#جريمه_فى_حى_المقطم
#صاحبه_البطل_الواحد
#اميره_اسامه
البارت التاسع عشر...
حاولت زينه تقفل بايدها الكانولا لكن كل محاولاتها باءت بالفشل وفجأه سمع علي صوت تألم وتأوهات خارجه منها
فتح عينه بسرعه وقام وقف لما لقاها بتحاول تقوم ووشها كله عرق رغم بروده الجو إلا ان المجهود اللي عملته عشان تحاول تقفل الكانولا او تشيلها كلها فشلت
علي...بتعملي ايه يا زينه وايه اللي مقومك كده
زينه...اسفه ياعلي حاولت معملش صوت
علي...صوت ايه وبتاع ايه انتي بتعملي ايه
زينه...بحزن حاولت ارن عالممرضه مطولتش الزرار عشان ايدي راكبه فيها الكانولا ومش عارفه كمان اشيله
علي....وتشيليه ليه ده لسه فاضله شويه انتي عايزه ايه انتي تعبانه
زينه...باحراج لا انا كويسه
علي...امال فيه ايه وكنتي رايحه فين
زينه....انا ..انا ممكن تنادي الممرضه
علي...قوليلي عايزه ايه زينه وانا هعملهولك.
زينه....خلاص خلاص مش عايزه ممكن بس تجبلي المخده عشان وقعت
علي...راح وقف ادامها وكلمها بصوت هادي زينه عايزه ايه
زينه...باحراج انا كنت عايزه ادخل التويلت
ابتسم علي بتفهم لإحراجها الشديد وكل المهرجان اللي انتي عملتيه ده عشان عايزه تدخلي التويلت وقعتي المخده بتحاولي تقفلي الكانولا طب قوليلي هتقفليها ازاي وتشليها ازاي اصلا من ايدك لما هي راكبه في السليمه
عرقتي وبهدلتي نفسك كده عشان بس متقوليليش
زينه.....بأحراج مش كنت سبت ندا معايا افضل
علي....بأبتسامه لا محدش هيأعد معاكي غيري ده لو عاجبك يعني
زينه...بابتسامه مش اوي يعني
علي...ضربها بخفه علي راسها حتي وانتي تعبانه مفتريه
قرب علي من الكانولا قفل الزرار بتاع المحلول وشدها من الحقنه المتوصله بايدها وقفلها وراح تاني عليها نزل علي ركبته مسك الكوتشي ومسك رجلها حست زينه بان كل جسمها اتنفض من لمسته 🙈إنتفاضتها كانت كفيله توصل لعلي مدي أحراجها وشعورها الغريب اللي حست بيه لبسها بسرعه الكوتشي وقام وقف مسك ايدها السليمه يقومها وحاول يغير الحاله اللي هو وهي وصلولها بطريقه مرحه
علي....انتي عيزالك كام صوره كده وانتي لابسه لبس المستشفي ده عالكوتشي بصراحه طقم جامد😉😂
زينه....بألم واضح انت بتتريق عليا اخرج بس من هنا وابقي كويسه وهطلعه عليك
علي...طب يلا قومي براحه
نزلت زينه من عالسرير وهي سانده علي علي مشيت معاه كام خطوه لكن بمجرد ما لمست رجلها الارض حست بدوار شديد دي كانت المره الاولي اللي تتحرك فيها بعد خروجها من العمليات والدوار ده كانت نتيجه البنج
وقفت مره واحده
علي...ايه مالك وقفتي ليه
زينه....مفيش بس حاسه اني دوخت اوي
علي...ده طبيعي عشان البنج اللي انتي خدتيه وعشان الاكل اللي انتي مكلتيهوش
مشيت تاني زينه كام خطوه
علي....لو عايزه تأعدي اقربلك الكرسي
