جريمه_فى_حى_المقطم
#صاحبه_البطل_الواحد
#اميره_اسامه
😍 البارت السادس...
روح علي دخل خد شاور وغير هدومه وراح نام عالسرير مسك المذكرات اللي أفتقدها من الصبح وأبتدا يقرأ
زينه...📝6/8/2020
كل يوم بيعدي بحس اني متوتره أكتر اللي أعرفه أن أي بنت فرحها بيقرب بتكون طايره من السعاده بس انا متوتره اوي خايفه وقلبي مقبوض بطريقه تعبتني مش قادره أتكلم مع حد ولا أحكيله اللي جوايا كل ما تخد الخطوه اني احكي لصحابي برجع فكرت كتير اروح لدكتور نفسي عشان افهم الحاله اللي انا فيها دي سببها أيه هل ده شعور طبيعي لأي بنت هتتجوز وتدخل حياه جديده ولا لسه صدمه التاريخ مأثره عليا
يمكن لسه علي مرحله الزفاف شويه واللي هيحصل مش اكتر من كتب كتاب لكن التوتر اللي كنت حاسه بيه مش طبيعي ...جمال أقترح عليا اننا نتجوز علي طول ومفيش داعي للتأجيل ادام اغلب حاجتنا جاهزه وحاول يقنعني ان دي فرصه عشان ماما وبابا هيكونوا معايا يمكن ميعرفوش ينزلوا وقت الفرح رفضت رفض تام لدرجه انه زعل مني بس مكنتش عارفه اقوله ايه ولا اوصفله الشعور اللي جوايا أزاي لقيت نفسي بتحججله بأي حاجه واني لسه محتاجه اعمل حجات كتير علي مزاجي مقتنعش لكن مكانش أدامه حل غير انه يلبيلي طلبي..عدي حوالي يومين ووصل بابا وماما كنت فرحانه جدا اول ما شوفتهم حسيت بصدمه وتوتر وقلق وخوف كل الاحاسيس اللي تبين ان البني أدم متلغبط وجواه صراع كانت ملازماني وقت ما شوفتهم بس بدون ما حس لاقيت نفسي بجري عليهم وبحضنهم وانا منهاره من العياط كنت بعيط عياط هستيري معرفش جبت منين كل الدموع دي بس الحقيقه أنهم كانوا واحشني جدا كنت محتاجه أحضنهم اوي محتاجه أصرخ جوه حضنهم
أتجمعنا كلنا لاول مره في اليوم ده بابا وماما وجمال وماجد ودينا وفؤاد وشمس وندا حتي خالتو جت عشان تشوف ماما كان يوم جميل اوي كنت حاسه اني مبسوطه بجد كنت بحاول أعمل نفسي عبيطه وأتناسي الاحداث اللي بتمر أدام عيني طول الوقت ...ومن اول ما وصلوا كنت عندي أحساس ان فارس جه معاهم وضحك عليا عشان يعملهالي مفجأه لدرجه اني كنت كل شويه وانا اعده معاهم أبص عالباب وعندي أمل انه هيدخل في اي لحظه لكن ظني خاب وفعلا فارس مجاش
عدت الايام اللي قتتت بسرعه ومبقاش فاضل غير يوم واحد علي كتب الكتاب حجزنا المكان وفعلا جه اليوم اللي المفروض هتكب فيه علي اسم جمال منكرش اني وقتها كنت مبسوطه اوي
لكن فضلت طول كتب الكتاب قلبي بيدق بطريقه مرعبه كنت حاسه اني هيجرالي حاجه في أي وقت لكن عدت علي خيرا وبقيت مرات جمال عدت ايام كتير وقرر بابا انه يرجع عشان شغله وفعلا رجعوا.
فضل علي يقرأ كتير جدا لحد ماعدي وقت طويل من مذكراتها.
زينه..انهارده 1/1/2021
اول يوم في السنه الجديده فضلنا امبارح طول الليل سهرانين انا وجمال وصحابي والحقيقه ان اليوم كان مميز اوي عشان علي معانا وتقريبا دي كانت اول مره يكون متجمع معانا من بعد مارجع من حوالي شهر كان وحشني بجد وكنت مفتقداه جدا متغيرش زي ماهو نفس الشكل والطباع ونفس كل حاجه مهما بيعدي الوقت علي مبيتغيرش ابدا.
