#جريمه_فى_حى_المقطم
#صاحبه_البطل_الواحد
#اميره_اسامه
البارت الرابع..
صحيت زينه من النوم وهي عندها طاقه من النشاط دخلت الحمام غسلت وشها وبعد وقت بسيط خرجت عشان تجهز للشغل لبست وابتدت تحضر في ورق خاص بشغلها وفجأه أفتكرت المذكرات بتاعتها راحت علي الشنطه فتحتها عشان تكتب اخر احداث حصلت بينها وبين علي لكن أتصدمت لما ملاقتش المذكرات فضلت تدور بسرعه وتطلع الهدوم بتاعتها ترميها بأهمال علي السرير
زينه....بخوف ايه ده راحت فين انا متأكده انها كانت في الشنطه انا حطتها بأيدي قبل ما نمشي من الشاليه.
بس انا خدت من الشنطه مسكن يمكن وقعت في شنطه علي بس انا شوفتها وقفلت الشنطه وهي موجوده لا لا اكيد وقعت انا لازم اروح لعلي بسرعه يارب ما يكونش شافها وهو بياخد شنطته تبقي كارثه لو شاف اللي فيها.
لمت زينه ورق الشغل بسرعه
وجريت علي العربيه من غير ما تفطر او تشرب حاجه
وصلت بسرعه ادام الڤيلا بتاعت علي نزلت من العربيه وداست علي زرار سري محدش يعرفه غيرها هي وصحابها وده معمول ليهم كلهم فتحت البوابه الخارجيه ودخلت علي جوه علي طول لقت العربيه بتاعته راكنه راحت عالباب بتاع العربيه تفتحه عشان تشوف بنفسها شنطه العربيه لقت العربيه مقفوله أضطرت تخبط عليه
رنت الجرس كذا مره وفضلت واقفه مستنيه دقيقتين ونزل علي كان لسه نايم فتح الباب اول ما شافها كان متوقع طبعا هي جايه ليه.
بقلمي ………………أميره أسامه
علي...زينه في ايه مالك فيكي حاجه
زينه...بأرتباك واضح لا لا انا بخير بس يعني اولا اسفه اني جتلك في الوقت ده وصحيتك
علي....اسفه علي ايه بس مفيش حاجه قوليلي بس مالك وليه متوتره كده حصل حاجه
زينه...لا بس معلش يا علي في حاجه بدور عليها ومش لقياها أجنته كده بتاعتي شكلها وقعت لما وقفنا عالطريق اشوف المسكن ممكن تفتح شنطه العربيه تشوفها ولا انت لاقيتها
علي....طيب براحه بس انا ملاقتهاش انا اصلا مخدتش شنطتي من امبارح سبتها كنت تعبان مش قادر
زينه...طيب ممكن تشوفها ياعلي
علب...طيب تعالي ادخلي هطلع اجيب المفاتيح بتاعت العربيه وانزل
زينه...طيب ماشي
طلع علي علي فوق يجيب المفاتيح وفضلت زينه واقفه مستنياه ثواتي ولاقته نازل
علي...تعالي يا مزعجه نشوف
راحت وراه زينه
فتح علي الشنطه بتاعت العربيه وعمل نفسه بيشوفها
علي...اهي هي دي
خدتها منه بسرعه وحضنتها وهي بتتنفس بأرتياح
زينه...الحمد لله
علي....يااااه للدرجادي فيها ايه الاچنته دي
زينه...بتوتر لا مفيش دي فيها حجات خاصه بالشغل بسجلها وكنت خايفه تضيع
علي.. اااه طيب كويس انها موقعتش
زينه...معلش ياعلي صحيتك
علي...ولا يهمك يا ستي رايحه عالجريده
زينه...اه انت معندكش شغل ولا حاجه
علي...والله المفروض عندي معرض كمان أسبوع والمفروض كنت اروح اخلص شويه أوراق مع المسؤولين عشان ألحق أحجز تذاكر الطيران
زينه...بحزن ايه ده انت مسافر ياعلي
علي...اه رايح دبي المعرض هيتعمل هناك هأعد حوالي أسبوع كده لحد ما المعرض يخلص وارجع
زينه....يعني مش هتكون معانا يوم الخميس زي ما اتعودنا
علي...بيتهيألي لا يا زينه للأسف انا لازم اكون هناك قبل معاد المعرض بيومين وتقريبا هسافر يوم الخميس اصلا لان المعرض هيكون السبت بس نبقي نعوضها بقي لما ارجع
زينه...بحزن ان شاء الله ياعلي عموما انا همشي بقي واسفه اني صحيتك
علي....استني يازينه
زينه...نعم
علي ..مالك
زينه...مفيش
علي...مفيش ازاي شكلك مضايقه
زينه...خالص والله انا بخير يا علي
علي...متأكده
زينه....ايوه
علي....بضحك طب قولي مضايقه عشان مش هتبقي معانا قولي الاعده هتبقي وحشه من غيرك جامليني 🤨🤨🤨
زينه...بابتسامه حزينه بعيد عن الهزار فا فعلا الاعده من غيرك مش هتبقي حلوه يلا سلام😔
خرجت زينه بره وركبت عربيتها وفضل علي واقف في الجنينه باصصلها دورت زينه العربيه وقبل ما تمشي بصتله وابتسمت أبتسامه خفيفه وشاورتله بايدها ومشيت.
