جريمه_فى_حى_المقطم
#صاحبه_البطل_الواحد
#اميره_اسامه
البارت الثالث...
علي...بأبتسامه لعبه إيه ياشمس مش فاكر
شمس..الساعه12:00
دينا...الساعه 12:00هو في لعبه أسمها كده
زينه...دي إيه اللعبه دي أكيد من تأليف علي
علي...بأبتسامه أه والله😂
فؤاد..أنا فاكر إنك قولتيلي اللعبه دي قبل كده
ماجد...طب ما تقولوا يا جدعان إيه اللعبه دي
بقلمي ………………..أميره أسامه
شمس...هقولكم لما كان علي في ثانوي فاكره إنه في ماده في الامتحانات نزل فيها رغم إن علي كان شاطر جدآ ماما وبابا الله يرحمهم اضايقوا جدآ وماما وقتها قالت مفيش سفر السنادي ولا هنروح أي مكان يعني نوع من أنواع العقاب لعلي طبعا علي ولا كان فارق معاه أصلا بس وقتها أنا كنت مضايقه جدآ إني مش هسافر ولا هنصيف ولا هعرف أشوف صحابي وبسبب مين بسبب علي طبعآ فامتعرفش بقي صعبت عليه ولا إيه فقالي متزعليش وأعد يراضي فيا ووقتها أخترع لعبه نلعبها كل يوم بليل بعد ما بابا وماما ينامو
فؤاد...نهارك أسود لعبت إيه مع مراتي ياعلي🤨
ضحكوا كلهم علي فؤاد
علي....الله يخربيتك هلعب إيه ما توضحي يا بنتي الله يخربيتك إنتي كمان😡
شمس....بضحك هقول أهو لقيته بيقولي الساعه الوقت 12إيه رأيك نتصل بأي رقم عشوائي ونعاكسه ونألف عليه حوارطبعا أنا أتبسطت أوي وتقريبآ بذره الكتابه والتأليف كانت جوايا وأنا معرفش فوافقت وعدلت علي اللعبه وحطيت التاتش بتاعي كمان قولتله أحنا نتصل ونغير صوتنا وإللي يرد علينا نقوله أننا شايفينه وعرفنا كل إللي بيعمله ونهدده 😂😂 وبقت لعبتنا المفضله كل يوم نتصل علي رقم ونعمل كده
ماجد....بضحك طفوله مشرده طب وكان بيحصل إيه.
علي...بضحك بنتشتم طبعآ وفي إللي كان يققل في وشنا
شمس....وفي مره كلمنا بنت وأرتبكت يا عيني🙈 شكلها كده كانت عامله مصيبه بس صعبت عليا وقفلنا ومكملناش معاها مرضتش ألعب بأعصابها
فؤاد....لا حنينه إنتي واخوكي😒
ندا...طب والله لعبه حلوه
دينا...أه أوي ما تيجوا نلعبها وأحنا أعدين كده
زينه....أنا حبيت جدآ وموافقه
أبتسم علي وبصلها موافقه علي إيه يا مجنونه ده كان لعب عيال
زينه....بضحك وأنا عيله يا سيدي أصلي بحب الأكشن والأثاره🤪
ماجد....جيت في ملعب زينه
شمس....تعالي يلا ياعلي متبقاش رخم
فؤاد...الله يخربيت جنانكم
علي...يابنتي الرقم هيظهر ومش بعيد يوزعوه علي كل الناس وبدل ما كنا بنعاكسهم هما إللي يقرفونا زمان كنا بنعملها بالخط الأرضي ومكانش فيه إظهار للرقم
زينه...أنا معايا برايڤت نمبر
نتكلم منه
علي....بضحك لأ دي عجبتها
بقي😂
ماجد...ياعم يلا أتصل بقولك إيه تعالي نعملها في مؤنس صاحبي منتج البرنامج
دينا...بضحك حرام عليك ملاقتش غير مؤنس ده بتاع ستات وزمان مراته جمبه
ماجد....تعالي بس نرخم عليه 😂😂😂😂
علي...طب طلع رقمه وهاتي يا ستي التليفون بتاعك
زينه...أمسك بس أفتح الأسبيكر
علي...تمام بس متعملوش صوت
ماجد...أكتب عندك.
كتب علي الرقم وأستني الرد..🤔
علي...بصوت واطي بيرن مش عايز صوت ولا ضحك
هز الكل راسه وهما متحمسين ومترقبين إللي هيحصل.
فتح مؤنس الخط شاورلهم علي بأيده يسكتوا🤫
مؤنس..ألو
علي...بصوت ثابت مؤنس
مؤنس...أيوه يافندم مين حضرتك
علي...مش مهم أنا مين متستعجلش هتعرف كل حاجه في وقتها بس الأهم أنا متصل بيك ليه.؟!
كتموا صحابه الضحك وخصوصآ ماجد ودينا لما مؤنس سكت وحسوا إنه أتوتر
مؤنس....سكت خالص ومردش
علي...أوعي تفكر إن إللي بتعمله فالسر محدش بيعرفه مهما كنت مأمن نفسك
مؤنس....إنت مين
علي...قولتلك متستعجلش
مؤنس...طيب تقصد أيه
علي....كل البلاوي إللي بتعملها معايا صوت وصوره
وأعمل حسابك الأيام الجايه سواد
مؤنس...بعصبيه وتوتر ملحوظ بقولك إيه يا تقول إنت مين يا هقفل وهطلع علي المباحث وهجيبك
علي....حلو خليهم يجبوني وساعتها أنت إللي هتندم
مرات مؤنس....في إيه يا مؤنس مين بيكلمك
كتم علي بسرعه صوت الموبايل وبصلهم بضحك لأ حرام كفايه عليه كده
ماجد...ده هيسود عيشتي لو عرف إن أنا إللي وراها🙆♀️
فؤاد...بضحك حرام بقي الراجل أستوي يا علي
علي...بضحك ده قفل الخط🙈🙈🙈
دينا....ياعيني طب والله صعب عليا
ماجد...أتصل بيه يا علي وهات الموبايل حرام ده مش هيعرف ينام😂
زينه...بضحك حلال عليك إللي هيعمله فيك
علي...أتصل تاني واداله الموبايل.
