#جريمه_فى_حى_المقطم
#صاحبه_البطل_الواحد
#اميره_اسامه
البارت الثاني...
في عربيه علي.
علي....لو عايزه تنامي شويه نامي
زينه...مش هعرف أنام في الطريق
علي...بس إنتي شكلك تعبان ومرهق
زينه...أه والله أنا مرهقه جدآ وبعدين كله منك ما أنت صاحب الفكره
علي...لو مش عايزه ممكن نرجع بجد
زينه...لأ ياسيدي خلاص بعد إيه بقي😒
علي...أنا مش بهزر علي فكره لو مش عايزه ممكن نرجع أنا أصلا أقترحت الفكره عشانك أقصد عشانك إنتي ودينا يعني تفصلوا شويه
زينه...لأ طبعا بهزر يمكن مكنتش عايزه أسافر عشان مرهقه وعشان عندي شغل كتير بس خلاص مجتش من يومين وبعدين أحنا بقالنا كتير أوي مسافرناش مع بعض
علي...ماشي ياستي المهم تفصلي مش تروحي هناك وتفضلي تجهزي في شغل
زينه...بضحك لا والله ده علي أساس إني مشوفتش أسكتشات الرسم إللي إنت واخدها معاك مش شغل ده بردو🤨
علي...لأ والله مش شغل بس قولت يمكن في منظر ولا حاجه يعجبني وأحب أرسمه
زينه...إذا كان كده ماشي 😂
بقلمي ……………أميره أسامه
في عربيه فؤاد ندا راحت في النوم من بعد ما طلعوا علي الطريق وفضلت شمس صاحيه مع فؤاد.
فؤاد...نامي شويه يا حبيبتي لوعايزه
شمس...لأ مش عايزه خليني صاحيه معاك
فؤاد...ندا راحت في النوم
شمس....اه حبيبتي شكلها مرهقه أوي
فؤاد....كان في شغل كتير أنهارده هي وزينه مأعدوش وبصراحه زينه إللي تعبت أوي
شمس...زينه بتحب شغلها جدآ أنت عارف
فؤاد....علي فكره أنا ملاحظ إن في حاجه كده
شمس....حاجه إيه؟
فؤاد...يعني من ناحيه علي لزينه
شمس...بأبتسامه حزينه وأنا كمان ومن فتره كمان
فؤاد....هو مقالكيش حاجه
شمس...لأ أنت عارف إن علي مش بيتكلم عن أي حاجه جواه
فؤاد...طيب وزينه؟
شمس....أنت عارف إن زينه من بعد تجربتها إللي فاتت وهي قافله علي قلبها وبصراحه أنا محستش ولا مره إن في أهتمام من ناحيتها لعلي
فؤاد...بس إللي أنا أعرفه إن زينه مكانتش بتحب جمال يعني.
شمس...يمكن كلامك صح زينه محبتش جمال بس متنساش إنها كانت متجوزاه
أينعم كان جواز صالونات بس أعدوا فتره لحد ما أتجوزوا ويمكن حبته وحتي لو محبتهوش يا فؤاد الست لما بتتخان يا فؤاد حتي لو مبتحبش جوزها بتتوجع وتتكسر وكرامتها بتتجرح
فؤاد...بس محصلش جواز يا شمس ده كان مجرد كتب كتاب
شمس...عارفه بس فالأخر هي إيه يا فؤاد مطلقه!!
وبصراحه الموقف إللي هي أتحطت فيه وحش أوي فا طبيعي مش هتفتح قلبها بسهوله والأهم إن زينه طول عمرها بتتعامل مع علي. علي إنه صاحب صديق عمري ما حسيت إنها بتعامل علي غير كده.
فؤاد....بس علي عنده أمل يا شمس وده واضح جدآ في تعامله وأهتمامه بيها
شمس...عارفه بس أنا مش عارفه أعمل إيه يا فؤاد لا أنا قادره أسئل علي بطريقه مباشره ولا أقدر أقول لزينه إن أخويا بيحبها أنا موقفي محرج بعيد عن علي أنا وزينه صحاب من زمان والنقطه دي هتبقي حساسه بينا يعني لو فعلا علي بيحبها وهي لأ وأنا قولتلها زينه هتتحرج ترفض وهتبقي حاسه إن في حزازيه لأنه اخويا فاهمني
فؤاد...فاهمك عمومآ سيبي الأيام هي إللي تتعامل ربنا يقدم إللي فيه الخير
شمس...يارب
......
في عربيه ماجد.
من بعد ما طلعوا ودينا نامت هي كمان زي ندا.
ماجد..كل شويه يبصلها وهو متغاظ وخايف ينام علي الطريق ماجد...دينا دينا
دينا...اممم
ماجد...قومي أعدي معايا شويه
دينا...بس بقي يا ماجد عايزه أنام
ماجد...يابت قومي هنام في الطريق وهنلبس أنا وإنتي في عربيه
دينا...بنوم ألبس يا حبيبي براحتك
ماجد...ألبس يا حبيبي براحتك تصدقي إني غلطان إني وافقت عالسفر
دينا...بطل رغي بقي سيبني أنام شويه والنبي
ماجد...😒نامي يا اختي نامي
