသည်။
"သူ့အခန်းထဲမှာပဲသမီး"
ဒေါ်နှင်းနှင်းရီ ဧည့်ခန်းမှပန်းအိုးထဲနှင်းဆီပန်းအချို့စိုက်နေရင်း မွန့်ကိုပြန်ဖြေ၏။
"သမီးတက်သွားလို့ရလား"
မွန်ထိုအမေးကိုမေးလိုက်ပေမဲ့သိပ်ပြီးအားမပါခဲ့။ ယနေ့နှင့်ဆိုလျှင် နှင်းပန်းသူမကိုအတွေ့မခံတာ ၄ရက်မြောက်ခဲ့ပြီ။ နေ့တိုင်းတွေ့ခွင့်ရဖို့ကြိုးစားသော်လည်း နှင်းပန်းသည် နည်းမျိုးစုံဖြင့်ရှောင်နေ၏။
မွန် အပေါ်ထပ်ရှိနှင်းပန်း၏အခန်းသို့တွန့်ဆုတ်လှသောခြေလှမ်းတို့ဖြင့်အားယူတက်ခဲ့ကာ တံခါးကိုခေါက်လိုက်သည်။
ပထမတစ်ခေါက်တွင် ဘာသံမှမကြား။ ဒုတိယတစ်ခေါက်ထပ်ခေါက်ချိန်
"မာမားလား"
"မမမွန်ပါ"
မမမွန်ဆိုသည်နှင့်တံခါးနားကပ်လာသောခြေသံလေးမှာလုံးဝကိုရပ်တန့်သွားသည်။ မိနစ်အနည်းငယ်လောက်ထိဘာသံမှထွက်မလာခဲ့သဖြင့်
"မမတောင်းပန်ပါတယ် မမကိုတောင်းပန်ခွင့်တော့ပေးပါနှင်းပန်းရယ်"
မွန် တံခါးအပြင်ကနေ တောင်းပန်နေမိသည်။ ရင်ထဲလည်းငိုချင်စိတ်တို့ကကြီးစိုးနေ၏။ သူမကိုနှင်းပန်းခုလိုတစ်ခါမှစိတ်မဆိုးဖူးသေး။ တကယ်များစိတ်နာသွားလေရော့သလားလို့တွေးမိတိုင်း နှင်းပန်း၏အပြုံးလေးများကိုမြင်ခွင့်မရတော့မည့်အကြောင်းတွေးမိတိုင်း နှင်းပန်း၏အချစ်တို့လွှမ်းခြုံမထားသည့်သူမဘဝကိုတွေးမိတိုင်း မွန် တကယ်တုန်လှုပ်မိပါသည်။
"ထွက်သွားပါတော့ လုံးဝမတွေ့ချင်လို့ ထွက်သွားပါ"
တိုးလျလှသည့်အသံလေးဆိုသော်ငြား ထိုအသံသည်အားနဲ့နေခြင်းမဟုတ်ဘဲတင်းမာနေသည်။
"မမကိုတွေ့ခွင့်ပေးပါ နှင်းပန်းလေး မမတကယ်တောင်းပန်ပါတယ်"
