#جريمه_فى_حى_المقطم
#صاحبه_البطل_الواحد
#اميره_اسامه
مستنيه تفاعلكم ولايكاتكم ورڤيوهاتكم اتمني البارت يعجبكم
❣️❣️❣️❣️❣️
البارت الثامن عشر..
خرجت زينه من اوضه العمليات واتنقلت اوضه خاصه وفضلوا اعدين حواليها لحد ما تفوق عدي حوالي ساعه كانت ابتدت زينه تتكلم وتخرف بالكلام شويه تفتح عينها وشويه تقفلها وترجع تنام واخيرا فاقت واول حد نطقت أسمه كان علي
زينه...علي.....علي
ندا...فاقت فاقت
جريت عليها شمس ودينا وقرب منها علي اللي كان اعد علي كرسي جمب سريرها وسامع اسمه اللي نطقت بيه لكن الحاله اللي كان فيها كانت جياله بالصمت.
فضل ماجد واقف ادام السرير مربع ايده وباين عليه الغضب
فؤاد...زينه زينه سمعاني
شمس....زينه حبيبتي احنا جمبك
دينا....زينه كلنا هنا معاكي انتي بخير يا حبيبتي
زينه..انا فييين
ندا...بدموع انتي فالمستشفي بس انتي كويسه يا حبيبتي
زينه....علي فين
بصتله شمس
خدت علي نفس في هدوء ونزل لمستواها
علي...انا جمبك يازينه
زينه...انت كويس
علي....الحمد لله حاسه بأيه
زينه....في حاجه وجعاني اوي
علي...طبطب علي كتف ايدها هتبقي كويسه يومين تلاته والوجع هيبتدي يروح واحده واحده
غمضت زينه عينها بأستسلام تاني كأنها فاقت عشان بس تطمن ان علي كويس
ندا...زينه زينه
فؤاد...سبيها با ندا ترتاح
دينا...وانت هتفضل واقف كده مش تيجي تطمن عليها
بصلها ماجد وسابها وراح وقف جمب الشباك
عدي حوالي ساعه تاني وصحيت زينه وهي بتتألم جامد
راح علي بسرعه ينادي الدكتور جه اطمن عليها وحطتلها الممرضه مسكن في المحلول دقايق بسيطه وأبتدا الالم يخف شويه
شمس...ينفع القلق اللي انتي عملتيه فينا ده يازينه
فؤاد...قولنا ايه ياشمس
بصله ماجد وهي شمس قالت ايه غلط يا فؤاد مش دي الحقيقه مش الهانم هي اللي عملت فينا وفي نفسها كده😡
جابت كل واحد فينا علي ملي وشه من سفره مش عارفين فيها ايه ولا حصلها ايه القلق هيموتنا عليها وهي ولا علي بالها
دينا....في ايه يا ماجد مش قولنا تهدي شويه ومش وقته الكلام ده
فؤاد...تعالي ياماجد نخرج بره شويه
زينه...بدموع سيبه يا فؤاد خليه يكمل مش قادر يكتم قلبت وشه اللي قالبها من وقت ما فوقت اكتر من كده
بصلها ماجد بغضب😡 وانتي كمان مش عجبك وقرب منها انا نفسي اعرف انتي دماغك دي متركبه زي بتفكري ازاي استحاله يكون عندك عقل اللي جوه دماغك دي فرده جزمه
زينه....ياسيدي حقك عليا اني قلقتك وحقك عليا اني جبتك علي ملي وشك من اسكندريه بس انا مكنتش لا عايزه اعرفك ولا اعرف اي حد عشان كنت بجد مش عايزه أقلكم
ماجد....لا كتر خيرك والله فعلا قدرتي متقلقيناش
فؤاد....ماخلاص يا ماجد بقي
دينا...ماجد تعالي نخرج بره شويه
قرب منها ماجد بغضب
عايز بس اعرف حاجه انا نش قولتلك اخر مره ان العمله السوده دي متعملهاش تاني وانت وعدتينا كلنا بكده عملتيها تاني ليه
قوليلي كده لو مكنتيش لحقتي تتصلي علي الظابط كان حصلك ايه هاا كان قتلك ولا اغتصبك ولا سلمك لحد وابعك ليه يعمل فيكي اللي هو عايزه يبيعك للي يدفع اكتر ولا ياخد اعضائك وطبعا محدش يعرف حاجه عنك قوليلي كنتي هتبقي مبسوطه ساعتها هااا ردي عليا
