#جريمه_فى_حى_المقطم
#صاحبه_البطل_الواحد
#اميره_اسامه
البارت الرابع والعشرون....💥 الاخير💥
وصلت زينه اخيرا الڤيلا عند علي وهي مش قادره تتنفس من كتر الجري
زينه...علي افتح ياعلي خبطت زينه عالباب بكل قوتها لقت الباب بيتفتح علي اد خوفها اللي خست بيه لما لقت الباب مفتوح لكن مترددتش لحظه انها تدخل فتحت الباب اكتر ودخلت جري وهي بتنادي عليه
زينه...علي علي وفجأه صرخت لما لقت حد بيسحبها من كتفها وسمعت الباب بيتقفل
اتصدمت زينه في صدر علي
علي....اهدي يازينه انا علي
زينه....بخوف مضاعف علي خوفها عليه..علي انت كويس فيك ايه رفعت كفها الاتنين لخده وكانها حاضنه وشه ايه اللي تاعبك كلت ايه تعبلك معدتك هاا انت ساكت ليه طمني عليك يا حبيبي
ابتسم علي جملتها وقلقها الواضح ونسيانها التام للي حصل
علي.....بصوت جذاب ومثير انتي قولتي ايه
زينه....قولت ايه في ايه
علي....قولتي طمني عليك يا أيه
أنتبهت زينه اخيرا واتأكدت انها وقعت في الفخ بعد حصار علي لوسطها وابتسامته أختفت معالم الخوف علي وشها وظهر بدالها ملامح الغضب ورفعت حاجبها 🤨ونزلت ايدها بهدوء وهي بتحاول تتخلص من قبضت ايده علي وسطها.
زينه...انت بتضحك عليا يا علي😡
علي....طب بزمتك مش خوفتي عليا
زينه...اوعي ايدك يا علي وسبني امشي من فضلك انا غلطانه اني صدقتك
علي...مش هسيبك بزمتك اهون عليكي تسبيني وانا بموت
زينه....اه تهون عليا وبعدين انت زي القرد اهو اوعي ايدك ياعلي وسبني امشي
علي...ولو مبعدتش ايدي هتعملي ايه😉
زينه....علي بقولك سبني احسنلك
علي....بتعملي فيا وفي ناسك كده ليه لما انتي بتحبيني اوي كده بتقسي عليا ليه
بتدت زينه وشها بعيد عنه وهو لسه محاصرها بأيده
علي....3 ايام بعيده عني ومش بتردي علي الموبايل وبتشوفي رسايلي ومش بتردي وانا مش عايز اجي عشان متتحججيش وتقوليلهم قولوله نايم والشغل ده ساعتها هيعرفوا اننا زعلانين مع بعض وانا مش عايز حد يدخل بينا
زينه....بصوت حزين ابعد ياعلي سبني امشي من فضلك
علي....مش هسيبك غير لو قولتي انك سامحتيني وانك بتحبيني وان ثقتك فيا زي ماهي عشان الجمله دي اكتر حاجه تعباني مينفعش يا زينه مينفعش اكون انا مصدر ثقتك زي ما بتقولي وفالاخر تقوليلي ثقتك اتهزت فيا
زينه...بصتله وهي عينها فيها دموع اكدب ياعلي
علي...بحب لا متكدبيش بس كمان متظلمنيش يا زينه
نزلت دموع زينه انا بظلمك يا علي
علي...رفع ايده مسح دموعها وهو لسه محاصرها بايده التانيه
علي....اه يا زينه بتظلميني عشان انتي اكتر حد عارفه انا بحبك ازاي عارف اني غلطت بس والله مكنش غلط مقصود وزي ما فضولي كان غلط متنسيش ان فضولك في يوم كان هيدفعك تمنه حياتك لما اتصلتي بالارقام يا زينه كلنا بنغلط بس مبنبقاش قاصدين الغلط وانا غلطي الوحيد اني فكرت بطريقه غلط عشان كنت عايز اوصلك اكتر وحياتي عندك يا زينه سامحيني بقي
زينه...بدموع بس انت اخر مره فضلت تزعأ وتهددني عشان افضل معاك
علي...اولا انتي مينفعش تبقي مع اي حد غير معايا ده موضوع مفيش فيه مناقشه بمزاجك غصب عنك انتي مش هتبعدي عني اما بقي موضوع التهديد اديكي قولتي تهديد هو من امته اللي بيعمل بيقول انتي عارفه اني عمري ما كنت هعمل كده بس كمان بصراحه انتي حالتك كانت وقتها صعبه وكنتي عايزه تاخدي قرارات غلط وانا مكنش في اي حاجه في ايدي ادافع. عن نفسي بيها غير اني اهددك زينه انا مش هعرف اعيش وانتي مش في حياتي انتي وجودك في حياتي مش مجرد تعود صدقيني انتي وجودك في حياتي اكبر من كده بكتير النفس يا زينه اللي بيخرج مني لو انتي مش مشركاني فيه مش هيطلع مظبوط
زينه....بدموع يعني مش هيجي يوم يا علي وتفكرني بأي حاجه من اللي عرفتها مش هتعايرني بحاجه مليش ذنب فيها لو اختلفنا في اي وقت