زينه📝
انهارده22/2/2021
بقالي كتير مكتبتش حصل حجات كتير الشهر اللي فات ده كله منعتني من الكتابه او بالاصح كان في حاجه اكبر شغلاني عشان كده قررت اكتب انهارده
طول الفتره اللي فاتت كنت كل يوم بحس بحجات من ناحيه جمال يمكن تبان تاقه لاي حد لكن بالنسبالي مكانتش تافهه هي فعلا كانت بتضايقني اولهم عمري ما حسيت ان جمال بيحبني بجد اوقات كتير كنت بحس اني مش فارقه معاه بمعني اصح مكانش بيسأل غير مره واحده في اليوم مكالمه سريعه ما بتتعداش ال40 ثانيه كنت براقب التوقيت من اول ما افتح الخط عمرها ما جابت الدقيقه وده بالنسبالي غريب مش معني كده اني عايزه ارغي بالساعات لا خالص لكن غريب اوي اتنين مرتبطين او كاتبين كتابهم كل اللي بينهم يكون مكالمه مدتها مجابتش دقيقه عمري ما حسيت انه غيران عليا ارجع من الشغل متأخر اسافر اهزر مع صحابي مفيش غيره تماما ويمكن كمان اوقات كنت بسافر شغل وارجع وهو ميعرفش ولا حتي بيسأل ولما كنت اتصل عشان اعرفه كان بيبقي ديما مشغول واوقات مكانش بيرد واحيانا يكنسل أبتديت أتخنق ومسألش واركز في شغلي.. عدي علي معاد كتب كتابنا حوالي اربع شهور وحاسه اننا بنبعد مش بنقرب عمري ما حسيت انه بقي جوزي ديما كنت حساه غريب عني والاغرب من كده المفروض اننا كنا اتجوزنا اخر السنه 2020او بدايه السنه الجديده 2021 لقيت جمال بيأجل بحجه انه عنده شغل كتير أبتديت احس ان في حاجه وطول الشهر اللي فات من بعد رأس السنه وانا بدأت أركز معاه ديما موبايله كان مشغول بالساعات ولما كنت اسأله يقولي شغل كان علي طول الواتس بتاعه مفتوح ولما اقوله بتكلم مين يقولي لا ده انا يظهر سبت الواتس مفتوح ونسيت اقفله
الشك عندي بقي يزيد جدا لدرجه اني أبتديت اراقب تحركاته بيروح فين بيكلم مين بيتأخر ليه لحد ما اتصدمت لما شوفته في يوم ماسك ايد بنت ومشبك ايده بأيدها الوضع كان مريب وظاهر لاي حد ان في علاقه بينه وبينها مقدرتش اقف بعيد كتير وقررت اني اعرف جوزي اعد مع مين ومين دي اللي مغيره حاله روحتله ووقفت عالتربيزه اللي كانوا واقفين عليها وقتها اتصدم لكن صدمته مكانتش خوف او أحساس بالندم كانت صدمه مفجأه مش أكتر كنت حاسه أنه كان بيتمني ان ده يحصل واشوفه فضلت ساكته وعيني راحه بينه وبينها وكل واحد فيهم حاله مكانش يقل عن حالي قرر جمال انه يتكلم وعرفها بيا استنيته يعرفني مين دي سكت اتكلمت انا وسألته مين دي يا جمال وليه قافل موبايلك من بدري
اتلخم ومقدرش يرد عليا لكن اللي ردت البنت وردها صدمني ونزل جمال من عيني بعد ما كنت بحترمه جدا
قالتلي ....انا حبيبته
وقتها كأن الكلام اختفي وكل الاسئله اللي في بالي مبقتش موجوده...كملت البنت كلامها
مالك مستغربه ليه
جمال قالها بس يا ساره
وقتها مفيش حد جه في بالي غير ساره اللي كانت حبيبته وخطيبته
زينه....ساره مين وتقصدي ايه باللي بتقوليه
قالتلي أعدي يازينه انا هفهمك