قرب ايده من راسها وهو بيخبطها براحه وبيحاول يتمالك اعصابه
علي كان شايف كل ده وساكت لان كل اللي جوه ماجد كان جواه واكتر منه لكن كان بيحاول يكون هادي اكتر عشان هو عارف انها في الاساس تعبانه
مكانش عايز يزود حالتها لكن بمجرد ما شاف فؤاد بيقرب ايده من راسها في غضب مد ايده بسرعه مسك ايده وهو باصصله بغضب
علي....ايييييه😡 هربت منك يا ماجد ولا ايه
دخلت زينه في حضن شمس وهي بتعيط
علي....انا سايبك تتكلم مع اننا قولنا بلاش كلام الوقت مقدر اللي جواك لكن اكتر من كده لا
ماجد....انت مش سامع كلامها اللي يحرق الدم
فؤاد...تعالي يا ماجد اخرج يلاا
دينا....تعالي ياماجد نجيب قهوه او اي حاجه تعالي يلا
خرج فؤاد ودينا مع ماجد وفضلت شمس وندا وعلي معاها وهي بتعيط
علي كان نفسه ياخدها في حضنه وهو سامع عياطها لكن مكانش قادر اكتفي بالصمت تاني
شمس....معلش يا زينه ماجد ميقصدش انتي عارفه انه بيحبك
ندا....ماجد قلقان عليكي يا زينه واللي بيعمله ده خوف عليكي احنا كلنا كنا هنتجنن عليكي وجايين فعلا منعرفش حاجه وكل واحد اعد يرتب سيناريو في دماغه اعذريه
زينه...انا مش زعلانه منه وعارفه انه خايف عليا بس والله انا كمان مكنتش اعرف ان كل ده هيحصل
شمس...حصل خير يا حبيبتي المهم انك بخير الوقت
خبط فؤاد ودخل معاه الدكتور
الدكتور...حمدالله علي السلامه يا انسه زينه طمنيني حاسه بأي حاجه
زينه...الحمد لله يا دكتور انا كويسه
الدكتور...طيب في ظابط بره عايز ياخد منك كام كلمه هتقدري
علي....ياريت يعني يا دكتور وقت تاني هي لسه حالتها مش سامحه
زينه....لا لا خليه يدخل انا كويسه
الدكتور....تمام عموما انا هنبه عليه انه ميضغطش عليكي
بعد اذنكم
خرج الدكتور اتكلم مع الظابط دخل الظابط وراه
خرج علي بسرعه ورا الدكتور وانتهز فرصه ان دينا وماجد نزلوا الكافيتريا والباقي مع زينه جوه
علي...يا دكتور دكتور
الدكتور...ايوه يا افندم
علي...معلش هعطل حضرتك ثواني بس كنت محتاج أسأل حضرتك علي حاجه واتمني يكون الكلام سر بينا
الدكتور....طيب اتفضل معايا في الاوضه بتاعتي
راح معاه علي ودخل اعد عالكرسي
الدكتور ..خير
علي....الكلام اللي هقوله لحضرتك اتمني يكون سر بينا حتي زينه متعرفهوش
الدكتور....اتفضل
علي....زينه مريضه Ms والمفروض انها مخبيه علينا عشان متقلقناش بس انا عرفت بالصدفه الباحته السؤال بقي عايز اعرف الجرح ممكن يأثر عليها
الدكتور...ليه مبلغتنيش من اول ما جيت
علي...كنت قلقان عليها ومكنش في دماغي غير اني اطمن انها بخير بس انا عارف ان اعراض المرض ده تشنجات وواضح ان ايدها مش طبيعيه يمكن انا اللي لاحظت ده لان انا اللي عارف
الدكتور...بص هو مبدأيا كده المرض ده اعراضه بتزيد من حاجتين اهمال العلاج
والنفسيه فا لو هي بتاخد علاج ليه اكيد هي كده في الامان انا بقي بخصوص النفسيه اللي عرفته انها اتعرضت لضغط نفسي كبير في الحادثه دي ووارد طبعا تأثر عليها المهم الوقت انكم تحاولوا تخرجوها من الحاله دي عشان تقدر تتخطي المرحله دي بسرعه اما بالنسبه لايدها فا اتمني ان الطلقه متأثرش عليها انا عموما هتابعها بنفسي وهتابع الحركه عندها بس بردو الطلقه اللي خدتها اكيد هتأثر علي دراعها كله شويه هي مش مخبوطه ولا مكسوره دي واخده طلقه اكيد انت فاهمني