علي....لو انتي تعرفي ان علي طبعه كده انا بقولهالك يا زينه ابعدي عني وانتي مرتاحه ومش همنعك بس انا مش كده يا زينه صفاء هي ام حبيبتي اللي ليها كل الحب والاحترام اهلك هيفضلوا اهلك يا زينه اللي عرفته يا زينه اتمسح من دماغي خلاص اعتبريني معرفش اي حاجه عنه ولا حتي هفتكره بيني وبين نفسي مش هفتكر غير ان حبييتي بقت في حضني وبس عشان انا مش عايز اكتر من كده
فضلت دموع زينه تنزل
مسح علي دموعها وقربها اكتر من حضنه وفضل يطبطب عليها بحنان
علي...خلاص بقي وحياتي عندك قولي بقي انك سامحتيني
زينه...رفعت وشها وبصتله بأبتسامه بسيطه مسمحاك بس مش مسمحاك عالخضه اللي خضتهالي🥺
ضحك علي اوي اخيرا الهم اللي كان شايله خلص حضنها اوي وهو بيضحك
علي...بس ايه رأيك مش بعرف امثل رساله بس جابتك تخيلي بقي لو كنت كلمتك وعملت صوتي تعبان كان حصل ايه😂
زينه...كنت هقفشك انت عارف اني بفهم نبره صوتك
علي....بحب في دي بقي عندك حق
بحبك يا زينه
زينه...أتنهدت تنهيده حب ووجع وشوق مشاعر متلغبطه وبدون تردد دخلت هي تاني جوه حضنه
زينه...وانا كمان بحبك اوي
علي....طيب بقولك ايه ماتيجي نخرج نتمشي شويه انا زهقان
زينه...نروح فين ده فارس شويه وهيجي وبابا وماما مش في البيت هيجي ميلاقيش حد
علي...مش هنتأخر نلف شويه ال3 ايام اللي فاضلين عالفرح دول كأنهم 3 سنين مش راضين يمشوا بسرعه وانتي كنتي بعيده عني بقالك كذا يوم بجد زهقت اوي
زينه...احسن عشان تحرم تزعلني تاني
علي....انا اقدر ازعلك بردو اول واخر مره سماح بقي ميبقاش قلبك اسود
زينه...خلاص سماح هروح البس وهستناك متتأخرش عشان نرجع علي طول
علي...انتي ايه اللي لبساه ده😳 ده انا هطين عيشتك
بصت زينه علي لبسها بصدمه 😱يانهار اسود انت السبب انا شوفت رسالتك وجريت من غير ما اغير
علي....وحيات امك 🤨
زينه....بابتسامه لا اوعي تتحول والله ما خدت بالي
علي...بحب طب يلا ادامي عشان اوصلك ولا ناويه ترجعي كده
زينه....ماشي يلا بقولم ايه ايه رأيك في الكلوك😂
علي...وهو بيبص علي رجلها بضحك صراحه اخر شياكه بس اللي اجمد من الدبدوب الترنج جامد😉
زينه...باحراج اخترم نفسك ويلا امشي
علي....ياساتر جعفر ظهر 😒
خرج علي من الفيلا وهي وراه بتكتم ضحكتها .واخيرا حست هي كمان براحه فظيعه وان حمل كبير قدرت تخلص منه والاهم انها رجعت للحضن اللي متقدرش تبعد عنه..
........
عدت كذا ساعه وصلت ندا عالمطار ووقفت تستني فارس بفرحه ولاول مره تحس انها مبسوطه انها هتشوفه
وقفت بحماس تستناه لحد ما ظهر فارس ادامها اخيرا سلم عليها بشوق فظيع ولاول مره هو كمان يحس انها فرقت معاه كانت سفريه قصيره لكن حسابات كتير اتحسبت فيها
ركبوا العربيه ومشيوا من المطار
فارس....عامله ايه
ندا...الحمد لله بخير روحت انت ولا سألت مسمعتش صوتك غير لما قولت انك وصلت واتصلت بيك مردتش قولت اسيبك اكيد مشغول
فارس...حقك عليا علي فكره كنت مفتقدك اوي
ندا....بجد
فارس....بجد اول مره ارجع امريكا احس اني غريب عنها واول مره احس اني مضايق اني سافرت كل مره كنت بسافر كنت بحس اني راجع علي بلدي اللي اتولدت وكبرت واتعلمت واتربيت فيها يمكن جيت اجازات كتير اوي بس لاول مره احس باحساس غريب وانا شايف الطياره بتبعد عن ارض مصر اول مره احس اني متاخد وانا شايف الطياره بتبعد عن البيوت والاماكن اللي فجأه حسيت انهم بقوا جزء مني يمكن اعدت اسبوعين لكن كانوا احلي اسبوعين أسبوعين بعمر كامل عيشته في امريكا
أبتسمت ندا بهدوء وسألته
ندا....طيب وايه سبب الاحساس ده
فارس...بأبتسامه هو انا لو قولتلك هتفهميني او بمعني اصح هتصدقيني
ندا...احمم قول وانا هصدقك
فارس....طيب بقولك ايه ممكن نقف علي اي جنب او ممكن نأعد في اي مكان
ندا...الوقت دول اكيد مستنينا
فارس...مش هأخرك هنرجع علي طول بس انا محتاج اتكلم اوي
ندا....وكأنها حست باللي هيقوله فارس هزت راسها ومشيت علي اقرب كافيه في صمت وهي متحمسه انها تسمعه..
