#جريمه_فى_حى_المقطم
#صاحبه_البطل_الواحد
#اميره_اسامه
البارت السادس عشر..
دخل علي عالڤيلا سابت الشنط بتاعته عالارض وبسرعه طلع المذكرات بتاعت زينه
اعد عالكرسي وأبتدا يقرأ اللي كتبته من بعد الرحله..
فضل يقرأ حجات كتير
ويبتسم وهي بتتكلم عنه لكن وقعت عينه علي بدايه الخيط وأبتدا يقرأ بتركيز
زينه...📝
حاسه بملل فظيع مش لاقيه اي حاجه اعملها حتي الشغل مش قادره أركز فيه حاله غريبه اول احس بيها مش قادره احدد ايه سببها هل ليها علاقه بتعبي ولا سفر علي هو السبب في الحاله دي يمكن صحابي كلهم حواليا لكن وجود علي ديما بيفرق معايا ديما بحس ان هو اللي بيكمل الجزء الناقص فيا ويمكن كمان هو مش حاسس بأحساسي ده لكم حقيقي علي بيكمل في حجات كتير اوي
شعور الملل والزهق بيزيد مع كل ثانيه بتعدي قررت اني اسلي نفسي باللعبه اللي علي كان بيلعبها مش عارفه ليه يمكن عشان اللعبه عجبتني او يمكن عشان علي هو اللي كان بيلعبها فاحييت اعمل زيه لكن الاكيد اني عايزه العبها
قلب علي الصفحه
لقي أربع أرقام تليفون مكتوبين
زينه...📝
اتصلت بالارقام دي والحقيقه من اول ما قولتلهم اني عارفه اللي بيعملوه ففلوا في وشي 😂
أبتسم علي
زينه...فيهم شاب دمه خفيف كان فاضل شويه ويشتمني عشان
بس اقفل ويروح ينام
اما الرقم ده فا صاحبته واضح ان وراها مصيبه ارتبكت جدا بمجرد نا قولتلها اني عارفه كل حاجه بس من جوايا حاجه خلتني اضايقت من نفسي وقررت اني افضل وراها ولو حسيت انها محتاجه مساعده اكيد مش هتخلي عنها
فتح علي الصفحه اللي بعدها
زينه...📝
واضح ان زي ما توقعت البنت وراها مصيبه
فضل علي يقرا. كل التفاصيل اللي هي كتبها تن حكايه دعاء
وتقريبا كانت هي نفس الحكايه اللي حكتهاله.
قلب علي صفحه ورا صفحه
زينه...📝
مبسوطه اني قدرت اساعد دعاء يمكن اللي عملته مش صح لكن انا ساعدتها وفرحتها اللي شوفتها في عينها ريحتني وريحت ضميري من الخوف اللي سببتهلها في البدايه
لكن اللي مضايقني ان علي زعل مني علي اد فرحتي باللي حصل في حكايه دعاء الايام اللي فاتت لكن زعل علي ضايقني كنت مشغوله بحكايه دعاء لدرجه اني مكنتش برد علي علي زعل مني عشان مكنتش برد عليه ولا بتصل بيه وزعل اكتر لما حكتله السبب
قلب علي الصفحه.
زينه...📝
انهارده بكلم علي طول اليوم. مش بيرد وبعدين موبايله اتقفل علي زعلان مني 😔
بس انا محتاجه اتكلم معاه اليوم عدي ببطئ فظيع وعلي مش معايا
قررت في لحظه تهور اني اكسر وعد صحابي ليا اني ملعبش اللعبه دي تاني ولعبت اللعبه تاني
بص علي بصدمه😳
وحس انه قرب يوصل لطرف الخيط
زينه...اتصلت بالارقام دي وكالعاده ققلوا في وشي 😂
وقررت اني اتصل برقم مميز وجربت اتصل عالرقم ده واهو اديني بتسلي لحد ما الاستاذ علي يرضي عني
قلب بسرعه علي الصفحه.
زينه....📝
حاسه اني غبيه جدا ازاي غلطت واتصلت بالموبايل اللي فيه الخط العادي كل الارقام اللي كلمتها كانت من الرقم البرايڤت لكن المصيبه اني اتصلت بالرقم العادي بسرعه عملت للرقم ده بلوك بعد ما قولتله اني شوفت كل حاجه الشخص اللي كلمني صوتت كان مخيف حد كده صوته يقبض وقررت اني مكلمهوش تاني حتي لو من الرقم البرايڤت
لكن الكارثه لما لقبت رقم غريب بيكلمني
من الرقم ده........