زينه...لا لا خلاص خليني اخلص عشان ارجع تاني عالسرير
كان علي ماسكها من كف ايدها وخايف يمد دراعه يمسكها من كتفها المصاب عشان متتألمش حس انها مش ماشيه كويس وداخيه بسرعه لف دراعه التاني علي وسطها
شهقت زينه شهقه داخليه واتشبث جسمها في ايده بمجرد ما لمسها لكن حاول علي يخلص من الوضع ده بسرعه عشانها وعشانه قبلها وقف ادام الحمام
زينه....بس سبني انا هقدر ادخل
علي...متأكده انا علي فكره ممكن ادخل معاكي عادي😉😂
بصتله زينه باحراج علي احترم نفسك
علي....الحق عليا خايف تقعي جوه مش هبص علي فكره😂😂😂
زينه...والله هرجع تاني
علي...بحب طب خلاص حقك عليا انا بهزر يلا ادخلي وانا واقفلك هنا بس متقفليش علي نفسك من جوه
زينه...ماشي دخلت زينه وهي بتتسند علي الحيطان وقفلت وراها الباب
كانت واقفه مش عارفه تعمل ايه ولا تساعد نفسها ازاي فضلت تحاول بايد واحده انها تنهي مهمتها وبعد عذاب اخيرا قدرت كانت حاسه انها بقالها زمن مدخلتش الحمام وكانت محتاجه انها ترتاح واخيرا خلصت وابتدت تعيد نفس العذاب تاني لحد ما رجعت لبسها زي ماكان سندت علي الحوض وفتحت الميه قربت اطرافها تبلها وتقربها من وشها كررت الحركه عدد مرات عشان تحاول تبعد الدوخه دي عندها لكن كانت الدوحه بتزيد وحست زينه ان تدم اتزانها ده مش بس من تأثير البنج ده كمان اكيد عشان مخادتش علاجها بقالها يومين فضلت سانده عالحيطه وحاطه راسها علي ايدها
علي....زينه خلصتي
كانت بتحاول تعلي صوتها لكن كانت مش قادره
خبط علي عالباب بقلق
زينه انتي كويسه لمل ملاقاش رد فتح الباب بسرعه شافها وهب سانده كده قري منها بسرعه
علي....مالك انتي كويسه
زبنه....بصوت يكاد يكون مسموع دايخه اوي ياعلي
علي...طيب انتي خلصتي
زينه....ايوه
بدون مقدمات انحني علي وشالها وفي لحظه بقت زينه بين احضانه ورغم شهقتها الداخليه لكن تعبها وعدم اتزانها خلوها تسكت تماما
خرج علي بيها من الحمام وفي ثواني نزلها بهدوء عالسرير
وقبل ما ريفع رجلها قلعها الكوتشي وقام عدلها المخده وحاول يسندها ترجع راسها لورا ورجع من تاني ركبلها المحلول في ايدها وغطاها كويس
علي....انتي لازم تاكلي حاجه يا زينه
زينه....مش عايزه يا علي انا دايخه جدا وحاسه اني هرجع
علي...لا مش هترجعي انتي بس عشان دايخه
راح جابلها اكلها وابتدا يأكلها بالعافيه
زينه...عشان خاطري ياعلي مش قادره والله
علي...اسمعي الكلام يا زينه انتي نزفتي كتير
اوي ولازم تعوض العلاج من غير اكل مش هينفع وهتتعبي اكتر
كانت زينه بتاكل غصب عنها عشان مش قادره تقنع علي بانها مش قادره فعلا
مارتاحش علي غير لما اكلها وشربها باقي العصير
قام شال التربيزه من تاني ورجع غطاها كويس
علي....حاولي يلا تنامي تاني شويه
هزت زينه راسها في تعب شديد وغمضت عينها
