نمشيو عند أيمن لي كان گالس فالكافيتيريا كايتسناها تدخل، ملي رجع لقاها فمخاضرة وبقا كايتسناها تالي وگالس على أعصابو،گالس حتى كاتبانلو داخلة هي والبنات،مشا قصدها جرها من بين البنات وصلها لبلاصة خاوية ولاحها حتى قربات طيح
سوزي:أ..أ آاش بغيتي عندي
أيمن شاف فيها بعينين حمرين وعروق بارزين وصدرو كايطلع ويهبط،شدها من دارعها بقوة حتى بدات كاتلوا بالألم وكاتحاول تبعد يديها.
أيمن تحت سنانو بغضب:نتي لي درتيها
سوزي غير سمعاتو توترات وبلعات ريقها ولكن مابيناتش:شنو درت،طلق مني ضريتيني
أيمن زاد زيير عليها تا غوتات:سدي عليا فمك،هاد الت_قحبين كانعرفووو،هضريي،نتي لي درتيلها الفطر فالماكلة،سولتها وگالت بلي گالتهاليك بالصدفة،دوي ماحدي متحكم فأعصابي،حسن ماغاندفنك هنا يا الق__حبة ومايسيق ليك حد الخبار،دوييييي
سوزي خنزرات وجرات يديها بجهد حتى ترخات وگالت:آه أنا لي درتو،ماكرهتش كون ماتت،ماكرهتش نقتلها ونتهنا منها،شحال من عام و أنا مانحاول معاك علاش هي جات فنهارها بغيتيها،باش هي حسن مني؟؟؟
أيمن شدها من وجهها زير عليها تا ولات زرقة ونطق:مازال صابرليك حيت نتي بنت ومابغيتش نحط عليك يدي،هاديك البنت أنا كانبغييها ودخليها لراسك هاد الهضرة،ونزيدك،كانعرفها حتى قبل مانشوف كمارتك أ الق__حبة،(جبد تيليفونو و وراها تصاورها مع شي رجال عريانة وشي تصاور أخرين كاتعاطى للكوكايين)
غير شافت التصاور شرعات عينيهت بصدمة وبدات كاتعرق وكاتمتم وكاترعد غي بوحدها،أيمن رخا منها وهي قالت بتمتمة وعينيها على تصاور:ش شنو كاتقصد بهادشي؟و منيين جبتي هادشي
أيمن:الخبار فراسك،نعاود نشوفك كادوري بيها نحرك،أما أنا هانتي عرفتي غي الربع من داكشي لي قاد ندير،كولشيي هنا غايعرف النفاق ديالك وحقيقتك المق_حبنة،وهادشي غي القليل،جربي عاودي ديري شي حاجة وتفرجي على حياتك وهي كاتهدم قدامك
سوزي:ع...عافاك ماتنشرش هادشي
أيمن:أنا لي غانقرر فوقاش غانشرو يلا عاودت شفت شي حاجة.
تم غادي و ولا رجع وقال:ماتحاوليش تشكي بالتهديد،حيت الكاميرات شادينك كاتسمميها،(ابتاسم باستهزاء)شوفي نتي شنو لي مسلكك
ومشا مخليها مصدومة ودموعها مجموعين فعينيها وكاترعد بالخوف
نمشيو عند يمنى وسعد،كان رومان وصل معطل والحال بدا كايضلام،اتصل بيهم واعتادر على التأخر ديالو ووصاهم غير ينعسو اليوم وغدا يبداو مشوارهم،يمنى من بعد ما رجعات من برا دخلات دوشات و خرجات ديريكت نعسات،فاقت هبطات طلبات ماتاكل،مابانش ليها لتحت طلعات لعندو باش تشوفو،دقات فالباب المرة اللولة ماجاوبش،بقات كاتعيط ليه و وااالو،تخلعات وبدات كاتخبط فالباب بجهد وكاتغوت عليه،شوية تحا الباب باش غادي يبانليها سعد واقف وعينيه مقلوبين،دايخ وكايميل بلاصتو،فاللول يحساب ليها سكران،ولكن غي قرباتلو طاح على وقفتو بالدوخة،حنات عندومخلوعة،قاصتلو فجبهتو لقاتها طاايبة شاعلة فيها العافية،جراتو بسييف للفوتوي،حطاتو وتمات غادة تجيبلو فوطة فيها الما باش تهبطلو الحرارة شوية،شدها من يديها حبسها،هبطات على ركابيها لعندو