وتقريبا هو نفس الصوت لكن صدمتي لما نطق اسمي بصوته المخيف. زينه احمد الوكيل قالي علي كل حاجه تخصي شغلي مكان سكني صحابي
وقتها حسيت اني خوفت
بص علي بتركيز وقدر يفهم ان صاحب الرقم المميز هو نفسه الرقم اللي بيتصل علي زينه واللي ادت رقمه لمحمود وحس ان الرقم الاصلي المميز هو اللي هيوصله لزينه بسرعه كتب رقمه عالموبايل ورجع يقرا تاني
قلب الصفحه.
زينه...📝
انا خايفه اوي احساس اول مره اجربه طول الوقت بتعامل مع مجرمين واشوف جرايم وحوادث لكن اول مره اخاف من مكالمه شخص بيحاول يهددني وكأن الآيه أتقلبت بدل ما انا اللي كنت بلعب معاه بقي هو اللي بيلاعبني
بس الغريب اني مقولتش للشخص ده غير كلمتين اني شوفت كل اللي بيعمله ايه اللي يخلي شخص يهتم بمكالمه ويجيب كل تفصيله عني إلا لو مان عامل كارثه معقول تكون صدفه اني اكلمه واقوله الكلمتين دول في الوقت اللي هو بيعمل فيه حاجه غلط فعلا
بس الاكيد اني حقيقي خايفه اوي ندا سافرت شنس وفؤاد سافروا حتي دينا وماجد سابوني والاهم ان علي لسه قافل موبايله وزعلان مني لكن انا أبتديت أقلق عليه بجد محدش فينا كلنا يعرف عنه اي حاجه طب لو هو زعلان مني عشان زي ما قال اني كنت ممكن اورط نفسي مع دعاء مبيكلمش شمس او حد من صحابنا ليه
كنت متخيله انه مجرد عقاب عشان معملش كده تاني لكن انا أبتديت اقلق بجد عليه
قلب علي الصفحه
زينه...📝
خوفي بيزيد كل يوم عن اليوم اللي قبله تهديد الشخص ده اتحول لافعال انهارده كلمني وسألني عن اللي اعرفه قولتله اني معرفش حاجه واعتبرها لعبه سخيفه
فجأه لقيت الباب بتاعي بيخبط وهو بيقولي افتحي كنت مرعوبه جرس الباب رن 3 مرات كنت واثقه ان هو لان محدش كان ممكن يجيلي في التوقيت ده خصوصا ان صحابي كلهم مسافرين جريت علي تحت ابص من الشبابيك مكانش في اي حد ادامي فتحت الكاميرات ابص محدش واقف وكأن اللي بيخبط ده شبح وقتها حسيت بأعراض التعب بتزيد عليا جريت جبت سكينه وقررت اني اتحدي خوفي خصوصا انه قالي انه جابلي حاجه وبيتمني انها تعجبني بصيت من العين السحريه ملاقتش حد كنت متردده افتح ولا لا لكن فضولي اتغلب علي خوفي واتحت بسرعه لقيت علبه صغيره خدتها وقفلت بسرعه فتحتها لقيتها فلاشه جريت ابص عالفلاشه دي لقيته مصورني فديو من اول ما خرجت الصبح لحد ما وصلت للشغل وبعدها لما نزلت من الجريده عالڤيلا كل ده وهو معايا لحده بلحظه بس اللي صدمني اني لقيته مصور ڤيله فؤاد وشمس وڤيلا ماجد ودينا وڤيله علي وكأنه بيوجهلي رساله صريحه ان صحابي في خطر وقتها علي اللي جه في بالي وربطت أختفائه باللي بيحصل
قلب علي الصفحه وهو بيهمس بصوت مسموع
علي....فلاشه 😳ليه يا زينه ليه عملتي كده ازاي تفتحي الباب ازاي تعيشي كل ده لوحدك مكنتش بعاقبك يا زينه انا تليفوني كان ضايع
ابتدا علي يقرأ في الصفحه اللي بعدها لكن كان التاريخ بعدها بيوم
زينه...📝