عدي حوالي عشر دقايق وهي بتقاوم احساسها باخراج كل اللي في معدتها لكن مبقتش قادره تستحمل ولا عارفه حتي تحط ايدها علي بوئها لمنع احساسها ده
فجأه فتحت عينها
مان يادوب علي بيربع ايده وبيرجع ضهره للكرسي عشان ينام
زينه...الحقني ياعلي
فتح علي عينه بسرعه
ومن ملامحها كان حاسس انها هترجع جري جابلها باسكت صغير وقبل ما يقرب كانت وصلت في التحمل لاقصي درجه ومقدرتش تمسك نفسها ورجعت الارض جزء منها اتبهدل لكن لحقها علي في اخر ثانيه وقرب منها الباسكت وهو بيحاول يسند ضهرها فضل ترجع كتير وهي حاسه باحراج من الموقف لكن كان غصب عنها
بعد ما خلصت
علي....خلاص
هزت زينه راسها بارهاق شديد وكأن معدتها كان فيها صراع
حط الباسكت علي جنب زينه كانت اعده مايله لادام صدرها بيعلي وبيهبط بطريقه فظيعه نتيجه المجهود اللي بذلته في محاوله السطره علي البركان اللي كان داخل معدتها
مسك علي ازازه ميه وحط حبه علي ايده وابتدا يغسلها وشها بأيده عشان البهدله اللي عملتها في نفسها
قرب منها الميه شربها حبه وقرب الباسكت منها تاني عشان تخرج الميه من بوئها تاني
كررتها كذا مره سحب علي كام منديل نشفلها وشها ورجعها تاني تنام وغطاها كويس
وراح عالارض مسك مناديل وابتدا ينضف الارض كانت زينه بتبصله بذهول ازاي بيعمل كده وهو مش قرفان هي نفسها قرفانه من نفسها كانت مشفثه عليه مش قادره تتحمل احراجها من الموقف ولا قادره تتخيل ان ممكن حد يعمل كده إلا لو كان بجد بيحب
انهي علي مهمته وخدت الباسكت نضفه في الحمام ورجع كل حاجه زي ما هي من تاني وراحلها قرب منها
علي....بأبتسامه جذابه عامله ايه الوقت احسن انا اسف اني ضغط عليكي عشان تاكلي كنت فاكرك بتهربي من الاكل والله
زينه....بدموع انا اللي اسفه ياعلي والله مقدرتش امسك نفسي انا اسفه
علي....بضحك انتي عبيطه يا زينه اسفه علي ايه
زينه...بدموع زي الاطفال عالقرف اللي عملته ده
مسح علي دموعها وبصلها بحب وهو انتي فاكره اني بقرف منك يا زينه وبعدين هو لو انا مكانك كنتي قرفتي مني يابت🤨
زينه....لا
علي...طيب خلاص اعتبريها جميله وعستناكي تردهالي لما اتعب بجمله الجنايل اللي بقدمها يا غلبانه
ابتسمت زينه غصب عنها بعد الشر عليك
ابتسم علي بحب وقرب من راسها باسها بحب
علي....طيب يلا نامي شويه بقي وانا كنان هنام عشان مش قادر افتح عيني خالص قبل ما المجانين يجوا ومنعرفش ننام
زينه....ماشي
قفل علي النور وراح نام عالكنبه بعد ما سحب البطانيه عليه يحاول يدفي بيها نفسه من البرد اللي مخترق الاوضه
وبعد وقت بسيط راحوا في النوم الاتنين
.......
عدت كام ساعه كانت الساعه 10 ملحقش علي يرتاح فيهم ولا يعوض تعب اليومين اللي فاتو وخبط الباب دخل الدكتور يطمن علي زينه ومعاه الممرضه اللي دخلت قبله مرتين تتابع المحلول ومع كل دخول كان علي يقلق