وصلوا كافيه كان قريب من المطار
دخلوا وطلب فارس عصير هو وندا
ندا....بحماس اتكلم يا فارس انا سمعاك.
فارس....احممم بصي يا ندا انا مش عارف اللي هقوله ده حصل ازاي ولا امتي وليه حصل في السفريه اللي قاتت دي بالذات فالوقت القصير ده بس هو فعلا حصل يمكن كمان انا مكانش عندي حاجه ضروريه اعملها في امريكا زي ما قولت وكان ممكن اكمل احازتي لحد فرح زينه وعلي بس انا حبيت ابعد عشان اكون مت نفسي واقدر اقيم بهدوء اذا كان اللي جوايا ده صح ولا مجرد شعور وقتي لكن لما سافرت اكتشفت انه شعور حقيقي وحاجه من جوايا بتقولي ارجع يمكن زي ما قولتي اني مكنتش بتصل ولا بسأل بس انا فعلا كنت محتاج افصل عشان اتأكد من شعوري واديني أتأكدت.
ندا..احممم انا مش فاهمه شعور ايه وتتأكد من ايه
فارس....لعب في شعره بارتباك ورفع كتفه وهو بيبتسم ببلاهه انا شكلي كده حبيتك يا ندا
ندا ..😳😳
فارس....ايه البصه دي انا قولت حاجه غلط
ندا...بصدمه احمم لا اقصد يعني انت اقصد انا
فارس...بابتسامه انا عارف انك ممكن متصدقنيش بس ده اللي حصل يمكن تقولي عليا مجنون وازاي اجازه اسبوعين تخليني احبك عندك حق انا كمان لما حسيت اني متلغبط قررت ارجع عشان اعد مع نفسي بس طول الفتره اللي فاتت كنت بحاول مفكرش فيكي معرفتش يا ندا ولقتني غصب عني مش عارف اعمل اي حاجه غير اني افكر فيكي وافتقدك اكتر انا بحبك يا ندا جايز متصدقيش بس ..قاطعته ندا بسرعه مصدقاك يا فارس🙈أقصد انا كمان اااا احنا كده هنتأخر يلا ولا ايه
ابتسم فارس علي توترها وارتباكها وقبل ما تقول تقف مسك كف ايدها أعدها تاني
فارس...بابتسامه استني انتي كمان ايه
ندا...احممم فارس هنتأخر عليهم
فارس....هنمشي بس مش قبل ما تقولي اللي كنتي هتقوليه او عالاقل تردي عاللي قولته
ندا...سحبت ايدها ومسكت ايدها في بعض وهي باصه عالتربيزه باحراج مش قادره تتكلم ومن جواها طايره من السعاده
فارس...ندا ممكن تبصيلي
رفعت ندا عينها لفارس
فارس....انتي كمان ايه اللي فهمته ده صح يا ندا.
أبتسمت ندا ووشها احمر وهزت راسها
زادت ابتسامت فارس
وبص لفوق وهو بيتنهد oh My god
فارس...احنا هنمشي الوقت لكن لسه لينا كلام كتير مع بعض
ندا....ماشي
فارس....بليل هكلمك في الموبايل عشان في حجات كتير لازم نتكلم فيها مع بعض
ندا....اوك
فارس...بابتسامه يلا بينا
ندا...بفرحه يلا
نده فارس عالويتر عشان يحاسبه ولسوء حظه كان نسي يغير عمله من المطار بصلها بصدمه
ندا ..في ايه
فارس...😁انتي هتدفعي الحساب مش معايا فلوس مصري
ضحكت ندا علي فارس ودفعت هي الحساب وسط احراج فارس وضحكه معاها وبعد وقت بسيط وصلوا الڤيلا
.......
في خلال ال3 ايام قبل الفرح كانت علاقه علي وزينه رجعت زي الاول واقوي قدر علي بحبه ينسي زينه الوجع قدرت زينه تسامح والدتها من قلبها وترجع تاني تقرب من حضنها وده ريح صفاء جدا وحست ان يمكن يكون ربنا سامحها علي غلطتها لما رجعت زينه تعاملها زي الاول ورضيت عنها بجد
فارس وندا طول الوقت يتكلموا في الموبايل ويعترفوا باللي في قلبهم لبعض وقرروا انهم يفاجئوا الكل بارتباطهم ويتقدم فارس لندا رسمي بعد فرح زينه وعلي.
دينا وماجد كالعاده علاقتهم مش بتخلي من الضحك والهزار والاتفاق في كل حاجه كانوا بيحاولوا يوفقوا بين شغلهم وبين تفاصيل فرح زينه وعلي علي اد ما يقدروا.
اما شمس وفؤاد كانت علاقتهم هاديه كلها حب شمس كانت طايره من الفرح انها اخيرا هتشوف علي متجوز خصوصا لانه هو الاكبر كان نفسها تفرح بيه وفرحتها زادت انه هيتجوز زينه صاحبه عمرها.