علي اد ما اليوم امبارح كان صعب علي اد ما اطمنت ان علي كلمني امبارح وصلني فلاشه تانيه اليوم ده من كتر ما انا كنت مضغوطه ومرعوبه بقيت اشك في كل حاجه بقيت اتلفت ورايا في الثانيه ميت مره لدرجه اني خرجت الصبح اتخانقت مع سواق. أوبر مع صاحبه الڤيلا اللي ادامي كنت متخيله ان هو اللي بيراقبني عرفت انه مجرد سواق هيوصل اوردر اتأسفت ومشيت علي شغلي وبعدها رجعت تاني الغريب ان الفلاشه اللي وصلتني كانت مسجله كل دن خناقتي مع السواق وكل تفاصيل يومي كنت مرعوبه ومش قادره اعمل اي حاجه غير اني اعيط الشخص ده انا اتأكدت ان مش هو صاحب الرقم ده شخص اكيد بيشتغل معاه لاني لما راجعت الكاميرات وشوفته بيدخل من سور الڤيلا ووقف ادام الباب في الوقت اللي كان واقف فيه كان بيكلمني عالموبايل واللي كان عند الباب مكانش ماسك موبايل ولا حتي ظاهر انه بيتكلم اليوم ده كنت مرعوبه بجد وهو معايا عالتليفون في الوقت اللي انا شيفاه فالكاميرا واقف اللي كان فاصل بيني وبينه هو باب وبس احساس مرعب ان يكون بينك وبين شخص بيهددك حاجز بسيط..رغم رعبي وخوفي إلا ان مكالمه علي ليا ردت فيا الروح اخيرا فتح موبايله اخيرا شوفت اسمه علي الموبايل من تاني وكأن أسمه لوحده كفيل انه يخليني احس بالامان كنت منهاره لما سمعت صوته كنت عايزه احكيله كل حاجه لكن خوفت انه يزعل مني تاني ويرجع يختفي ويقفل موبايله كان نفسي احكيله عاللي بيحصل معايا عشان لو حصلي اي حاجه يبقي عارف لكن خوفت انه يزعل ويرجع يعاقبني
علي...بحزن ياريت حكتيلي يا زينه
فضل علي يقرأ كل حاجه كتبتها واد ايه مبسوطه واتغيرت لهجتها في الكتابه من خوف لسعاده.
لكن ركز تاني في كلامها
زينه ..📝
يومين عدوا من غير اي اتصال للشخص ده كان مديني مهله اني افكر واعترف باللي شوفته لكن فضل يومين بحالهم ميتكلمش توقعت انه زهق ومش هيتكلم ولا يرجع يبعتلي اي حاجه تاني لكن مكنتش اعرف انه سايبني لكن عينه عليا في كل خطوه مقدرتش اروح الشغل في اليوم ده اعصابي كانت تعبانه قررت اخرج قضيت يوم حلو جدا من بدايه ما صحيت علي كان معايا لحظه بلحظه لكن لما روحت الملاهي لمحته 🥺 خارج من نفس اللعبه اللي كنت فيها بيت الرعب للحظه شكيت اني بيتهيألي لكن للاسف اللي عرقته بعد كده أكدلي اني كنت صح وهو كان معايا
سرح علي وهو بيفتكر لما شكل زينه اتغير مره واحده وفضلت تبص حواليها كتير وثواني اتحولت من واحده كلها طاقه لوحدها مت تره وقلقانه وعايزه تمشي
رجع كمل
زينه....بليل لما رجعت كلمني تاني وعرفني انه كان معايا وصدقت وقتها احساسي وعيني اللي شافته فضلت مع علي فاليوم ده لحد ما نمت تاني يوم روحت الشغل وحاولت اتعامل عادي كنت مرعوبه لكن احساسي ان علي كلها كام ساعه ويرجع كان مطمني سافر علي ورجعت علي البيت استناه والوقت هتفرج علي الحلقه بتاعت دينا يمكن اقدر اضيع وقت لحد ما علي يوصل واطمن عليه..