علي...فاهم حضرتك طبعا
الدكتور....بالنسبه بقي للمرض حاولوا انكم توصلوها انها تعرفكم بالمرض ده لان لازم يكون في حد معاها ديما مريض ال Ms لازم يكون معاه حد ديما وانها تخبي ده مش في مصلحتها ابدا
علي....بتفعم هز راسه ان شاء الله يا دكتور اسف عالازعاج
الدكتور...تحت امرك في اي وقت
أستأذن علي منه وخرج راح عالاوضه
الظابط...تمام يا انسه زينه انا مش هضغط عليكي اكتر من كده والمعلومات اللي معايا لحد الوقت دي كفايه اوي انا هسيب عالباب اتنين عساكر عشان تكوني في امان
فؤاد....هو ممكن يحصل ايه يعني هو مش المفروض خالد ده اتقبض عليه وزي ما حضرتك قولت الاسامي اللي كانت وراه اتقبض عليهم بالفعل
الظابط....فعلا بس كمان كده اضمن لحد ما نتأكد ان مفيش اي قلق عليها
علي....اطمن يا حضره الظابط احنا بردو هنا معاها مش هنسيبها
الظابط....تمام بعد أذنكم حمد الله علي السلامه يا انسه زينه
زينه....شكرا
خرج الظابط ودخلت دينا فضل ماجد واقف بره عالباب
دينا...هو في ايه
شمس....ابدا ده بياخد من زينه كلمتين
فؤاد ...فين ماجد
دينا....واقف بره
خرج فؤاد وشمس خرجت وراه فضلوا بتكلموا مع ماجد عشان يهدي شويه وبلاش يضغط عليها
اقتنع ماجد هو كمان حس انه زودها معاها لكن بدافع الخوف عليها
دخل معاهم جوه
بصتله زينه بحزن وعينها كلها دموع وبعدت عينها عنه
قرب ماجد منها وهو بيبصلها بأشفاق وطي علي راسها باسها وحط ايده علي شعرها بحب
ماجد....حقك عليا
نزلت دموع زينه جامد وفضلت تعيط صعبان عليها نفسها
ماجد...خلاص بقي متزعليش والله انا كنت هتجنن عليكي انا اسف يا ستي اضحكي بقي
دينا....بطلي عياط يا بت انتي بقي انا خلاص مش قادره اعيط تاني وانا اصلا مش قادره ولسه تعبانه وبعدين انا عارفه هفرحك ازاي
بصتلها زينه
دينا....فاكره لما قولتلك لما اجي عندي ليكي انتي وهما مفجأه حلوه
بصولها كلهم
ماجد....مفجأه ايه بقي اللي هتفرح ست زينه
دينا...هي هتفرحك انت كمان وهتفرحكم كلكم مش زينه بس
ماجد....قولي
دينا..بأبتسامه اناحامل
ماجد...😳😳طب احلفي
دينا...والله العظيم حامل
شمس...قامت حضنتها بفرحه مبروك يا دندووون
دينا...الله يبارك فيكي يا شموسه عقبالك يارب يا قلبي
ندا....ايه ده بجد قولي بجد
دينا...والله بجد
فرحوا كلهم والكل باركلهم ماجد كان طاير شمس فرحت من قلبها واتمنت هي كمان ربنا يرزقها فات كذا سنه علي جوازهم ورغم ان مفيش اي مانع يمنعهم من الحمل إلا انه لسه محصلش نصيب
زينه...بأبتسامه من وسط دموعها مبروك يا دندون وبصت لماجد بحزن مبروك يا ماجد
ماجد..شوف بتقولهالي أزاي🤨
دينا...بس بقي متبقاش رخم الله يبارك فيكي يا زينه
فؤاد....اياك يارب البيبي اللي جاي ده يخليكي تهدي انتي وجوزك المجنون
ده
ماجد...بأبتسامه عقبال ما افرح بيك انت وشموسه ونعقل كلنا سوا😂😂😂
بص فؤاد لشمس بأبتسامه حب يارب
عدي وقت بسيط
