سالات الخدمة لي كانت فيديها ودوزات أبيل
نجمة:ألوو...وي، صافي جيبوليا الملف نشوف و وجدوليا اجتماع من دابا ساعة بغيت كولشي يكون حاضر،وقطعات.
ناضت خارجة مع الباب وهي تسمع الدقان رجعات ݣلسات و أذنات بالدخول
السكرتيرة:مادام هاهو الملف لي طلبتي
نجمة:اه صافي حطيه هنا وسيري جيبيلي قهوة
السكرتيرة: مادام...
نجمة: دوي مالكي
السكرتيرة: مادام خاصني واحد الأڤونص ، خويا تسالاليه الدوا ومالقينا باش ناخدوه ليه و انا عليا كريديات مايصلاحليش نتسلف،غير نتخلص نردهوم ليك.
نجمة بدون رد حلات المجر وجبدات ظرف فيه شي فلوس ومداتو ليها و قالت: ماترديلي مانردلك
السكرتيرة: ولكن...
نجمة: دويييت
السكرتيرة: شكرا ا مدام خيرك عمرني نساه
نجمة حركات راسها بدون جواب والسكرتيرة خرجات
فمكان آخر
وقف بموطورو كايقلب عليها بيت لي خارجين من المدرسة وهي تبانليه خارجة شافها مشا لعندها كايجري وهزها كايدور بيها
فريد: توحشتك أ البجغوطة الويكاند كامل ما شفناك
نور: تانا توحشتك ولكن ختي دارت عليا الحراسة يلا ماساليتش الحفاضة مانعتبش
فريد: ناااري ديك ختك ماعرفت مالها شي نهار تقتلنا
نور: هيييه ختي هاديك مادويش عليها
فريد: شوف شوف البرهوشة تاهي كادوي, تي زيدي قدامي زيدي،(هز الكاسك كايقادوليها) ديري هادا حسن ما تجي ختك ديرليا فضيحة هنا
ركب وركبات موراه وشدو الطريق وهوما طالقين موسيقى والريح كايضرب فيهم حتى وصلو للدار (فريد ساكن معاهم فالدار ولكن كان فمخيم ويالاه رجع)
فريد: يالاه نزلي
نور: أجي نزلني شحال من مرة كانقولك ماكانعرفش
فريد: ههههه كايسحابليا كبرتي ساعة باقة بجغوطة
نور: البجغوط هو نتا
فريد: هههه ايه ايه زيدي
فطريق الدخول ديالهم صوناليه تيليفونو ، جاوب