قدر علي يقنع زينه انهم بعد الفرح لازم يعرفوهم بحكايه مرضها عشان اي وقت يسافر يبقي مطمن عليها والكل ياخد باله منها بعد محاولات واعتراضات من زينه اخيرا اقتنعت وقرروا يعرفوهم بعد الفرح عشان محدش يتنكد.
واخيرا جه يوم الفرح المنتظر الكل كان متحمس خصوصا علي اللي غابت عنه زينه من اول اليوم كان نفسه يلمحها بالفستان مش متخيل ان خلال كام ساعه هتبقي في حضنه وهيتقفل عليهم اخيرا باب واحد
زينه كانت في الفندق في اوضه خاصه معاها الميكب ارتست ومعاها البنات الكل طاير من الفرحه لكن هي مكانتش معاهم كانت تقريبا بتفكر في نفس اللي علي بيفكر فيه يمكن ضربات قلبها من السعاده كانت عامله صراع لكن مكانتش قادره تنكر الخوف اللي هي حاسه بيه.خوف من بدايه علاقه جديده هتربطها بصديق عمرها مش قادره تقتنع ان خلال كام ساعه هيتقفل عليها هي وعلي باب واحد وهتتحول علاقتها بيه من صديق لزوج مشاعر متخبطه شويه تبتسم بمجرد ما تحس انها هتتكتب علي اسمه وشويه ملامحها تنكمش بمجرد ما تحس ان علي صديق عمرها هيبقي فعليا جوزها كل الاحاسيس دي كانت كوم واحساسها بالاحراج كان كوم تاني خالص.جسمها كان عباره عن كتله من التلج رعشه خفيفه في جسمها كانت بتحاول تداريها عن صحابها كل ما الوقت يعدي.
الوقت كان بيلعب دور كبير اوي عليها هي وعلي ...علي كان شايف انه بيمشي ببطئ فظيع اما زينه فا كانت شايفه ان الوقت بيجري.
واخيرا الوقت جري ودقت الساعه
زادت رعشت زينه وخوفها وتوترها
صحابها كانوا مبهورين بيها كانت زي القمر فستانها شبه الاميرات اللي جايه من الاساطير .
ديله طويل بحمالات واقعه باهمال علي كتفها زادت من جاذبيتها طرحه هاديه ورقيقه مكياچ هادي ناسب فستانها
ندا....ماحد فيكم يزغرط انا مش بعرف
دينا...بفرحه ولا انا اللي يخربيتكم محدش فيكم اتعلم يزغرط ايه
شمس...بضحك والله ولا انا
زينه...بخوف شكلي حلو
ندا....زي القمر والله العظيم
شمس....قمر يا زينه والله انا حاسه اني هعيط من الفرحه
دينا....لا مش وقت عياط المكياچ هيبوظ ومفيش وقت ودي ما هتصدق وهتعيك معاكي بت يا زينه ايه الحلاوه دي يخربيت حلاوتك
زينه...بحب بجد والنبي
دينا...بجد ايه يابت ده علي هيتصدم لما يشوفك يابختك ياعم علي
شمس....بضحك اهي اتحولت وهي واقفه وبتعاكسك
زينه...بابتسامه دي متربتش زي ماجد🙈
دينا.....طب بزمتك يا شمس مش علي لما يشوفها هياخدها ويجري عالڤيلا ويلغي الفرح
شمس...صراحه حقه😂😂😂
زينه...والنبي اسكتي انتي وهي احسن انا مرعوبه
شمس....مرعوبه من ايه بس
دينا....عروسه جديده بقي وكلنا كنا مرعوبين كده
زينه...يابنتي اتلمي مش وقتك خالص يا بنات انا مش بهزر انا حاسه ان هيجرالي حاجه والله انتوا متخيلين ان انا وعلي هيتثقل علينا باب واحد بعد كام ساعه علي اللي كان اقرب صاحب ليا في لحظه يبقي جوزي
دينا....يابت هو في احلي من ان جوزك يبقي في الاصل صاحبك يمكن فيها احراج في الاول شويه بس صدقيني مع الوقت هتحسي باحاسيس جميله في بينكم حب وصداقه وجنان بعيد عن الروتين بتاع المتجوزين ده
ندا...بصراحه دينا معاها حق
شمس....اتبسطي يا زينه وحاولي متفكريش كتير يا حبيبتي عيشي اللحظه الحلوه دي بكل تفاصيلها متخليش الخوف والتوتر والاحراج يسيطروا عليكي ويضيعوا عليكي حلاوه اليوم ده اليوم ده مش بيتعوض يا زينه صدقيني ادي لكل لحظه في حياتك حقها عشان تقدري تروحي للي بعدها افرحي واتبسطي وارقصي واتجنني وخدي حقك في كل لحظه هتعدي في فرحك ولما تروحي بيتك ابقي ياستي خافي واتكسفي واعملي اللي انتي عيزاه بس بلاش كل مشاعرك تسيطر عليكي في اهم لحظه هتيجي بعد كام دقيقه وهو فرحك يا زينه فهماني