بينهم واخيرا خبط الباب وظهر بسرعه فارس اللي كان باين عليه القلق
زينه...فااااارس🥺🥺
جري عليها فارس يحضنها
فارس...زينه حبييتي
زينه...ااااه
ماجد...مابراحه يا جدع واخده طلقه😂
فارس...طلقه😳
فؤاد...بضحك ما انا مرضتش اخوفك بصراحه
زينه...بدموع انتوا كنتوا عارفين انه جاي
فؤاد....والله عرفنا من كام ساعه
زينه...مقولتليش انك جاي ليه ومين بلغك
فارس...انا معرفش اي حاجه انا كنت جاي زياره عادي وعاملهالك مفجأه وكلمتك من شرم عشان اوهمك اني بكلمك عادي وتبصي بعد كام ساعه تلاقيني في وشك بس انا اتصدمت لما عرفت انك تعبانه وحشتيني اوي
زينه....انتي وحشتني اكتر ورجعت تاني لدموعها وهي بتحضنه اوي
علي...كان واقف ساكت وبيغلي من الغيره من جواه
ماجد....انت ياض احنا بايتين في حضنك مش تيجي تسلم
فارس...بأبتسامه حقكم عليا والله زينه كانت وحشاني اوي واتخضيت لما شوفتها كده قرب فارس من ماجد وحضنه اوي وسلم علي دينا وراح حضن فؤاد وسلم علي شمس وندا وبعد كده قري من علي
فارس....واحشني ياعلي والله
علي...🙄انت اكتر والله يا فارس
رجع تاني اعد جمب زينه ايه اللي حصلك ده مين عمل فيكي كده
زينه...ده موضوع طويل يا فارس
فارس....وانا عايز اعرفه
حكاله فؤاد وماجد كل حاجه
فارس...انتي مجنونه يا زينه في حد يعمل كده
ماجد...قولها والنبي اصلها كنان زعلانه مني عشان اتعصبت عليها
فارس...انتي عارفه بابا وماما لو عرفوا هيعملوا فيكي ايه
زينه...لا يا فارس اوعي يعرفوا اي حاجه عشان خاطري
فارس...مش هقول والله بس ادعي انتي ميعرفوش من المديا لو الحكايه انتشرت
دينا...لا من ناحيه هيعرفوا فا اكيد هيعرفوا دي الجرايد والسوشيال ميديا هيتقلبوا اكيد بعد اللي حصل ده واولهم انا بصراحه بفكر دينا تكون المرادي هي ضيفه البرنامج
علي...بسرعه لا يا دينا مش وقته خالص عارف ان ده شغلك طبعا بس كمان ممكن ده يكون في قلق علي زينه احنا مش ضامنين اللي لسه بره ومتمسكوش ممكن يعملوا ايه
شمس....علي معاه حق
دينا...بس الظابط قال ان اللي وراه اتمسكوا
علي....مش في خلال كام ساعه هيكون الكل اتمسك يا دينا وادام في ناس في الجهاز بلغت خالد انه اتعرف اكيد نفس الناس دي وصلت للكبار اللي حصل يمكن فيهم حد سافر بسرعه ويمكن كمان مش كل اللي معروفين دول هما بس اللي متهمين اكيد فيهم ناس مش معروفه ولا حتي معرفه هويتها للي بيشتغلوا معاهم
فؤاد....علي معاه حق خلي الموضوع يهدي شويه ونطمن اكتر وان شاء الله يا زينه بعد ما التشميع اللي عالڤيلا ده يتفك والدنيا ترجع طبيعيه لازم يكون عندك حارس لازم يكون معاكي واحده تساعدك والاهم من كده متبقيش لوحدك لازم الڤيلا بتاعتك تتأمن اكتر من كده
علي....صح يا فؤاد وده هيتعمل فعلا قريب
بصتله زينه من غير ما تتكلم
قرب فارس منها تاني وخدها في حضنه
زينه...وحشتني اوي
فارس...باسها من راسها انتي اكتر يا زينه والله كنت مفتقدك جدا ومفتقد حضنك
علي...بصوت غير مسموع طلعتلي منين يا سي فارس انت كمان
ماجد...خالتي عامله ايه يا فارس
فارس...الحمد لله بخير
بتسلم عليكم كلكم