ودي كانت اخر حاجه كتبتها زينه بأيدها
بص علي عالمذكرات
علي....الرقم التاني هو اللي هيوصلني ليكي يا زينه والفلاشات ايوه لازم الاقي الفلاشات
طلع بسرعه علي يغير وبعدها بوقت بسيط كلم محمود
علي....الوو محمود باشا
محمود....استاذ علي في جديد
علي....ايوه في معلومات مهمه لازم حضرتك تعرفها وانا واثق ان المعلومات دي هتفيدنا كتير اننا نلاقي زينه
محمود...طيب تعلالي علي مكتبي بسرعه انا مستنيك
علي...مسافه السكه هكون عندك
محمود....مستنيك
قفل علي الخط وخرج بسرعه الڤيلا ركب عربيته وراح لمحمود
...........
في الطريق ماجد كان بيسوق بأقصي سرعه
دينا...بدموع ماجد فهمني يعني ايه دينا اتخطفت انا مش قادره اصدق ولا أفهم اي حاجه
ماجد...مش فاهم يا دينا مش فاهم اللي علي قاله انا قولتهولك انما انا مش قادر افهم اي حاجه
دينا...تفتكر مين يعمل كده هي اخر حاجه زينه كتبت عنها مقال كانت ايه مش اليوتيوبر وده اتقبض عليه يبقي مين
ماجد...مش عارف يا دينا يمكن في حد اكبر منه وهو اللي مشغله اكيد حد وراه
دينا....ويمكن مش هو
ماجد...يمكن انا خلاص دماغي واقفه خايف يعمل فيها حاجه
دينا...ربنا يستر ان شاء الله مش هيحصل حاجه وهنقدر نوصلها
ماجد....اتمني نوصلها بسرعه
دينا....طيب ما تكلم علي كده يمكن يكون قدروا يوصلوا لاي حاجه
مسك ماجد الموبايل واتصل بعلي
علي...ايوه يا ماجد
ماجد ..ايوه ياعلي في اي جديد
علي....اتمني يا ماجد في حاجه كده انا وصلتلها ويارب نوصل من خلالها انا رايح علي ظابط المباحث الوقت اهو
ماجد....طيب اي جديد بلغني انا في الطريق
علي...طيب تمام بس براحه بالله عليك ياماجد احنا مش ناقصين حاجه تاني توصل سوق علي مهلك كده كده احنا لسه موصلناش لاي خاجه
ماجد...تمام متقلقش ياعلي ركز انت بس وان شاء الله اول نا اوصل هكلمك واجيلك
علي...تمام يا ماجد يلا سلام الوقت
ماجد..سلام يا علي
كمل ماجد سواقه في طريقه للقاهره
وكمل علي طريقه
وبعد وقت بسيط وصل وسأل علي مكتب محمود ووصله
ثواني وكان دخل
محمود...اهلا يا استاذ علي اتفضل
علي....وصلت ا لاي حاجه
محمود...للاسف الرقم اللي كان بيكلم زينه لقيناه مرمي بالموبايل في منطقه في وسط البلد وواضح ان اللي رماه قصد يرميه في المنطقه دي.بالذات عشان محدش يقدر يوصل للمنطقه اللي هما فيها فعلا
علي....زي ما قولت لحضرتك ان اكيد ده مش رقمه الاساسي
محمود...فعلا عشان كده لازم نحاول نشوف موبايل زينه ونشوف الارقام اللي كانت عليه يمكن نلاقي اي رقم يدلنا
علي...عشان كده انا جيت لحضرتك
محمود....مش فاهم
علي...هفهم حضرتك بس قبل ما افهمك لازم حضرتك تعرف حاجه مهمه
محمود...اتفضل
علي...زينه لما كلمت حضرتك قالتلك ان الرقم بيضايقها وبس
محمود...صح
علي....للاسف يمكن دي الحقيقه فعلا لكن الحقيقه الاهم ان زينه هي اللي كلمته من البدايه او بمعني اصح كانت بتلعب لعبه
محمود...بتلعب لعبه يعني ايه
ابتدا علي يشرحله اللعبه واللي حصل فيها من البدايه وسبب معرفتها باللعبه والاشخاص اللي كلمتهم بما فيهم دعاء وشرحله كل حاجه من البدايه.حتي حوار الرقم أداهوله وفهمه اللي حصل وغلطتها في الاتصال برقمها
محمود....طيب الفلاشات دي فين
