ذكريات مبهمة

بارت 19

نجمة وعادل كملو كلامهم فوسط من الذهول ديالها،ولكن فالأخير تقبلات الفكرة

نجمة:أصلا كنت باغة نقلب عليك ونشكرك،وهانتا دابا قدامي،شكرا بزااف،من ديما كنت كانحارب الفساد ديال ديك المنظمة وديما واقفة فوجههم،وديما كاتجي شي حاجة كاتعاونني فآخر لحظة وماكنتش عارفة شكون،شكرا بزاف حيت عاونتيني

عادل شدليها فيديها وشاف ليها فعينيها وقال:حلفت و واعدت نفسي قبل مانواعدك بلي عمرني غادي نخلي شي حاجة تقيسك ولا تأديك،ولي حاول غير يفكر فيك غادي يموت قبل مايفكر يقرب ليك،وأنا عارف بلي نتي كاتحاربي ديك المنظمة حيت عامرة فساد،ونتي العكس ديما حامية الأبرياء،وكون ماكانش هاكا كون راه خرجتك من تما وعمرك ترجعي،دابا عندي فكرة باش غادي نتفاداو هادشي وفنفس الوقت تقضي عليهم،سمعيني......

كاتنتاقل بينا القصة ليمنى وسعد لي كانو مزالين محلقين فالسما،يمنى فبيتها و سعد على برا،واحد الشوية يمنى حسات بالصهد،ناضت حيدات البيجامة لي سخونة ولبسات وحدة خفيفة وقصيرة وحيدات السوتيان باش يترخف عليها،غي زولاتهم صدرها تدفگ قدامها،گلسات شوية على تيليفونها،قلبات على الما مالقاتوش خرجات  للكوزينة تجيب قهوة،لقاتو ناعس فالفوتوي وهو عاري الصدر،وقفات كاتأملو بصمت،أول حاجة طاحت عينيها عليها هي صدرو لي مطراسي وفيه لمعة متييرة،نزلات بعينيها لكرشو لي كانت حتى هي ماناقصاش على صدرو،مطراسية وكاتلمع،والسمورية ديالها كاتجذب،دازت لدرعانو لي كانو ضخمين وعروقهم بارزين،بلعات ريقها وهي كاتشوف فيه،شافت بزاف قبل منو صدفة ،ولكن عمرها حسات بهاد الجذب كامل جهة شي واحد،واخا زهوانية خخخخ،ولكن عمرها سمحات لشي واحد يقيس منها شعرة،أولا سمحات لراسها تكون مع شي واحد فعلاقة،قربات لعندو بخطوات هاديين باش مايفيقش،قربات عاد لاحظات وجهو،عاقد غوباشتو حتى وهو ناعس،سهات فملامحو لي حرشين وقاصحين،مدات يديها بشوية بغات تقيص صدرو،جذبها بطريقة غير طبيعية،فآخر لحظة جبدات يديها لعندها،دارت باش غاتمشي حتى كاتصدم بيه شد ليها يديها وحطها فوق صدرو،خلا يديه على يديها وحل عينيه وشاف فيها و قال:علاش تراجعتي

يمنى بقات غير كاتشوف فيه ماعرفات ماتگول ليه غي كاترمش فعينيها ، سعد عاد حل عينيه مزيان وشاف فيها،طاحت عينيه نيشان على صدرها لي بااين مرخي ، واخا البيجامة واسعة ولكن باين،بلع ريقو ورجع شاف فيها لقاها ولات حمرة وحشمات

يمنة كاتمتم:غ غ غيير جاني صهد،والله مانويت ش...

ماجات فين تكمل كلامها حتى لقات راسها مليوحة فوق منو من بعد ما جرها لعندو بقوة،حس بصدرها على صدرو وحس بالحرارة طلعات معاه،زائد أنها فوق منو والمسائل كاتقيص بعضياتها،تزادو دقات قلبهم بزوج من الوضعية لي هوما فيها وهوما غير كايشوفو فبعضياتهم،سعد ماحسش براسو حتى لقا راسو تلاح على شفايفها بكل قوة بحالا باغي ياكلها،يمنى مشرعة عينيها وماكدير حتى ردة فعل،هو مزال حاصل فشفايفها،يمنى حسات براسها تخنقات ماخلاهاش تنفس،ضرباتو لصدرو بشوية باش يبعد عليها،غير بعد عليها وهي تنوض كاتنهج،شوية سمعو البيلوط كايگول ليهم بلي قربو ينزلو