علي....الله يسلمها بقول ايه يلا اتكلوا بقي علي الله كده
ماجد...انا مش همشي واسيبها دينا وانا كمان
علي....مش هينفع اولا كده انت ودينا جايين من سفر وكان يوم طويل جدا ودينا محتاجه ترتاح عشان الحمل
شمس...فعلا دينا كفايه عليها كده بهدله سفر وانت سايق بسرعه ومن بدري علي اعصابنا لازم ترتاح
علي...انتي وفؤاد وندا كمان لازم ترتاحوا
دينا....طيب ما انت جاي من سفر
علي...ياستي انا كويس وبعدين انا واصل قبلكم يعني ارتاحت شويه وخلينا نكون كده بنبدل عشان منسبهاش لوحدها ابدا
ماجد...ارتاحت ايه بس انت واخد الخضه من اولها
علي...اسمعوا يلا الكلام روحوا ارتاحوا وبكره تعالوا وكمان عشان فارس لسه واصل من سفر طويل انت ناسي ان الڤيلا عند زينه متشمعه يعني مش هينفع ينام فيها
فارس...لا لا انا هفضل مع زينه انت روح يا علي ارتاح
علي...من تحت سنانه اه يا ابن الجزمه😡
ابتسم فؤاد غصب تنه وحاول يداري ضحكته وهو شايف علي بيطلع نار لمحته شمس ابتسمت وضربته علي ايده🙄😂🤫
علي....اولا كده انت لازم تروح عشان انا قولت هفضل معاها ثانيا لو احتاجو اي حاجه في المستشفي حضرتك مش هتعرف تسد فيها انا هنجز والاهم ان اللي هيأعد معاها هيأعد في اي مكان بره مش معاها وانت جاي من سفر محتاج ترتاح واعدتك بره علي اي كرسي ملهاش لازمه ومش هتعرف تعمل اي حاجه
ماجد...في دي علي عنده حق
فارس...طيب ماشي بس انا هروح اي فندق
ماجد...انت عبيط يالا فندق وانا موجود
فارس...معلش يا ماجد سبني براحتي مش عايز اكون حد مزعج
دينا...مزعج ايه بس يا فارس ايه الكلام ده بس
علي...خلاص محلوله طلع علي من جيبه المفاتيح اتفضل ياعم ده مفتاح الڤيلا بتاعتي اعد فيها لحد ما الڤيلا بتاعت زينه ترجع زي ما كانت وانا عندي هدوء مفيش حد لا تزعجه ولا يزعجك
شمس...اهي اتحلت
فارس...خد منه المفتاح تمام يا علي
علي...يلا اتكلوا علي الله بقي
سلموا كلهم علي زينه وراح فارس حضن زينه اوي
فارس...بكره هكون عندك
زينه...ان شاء الله يا حبيبي
قرب علي من شمس في هدوء
علي...شمس بقولك ايه
شمس...قول
علي... روحوا مع فارس وصلوه لحد الڤيلا ووريله اوضه يأعد فيها ممكن الاوضه بتاعتك واقفلي اوضتي بالمفتاح وخليه معاكي
شمس...اشمعني
علي...مذكرات زينه لسه معايا واخاف فارس يدخل الاوضه ويشوفها وبعدين الفضول وحش
شمس...بتريقه انت هتقولي🙄
علي...فهم علي مقصدها وبصلها بقرف😒😒 اتكلي علي الله يا شمس انا غلطان اصلا اني بقولك
شمس...بضحك خلاص خلاص متقلقش هاخد المفتاح وبكره وانا جايه هجيبهولك
علي...تمام ومعلش امسكي الفلوس دي وانتوا ماشيين عدي علي اي سوبر ماركت هاتي شويه حجات حطيها في التلاجه عشان انتي عارفه انا كنت مسافر والتلاجه فاضيه ابتسم علي وهو بيفتكر حواره مع زينه
شمس...طيب خلاص شيل فلوسك دي
علي...بت ماتخلنيش اعلي صوتي ايه هتصرفي عليا يلا امسكي
شمس...بابتسامه ماشي يا سيدي يلا باي
علي...سلام
فؤاد...خد بالك من زينه يا علي
علي....متقلقش
ماجد...لو احتجت حاجه عرفني
علي....ماشي ياصاحبي
ما يلا يافارس😒
فارس...اوك اوك جاي خلاص حضن زينه تاني اوي وهي متعلقه بيه زي الاطفال