ولعن من جواه الحظ اللي مش مساعده ينام شويه واو حتي نص ساعه علي بعض
دخل الدكتور اطمن علي زينه وطمن علي ان الجرح كويس وخرج بعدها بعشر دقايق خبط الباب تاني الفطار كان جه
علي....لنفسه مش هعرف انا في ليلتكم المهببه دي
راح قرب منها الفطار عشان تاخد العلاج
زينه...كانت مشفقه عليه عينه لونها احمر وواضح عليه الارهاق الفظيع
عدي حوالي ساعه
ماجد ودينا جم
ماجد....صباح الفل يا زنزون
زينه...بابتسامه صباح النور
دينا....عامله ايه انهارده
زينه...احسن الحمد لله كتير
ماجد....الواد ده تعبك
بصت زينه علي علي اللي اعد عالكنبه بتعب بيحاول يقاوم النوم
زينه....ده انا اللي تعبته جدا والله
ماجد....ما يتعب هو يطول يتعب لبنت خالتي
بصله علي بتحذير رغم ارهاقه
علي...عدي ليلتك مش ناقصك
ماجد...بضحك انت اتحولت زومبي ولا ايه مال عينك حمرا كده ليه
زينه...علي تقريبا منامش خالص ده تالت يوم ليه من وقت ما رجع من السفر وهو تعبان كده
ماجد...طيب بقول ايه روح يا علي عالڤيلا خد دش كده وظبط حالك ونام شويه وبعدين ابقي تعالي
علي...لا انا اعد مش هسيب زينه متحنلوش همي
زينه...علي اسمع الكلام وبعدين ماهما معايا اهو وشويه وشمس وفؤاد وندا هيجوا
وفارس كمان يعني مش هبقي لوحدي
ماجد...روح ياعلي انا مش هسيبها انا ودينا وزي ما قالتلك كلهم جايين الوقت
حاول الكل يقنعه
علي....طيب تمام هروح اريح شويه بس محدش فيكم يسيبها لوحدها
دينا...اطمن احنا اجازه من الشغل هنفضل معاها لحد بليل نام براحتك ومش هنمشي غير لما تيجي
علي...ماشي بص لزينه مش عايزه حاجه اجبهالك وانا جاي
زينه....بابتسامه شكر لا يا علي سلامتك خلي بالك من فارس
علي...😒😒ان شاء الله علي اروح الاقيه بوظ حاجه في البيت هعلقهولك
زينه...بضحك انا اخويا يعمل اللي هو عايزه
علي....اه وماله ماهو مال سايب ابتسم علي قبل ما يمشي مش هتأخر
ماجد....براحتك يا صاحبي
خرج علي من الاوضه اطمن ان الاتنين العساكر واقفين
نزل ركب عربيه ومشي وكلم شمس كان باين علي صوتها انها لسه صاحيه
علي...ايه ياشمس راحه لزينه امته
شمس...انا لسه صاحيه يظهر راحت عليا نومه محستش بنفسي من تعب السفر وبهدله امبارح هقوم اهو اجهز
علي...طيب انا رايح عالڤيلا هعدي عليكي اخد المفتاح قبل ما تروحي اوعي تمشي
شمس...انت سبت زينه لوحدها
علي...لا طبعا ماجد ودينا معاها لسه جايين وانا لسه نازل اهو
شمس...تمام يا حبيبي روح ارتاح شويه ومش هنمشي غير لما تيجي
شمس....تمام هعدي عليكي متمشيش قبل ما اخد المفتاح
شمس...مفتاح ايه🤨
علي...انتي بتهرجي يا شمس انتي مروحتيش خدتي مفتاح الاوضه
شمس...ااااه نسيت لا خدته فكرتك بتقول مفتاح الڤيلا
علي...خلاص انا جاي اهو
شمس...اوووك
علي....يلا سلام
شمس...سلام يا حبيبي
.........