أعدت من غير ولا اي كلمه سمعت كلامها كأني مغيبه كان كل اللي هاممني اعرف ايه اللي بيحصل وليه جمال متغير
قالتلي انا ساره انا وجمال بنحب بعض وكنا مخطوبين وحصل بينا تاتش وسيبنا بعض فتره طويله وعرفت بعدها ان جمال خطبك كنت عارفه ان جمال مش هيقدر يتخلي عني بسهوله كده اصل اللي بيني وبينه مش حب عادي قولت جمال بيعمل كده عشان يضايقني فضلت ساكته مع اني كنت بموت من غيرتي عليه بعدها شهر 8 اللي فات كتب كتابه عليكي مكنتش مصدقه انه قدر بسهوله كده يتخلي عني وحسيت ان جمال بيضيع من ايدي بجد تعبت جدا وحالتي النفسيه أتدهورت ودخلت في حاله أكتئاب حوالي 3 شهور لدرجه اني أنتحرت اول يوم في السنه الجديده مكنتش عارفه انا بعمل ايه ولا بفكر أزاي بس مكنتش قادره اتخيل حياتي من غير جمال حب كذا سنه واحلام وطموح وتحضيرات وخطط كل ده في لحظه مبقاش موجود حتي جمال اختفي من حياتي وبقي مع حد تاني غيري ومكتوبه كمان علي أسمه مقدرتش أستحمل وانتحرت خدت كميه برشام كبيره وانواع ملهاش علاقه ببعض بوظت حجات كتير فيا ودخلت في غيبوبه حوالي خمس ايام
كنت حرفيا بين الحياه والموت لما فوقت لقيت جمال جمبي
كمل جمال كلامه...زينه انا عارف ان اللي بيتقال ده كله انتي ملكيش دعوه بيه ولا ليكي ذنب في اي حاجه انتي حد جميل يا زينه وتستاهلي احسن حاجه فالدنيا صدقيني انا حاولت بس مقدرتش قلبي مع ساره يا زينه كنت فاكر اني هقدر اكمل معاكي وانساها لما طلبت منك اننا نتجوز يوم كتب الكتاب كنت بجد عايز ابدأ حياتي معاكي بس لما انتي أجلتي قولت خلاص عادي نستني مكنتش اعرف ان في حاجه ممكن تحصل تغير القدر لما عرفت ان ساره بين الحياه والموت مقدرتش استحمل لقيت قلبي بيوديني ليها صدقيني يا زينه غصب عني ومش هقدر أظلمك معايا.
زينه...بأبتسامه سخريه وانت كده مظلمتنيش يا جمال سكت وانا بصاله ونزلت من عيني دمعه خاينه حاولت امنعها لكن هي رفضت بس مكانتش حب في جمال لاني من البدايه محبتهوش لكن حسيت ان كرامتي أتداس عليها اوي
جمال..زينه ارجوكي حاولي تفهميني
زينه....افهم ايه يا جمال افهم انك ارتبطت بيا وخطبتني وكتبت كتابك عليا وانت قلبك مش معايا انا مطلبتش منك تحبني يا جمال ولا زعلانه انك محبتنيش لان انا كمان محبتكش يمكن ارتاحتلك لكن حب لا بس انت وجعتني يا جمال وجعتني لما حاولت تنسي ساره بيا
وجعتني لما حاولت توجعها بيا عارف انا بالنسبالك كنت ايه يا جمال كنت لعبه لعبه بتحاول تضايق بيها ساره عشان ترجعلها اللعبه دي يا جمال انا الوحيده اللي اتوجعت فيها وطلعت خسرانه وخسارتي مكانتش فيك يا جمال خسارتي كانت في نفسي اللي اتهانت في كرامتي اللي دوست عليها عشان تحاول ترضي نفسك
مش هقولك اني مش مسمحاك يا جمال بس انت وجعتني اوي وجعتني في وقت انا كنت محتاجه فيه اني اخف من وجعي الاساسي انا همشي يا جمال عايزه ورقه طلاقي تكون موجوده معايا في اقرب وقت ربنا يوفقكم.