أبتسم علي رغم غيرته من فارس كان حاسس ان روحها رجعتلها بجد بمجرد ما شافت فارس وبالرغم من انه عرف انهم مش اخوات لكن زينه وفارس متعلقين ببعض جدا
فارس...خلي بالك منها يا علي
علي...متقلقش عليها دي معايا
فارس....بكره هكون عندك ان شاء الله
زينه...لو حبيت تتحرك بالعربيه خد عربيتي والمفتاح هتلاقيه جمب باب الڤيلا من جوه
علي...صعب الوقت حد يا خد حاجه يا زينه انتي ناسيه التشميع هو معاه ماجد وفؤاد وكلهم مش هيسيبوه لحد ما الدنيا تتظبط
فارس....خلاص ان شاء الله هتتحل انتي عارفه انا اصلا مش بعرف اسوق في مصر
فارس....طب يلا بقي عشان مستنينك بره
فارس...يلا باي يا زينه باي ياعلي
علي...باي😒
فارس...ان شاء الله
خرج علي بره يودعهم ومشيوا كلهم رجعت زينه براسها لورا بارهاق وتعب شديد كانت حاسه بألم بسيط في كتفها وكانت بردانه اوي لبس المستشفي اللي هي لبساه خفيف عليها والبطانيه بعيده شويه مش قادره ترفعها حضنت نفسها بايدها عشان تحاول تدفي نفسها شويه
دخل علي الاوضه
وهو ساكت زي ماهو مش قادر يتكلم معاها وزعلان منها
زينه...كانت حاسه انه زعلان وكانت خايفه تتكلم معاه
خبطت الممرضه في الوقت ده ومعاها شخص بيحطلها العشا بتاعها هي وعلي بأعتباره مرافق وطبعا المستشفي اللي كانت زينه فيها مستشفي خاصه بتسمح لأي حد من اهل المريض يكونوا معاها زينه كانت في قسم vip والاوضه اللي كانت فيها تشبه غرف الفنادق.
دخل الشاب حط العشا وخرج
الممرضه...بأبتسامه عامله ايه الوقت
زينه...بابتسامه بسيطه الحمد لله بس كتفي في الم شويه الدكتور من حوالي ساعه ونص اداني مسكن لكن التأثير بتاعه راح بسرعه وأبتدا يتعبني تاني
الممرضه...معلش ده تأثير العمليه انتي لسه عملاها من كام ساعه وده جرح يعني طبيعي تحسي بألالم ده وعموما انا جيبالك مسكن لو تحبي احطهولك الوقت في المحلول تمام لو تقدري تتحملي شويه واحطهولك بعد شويه عشان تقدري تنامي اللي يريحك انا موجوده معاكي لحد الصبح يعني هفضل راحه جايه عليكي
زينه....خلاص خليه شويه كده ولو حسيت اني مش قادره اتحمل الوجع هقولك
الممرضه...طيب تمام الوقت بس هحطلك محلول تاني عشان ده خلص وهقيس الضغط وفي ادويه لازم تاخديها عشان ده معادها والاهم انك بعد ما تاخديها تاكلي كويس عشان الادويه دي تقيله شويه
زينه...حاضر
ابتدت الممرضه تركب المحلول الجديد وقاست الضغط وبعد كده ادتها الادويه بتاعتها
الممرضه...كده انا خلصت كل حاجه اي وقت تحتاجيني تدوسي بس عالزرار اللي جمب السرير ده هكون عندك فورا
زينه...بأمتنان شكرا ليكي بجد تعبتك معايا
الممرضه....مفيش تعب يا فندم ولا حاجه تحت امرك والف سلامه عليكي
زينه....الله يسلمك
الممرضه...بعد أذنكم
ابتسم علي وهزلها راسه من غير ولا كلمه خرجت وقفلت الباب وراها
بصلها علي واول ما شافته زينه بعدت عينها عنه بسرعه
قرب علي من صنيه الاكل بتاعتها شالها وحطها علي تربيزه بتتحرك وقربها من السرير
علي...يلا كلي الامل ده كله
زينه...من غير تعليق ولا حتي اعتراض هزت راسها
بعد علي وراح اعد عالكنبه