علي...اكيد في الڤيلا ويمكن حضرتك مخدتش بالك لان وارد يكون تندها فلاشات لشغلها
محمود...فعلا احنا كنا بندور في اتجاه تاني بس كده معني كلامك ان الفلاشات دي مش مهمه لان مش عليها اي حاجه توصلنا للسخص بردو
علي....يمكن فغلا
محمود....طيب انت عرفت التفاصيل دي ازاي
سكت علي ثواني وهو متردد يقوله ولا لا
لكن كان مضطر انه يقوله
علي...هقول لحضرتك علي كل حاجه بس اتمني اللي هقوله ده تاخد منه اللي هيفيد حضرتك والباقي متجبش سيره عنه لاي حد مهما كان لان وقتها زينه هتتأثر لو عرفت اني عارف
محمود...مش فاهم
علي....زينه ليها مذكرات كاتبه فيها كل حاجه يمكن اللي في البدايه حجات تخصها هي وتخص يومياتها واسرارها عشان كده انا صورت لحضرتك المهم فيها اتفضل
حد ادامه جزي من مذكرات زينه اللي تخص المكالمات
علي..الورق ده في كل المعلومات اللي انا شرحتها لحضرتك وبخصوص الرقم زينه فعلا قالت انها اتصلت بالرقم ده وبعدها التواصل كله كان من الرقم التاني وبما ان الرقم التاني طلع مش حقيقي يبقي الدايره كلها حوالين الرقم ده
اكيد الرقم ده عليها بيانات الشخص
فضل محمود يمرر عينه عالكلام بسرعه
ويدون حجات في ورقه فاضيه بعد حوالي عشر دقايق رفع محمود السماعه واتصل بشخص بعتله الرقم وقفل
علي...اتمني من حضرتك حوار المذكرات ده ميتفتحش ادام اي حد عشان زينه متضايقش لو عرف ان حد أقتحم خصوصيتها
محمود...اطمن يا استاذ علي احنا المهم عندنا ان زينه ترجع وتبقي بخير
احنا الوقت هنستني لحد ما نعرف الرقم ده يخص مين وهبعت قوه الوقت تجبلي الفلاشات دي وتقلب عليها الدنيا حتي لو مش مهمه يمكن نلاقي فيها حاجه تساعدنا
علي...ان شاء الله
......
في مكان تاني خاااالص
ساعات كتير عدت علي زينه وهي في دنيا تانيه خالص لسه نايمه بسبب المخدر القوي اللي اترش عليها كانت مربوطه علي كرسي وراسها واقعه علي صدرها عينها مربوطه بقماشه سوده
مش دريانه بأي حاجه بتحصل حواليها ولا لسه حد دخلها
لكن أبتدت تفوق شويه بشويه صداع رهيب بيخترق عظام دماغها من النومه اللي كانت نيماها حاسه انها مش فاكره اي حاجه لكن شويه بشويه أبتدت تفتكر حاولت تفتح عينها لكن مكانتش شايفه غير سواد شدت ايدها عرفت انه مربوطه ورجلها كمان مربوطه وهنا ابتدت تفتكر كل اللي حصل وحست برعب فظيع واتأكدت انها خلاص كده في خطر حاولت تسحب ايدها لكن كانت مربوطه كذا عقده وصعب انها تعرف تفكها لوحدها ابتدت تعيط وتنادي بسوط مهزوز
زينه....مين هنا انا فين
انت ميييين عايز مني ايه قولتلك اني معرفكااااااش عايز مني ايه تاني خوفتني ورعبتني وصلت للأنت عايزه عايز مني ايه تاني ارحمني بقي
تعاااااالي تعالي ارفع عن عيني البتاعه دي ووريني نفسك لو تقدر
ياعلييييييي علييييييييييييي