سبتهم وخرجت ركبت عربيتي ومشيت وبمجرد ما ركبت دموعي نزلت كنت منهاره حرفيا وحاسه ان قلبي في وجع فظيع جرحي مكانش حب لكن اي ست في الدنيا حتي لو مش بتحب جوزها مجرد ما بتحس انه بيحب غيرها بتتوجع بتحس انه هان كرامتها كنت زعلانه علي نفسي اوي كل ما احس اني بفوق من وجع اتوجع تاني كنت بسوق بسرعه رهيبه كنت حاسه اني هعمل ميت حادثه وقتها نسيت اللي عمله فيا جمال ووجعه فيا فكرني بوجعي فكرني بتاريخ بحاول أنساه
وبسرعه شريط أسود كان بيظهر ادام عيني
28/10/2019
فالوقت ده وقبل ما علي يقرأ راحت عينه فالنوم🤪
...............
في صباح يوم جديد صحي فؤاد وشمس وندا ابتدوا يجهزوا عشان يروحوا شغلهم وبعد شويه نزلوا يفطروا مع بعض.
فؤاد..عندك شغل كتير يا حبيبي
شمس...لا مش كتير اوي وكنت بفكر اعدي عليكم في الجريده انهارده
فؤاد...ياسلام دي الجريده هتنور
ندا....بس يبقي نتغدي مع بعض هناك وانا اللي عزماكم كمان
شمس...الله الله كل ده عشاني😍
ندا...طبعا هو احنا عندنا كام شموسه
فؤاد....ياسيدي عالدلع مش ناويه بقي تكتبي حاجه في الجريده بقالك اسبوع منزلتيش وفي ناس كتير متبعاكي بعتت علي رسايل الصفحه بيسألوا علي القصه بتاعت الاسبوع
شمس....لا يا سيدي ناويه والمرادي هنزلكم حاجه ايه من الاخر 😍
ندا....اوباااا شكلها كده حاجه رومانسيه اموت انا😍😉
فؤاد...🤨🤨نعممم خير ان شاء الله
ندا...بضحك الله هو لا هيبقي حقيقه ولا خيال الواحد يموت نفسه يعني😂😂مفيش حد بيعبرني في الحقيقه يبقي اسرح بخيالي مع حكايات شموسه
فؤاد...متقوليش كده انتي الف واحد يتمناكي يا بت انتي ناسيه انتي اخت مين وبعدين ما انتي يا اختي اللي بترفضي اي عريش يتقدملك
ندا... اهو انا برفض عشان زي ما انت بتقول كده عشان اللي بيتقدم عارف انا اخت مين انا عايزه يا فؤاد اللي يتقدملي يتقدم عشاني انا محسش انه عايز يتقدم عشان يبقي مناسبك وخلاص انت فاهمني ولا عايز تخلص مني ولا ايه بالظبط🤨🤨
فؤاد...فاهمك يا حبيبتي عشان كده عمري ما جبرتك علي حاجه وهفضل طول الوقت مستني انك تيجي وتشاوري بايدك عاللي قلبك اختاره اما بقي من ناحيه اني عايز اخلص منك فا انا لو عليا عايزك تفضلي اعده ادام عيني ومسبكيش لحظه بس كمان نفسي اطمن عليكي وافرح بيكي
شمس....انا يوم ما تتجوزي يا ندا انا اكتر حد هيبقي تعبان بجد مش هقدر اتخيل اني موجوده من غيرك في البيت يعني وجودك هنا يا ندا مخلي المكان في روح لكن زي ما فؤاد قال عايزين نفرح بيكي واعملي حسابك ان يوم ما تتجوزي لازم تبقي ساكنه جمبنا كلنا
ندا...بحب ربنا يخليكم ليا يارب 😍
شمس...وبخصوص بقي يا ستي الحكايه المرادي مش هتبقي رومانسيه انا ناويه اخليها تبقي رعب😈
ندا...بضحك اوعي الأشباح 😂😂 ايه اللي جرالك ما كنتي بعقلك هي ناقصه رعب
شمس...يعني التغيير حلو والواحد لازم طول الوقت يجرب ويغير من نفسه انا مبحبش اني اتصنف عند الناس اني كاتبه رومانسيه بحب اكون كاتبه من غير اي تصنيف اكتب اي حاجه واجرب نفسي في كل حاجه
اصل الكاتب خياله مش ملكه
ندا....اه وخيالك جايب عفاريت المرادي يلا علي بركه الله😂😂 بس اعملي حسابك وانا بقرأها هتبقي اعده معايا ومش بعيد انام معاكي انتي وفؤاد في اليوم ده
فؤاد....دي احلوت اوي عاحبك كده اهي هتيجي علي راسي انا فالاخر
ضحكت شمس وندا علي فؤاد😂😂😂😂😂
فؤاد...طب ايه مش يلا بقي ورانا شغل تموتوا في الرغي
ندا...بضحك جوزك قلاب اوي😂😂😂
شمس....بس يابت ده قمر😍
فؤاد...قلبي😍😍
ندا....لا انا اقوم بقي عشان مبقاش عزول
ضحكوا كلهم وبعد شويه خرجوا كلهم من الڤيلا وكل واحد فيهم راح علي شغله.