.........
أتنهد علي ودخل علي الڤيلا أفتكر انه نام قبل ما يقرأ اي حاجه من المذكرات راح عمل فنجان قهوه وطلع علي الاوضه بتاعته مسك الأچنته وراح اعد عالكرسي فتحها علي اول صفحه شافها بسرعه كانت كاتبه اسوء تاريخ في حياتها وتاني صفحه وهي بتعرف عن نفسها وعن سر بتحاول تخفيه ودي كانت اخر صفحه قرأها في العين السخنه فتح التالته وأبتدا يقرأ وهو بيشرب القهوه.
زينه📝 انهارده 15/2/2020
بقالي حوالي 3شهور ونص مكتبتش اي حاجه كنت بمر بأسوأ فتره في حياتي من بعد يوم 28/10 حياتي كلها اتغيرت حتي شخصيتي أتغيرت 180°درجه من بعد ما كنت شخصيه مرحه ومقبله علي الحياه بقيت حد تاني انا معرفهوش اختفت الضحكه وأنتميت لعالم العزله من بعد ما كنت شخصيه أجتماعيه باحته وخلال الفتره دي كنت في صراع نفسي كبير بين اني أفضل في أمريكا او اني أنزل مصر لكن في الحقيقه قراري اني أنزل مصر كان قرار صح أصلي مكنتش هقدر أكمل في المكان ده بعد اللي حصل قررت اني ارجع والحقيقه بابا وماما مرفضوش ولا حتي مانعوا سابولي حريه الاختيار او بالاخص ماما كانت شايفه ان ده القرار الصح 😔 حجزت تذاكر السفر يوم 1/11/2019 مقدرتش أعد اكتر من كده بعد التاريخ الاسود اللي هيفضل نقطه سوده في حياتي ولما رجعت كنت حاسه اني غريبه مش غريبه في مصر ولا غريبه وسط صحابي لكن كنت غريبه عن العالم كله أحساس مميت اوي لما مره واحده من بعد ما كنت ليك شخصيه وعارف انت مين وبتعمل ايه تحس انك رجعت لنقطه الصفر من تاني يمكن صحابي وماجد عوضوني كتير اوي كنت بلاقي نفسي وسطهم يبان عليا اني لسه متمسكه بشخصيتي الأجتماعيه لكن من جوايا كنت بحس بوحده فظيعه كان عندي ملكه اني أسمع مشكله كل واحد واحلها لكن مقدرش احل مشاكلي لنفسي عندي ملكه أني اضحك اي حد لكن عمري مانجحت اني اضحك نفسي او حتي اخرج نفسي من دايره الحزن اللي ماليه قلبي كنت ليهم كل حاجه وعمري ماكنت لنفسي أي حاجه...💔
وقت مارجعت مصر كان الكل موجود لكن علي كان الغائب الحاضر وقتها علي كان مسافر وتقريبا سافر قبل ما انا ارجع بأسوعين واللي عرفته وقتها انه هيطول في سفره شويه كان عنده شغل بره مصر مسابقات ومعارض كان بيتنقل من بلد لبلد يخلص مسابقه ويطلع بلد تانيه عشان عنده معرض والوقت هو مسافر بقاله تقريبا اربع شهور.
واكيد مستنياه يرجع لانه وحشني زي ما صحابي كلهم كانوا وحشني❣️
أبتسم علي وقلب الصفحه وهو فضوله كل مادا بيزيد وأنجذابه لغموض زينه بيكبر
بص عالصفحه اللي بعدها..
