#جريمه_فى_حى_المقطم
#صاحبه_البطل_الواحد
#اميره_اسامه
البارت العاشر...
وصلت زينه الكافيه قبل ما دعاء وياسمين يوصلوا كانت أعده بتراقب إللي داخل وإللي خارج وكان في المقابل للتربيزه بتاعتها ماجد😱
كانت زينه بتبصله كل شويه وكأن بينهم لغه إشاره
فلاش باك..
بقلمي ……………..أميره أسامه
زينه...الوووو
ماجد بصوت نايم أيوه يا زينه
زينه...إيه ده أنت نايم لأ أصحي كده وفوقلي شويه
ماجد....في إيه يا زنانه عالصبح عايزه إيه
زينه...قوم والنبي يا ماجد عيزاك في حوار كده
ماجد...يابنتي حوار إيه أنا نايم متأخر ومعنديش شغل كتير أنهارده أمشي يا زينه لما أصحي هكلمك
زينه....لما تصحي في عينك قوم بدل ما أجي أصحيك بالعافيه
ماجد...الله يخربيت زنك ومعرفتك ويخربيت دي قرابه عايزه إيه يا زينه أديني أتنيلت وقومت أهو أرغي عايزه إيه
زينه...لأ أرغي إيه مفيش وقت للرغي أبقي أرغي وأحكيلك في الطريق
ماجد...نعمممم طريق إيه إن شاء الله
زينه....ماهو أنت زي الشاطر كده هتقوم تلبس وعشر دقايق ربع ساعه بالكتير هعدي عليك وهنروح بعربيتي مش هخليك تسوق يا سيدي
ماجد...لا والنبي يالهوي علي كرم الأخلاق بت أتكلي علي الله أنا عايز أنام
زينه...كده يا ماجد بقولك عيزاك في مشوار مهم ومش عايزه أبقي لوحدي
ماجد....بقله حيله اللهم طولك يا روح طب حتي فهميني
زينه ....قولتلك فالطريق مفيش وقت
ماجد...طب أقفلي يا زينه أقفلي😡😡
بعد وقت بسيط نزل ماجد كانت دينا نايمه ورايحه فالنوم ركب مع زينه ومشيوا بالعربيه وفي الطريق حكتله
زينه عاللي حصل.
ماجد...طب وأنتي إيه إللي يدخلك في حوار زي ده ولعبه إيه يا هبله إللي لعبتيها منك لله يا علي أنت السبب
زينه...مالك انت ومال علي الوقت يعني هو إللي قالي العبيها😡
ماجد...لا يا ختي هو صاحب الفكره ميعرفش إن في واحده تجري ورا الجريمه بالمشوار😡
زينه....أفهمني بس يا ماجد بجد البنت دي شكلها وراها حاجه ومحتاجه مساعده
ماجد...ياستي وأحنا مالنا أحنا هنلف نحل المشاكل بتاعت الناس كمان
زينه...علي فكره بقي يا ماجد أنت منافق
ماجد...😳😳أنا
زينه...أيوه أنت لأن شغلك والبرنامج بتاعك أصلا معتمد علي مساعده الناس وكشف الحقيقه وبراءه المظلوم يعني برنامج خيري فالأساس
أزاي بتقول الوقت وأحنا مالنا
ماجد...لأن أحنا بنعمل كل إللي أنتي قولتي عليه ده بموافقه الناس أو بمعني أصح ناس كتير تانيه هما إللي بيطلبوا أننا ندخل في حل المشاكل والقواضي دي لكن إنتي يا زينه معملتيش كده إنتي كنتي بتلعبي والمصيبه إنك مش حاسه إن إللي عملتيه ده جريمه يحاسب عليها القانون لأنك أقتحمتي حياه حد من غير ما يطلب مساعدتك إنتي مكنتيش قاصده المساعده إنتي كنتي بتلعبي يعني أقتحام حياه شخص ومش بس كده ده كمان ترهيبه ورعبه
زينه...عارفه ويمكن فعلآ زي ما بتقول غلط بس أنا حسيت إن البنت محتاجه مساعده أسيبها
ماجد...هي مطلبتش أصلآ المساعده ولو عرفت إن دي لعبه مش بعيد ترفع عليكي قضيه
زينه...طيب يا سيدي أنت معاك حق بس كمان أنا مش قادره أمنع نفسي إني أساعدها بعد ما عرفت إنها محتاجه مساعده
ماجد....لأ قولي مش قادره أمنع نفسي من أكتشاف جريمه زينه إنتي الجريمه بقت تجري في دمك شغلك اثر عليكي وكل عقلك خالص
زينه...بضحك طب عشان خاطري خليك معايا بس ونشوف إيه حكايه البنت دي
زينه...ومرحتيش ليه لوحدك يا حمامه السلام ومشحططه أهلي من الصبح ومصحياني
زينه....بصراحه🙄🙄أنا خوفت أروح لوحدي
ماجد....خوفتي😒😒أه يا قادره كمان إنتي إللي خوفتي أشحال إن مكنتيش إنتي إللي راعبه البنت
زينه...بضحك😂😂😂أنا
ماجد....لأ أمي عمومآ أنا من خبرتي المتواضعه أحساسي بيقول إن في علاقه بين البنت دي والولد إللي قالتلك أسمه وشكلها علاقه مش تمام
زينه...شغلت كرومبو عمومآ أنا كمان شاكه في كده وأهو عمومآ هنعرف
ماجد...طيب ودي هتعرفيها أزاي وإنتي المفروض موصللها إنك تعرفيها يعني
زينه...والله ماعارفه عشان كده قولت أروح بدري وأكيد إللي هتيجي هيبقي باين عليها التوتر عالأقل
ماجد....هنشوف.
