ذكريات مبهمة

بارت 18

دازو ساعات...
عند نور لي يلاه فاقت،كان اليوم الأحد وماقارياش فاقت معطلة،حلات عينيها بشوية لمحاتو قدامها گالس وكايشوف فيها

فريد:صباح الخير

نور:آش كادير فبيتي،ومن فوقاش ونتا هنا

بدات كاتقلب فراسها وفحوايجها من تحت المانطة

نور:شنو وقع،ياكما درتيلي شي حاجة،وأصلا شكون عطاك الحق دخل ليا لبيتي بلا م....

مازال ما كملاتش هضرتها لقاتو طار عليها لشنايفها،حلات عينيها بصدمة و دفعاتو بعداتو عليها

نور:شنو كاتحاول دير

فريد:شفتي،هانتي تهدنتي

نور تنهدات:على صبااااح،شنو كادير هنا دابا؟

فريد:كانشوف فالزين لي عطاني الله،ماشي من حقي؟؟

نور باستهزاء:هههه وشكون گالك أنا الزين ديالك؟

فريد بنفس نبرتها:هاهاها وشكون گالك انا كانشاورك؟

نور:دابا علاش جيتي؟

فريد:حيت بغيت نهضر معك

نور:فاش؟

فريد قرب لعندها و شدليها فيديها وحط عينو فعيننها وقال:سمحيلي بزااف،كانعتارف بلي غلطت،وهاد الغلطة ماغاديش تعاود

جبد تيليفونو وحطو قدامها:هانتي هاكي عاودي قلبيه،مابقات حتى حاجة كولشي تمسح،وحتى من النمرة بدلتها،نتي لي فقلبي وماكاين تا وحدة اخرى من غيرك،هادوك كنت غي مدوز بيهم الوقت حيت حتى انا كانبقا راجل وخاصك تفهميني،وهوما عارفيني علاش كنت معاهم وماعندهمش مشكل،واش فهمتيني راه نتي لي عندي بوحدك من بعد الله،صافي سمحيلي

نور أتر فيها وحسات بيه من عينيه ماكايكدبش عليها وفعلا ماكايكدبش،هو كايبغيها من الصغر،كبرو بزوج كايحس بيها توأم روحو

نور:صافي واخا،سمحتليك،ماتعاودهاش

فريد بتاسم وشد ليها يديها وباسها:كانوااعدك عمرك باقا تشوفي مني شي حاجة مزال

نور بادلاتو الابتسامة وتمات:كانتيق فيك

فريد جرها لعندو وخشاها فصدرو وحتى هي بادلاتو العناق

فريد بعد عليها شوية وقال:نوضي نوضي غسلي وجهك وهبطي تفطري،راه اليوم تا خوك ماقاريش نوضي