ماجد...ماتفكي بقي يابت بدل ما العب في وشك البخت🤨هو انا مش صالحتك
زينه...مش عايزه منك حاجه انا ولا هكلمك تاني اصلا
ماجد...لدينا شايفه شايفه قلت الادب يعني غلطانه وكمان عامله فيها زعلانه
زينه....انا مش غلطانه😡😡
ماجد...يابت بلاش تكوني عنيده كده بعد كل الكوارث اللي حصلت دي وياعالم تكون خلصت او لا تقولي مش غلطانه
زينه...اقصد يعني اني مكنتش اعرف ان هيحصل كل ده🙄
دينا....لا بصي بجد يا زينه بجد ماجد عنده حق احنا كنا هنتجنن عليكي انتي لو كنتي شوفتيه سايق ازاي والله العظيم انا كنت بتشاهد جمبه وحاسه ان عجل العربيات هيتفرتك عالاسفلت
ماجد...منك لله انا خدت كذا رادار ايه عنب😒
زينه...بأبتسامه ٥دايه علي فكره
ماجد...بابتسامه حب هو من ناحيه فداكي فا طبعا فداكي يابت انتي مش بس بنت خالتي انتي صاحبتي وصاحبت مراتي وبحسك بنتي انتي ودينا بحس اني مسؤول عنكم والله العظيم
دينا وزينه ربنا يخليك لينا❣️
ماجد...بضحك ايه فريق الكورال ده😂😂
زينه...😂😂😂
دينا...بقولك ايه ما تنزل تجبلنا حاجه نشربها حاجه حلوه اعمل اي واجب كده
ماجد...بس كده عيني بس اوعي تخرجي من الاوضه ولا تسبيها انا هجيب من المستشفي هنا مش هخرج هطلع علي طول
دينا...تمام هروح فين انا اعده ارغي انا وزنزون
ماجد...والنبي شكلك بتوزعيني😏
دينا...بضحك بصراحه اه والله😂😂😂😂
ماجد...وهو بيقوم ما انا عارف انتوا اللي اتنين يتفاتلكم بلاد🤨
مش هجيب خلصي يا اختي الكلمتين عشان هاجي اعد علي قلبكم
دينا...ماشي 😂😂خرج ماجد وقفل وراه
زينه...بصت لدينا بأستفسار هو انتي بتوزعيه بجد؟؟
دينا...🤨اه بوزعه بجد
زينه...بابتسامه طب ايه ارغي
دينا....علي بيحبك يازينه
بصتلها زينه بصدمه😳
دينا...ايه مصدومه كده ليه انتي عارفه اني انا دبش ومبعرفش الف وادور
زينه...بأرتباك اااا طيب انتي ليه بتقولي كده انتي عارفه ان انا وعلي صحاب جدا ويمكن اختلط عليكي الامر
دينا...انا مش عيله صغيره يا زينه عشان معرفش افرق بين الحب والصداقه الحب بيبان يا زينه وانتي عارفه انا واقعه ومتدهوله في ابن خالتك من واحنا في الجامعه ازاي لو كنتي شوفتي علي لما وصلنا القسم كامل عامل ازاي وحالته ايه كنتي اتأكدتي من كلامي علي كان عامل زي الغرقان اللي اتعلق بقشايه بمجرد ما شافنا كان عامل زي الاب او الام اللي بيتوه منه بنته وبيدور عليها وسط عالم غريب ميعرفش فيه حد ولما شاف حد يعرفه كأن الحياه رجعتله يمكن كلنا مش بس قلقنا عليكي احنا كنا هنتجنن وماجد كان شايط ومتعصب ويمكن عمل اللي اكتر من اللي انتي شوفتيه بكتير بس احنا كمان حاولنا نهديه شويه
وبرغم كل اللي عمله ماجد علي يمكن كان اضعافه ويمكن كمان كان صعبان عليا اكتر
ماجد كان قادر يعبر عن مشاعره لانك فالاول والاخر بنت خالته لكن علي كان متقيد مش عارف حتي يطلع اللي جواه ولو اللي جواه صحوبيه وصداقه يا زينه كان طلعها زي الكل لكن هو كان ساكت ومش قادر ينطق هو فضل انه يسكت عشان ميتكشفش ادامنا لكن عينه كانت فضحاه يا زينه
زينه كانت بتسمعها وهي متأثره بكلامها ومصدقاه لان هي لاحظت سكوته ده وشافت طريقته معاها.
دينا...روحتي فين
زينه...معاكي بس بردو ده مش صح يا دينا انتي عارفه علي يعني
دينا...انتي مصدقه نفسك وبعدين طب ما انتي كمان بتحبيه
زينه...بارتباك لاااه ده انتي شكل الحمل أثر علي دماغك
دينا....الحب مش عيب يا زينه ومن الاحاسيس اللي مهما خبيناها كتمنها بيفضحنا...علي بيحبك يا زينه وانتي كمان واضح عليكي انك بتحبيه صدقيني علي ميتسابش يا زينه علي جدع وابن حلال وبميت راجل ويعتمد عليه صديق وفي بجد صاحب صاحبه اوي علي فيه مميزات كتير حلوه يا زينه
زينه...ابتسمت وسكتت فاللحظه دي دخل ماجد
ماجد....تعالي خدي مني النسكافيه ده
دينا....جبت اي حاجه حلوه
ماجد...اه جبتلكم امسكي الشنطه دي مليانه ايه خلصتي نم
دينا...بضحك اه خلصت😂😂😂
مسكت دينا النسكافيه اديته لزينه وفتحتلها بسكوت خدت منها زينه وسرحت بحب وهي بتفتكر كلام دينا وبتتخيل شكل علي وهو قلقان عليها
........