ابتسمت زينه بحب وحضنت شمس
زينه...فهماكي ياشمس
دقايق بسيطه وطلع والد زينه خبط عالباب واول ما شاف زينه اتجمعت الدموع في عينه
حيدر...ماشاء الله ايه الحلاوه دي كلها
زينه...بدموع انت اللي زي القمر يا حبيبي
حيدر....شكلك حلو اوي في الفستان الابيض اتمنيت كتير اشوفك بيه يا زينه
زينه....ربنا يخليك ليا يابابا
حيدر...ويخليكي ليا يا حبيبتي طب ايه يلا بقي عشان الكل تحت في القاعه مستنيكي واولهم علي هيتجنن تحت
زينه...بابتسامه حاضر
نزلت زينه مع والدها ونزل البنات تحت في القاعه قارس كان باصص باعجاب لندا اللي خطفت عقله بطلتها وراحت دينا لماجد اللي قري يمسك ايدها بمجرد ما نزلت وفؤاد وقف يتغزل في شمسه اللي نورت بمجرد ماشافها اما علي فكان مش علي بعضه واقف مستني شهرزاد تطل عليه
واخيرا اطفت الانوار واتركزت في مكان واحد ناحيه خروج زينه ووالدها وقبل ما يظهروا ابتدت الموسيقي وعرض مبهر علي شاشات بطول المكان اللي هيخرجوا منه علي شكل ورود بتتساقط من كل مكان واتحولت القاعه لجنه من الورود
واخيرا ظهرت زينه وهي في ايد والدها الكل هلل بحراره وهما شايفينها من بعيد
علي ضربات قلبه كانت مش علي بعضها ونفسه يقرب بسرعه عشان يلمحها واخيرا ابتدا علي يتحرك ومع كل خطوه ليه تزيد ضربات قلب زينه وهي شيفاه بيطل عليها بالبدله كان شكله زي القمر عينه عليه من بعيد وعينه عليها ضربات قلوبهم اعلي من الموسيقي اللي شغاله لمعه دموع مههده بالنزول في عيون زينه اللي حاسه انها في حام جميل مش عايزه تصحي منه
وصل اخيرا علي ادامهم وهو عينه عليها
لكن لسه مش قادر يشوفها كويس من الطرحه اللي مخبيه وشها
سلم علي علي حيدر وحضنه وسمع منه تصوياته السريعه ومباركته ليهم بالسعاده ونزل مسك علي ايد زينه اللي كانت عباره عن قطعه تلج كان حاسس علي برعشت ايدها بين ايدها قرب ايده براحه يبعد عنها الطرحه بصت زينه لتحت وهي صدرها بيعلي ويهبط بسرعه فظيعه رفع علي الطرحه وهو مصدوم ومش قادر يصدق ان زينه واقفه ادامه بفستانها الابيض واخيرا الحلم اتحقق وامتزجت الحقيقه بالحلم وسط الورود اللي مزينه القاعه في كل مكان رفع علي وشها بايده وبمجرد ما رفع وشها نزلت دمعه سريعه علي خدها
اقسم علي في داخله انه لو هيرسم لوحه توصله للعالميه مش هيلاقي احسن من المشهد اللي ادامه
قري علي من زينه باسها من جبهتها بوسه طويله كلها حب واشتياق وفرحه وقربها من حضنه بحب وهمس جمب ودنها بهدوء
علي...بحبك.
أبتسمت زينه بحب
مسكها علي من ايدها وابتدوا ينزلوا للقاعه وسط تعليل صحابهم والجميع.
وبمجرد ما نزلوا أبتدت اولي رقصاتهم وقف علي وسط القاعه وحط ايده علي وسطها وابتدوا يرقصوا وطول الرقصه عيونهم متعلقه ببعض واخيرا شالها علي من وسطها ولف بيها صاح الكل بفرحه وحضنت زينه علي كانت حاسه انها طايره من عالارض
وبعد ما خلصت الرقصه ابتدت مراسم كتب الكتاب واصبحت زينه زوجه لعلي اخيرا
رقصوا مع صحابهم الكل كان فرحان والسعاده مرسومه علي ملامحهم كلهم وسط اصحابهم ومعارفهم وقرايبهم واخيرا خلص الفرح وبعد وقت بسيط وصلوا الڤيلا ودعهم الكل ودعالهم بحب ومشيوا وسابوهم
زينه كانت واقفه مرتبكه جدا وعلي كان حاسس بارتباكها وتوترها ده حب يخرجها من التوتر ده لانه كان عارف اللي بيحصل جواها في اللحظه دي.