زينه...احممم هو انت مش هتاكل
علي...بأقتضاب لا مش عايز
زينه...ليه انت مكلتش من الصبح او يمكن من امبارح كمان
علي...مليش نفس كلي انتي عشان العلاج اللي بتاخديه انا هقوم اشرب سيجاره في البلكونه
زينه....لو مكلتش انا كمان مش هاكل
بصلها علي وعلي وشه ملامح برود وغضب
علي....زينه بلاش دلع واتفضلي كلي وملكيش دعوه بيا اكل ولا ماكلش انا لما احسن اني جعان هبقي اكل اخرج الاقيكي هلصتي اكلك وقام علي دخل البلكونه الصغيره اللي موجوده في الاوضه وقفل وراه عشان الريحه متدخلهاش
اتجمعت في عيون زينه الدموع بحزن واتأكدت ان علي فعلا خلاص قلب عليها
ابتدت تاكل براحه عشان ميخرجش يسمعها اي كلام كانت حاسه انها بتبلع بالعافيه وملهاش نفس فعلا كلت حاجه بسيطه جدا وبعدت بايدها السليمه التربيزه شويه دموعها نزلت غصب عنها حاولت تشد البطانيه عليها مكانتش قادره في رعشه في جسمها من البرد ورعشه بسبب الالم رجعت راسها لورا عشان تحاول تنام قبل ما يخرج غمضت عينها لكن مكانتش قادره تنام الوجع بيزيد عليها لكن قررت انها تتحمله شويه كمان
بعد شويه خرج علي لقاها منكمشه علي نفسها من البرد ومغمضه عينها لكن من حركه عينها كان عارف انها مش نايمه بص عالاكل وقرب منها
علي...مكلتيش ليه
فضات زينه مغمضه عينها
علي....زينه انا عارف انك منمتيش مكلتيش ليه
فتحت زينه عينها بهدوء كلت يا علي بس مش قادره اكل تاني
علي....مفيش حاجه اسمها مش قادره انتي ملمستيش الاكل اصلا قرب منها التربيزه تاني اتفضلي يلا كلي
زينه...بدموع بتحاول انها متنزلش مش قادره يا علي صدقني انا شبعانه بجد كلت بس خلاص مش عايزه
علي....اشربي العصير طيب
زينه....مش قادره
علي...زيييينه متخلنيش اتعصب عليكي اشربي من فضلك مسكت زينه الكوبايه قربتها من بوئها وهي دموعها نازله
علي...كان شايفها لكن حاول يتجاهل دموعها دي
فضلت تشرب حوالي نصها وبصتله
زينه...شبعت يا علي مش قادره
بصلها بغضب وخد منها الكوبايه حطها عالتربيزه وبعدها عنها
مسحت زينه دموعها ورجعت عالمخده وضمت رجليها عشان تحاول تدفي نفسها
بصلها علي من بعيد كانت صعبانه عليه
قرب منها فرد البطانيه علي جسمها وغطاها كويس فضلت زبنه مغمضه عينها عشان متحاولش تواجهه وحست بالدفئ
قفل علي النور القريب منها وساب نور بسيط مكان ماهو اعد عند الكنبه مسك موبايله وفضل يقلب فيه شويه ويرجع يبصلها تاني وهي نايمه منكمشه علي نفسها وراح في النوم مكان ماهو اعد من كتر التعب محسش بنفسه
عدي حوالي نص ساعه.
حست زينه ان في صوت فتحت عينها براحه وبتعب عينها جت علي أوكره الباب اللي بتتفتح أعتقدت أنها الممرضه الباب اتفح مره واحده وظهر ادامها نفس الشخص بهيئته المرعبه وملابسه السوده اللي مش مبينه غير نص وشه اترعبت زينه مجرد ما شافته وقلبها اتقبض قامت نص قومه بتحاول تتحامل علي كتفها وترجع لورا لمحت بيخرج من السويت شيرت اللي لابسه السكينه بصت علي علي اللي نايم عالكنبه تصرخ بأسمه قبل ما يقرب منها لكن فجأه رفع ايده علي بوئها ورفع بأيده التانيه السكينه لفوق ونزلها مره واحده وهي بتصرخ بصوت مكتوم.
