ننتاقلو عند عادل لي كان داخل للشركة ديال نجمة بكل هيبة وثقل و غوباشتو معقودة، طلع عندها للبيرو ودق حتى أذنات ليه بالدخول عاد دخل.
نجمة غير شافتو وقفات و تمات جاية جيهتو : ماكنتش متوقعاك تجي،كون عيطتي ليا قبل
عادل شدها من يديها وتم غادي بيها يگلسها فالكرسي: بغيت ندير ليك مفاجئة اش فيها
گلسو و عادل گال: اش خبارك اليوم
نجمة: ها أنا قدامك، الحمد لله
عادل: فاش كنت طالع بانليا مسجد هنا...
نجمة: آه كانصلي تما
عادل شاف فيها وبتاسم وحتى هي بادلاتو الابتسامة ، شدها من يديها وقربها لفمو وباسها:أنا أسعد إنسان فالدنيا حاليا
نجمة كتافات بابتسامة
عادل جبد من جيابو داكشي ديالها لي كانت نساتهم نهار ديال الحفلة وحطو فوق البيرو و قال: ها علاش جيت، نسيتيهم داك نهار
نجمة:شكرا
عادل حس بإحساس خايب حس براسو كاتعامل معاه ببرود عقد غوباشتو وناض دار يدو فجيبو و گال: نخليك
وتم خارج حتى فاجآتو فاش عنقاتو من اللور وحطات راسها على ضهرو : ماتقلقش غير كانضحك معاك
عادل دار عندها و حك يدو ف خصرها و شاف فيها، قبل ماينطق طاحت عينو على العكار لي ف فمها، نجمة شافتو كايشوف ففمهت فهماتو ولكن مادارت حتى ردة فعل غير كاتشوف فيه
عادل عض على فمو: ماكاتسمعيش الهضرة
بقا دافعها حتى ضرب ضهرها فالحيط ، شدها من يديها بزوج و هزهم الفوق وكالاهم مع الحيط وزاد قرب لعندها: گتليك المرة الجاية غانحيدو بطريقتي
ونزل عند شفايها حتى حيد ليها العكار بفمو هههخخ، وهي متجاوبة معاه ومستسلمة
عادل رجع شاف فيها: دابا مزيان
شدها من يديها و گلسو
عادل: اليوم بغيتك تخرجي بكري
نجمة: علاش؟
عادل: عندي ليك مفاجئة
نجمة بتاسمات: واخا ولكن فوقاش؟
عادل: فوقما بغيتي نتي
نجمة: صافي واخا فاش نكون واجدة غانعيط ليك
عادل: واخا ، المهم خصني نمشي للشركة مازال عندي كولشي مخربق
حركات راسها مع ابتسامة ، باستو من حنكو و دار نفس الحاجة،وخرج مشا وهي رجعات كملات الخدمة