........
خرج ماجد ودينا ركبوا عربيه ماجد
ماجد....ايه جاهزه انهارده هتقابلي الولد
دينا....والله مش عارفه يا ماجد إذا كنت جاهزه ولا لا
الولد شكله يقطع القلب
ماجد...ان شاء الله هتقدري انا عارف انك قدها وعارف كمان ان الحلقه بتاعت يوم الخميس هتبقي حلقه قويه جدا بس انتي ركزي كده وياريت نركن العواطف علي جمب يا دينا
دينا...ازاي بس
ماجد...زي الناس احنا شغلنا يا دينا ملوش علاقه بالعواطف المفروض اننا نكون كرف محايد عشان منأثرش علي ردود افعال الناس ولا يتقال عننا اننا بنتحيز لطرف معين
دينا...حتي لو الطرف ده طفل يامجد
ماجد...اه با دينا حتي لو طفل احنا كل اللي علينا اننا نظهر الولد ونخليه يحكي حكايته بمعني اصح نسلط الضوء علي مشكلته والناس هي اللي تقرر وبما انه طفل اكيد الناس كلها هتتعاطف معاه ومش هتحتاج تعاطفنا خالص فهمتي
دينا...فهمت يا ماجد
ماجد...طيب يلا بقي بينا فريق الاعداد منتظرنا
دينا...يلا بينا
ماجد...توكلنا علي الله..
..........
صحي علي من النوم فتح عينه لقي النور مالي الاوضه وهو لسه علي وضعه ومذكرات زينه واقعه جمبه فتح عينه بتعب وقام دخل الحمام وخرج لبس وخد المذكرات بتاعت زينه ونزل بيها علي تحت راح عمل قهوه عشان يفوق شويه
بعد ما القهوه خلصت خدها وراح اعد علي الكنبه
ولع سيجاره وشرب من القهوه وهو باصص علي المذكرات وبيفتكر ايه اخر حاجه قرأها أفتكر انه كان خلاص هيقرا اسوأ تاريخ في حياه زينه مسك علي المذكرات وابتدا يقرأ بلهفه وهو عايز يعرف ايه هو أسوأ تاريخ في حياتها. رجع عند اخر جزء كان بيقرأه مرر عينه عليه تاني بسرعه
زينه📝
وقتها نسيت اللي عمله فيا جمال ووجعه فيا فكرني بوجعي وفكرني بتاريخ بحاول أنساه
وبسرعه شريط أسود كان بيظهر ادام عيني
28/10/2019
وقبل ما يقرأ علي سمع موبايله بيرن بص فيه لقاها زينه فتح بسرعه
علي....الوو
زينه...الووو علي انت صاحي ولا نايم
علي....بلهفه في ايه يا زينه مالك
زينه...مفيش متقلقش بس انا صحيت متأخر وخرجت لقيت العجله نايمه وبحاول اشوف أوبر مفيش اي حاجه
قريبه مني ومش عارفه اعمل ايه
علي....انا صاحي استني انا جايلك
زينه...معلش يا علي هعطلك بس بجد مش عارفه اعمل حاجه في العجله
علي...خلاص بلاش رغي انا جاي
زينه...طب براحه متزأش🤨
علي...بأبتسامه حاضر مش هزأ يلا ثواني وابقي عندك
زينه...ماشي
قغل علي وهو بيتنهد وبصوت مسموع.