علي...زينه زينه زينه اصحي زينه حبيبتي اصحي
فتحت زينه عينها من كابوس كان هيوقف قلبها مسكت في علي ومن غير مقدمات شدت علي ودخلت جوه صدره
زينه...بدموع متسبهوش يقتلني يا علي متسبنيش ياعلي
علي...اتصدم من فعلتها لكن بدون وعي ضم راسها لقلبه
علي...متخافيش زينه ده كابوس يا حبيبتي نطقها لتاني مره من غير تفكير ولا وعي للي بيقوله صوت قلبه كان اقوي واصدق من صوته اللي بيحاول يتظاهر بيه
فضل علي واخدها في حضنه ما هديت وهي كمان انتبهت انها جوه حضنه اللي فوقها البرڤيوم الخاص اللي تخللت كل جزء في جسمها كأنها كانت فاقده الوعي وتأثير البرقيوم بتاعه رجعها من تاني خرجت براحه من حضنه سحب علي نفسها وهو بيبصلها
علي...انتي كويسه
هزت زينه راسها مش قادره تتكلم من الموقف اللي كانت فيه
علي....امسكي اشربي
خدت منه زينه الميه وهي ايدها بتترعش
قرب علي الميه منها عشان متوقعهاش علي نفسها شربت زينه شئ لا يذكر
علي....انا جمبك يا زينه متخافيش بصتله زينه وهي بتعيط انا اسفه يا علي اسفه مقصدتش اعمل اي حاجه تزعلك او تزعلكم كلكم
علي....بحزن مش وقته يا زينه الكلام ده
زينه...لا وقته انت زعلان مني ومش عايز تكلمني
علي....بتنهيده زينه عشان خاطري انا مش عايز اتكلم في حاجه الوقت عشان لو اتكلمت انتي اللي هتزعلي وانا مش عايز أزعلك يا زينه
زينه....وانا راضيه بش بلاش تكون كده معايا
علي....صدقيني يا زينه انا مش هقدر ازود علي اللي ماجد قاله هو قال تقريبا كل اللي انا عايز اقوله بس انتي وجعتي قلبي يا زينه ورعبتيني عليكي
بجد كنت حاسس اني متكتف وانا مش عارف اوصلك وشايفك ادامي بتصرخي وهو ماسكك في ايده كلام كتير عايز اقوله يا زينه بس لا هيقدم ولا هيأخر أحساسي بالذنب بمجرد ان اللعبه دي انا صاحب الفكره بتاعتها احساس وحش ان ممكن شخص يتأذي بسبب فكره ليك من غير ما تحس
زينه....انا اسفه والله ما هكررها تاني ياعلي
علي....عارف انك مش هتكرريها تاني يا زينه ومش بمزاجك علي فكره صدقيني يا زينه لو حصلت تاني هتلاقي مني رد فعل مش هيعجبك سمعاني يا زينه
زينه...حاضر
علي..بأبتسامه مد ايده مسح دموعها بلاش عياط بقي
زينه....مسحت دموعها وبصتله ممكن ترن علي الممرضه
علي...عايزه ايه انا هعملهولك
زينه....عايزه المسكن تعبانه اوي
علي....حاضر
رن علي الجرس ثواني بسيطه وجت الممرضه حطتلها المسكن وسابتهم وخرجت
علي....يلا حاولي تنامي وانا هجيب الكرسي واعد جمبك هنا ماشي
زينه...ماشي
راح علي شال الكرسي وحطه جمب السرير غطاها كويس وفضل اعد جمبها حست زينه بتوتر من نظراتها فا هربت منها باغلاق عينها لحد ما مفعول المسكن ابتدا يأثر فيها وراحت في النوم
عدي حوالي ساعتين كان الفجر أذن فتحت زينه عينها علي كان رايح في النوم
حاولت زينه ترفع نفسها براحه حاولت تشيل الكانولا من أيدها لكن مكانتش عارفه الايد اللي فيها الكانولا هي الايد السليمه
وفجأه🤫🤫
أشوفكم بكره