قرب منها وبدون مقدمات سحب كف ايدها وخدها في حضنه بحب
علي....نورتي دنيتي كلها يا احلي زينه
زينه...احممم شكرا
خرجها علي وهو رافع حواجبه
علي...بت بقولك ايه انا زينه الكيوت دي قولتلك متلزمنيش انا عايز جعفر عشان وحشني
ابتسمت زينه وهي مش قادره تخرج من دايره الاحراج اللي دخلت فيها بمجرد ما دخلت الڤيلا
علي...طب بقولك ايه انا جعان اوي
ضحكت زينه عليه وهي شيفاه شبه الاطفال اللي حسوا بالجوع المفاجئ
زينه....طيب يلا اطلع غير وانا هحضرلك الاكل
علي...هتحضريه بالفستان
زينه...بتوتر اااا
علي...بابتسامه هادي مد ايده ليها تعالي يا زينه نطلع نغير وننزل ناكل مع بعض عشان انا عايز اتكلم معاكي شويه
زينه...حاضر مد ايدها لعلي وطلعوا مع بعض علي اوضتهم بمجرد ما دخلت ضربات قلبها زادت اكتر حس علي بيها لكن قرر انه يبعد ويسبها تاخد عالجو عشان تفك
علي....انا هاخد غيار وادخل اخد شاور بسرعه علي بال ما تطلعي غيار ليكي اكون خرجت وانتي ادخلي ماشي
زينه...ماشي
راح علي عالدولاب بسرعه خد بنطلون اسود رياضي وعليه تيشرت أسود ودخل خد شاور
اتنهدت زينه بمجرد ماقفل واعدت علي خرف السرير وهي بتدعي اليوم ده يعدي بسرعه عدي وقت بسيط وخرج علي وبمجرد ما خرج وقفت زينه بارتباك
وبصت لعلي وكأنها اول مره تشوفه أبتسمت باحراج لما حست ان علي باصصاها وهي بصاله
علي مان حاسس باللي بيظور في بالها قرر انه يحول الاحراج ده لضحك رفع حواجبه وهو رايح يحط من البرفيوم بتاعه
علي...🤨ايه يا جعفر بتبصيلي كده ليه انا متأخرتش علي فكره يلا ادخلي
ابتسمت زينه علي اللقب اللي مش راضي يفارقه راحت بسرعه عالحمام وهي بتجر فستانها وراها وقفلت الباب.حاولت زينه تقلع الفستان بكل الطرق لكن كان صعب تفتح السوسته او بالاصح السوسته كانت متعلقه في حاجه بعد ماحاولات كتير بائت بالفشل حست زينه ان لازم علي يساعدها كانت هتعيط من كتر احراجها بس مكانش في بديل فتحت الباب اتفاجئ علي من سرعتها لكن لما خرجت بالفستان توقع انها مش عارفه تقلعه
علي....مغيرتيش ليه
زينه...🥺🥺الفستان مش راضي يتفتح
أبتسم علي بحب وقرب منها طب لفي وانا افتحه
زينه....لا اقصد
علي...لفي يازينه هموت من الجوع حرام عليكي
حب علي انه يقلل من الموقف علي اد ما يقدر عشان يبعد توترها شويه اللي كان حاسس بيه مسكها من كتفها لفها وحاول علي اد ما يقدر انه يتمالك اعصابه وابتدا يفتح في السوسته لكن مكانتش بتتفتح🙈
علي...🤨🤨هو مين اللي قفلك السوسته دي
ابتدت زينه التوتر يخف لما حست ان علي كمان مش عارف يفتحها
زينه...دي البنت اللي كانت بتساعدني
علي...بتساعدك ايه دي شكلها قفلتها بقفل🤨
ضحكت زينه غصب عنها
علي...بتضحكي انتوا منكم لله دي ليها
باث وورد دي ولا ايه
زينه...بضحك ما تفتح وانت ساكت
علي...بضحك هي راضيه تتفتح والله معرفش فيها ايه راكبها عفريت ولا ايه ملهاش حل غير تتقطع
زينه...لا تقطع ايه خلاص انا هحاول
علي...اقفي هنا تحاولي ايه اذا كنت انا اللي شايفها مش عارف افتحها اقفي هنا قام علي وقف راح فتح درج وفضل يلعب فيه شويه
زينه...انت بتعمل ايه؟
طلع علي شنطه صغيره فيها حجات خاصه بيه فضل يدور فيها طلع مقص صغير.
علي...بجيب العده بتاعتي 😂😂
زينه...بضحك عدت ايه يا مجنون
علي...لفي بس ومتتحركيش عشان متتعوريش
زينه...حاضر
عدي حوالي دقيقتين زينه واقفه ميته من الضحك وهي سمعاه بيشتم اللي عمل الفستان واللي صنع السوسته
وحس علي ان زينه فكت خالص وابتدت تاخد عالجو
علي...اضحكي اضحكي. منها لله اللي قفلته قفلت علي خيط
وقدر علي فاللحظه دي يقص الخيط ويسحبن بعيد عن السوسته وفتحها براحه اتفتحت
علي...يااااه اخيرا ده انا عملت عمل بطولي
زينه...بضحك شكرا
علي....علي ايه انجري يلا اخلصي انا لو جعت اكتر من كده هتحول😡😡
زينه...حاضر حاضر هخلص بسرعه😂😂
ابتسم علي بحب بمجرد ما اختفت زينه من ادامه وهمس
علي...يارب صبرني واقدر استحمل واساسيسها راح علي شال بدلته وظبط الدنيا وخرج بره يشرب سيجاره عشان يديها مساحه لما تخرج متبقاش محرجه.
.............