فضلت زينه تنادي كتير لحد ما صوتها وجعها وحست انها خلاص مش قادره من بليل مكالتش اي حاجه ولا حتي شربت ولا خدت العلاج بتاعها حاسه بتعب وبوجع في جسمها من المطر اللي غرقها المكان كان بارد جدا كانت قادره تحس من البروده وصدي الصوت ان الاوضه اللي هي فيها تقريبا مفيهاش غير الكرسي اللي هي اعده عليه الاوضه مش مفروشه وده سبب الصدي اللي بتسمعه لصوتها كانت بتحاول تحس بالمكان لكن صوت الهواء المرعب اللي كان داخل من تحت الباب كان مرعب وقدرت تستنتج ان الصوت ده مش هينفع يكون موجود الا لو كان في شباك او منفذ اخر يعمل التيار بتاع الهواء ده حاولت تهدي نفسها وتستجمع شجاعتها لان هي مكانش عندها بديل هي خلاص اتخطفت وبقت في ايده يعني معندهاش اي حل غير انها تحاول تهدي عشان تقدر تفكر كل اللي كان في دماغها انها تقدر تطول في الوقت علي اد ما تقدر كان عندها امل ان محمود يوصل ويبتدي يدور عليها وكانت عارفه ان اكيد علي وصل وهو كمان مش هيسكت والدنيا هتتقلب عليها يمكن الشخص ده حد حويط جدا ودارس كل خطوه بياخدها لكن كمان كان عندها امل ان ده مجرد كابوس واكيد هتصحي منه فاقت زينه من دايره التفكير دي علي صوت فتح الباب اللي حست كمان من صوته القوي ان ده مش باب خشب ده صوت لباب مصفح من الحديد ووقتها حست بخوف رفعت راسها اتجاه الصوت ومدت ودنها تسمع الخطوات اللي بتقرب عليها عشان تعرف كام شخص دخل عليها مكانتش قادره تحدد سامعه خطوات كتير يمكن تلاته يمكن اربعه
سمعت صوت كرسي بيتسحب عالارض ومع صوت الصدي مان مسبب صوت مؤذي ضايقها وفجأه حست ان الكرسي اتحط ادامها مباشره كانت حاسه انه بيبعد عنها بحوالي متر زينه كانت في الوقت ده بتستعمل حواسها عشان تقدر تكتشف اللي بيحصل حواليها
شويه وساد الصمت حوالي خمس دقايق
لكن كانت حاسه بأنفاسه وكانت قادره تشم ريحه الدخان اللي بيشربه وقدرت تستنتج ان الدخلن ده مش مجرد سيجاره عاديه ولكن نوع فاخر من انواع السيجار وده خلاها قدرت تعرف شويه الشخصيه اللي بتتعامل معاها.
واخيرا قررت تتكلم
زينه....عايز مني ايه
اظن انا بقيت معاك وقدرت تنفذ تهديدك ليا يبقي جه عليك الدور انك تعرفني اللي انت عايزه.
انا عارفه ان انت مش الشخص اللي كان بيهاجمني ولا حتي واحد من اللي خدروني بس انا عندي سؤال عايزه أسأله
سكتت ثواني ورجعت كملت كلام.
زينه...غيرت رأيك ليه انت بعت الشخص ده عشان يقتلني جبتني هنا ليه لما انت كنت عايزه يقتلني؟؟
نطق الشخص اخيرا بصوته المرعب
الشخص...مين قال اني كنت عايز اقتلك
انا كنت عايز بس العب بأعصابك شويه اصل بصراحه اللعبه عجبتني زي ما اللعبه عجبتك بردو
زينه...اللي انت بتعمله ده غلط وهتتحاسب عليه حتي لو قتلتني
الشخص...انا محدش يقدر يحاسبني هو مش انتي عارفه انا مين بردو ولا لسه هتفضلي ماسكه فالاسطوانه بتاعت انا معرفكش
زينه...بس انا فعلا معرفكش قولتلك كانت مجرد لعبه لعبتها وقت زهق مش اكتر
الشخص...واضح انك هتتعبيني وانا مبحبش اتعب كتير عشان لما بتعب بتخرج مني تصرفات لايمكن تعجبك
زينه....علي فكره انا مبقتش خايفه اللي انت عايز تعمله اعمله انا تحت ايدك وبقيت عندك مظنش هخاف اكتر من كده خلاص
الشخص...بيتهيألك انتي معايا هتتمني الموت اوقات الموت بيكون راحه كبيره اوي
وفي لحظات صعبه بتمر علينا بنتمني فيها الموت ومبنفدرش نطوله انتي في كل الاحوال مش هتخرجي من هنا يا زينه
بلعت زينه ريقها بتوتر ورعب من جملته
الشخص...يعني الاحسن ليكي انك تتكلمي وانتي بايدك تخففي عقابك يا اما توصلي للموت بسهوله ومن غير ما تحسي كمان او تفضلي تتمنيه لحد ما ربنا يخلصك من ايدي