علي...يظهر يا زينه تاريخ مش بس اسوأ تاريخ لا ده كمان صعب الوصول ليه بس عادي لازم اعرفه قفل علي المذكرات وخد في ايده كوبايه القهوه و موبايله و مفاتيحه وخرج من الڤيلا ركب العربيه وراحلها
لقاها واقفه فاتحه كابوت العربيه وبتبص فيه وبتلعب في الاسلاك
علي....🤨🤨انتي بتعملي ايه
بصتله زينه...طب قول صباح الخير الاول
علي...خير وهيجي منين الخير انطقي بتعملي ايه
زينه...بابتسامه بلهاء😁بصلح العربيه
علي....عربيه ايه اللي بتصلحيها 🤨انتي مش بتقولي العجله نايمه فاتحه كبوت العربيه وبتنكشي في ايه
زينه....ببص يمكن تتصلح
علي....الصبر يارب ومال الكبوت بالعجل يا زينه
زينه...وانا أيش عرفني مش يمكن تتصلح أيش فهمك انت😒
علي...تصدقي بالله
زينه...لا اله الا الله
علي....انتي اللي ركبك عربيه ظلمك عجله نايمه يا مفتريه تلعبي في الماتور وزأها بايده وسعي كده
زينه...طب متزأش 🤨
حط علي كوبايه القهوه علي العربيه بتاعتها
زينه...لو سمحت شيل القهوه دي هتوسخ العربيه🙄
مسك علي مفتاح بيفك بيه العجل وهو بيعض علي شفايفه وبيرفع المفتاح عليها
زينه...ايه ده ايه ده براحه ياعم بهزر حطها حطها خلاص مش مهم ابقي أغسلها🙄😁
علي....امشي بعيد يا زينه عشان ما فتحتش دماغك
زينه...😒😒ماشي خلص بس العربيه الاول
علي....ماشي ابقي استنيني بره يا زينه انا عارف ايه الجيره المهببه دي بس ياربي الواحد يصحي يفتح عينه علي حاجه عدله ودي تصحيني علي تغير عجل عربيه
زينه...علي فكره بقي انت كداب انت كنت صاحي 🙄
علي....امشي يابت ارجعي ورا امشي🤨😡
رجعت زينه ورا وهي بتحاول تكتم ضحكها فضل علي يفك في العجل ويرفع العربيه
زينه...اووووف ما بسرعه شويه يا اخ علي مش اسلوب ده مش كفايه اني صاحيه متأخر
قام علي من عالارض رمي المفتاح
علي....مش عامل حاجه كمان مش عاجبك هو انا يا اختي اللي خليت يروح عليكي نومه ولا انا اللي نيمت العجله
زينه....ايه ده ايه ده يا اخ علي براحه مش كده هدي اعصابك انا بفضفض معاك مش اكتر يلا كمل وانا هسكت
بصلها علي وهو رافع حواجبه مسمعش صوتك لحد ما اخلص
زينه...حطت ايدها علي بوئها ووقفت تتفرج عليه
راح علي خرج الاستبن من العربيه عشان يركبه أتفاجئ ان الاستبن كمان نايم😳😳
علي....ايه ده
زينه...في ايه
علي....الاستبن نايم
زينه...ماتصحيه
علي...نعممم
زينه...بضحك اقصد يعني ركبه عادي هو بس عشان مركون بقاله كتير
علي...اه عشان مركون فا لسه نايم لما اركبه هيصحي
عارفه انا لو جالي جلطه هيبقي بسببك
زينه...بعد الشر
بصلها علي وهو غضبان هز راسه شمال ويمين وهو بيبتسم وحاطت ايده الاتنين في وسطه اعمل فيكي ايه بس
زينه...🙄 وصلني
علي...بأبتسامه اركبي يا اخره صبري
جريت زينه علي عربيتها خدت الشنطه بتاعت الشغل وموبايلها وكل حاجتها ومسكت كوبايه القهوه بتاعته وراحت ركبت
أبتسم علي وحط العحلتين بتوعها في شنطه العربيه بتاعته عشان يعملهم وراح ركب جمبها
اول ما ركب أبتسمت زينه وهي بتدمله ايدها بالقهوه.
زينه...احلي كوبايه قهوه للاستاذ علي خد بالك انا عملهالك بنفسي
ضحك علي علي شقاوه زينه وخد منها القهوه شرب منها
علي....ايه الحلاوه دي تسلم ايدك
ضحكت زينه
ودور علي العربيه وراح يوصلها علي شغلها😍