دخل علي الڤيلا بعد ما خد المفتاح بتاع الاوضه بتاعته اول ما دخل لقي فارس واقف في المطبخ محتاس مش عارف يعمل فطار
علي...صباح الخير
فارس...صباح الخير ياعلي انت سبت زينه
علي...لا دينا وماجد معاها وشمس وفؤاد لسه رايحين الوقت
هغير وانام شويه ولما اصحي هروح
فارس....اووووف طب ليه مكلمونيش اروح معاهم انا لسه صاحي وفكرتهم لسه مش راحوا
علي....ندا كمان لسه صاحيه وقالت هتسبقم كلمها روح معاها معاك رقمها ولا تاخده
فارس...لا معايا طبعا
هكلمها اتفق معاها
علي...تمام انت بتعمل ايه كده ومالك واقف زي اللي ضايع منه حاجه
فارس...عايز اعمل قهوه بس مش عارف بتتحط فين دورت في الاكياس اللي شمس جابتها بس مش فيها حاجه وبصراحه انا جوعان جدا
علي...جوعان😒😒اسمها جعان🤨🤨
فارس...what ever المهم عايز افطر
علي...طيب وسع كده كلم ندا اتفق معاها علي بال ما اعمل القهوه انا كمان عايز اشرب دماغي هتنفجر
فارس...اوك
راح فارس يكلم ندا
وقف علي يعمل القهوه ويعمله فطار..علي لنفسه قال جوعان قال😒😒
اتفق فارس مع ندا وطلع لبس بسرعه ونزل كان علي تمله الفطار
علي....الفطار والقهوه عالسفره انا طالع عايز حاجه
فارس...انت مش هتفطر
علي...لا انا واخد القهوه هشربها فوق عايز اخد دش والحق انام شويه
فارس...اوك
علي....يلا سلام
فارس...سلام
........
عدي وقت بسيط واتصلت ندا بفارس خرجلها سلم عليها واتحركت ندا عالمستشفي.
فارس....كويس انك مش روحتي معاهم مكنتش هعرف اروح لوحدي
ندا...انا مكنتش قادره اصحي قولتلهم يسبقوني صحيت وهما لابسين قولتلهم يمشوا هما
فارس...عامله ايه في الشغل
ندا...تمام الحمد لله مش ناوي تعمل زي زينه وتستقر هنا
فارس...انا معرفش حاجه هنا زينه كانت بتروح وتيجي كتير يمكن كان قرار غريب انها تنزل مره واحده مكنتش متوقع بصراحه انها تشتغل هناوتسيب امريكا كنت فاكر انها نازله تغير جو وبس
ندا....يا سلام وماله هنا امريكا احسن من مصر في ايه
فارس...لا مقصدش بس هي كانت مظبطه حياتها علي الاستقرار هناك مره واحده قررت انها تشتغل هنا وتحجز وتنزل علي طول
ندا....ده نصيب يا فارس كل واحد مننا ليه نصيب في حاجه لازم هيشوفها بنتولد في مكان وبنعيش في مكان ونشتغل في مكان وبنموت في مكان ويمكن كمان نموت في بلد تانيه غير بلدنا كل ده نصيب ومكتوب لازم هنعيشه
فارس...معاكي حق فعلا عارفه من وقت ما زينه سافرت بالرغم ان بابا وماما معايا بس حسيت بفراغ كبير جدا لما مشيت
دينا...بس اللي اعرفه انكم مكنتوش في نفس الولاية
فارس...ده حقيقي انا كنت بدرس في ولايه تانيه ولما خلصت اشتغلت في نفس الولايه بس كمان زينه كانت بتجيلي علي طول وانا كمان كنت بروح ديما ده غير التليفونات بينا كانت علي طول مش بتتقفل