زينه....هو بما اني كده كده مش طالعه من هنا زي ما بتقول ممكن تفك اللي علي عيني دي ولا انت خايف
ضحك ضحكه مرعبه
الشخص...خايف انتي بتتكلمي مع شخص يخوف لكن مستحيل بخاف يا زينه
زينه...يبقي فكني اصل انا اتعودت اتعامل مباشره مع الهدف مبحبش اكون ورا حاجز يمنعني اني اشوفه
شاور الشخص ده لواحد من اللي وافقين
راح عليها فكلها اللي الربطه اللي علي عينها
كان في نور اصفر قوي جدا بمجرد ما عينها حست بالضوء ده غمضت من شدته حاولت تفتح عينها واحده واحده الاضاءه كانت قويه جدا مع الوقت الطويل اللي فضلت عينها مربوطه فيه.واخيرا قدرت تفتح لكن مكانتش قادره لسه تركز في الملامح ولما فتحت شافت اربع أجسام بشريه شكلهم يرعب طوال باين علي اجسامهم انهم متدربين علي مستوي عالي اعدين جمب بعض كلهم بصتلهم تحاول تعرف مين فيهم الشخص اللي بيكلمهم فضلت تبص بعينها واخيرا عينها أستقرت عليه هو قدرت تعرفه من السيجار
بصتله وابتسمت
زينه...من قبل ما المح السيجار كنت واثقه ان انت حاسه اني عرفاك او شوفتك قبل كده
الشخص...ده لو علي أساس أنك فعلا متعرفنيش وانها كانت مجرد لعبه فا ممكن اصدق
زينه....انت مين او بلاش انت مين خايف من ايه؟ ايه اللي عملته يخليك تقلق مني اوي كده
الشخص....قولتلك اني عمري بخاف من حد بس يمكن ورايا ناس كتير اوي ممكن توديكي ورا الشمس
زينه...نانت قولت اني كده كده مش طالعه من هنا فا بما اني عند كلامي ومش هغيره ان مكالمتي ليك فعلا كانت مجرد لعبه فا بيتهيألي عادي اني اعرف انت مين وعايز مني ايه والاهم ايه اللي انت فكرتني شوفته واظن ان حتي لو بضحك عليه فانا كده كده ميته زي ماقولت
الشخص....ولو بتضحكي عليا ابقي استفدت ايه مش يمكن يكون وراكي حد
زينه....يمكن بس واضح انك شخص مش عادي وحد صاحب نفوذ يعني تقدر انك تبعد عنك اي تهمه ولا ايه
ابتسم الشخص وبصلها شويه ورجع عمل اشاره للشباب اللي جمبه كلهم قاموا خرجوا وقفلوا وراهم الباب
بصتله زينه بخوف بتحاول تخفيه لكن من جواها كانت ميته.
الشخص....انا هعرفك يا زينه انا ابقي مين
زينه...🥺🥺
.......
في مكتب محمود.
وصل ماجد ودينا وندا وشمس وفؤاد حكالهم علي اللي حصل وخد منهم محمود اقوالهم والكل اكد انها كانت لعبه حقق مع فؤاد ودينا في واقعه الباب اللي اتنسي مفتوح واقتنع محمود لانه مكانش في حاجه تدينهم وبالرغم من صحوبيته مت فؤاد إلا ان طبيعه شغله بتحتم عليه السؤال والتحقيق الخوف علي دينا كان واضح عالكل ماجد كان شايط وعلي اخره من دينا اللي نفذت لعبتها تاني بعد ما قالت انها مش هتكررها وكانت اول مره يوصل لحتله العصبيه دي عكس شخصيته المرحه علي كانت ساكت تماما الكل بيحاول يهدي ماجد إلا علي اللي كان قلبه بيتعصر من الخوف عليها
فؤاد....ممكن يا ماجد تهدي اللي بتعمله ده مش وقته ولا هيحل اي حاجه
محمود....فؤاد معاه حق احنا اللي يهمنا الوقت هي زينه اي حاجه بعد كده مش مهمه نطمن بس انها في امان واضح ان زينه وقعت مع شخص وراه فعلا مصيبه فالوقت ده رن تليفون محمود رد وفضل باصص بزهول وقام وقف وهو بيسمع اللي بيتقاله
كلهم بصوله بقلق
محمود...حضرتك واثق من اللي انت بتقوله ده يا فندم
.......
