#جريمه_فى_حى_المقطم
#صاحبه_البطل_الواحد
#اميره_اسامه
البارت السابع..
وصل علي تحت الجريده..
علي...حمد الله علي السلامه أتمني ماشوفش وشك سنه قدام😒
زينه...ليه بس مكانتش توصيله يعني🥴🥴
علي...توصيله مهببه شايفه منظري ومنظر إيدي عامل أزاي🤨
زينه....أغسل إيدك وهي تبقي نضيفه😁
علي...إنتي صح تصدقي كانت تايهه عن بالي إنزلي يا زينه إنزلي بدل ما أفتح الباب وأرميكي بره
زينه...أهون عليك تبوظ برستيچي
علي....بضحك انزلي يا ام برستيچي ده برستيچي انا اللي باظ خالص 🤨
زينه...علي فكره بقي لايق عليك انت مش رسام والرسام ديما ايده متبهدله
علي....تفتكري🤔
زينه....ايوه افتكر شوفت ضحكت عليك بسرعه ازاي😂
علي....طب امشي يلا بدل ما فؤاد يعلقك
زينه...هو من ناحيه هيعلقني فاهو هيعلقني بقولك ايه صحيح
علي....خير 🤨
زينه..انت عندك شغل ولا رايح فين
علي...أشمعني
زينه....ابدا ندا كلمتني لما صحيت وقالتلي ان شمس هتعدي علينا وهنتغدي سوا كنت هقولك تيجي يعني
علي....لا مش هينفع انا عندي كذا مشوار رايح اجيب تذكره السفر وفي كذا حاجه نقصاني في ادوات الرسم محتاج اجبهم قبل ما اسافر وكنت بفكر انهارده اكمل اللوحه اللي سايبها من قبل ما اسافر ومخلصتهاش
والأهم من كل ده اني هطلع علي اقرب ميكانيكي اظبط العجل بتاعك اللي عنده غيبوبه ده😡😡
ضحكت زينه عليه😂😂
زينه....بقولك ايه بشويش عليه وانت بتصحيه 🙄
علي...انزلي يابت من هنا😒
زينه...وهي بتفتح ونازله يعني مش هتيجي
علي....لا امشي🤨
فتحت زينه ونزلت وبصتله من الشباك..اكيد يعني مش جاي😏
علي...بأبتسامه حس انه فرحان من ألحاحها عليه انه يجي انتي عايزاني اجي😉
زينه...🙄 بصراحه أه
علي....أشمعني 😍
زينه....يعني اروح لوحدي من غير ما حد يوصلني يا علي ينفع كده🙄😁
علي...😡😡😡😡😡🤨 زينه ارجعي كده لورا
زينه....هتضرب ولا ايه
علي...ارجعي بس
رجعت زينه لورا.
علي...دور العربيه ومشي وهو بيقولها انا مش عايز اشوف وشك يا زينه وهتروحي تلاقيني راميلك العجل في الڤيلا وابقي ركبيه انتي
ضحكت زينه من قلبها وحست بفرحه وهي بتلاعبه وبتلعب بأعصابه 😍😍😂
....
طلعت زينه علي شغلها وهي بتحاول تداري ضحكتها مش عارفه تسكت ولا قادره تنسي شكل علي وهو مش طايقها
بقلمي …………………….أميره أسامه
عدت كام ساعه كل واحد كان بيشوف شغله
في الوقت ده كان علي اول حاجه عملها بعد ما ساب زينه راح جاب التيكت بتاعت السفر وبعدها راح يشتري الحاجه اللي نقصاه في حاجه الرسم وطبعا علي كان بيروح المكان ده بينسي نفسه فيه بالساعات بمجرد ما يشوف ادوات الرسم بيحس انه في عالم تاني حتي لو مش هيشتري حجات كتير لكن كان بيفضل يلف ويتفرج بشغف وحب
بص علي في ساعته أتفاجئ من الساعه اللي كانت خمسه المغرب..خد حاجته اللي جابها وخرج بسرعه من المكان راح علي أقرب ميكانيكي ظبط عجل العربيه لزينه وبعد ما خلص لقي رجله بتاخده علي الجريده
وهو مبتسم وافتكر اللي حصل بينهم الصبح.
بعد وقت بسيط وصل علي الجريده طلع لقاهم كلهم في مكتب فؤاد.