لما كنت احس اني مضايق اكلمها بالساعات وتفضل تضحكني وبنسي معاها الدنيا ابتسم وهو بيفتكر ...زينه فرقت معايا كتير لما مشيت يا ندا
يمكن من يوم ما نزلت وانا ديما افكر اني انزل واسيب كل حياتي هناك واجي اعد معاها واشتغل هنا بس لحد الوقت مش قادر اخد قرار ومش عارف لو عملت كده ابقي صح ولا غلط
ندا...بص انا مقدرش اقولك بس انت اللي تقدر تحكم في قرار مصيري زي ده والاهم انك لما تقرر تكون مقتنع وعارف انك مش ممكن تندم
فارس....معاكي حق
ندا...هو انت اعد هنا اد ايه
فارس...يعني ممكن اسبوعين
ندا...خلاص اعتبر الاسبوعين دول تجربه جرب كل حاجه وشوف هتقدر تتأقلم مع العيشه هنا ولا لا
فارس...انا فعلا ناوي اعمل كده خصوصا بعد ما عرفت ان بابا وماما علي اخر السنه مقررين انهم خلاص ينزلوا ويستقروا هنا
بابا بيقول انه خلاص محتاج يرتاح مطمن عليا ومطمن علي زينه فا مقرر انه يصفي كل شغله هناك ويرجع بلده
ندا...يعني مش هيبقي معاك حد هناك عموما بردو انت اللي تقدر تقرر انت عايز ايه فكر كويس وصدقني هتوصل للي انت عايزه واتأكد ان اختيارك هيكون هو ده اللي ربنا مختارهولك
هز فارس راسه لندا بابتسامه وكملوا طريقهم للمستشفي
عدي يومين مكانوش بيسيبوا زينه لحظه علي معاها علي طول ومتغاظ من فارس وغيرته عليها كان هو الوحيد اللي مقتنع بيها لان هو الوحيد اللي عارف ان زينه مش اخته وقربه منها وحضنه ليها كان بيزود النار جواه بس مكانش قادر يتكلم خصوصا ان زينه مش شيفاه غير اخوها الصغير وبس في خلال اليومين دول كان ديما كل شويه الظابط يجي ياخد منها كلمتين بخصوص خالد ويعرفها باللي بيحصل والناس اللي اتقبض عليها والناس اللي طلعوا متورطين فالقضيه.واخيرا خرجت زينه من المستشفي واتفك التشميع اللي عالڤيلا
ورجعت كل حاجه زي ما كانت وعلي اد ما كان علي مضايق من وجود فارس معاها في نفس المكان إلا انه كان مطمن عشان نفسيه زينه بعد ما رجعت الڤيلا اكيد هتفتكر كل اللي حصل يوم الحادثه ووجود فارس معاها هيخليها تعدي المرحله دي
اتصلت زينه بعلي
علي....الووو
زينه...وراك حاجه
علي...نعممم
زينه..انجز وراك حاجه
علي...لا ليه
زينه....عايزه اخرج واخرج فارس من يوم ماجه وهو محبوس بسبب اللي حصلي وعايزه اخرجه شويه انت عارف انه جاي اسبوعين وبس
علي...😒😒مش خارج
زينه...بطل رخامه بقي انا لسه مش قادره اسوق وهو هنا مش هيعرف يتعامل
علي....اه يعني انا جاي بصفتي سواق🤨
زينه...بضحك لا والله مقصدش بس انا عيزاك معانا
علي....ماشي امري لله
هتروحوا فين
زينه...بصراحه مش عارفه
علي...خلاص اجهز ا وانا هوديكم مكان حلو زينه....بفرحه ماشي😍
ابتسم علي وقفل معاها
وبعد وقت بسيط كان علي عدي عليهم وخدهم ومشيوا شويه بسيطه وصل المكان كان عباره عن مطعم عالنيل وكافيه وبيتقدم فيه فقرات غنائيه.
وفجأه🥴🥴🥴