فضلت زينه جوه مش قادره تتلم علي اعصابها قلعت الفستان وخدت شاور وخلصت مسكت بايدها اللانچيري اللي محطوط وهي بتبصله بصدمه مش متخيله انها هتلبسه وتخرج بيه ادام علي وقفت محتاره كتير واخيرا لبسته ولبست فوقيه روب قصير بتاعه وقفلت كويس فتحت باب الحمام براحه ارتاحت لما لقته مش في الاوضه راحت ادام التسريحه ظبطت نفسها فالوقت ده علي كان سمع تحركاتها عرف انها خرجت فا سابها براحتها ولما حس ان الجو هدي راح خبط عالباب ودخلت وبصلها بصدمه لما لقاها واقفه ولابسه اسدال
علي...ايه اللي انتي لبساه ده🤨
زينه...بتوتر هو احنا مش هنصلي ولا هتاكل الاول
ابتسم علي ...لا خلينا نصلي الاول
راح علي فرد المصليه ووقف وهي وقفت وراه وابتدا يصلي بيها كان حاسس علي انه سامع دقات قلبها من كتر التوتر.
بعد ما سلم علي بصلها بابتسامه وحط ايده علي راسها وابتدا يدعي وبعد ما خلص قام شال السجاده
علي....يلا بقي ناكل هموت من الجوع
زينه...حاضر يلا بينا انا جاهزه
علي....هتنزلي بالاسدال
زينه...باحراج هااا هو اه ماله خليني كده
ابتسم علي وقرب منها مسك طرف الاسدال وسحبه من عليها وهي باصه للارض باحراج
واول ماشافها حس ان عينه هتخرج من مكانها من صدمته هو كمان كان بيجرب احاسيس مختلفه مع زينه اللي في لحظه بقت مراته
رفع وشها بايده وابتسم وهي واقفه ماسكه ايدها الاتنين في بعض
علي....هو في كده بزمتك😉
زينه...علي
علي...عيونه😉
زينه...يلا ناكل
علي....طب هاتي ايدك يلا مسك كف ايدها وخرجوا مع بعض نزلوا علي تحت كان حاسس علي انها مرتبكه وملخومه ومش مركزه في تحضير الاكل راح وقف جمبها وابتدا يساعدها ويحسسها انه مش مركز معاها
ابتدت زينه تتعود شويه خرجوا بره عالسفره وابتدوا ياكلوا
علي....انا عايزك تخلصي الاكل ده كله
زينه....انا باكل اهو
علي...بس انا شايف غير كده طبقك مش بينقص كلي يازينه عشان تاخدي العلاج كمان
زينه...حاضر
بعد وقت بسيط خلصوا اكل وشالوا مع بعض
علي...بقولك ايه ايه رأيك نعمل كوبايتين نسكافيه ونروح نشوف اي فيلم حلو كده نتفرج عليه
زينه...بفرحه بجد
علي...بابتسامه طبعا بجد يلا بينا روحي اعملي النسكافيه وانا هدور علي فيلم حلو
زينه...بحماس ماشي هوا
جريت زينه عالمطبخ وفرحت ان علي بيحاول يخرجها من توترها
عملت النسكافيه ورجعو بيه
علي....تعالي الفيلم ده حلو اوي هيعجبك
اعدت زينه جمبه عالكنبه لكن بعيد عنه شويه
مسك علي ايدها من غير ما يبصلها وشدها عليه قربت زينه منه من غير ولا كلمه
حط ايده علي كتفها وضمها لصدره وركز مع الفيلم وابتدا يشرحلها احداثه وهي مندمجه معاه اداها النسكافيه بتاعها وولع سيجاره تانيه وهو بيشرب هو كمان
فضلت زينه في حضنه تقريبا مش مركزه في الفيلم بتحاول تستمتع بالحظه اللي هي فيها وهي جوه حضنه
حس علي انها هاديه خالص قرب ايده بعد شعرها ومال علي وشها بهدوء باسها بوسه هاديه علي خدها لما حس انها ساكته ابتدا يوزع قبلاته بهدوء
ورفع وشها ليه كان وشها احمر من كتر الاحراج قرب من شفايفها بهمس
علي...بحبك يازينه
زينه..بحبك ياعل..وقبل ما تكمل كان قطع جملتها من بين شفايفه ثواني بسيطه وقام علي شالها بين ايديه
شهقت زينه بين ايديه
زينه...علي انت بتعمل ايه وبصلها بابتسامه عاشق..
علي....أصل في جريمه حابب اتكلم معاكي فيها يمكن تنفعك في شغلك
زينه...بابتسامه جريمه
علي....جريمه هتحصل فوق في اوضتنا وابقي اكتبي عنوان المقال بتاعها
جريمه في حي المقطم
ضحكت زينه عليه و مسكت في رقبته وخبت وشها في حضنه طلع بيها عالاوضه وقفل وراه
واخيرااا اعلن زينه زوجه ليه شرعا وقانونا ❣️❣️❣️😍
........
