ناضت وخرجات طلعات نيشان لعند نجمة للمكتب ديالها لي لقاتها كاتجمع حوايجها خارجة.
يمنى: گلسي گلسي بلاتي ندوي معاك
نجمة حانية راسها كاتجمع الوراق:دوي راني كانسمعك
يمنى:واتي گلسي
نجمة شافت فيها وخنزرات:كيفاااش؟؟
يمنى: ءءء زعما گلسي بغيت ندوي معاك ضروري
گلسات وشافت فيها بمعنى شنو
يمنى:هاد سعد ولا ماعرت آش سميتو ناوي على شي حاجة
نجمة:بحالاش هاد الحاجة؟
يمنى عاودات ليها اش طرا فاش ماكانتش
نجمة: مايقدر يدير والو هو غادي فمهمة ماغاديش يرد الصرف
يمنى: أووف مشكلة هادي
نجمة جمعات الوقفة وگالت ليها : ماديريش فبالك،المهم خصني نمشي للمركز شحال ما مشيت
يمنى:فكرتيني نيت تانا شحال هادي ما مشيت
نجمة:ماشي وقت مشيانك دابا حتى ترجعي من تما
يمنى:اه عرفت،نوض حتى أنا نمشي
خرجو من الشركة بجوج بيهم و مشاو
مكان آخر
نور: أووف جاني الملل
فريد: بحالي بحالك،شبانلك نخرجو
نور ناضت بحماس: آه اه نخرجو
فريد:اممم فين نمشيو
نور: بغيت نمشي للبيسين الدافي لي هدرنا عليه ديك المرة
فريد: فكرة زوينة ولكن غايكون خاوي فهاد الوقت
نور:امم ماعليش غي يالاه عفاك عفااك
فريد: امممم صافي واخا يالاه نوضي لبسي حوايجك وماتنسايش حوايج السباحة
نور طلعات كاتجري للفوق، فريد دور وجهو باش غادي يلقى نجمة داخلة وطلعات نيشان لبيتها،دخلات دوشات،خرجات صلات صلاتها و مشات للجهة لي كاتبدل فيها حوايجها، جبدات واحد الصندوق كحل كبير، حلاتو جبدات منو لبسة كاملة كحلة عبارة على سروال مزير و جاكيط حتى هي مزيرة من الفوق، لبساتهم ولبسات پروتكال طالع كحل ، جمعات شعرها ذيل حصان عالي ، هزات واحد الملف وهبطات خرجات من الباب اللوراني ديال الڤيلا،حلات الگاراج دارت الكاسك وركبات على موطورها وشدات الطريق للوجهة ديالها