علي....السلام عليكم
الجميع عليكم السلااااام
فؤاد....ياجدع طب خبط سرعتني
علي....ما انا سألت السكرتيره قالتلي انكم كلكم هنا
زينه...كانت بصاله وفي قلوب بتطلع من عينها فرحانه انه جه مع انها كانت واثقه انه هيجي عشانها.
شمس....حماتك مبتحبكش لسه مخلصين اكل من شويه
علي...مش مهم المهم اني بحب بنتها😉
بصت زينه بصدمه 🥺
شمس...يا سيدي ياسيدي طب ايه مش يلا
علي....يلا ايه يا هبله وبعدين انتي ايه اللي جايبك هنا
ندا....علي بيغلوش عالكلام
مسك علي من علي مكتب فؤاد بتاعت الاقلام وعمل انه هيحدفها علي ندا
ندا...بضحك خلاص خلاص بهزر يا رمضان
علي....رخمه😒
شمس....سيبك منها المهم انا جيت عادي خلصت اللي ورايا وقولت اجي ارخم عليهم😂 انت بقي ايه اللي جابك
علي.....انا كمان قولت اجي ارخم عليكم شويه خصوصآ اني هحرمكم من رخامتي دي يوم الخميس
شمس...انت مسافر امته صحيح
علي...يوم التلات بأذن الله
شمس...انت هتأعد اد ايه
علي...والله ما عارف لسه حسب الشغل يعني حوالي اسبوع ممكن اقل اكتر مش عارف
شمس....ترجع بالسلامه يارب يا حبيبي
علي....طب ايه هو الغايب ملوش نايب انا جعان
فؤاد....اعوذ بالله انت علي طول جعان
علي...شوف مين اللي بيتكلم😒
شمس...بضحك في دي يا فؤاد علي عنده حق😂😂
فؤاد...ماهو اخوكي يا اختي مين يشهد للعروسه
تاكل ايه
علي...من اللي كنتوا بتاكلوه🤨
خبط في الوقت ده صحفي يسأل عن زينه بسرعه
رامي...فؤاد باشا
فؤاد...تعالي يارامي
رامي...مساء الخير اسف علي الازعاج بس كنت عايز انسه زينه بسرعه
بصله علي وهو رافع حواجبه🤨
زينه...ايوه يارامي جايه
فؤاد...في حاجه ولا ايه يا رامي
رامي...اه إشعار يا باشا
زينه...استر يارب
فؤاد....سهله ولا
رامي....ميتهيأليش تقطيع
فؤاد....ربنا يستر بلغيني يا زينه
زينه...قامت بسرعه تمام هروح بسرعه وهقولك
خرجت زينه بعد الكلمتين دول مع رامي وعلي اعد علي أخره بس بيحاول ميبينش
علي...هو في ايه وايه الأشعار ده
فؤاد....دي جريمه لسه حاصله الوقت
علي....وهو انتوا بتعرفوها ازاي علي حد معلوماتي يعني ان الشرطه اول ناس بتحاول تخفي عنهم الخبر الصحافه بالذات
فؤاد....اكيد بس ده شغلنا بقي لينا عيون في كل مكان وحبايب بنعرف الخبر قبل ما الشرطه كمان بتوصل المكان
فرد علي رجله وربع ايده ورجع بضهره لورا امممم قولتلي بقي
ندا....احنا جامدين اوي علي فكره
شمس....بس تعرفوا بعيدا عن الكتابه كنت اتمني اشتغل صحفيه
علي....علي اساس قلبك جامد اوي
فؤاد...علي فكره هي ملهاش علاقه اوي بالقلب الجامد قد ما ليها علاقه بالشغف والمهاره اكتر
ندا....ازاي بس انا مقدرش علي شغل زينه اخاف
فؤاد....بردو ملهاش علاقه بالخوف لو شغفك قوي بالأكتشاف والغموض حتي لو قلبك ضعيف هتكملي يعني زينه مثلا شاطره جدآ بس في شغلك يا ندا وحوارات الفنانين متعرفش كل واحد فيكم شاطر في مكانه فهمتي
ندا....فهمت😍
علي...وعلي كده بقي زينه قلبها ضعيف ولا جامد
فؤاد....زينه بتحب شغلها بس عادي انها اوقات تخاف او تكش من اي جريمه بتقابلها هي فالاخر بني ادمه
سرح علي وفضل مركز عالباب مستنيها ترجع عايز يروحلها وحاسس بالغيره بس مش راضي يلفت نظرهم وتايه خالص عن نظرات فؤاد وشمس لبعض اللي حاسين بيه من ساعت ما دخل عليهم رامي.