بعد مرور اربع شهور
فؤاد....انتي ايه اللي مقومك من السرير
شمس...زهقت من الاعده في الاوضه يا فؤاد وبعدين انهارده الخميس انت ناسي ان كلهم جايين عشان نتعشي سوا
فؤاد...لا مش ناسي وانا مظبط كل حاجه انا مش عايزك تقومي ولا تتحركي زي ما الدكتور قال عشان الحمل يكمل علي خير ممكن بعد اذنك تسمعي الكلام
شمس...بحب حاضر يا حبيبي
فؤاد....انا هروح عالشغل واياك تقومي من مكانك مفهوم ندا حضرتلك الفطار اهو جمبك عالسرير تاكلي وتأتدي عالسرير ترتاحي وانا كل شويه هكلمك اتفقنا
شمس....اتفقنا فؤاد انت فرحان
فؤاد....فرحان بس انا طاير من الفرحه يا شمس انا استنيت كتير اللحظه دي اوي وعارف ان انتي كمان استنتيها زيي واكتر مني كمان وربنا كرمنا اخيرا يبقي نحافظ عليها بقي صح
شمس...صح
فؤاد....ربنا يقومك بالسلامه يا قلبي انتي ودينا وزينه كمان
شمس...يارب يا حبيبي
ونفرح بندا قريب خلاص هانت شهرين وتتجوز هي وفارس
فؤاد...يارب يا شمس يلا سلام عليكم
شمس...عليكم السلام
........
عدي اليوم بسرعه واتجمع الكل في بيت شمس وفؤاد زي ما اتعودوا وكان زايد عليهم صفاء وحيدر
اتجمع الكل حوالين السفره وهما بيضحكوا وكالعاده متخلاش الاعده من هزار ماجد.
ماجد....بضحك شكلك مسخره يا دينا😂
دينا...ماتلم نفسك يا ماجد انا مش طايقه نفسي بمنظري ده
شمس...بضحك اول مره اكون متفقه مع ماجد شكلك بقي فظيع
دينا....بت بلاش انتي انتي كلها شهرين وبطنك تبقي شبه البلونه انتي وزينه
زينه...وهي زينه كلمتك الوقت وبعدين انا لسه في اول شهر لسه شويه علي بال ما ابقي شبهك كده😂😂
علي....حتي لو زيها هتبقي قمر بردو
زينه...بحب بجد ياعلي يعني مش هتتريق عليا زي ماجد
علي....🙄علي حسب لو زي دينا كده ممكن
دينا...الله يخربيت دينا هي الحفله عليا ولا ايه
صفاء...مالكم ومالها بس ماهي زي القمر اهي
دينا...حبيبتي يا صفصف ربنا يخليكي ليا يا جابره بخاطري
صفاء....يارب يا ولاد تقوموا بالف سلامه ويكمل شهوركم علي خير ونفرح قريب بندا وفارس
بصت ندا وفارس لبعض بابتسامه
علي....صح تبقي كملت
ماجد...هو انا ليه حاسس انهم بيسلنوا لبعض يعني دينا هتولد هتيجي بعدها شمس وبعدين زينه وان شاء الله تمسك اخر الخيط بعدهم ندا
فؤاد....تخيل بقي ندا سابت الهيط مسكت فيه ندا ورجعوا من تاني يسلموا لبعض😂😂
علي....بضحك هنبقي عاملين زي فيلم عالم عيال عيال
زينه...لا انا مش هجيب غير واحد وبس
علي...نعم يا ختي لا انا عايز كتير
زينه...كتير ايه هو بونبوني هو اخرك معايا واحد كمان
علي....نبقي نشوف الموضوع ده بعدين😉
ضربته زينه في كتفه باحراج
حيدر....ربنا يرزقكم بالذريه الصالحه يا حبايبي ونفرح بيكم وبولادكم
الكل...امين
بعد وقت بسيط خلصوا املهم واتجمعوا مع بعض في الجنينه الجو كان جميل
ماجد....بقول ايه ما بدل ما بدل ما احنا اعدين كده ما تيجوا نلعب
وقف علي بفزع...لاااااا لعب تاني لا اخر مره لعبنا مع بعض كانت بدايه الكارثه
ماجد...بضحك ياعم لعبه حلوه
علي....لعبه ايه
ماجد...هقولك اصل وانا صغير كنت بلعب لعبه
علي...وانتي ايه😳😳مسك علي زينه من ايدها قومي بينا نمشي بسرعه
ضحكوا كلهم علي علي
زينه...استني بس والنبي ياعلي بيقولك كان بيلعبها وهو صغير
علي....بعد اذنك يا حيدر باشا اصل بنتك بتموت في اللعب شالها علي ادامهم وهما بيضحكوا عليه
زينه...انت بتعمل ايه يا مجنون
علي....انتي مش عايزه تلعبي تعالي انا عندي لعبه حلوه اوي هتعجبك نلعبها في بيتنا😉
زينه....نزلني ياعلي
مشي علي بيها عالعربيه وهما كلهم بيضحكوا
زينه...ماجد هكلمك بكره تقولي عاللعبه
علي....ده لو صحي لقانا في مصر اصلا
قال نلعب تاني قال
سلام عليكمممممم
ضحكوا كلهم على علي وصوت ضحكهم كان واصل للسما
واخيرا انتهت الجريمه بجريمه حب❣️
تم بحمد الله
#أميره_أسامه
#جريمه_في_حي_المقطم
مستنيه رڤيوهاتكم أشوفكم علي خير 🙂