محمود...العفو طبعا بس انا مش مصدق للاسف او مصدوم.
.......
محمود....طيب ابعتلي المكان فورا يا افندم وعايز دعم معايا
........
شكرا لحضرتك يا افندم القوه هتطلع الوقت حالا
........
محمود...مع السلامه
علي...بلهفه في ايه وصلت ا لزينه
محمود....زي ما توقعت زينه اتورطت مع حد وراه مصيبه بس الصدمه اللي بجد هي الشخص ده
فؤاد...مين يا محمود في ايه بالظبط انا مش فاهم حاجه
محمود....احنا مفيش ادامنا وقت كل وقت بيعدي هو خطر علي زينه بس اللي اقدر اقوله ان من فتره اتقال ان في حد من جوه الجهاز بيلعب لعبه مش تمام تسريب معلومات وححات مشبوه وبعد فتره لما موصلوش لاي حاجه الكلام مات واتقفل عليه او بمعني اصح مكانش في دليل وبعدها حصل كذا قضيه اتورط فيها ناس تقيله في البلد ناس شغاله في الوزاره ودكاتره كبار ورجال اعمال قواضي كتير اكتشفوها تجاره اعضاء اثار مخدرات تسريب معلومات سياسيه بنات كتير في سن صغير استخدموهم في اعمال غلط عشان بس يسهلوا الصفقات المشبوهه دي وللاسف اللي كان بيتمسك فيهم هما الحاجز او بمعني اصح الساتر اللي الكبار دول كانوا بيتداروا وراه ومكنش حد فيهم يقدر انه يتكلم امن الدوله مسكتش لكن ديما كان بيبقي في حاجه غلط ومبيوصلوش للهدف المطلوب يمكن في وزراء ورجال اعمال الفتره اللي فاتت وقعوا لكن الشخص اللي في الجهاز نفسه محدش قدر يوصله يمكن مش هو الشخص الكبير لكن هو اللي عارفهم بالواحد وللاسف الشخص ده هو اللي زينه وقعت معاه وتقريبا كده زينه من غير ما تحس قدرت توصلنا بيه الرقم بتاعه متسجل وبعد اللي حصل واللي زينه وانتوا حكيتوه في اليوم اللي زينه كلمته كان وقتها بتتم عمليه كبيره لتجاره الاعضاء وواضح ان زينه كلمته في الوقت المناسب وبما انه هو اللي خطف زينه وهو صاحب الرقم وهو نفسه اللي شغال في الجهاز فا بيديهي يكون هو الشخص اللي امن الدوله بيدوروا عليه من فتره المشكله ان الشخص ده الشبهه كانت بعيد عنه تماما لانه شخص في شغله معندهوش غلطه وتقريبا كان هو من ضمن المكلفين بالبحث عن الشخص ده كان شخص اهل للثقه وانه يتكلف بمهمه سريه بنفسه للبحث لكن هيبحث عن مين عن نفسه مش منطقي هو كان عارف كل التخطيطات اللي بتتم عشان كده كانت كل عمليه بتتنفذ باحترافيه لانه عارف تفكيرهم في الجهاز وعارف خطواتهم
وللاسف الشخص ده..
يبقي اللواء خالد حجازي رئيس جهاز مباحث امن الدوله واللي للاسف تم ترشيحه لوزاره الداخليه
بصوله كلهم بصدمه
محمود....يمكن صدمه ليا وليكم لاكن انا واثق ان الصدمه في الاسامي اللي هنعرفها منه
عموما مفيش وقت لازم نتحرك في كذا قوه فالفعل اتحركوا علي هناك
خرجوا كلهم ورفض علي ان شمس وندا ودينا يجوا معاهم حفاظا عليهم ولانهم مكانوش عارفين ايه اللي ممكن يحصل
بعد مده بسيطه رجعوا عالبيت عند شمس مستنين منهم انهم يطمنوهم ومشي علي وماجد وفؤاد
ورا القوه اللي طلعت عالمكان اللي فيه زينه
وبعد وقت طويل اخيرا وصلوا لمكان في الصحراوي تحديدا في النقطه اللي هما موجودين فيها
وفجأه🙆♀️🙆♀️🙆♀️😱🏃🏃🏃🏃🏃🏃
