#جريمه_فى_حى_المقطم
#صاحبه_البطل_الواحد
#اميره_اسامه
البارت الحادي عشر...
بعد رجوع زينه الڤيلا وبعد كسرها لوعدها اللي صحابها خدوه عليها انها متكررش لعبتها دي تاني حاولت تتصل زينه بعلي لكن كان قافل موبايله وبما انه مكنش بيرد عليها طول النهار فا حست زينه انه بيعاقبها وده كان مضايقها جدا حست بزهق وقررت تتصل علي كذا رقم وتلعب لعبتها اللي بقت وسيله لتسليتها جربت اربع ارقام وكل مره كان بيتقفل في وشها وفي الرقم الخامس قررت انها تجرب رقم مميز مكانتش تعرف ان الرقم ده هيبقي طريق الهلاك
ولسوء حظها ولان جزء كبير من تفكيرها كان مع علي مخدتش بالها وداست اتصال برقمها مش بالرقم البرايڤت🙄🙆♀️🙆♀️
بقلمي✏️✏️✏️✏️ أميره أسامه.....
اتفتح الخط وفضل الشخص ساكت.
كانت مستغربه زينه لانها اتعودت ان الطرف التاني ديما يبدأ الكلام لكن الصمت طال مكانش في غير صوت أنفاسه فا قررت ان هي تبدأ
زينه...مش ديما كل حاجه بنحاول نخبيها بننجح اننا نخبيها
اخيرا رد الشخص بصوت مخيف بعض الشئ وكأن صوته يشبه رجال العصابات
مين معايا؟؟
زينه....مش لازم تعرف بس اللي لازم تعرفه اني شوفت كل حاجه.
خلصت زينه جملتها وقفلت الخط علي طول بدون تردد
ومخدتش بالها ان الرقم كان رقمها الخاص.
قفلت بزهق ولسه هتطلع علي اوضتها أتفجأت بموبايلها بيرن بصت فيه أتفاجئت بالرقم بيرن عليها وقفت مصدومه وهنا حست بالكارثه اللي عملتها انها اتصلت بالرقم بتاعها مش من الرقم البرايڤت وكل اللي جه في بالها وقتها ان ممكن الرقم ده يسببلها مشكله يقاضيها مكانتش تعرف ان الرقم ده هيسببلها اللي متوقعتهوش كنسلت عليه زينه وبسرعه عملتله بلوك من غير اي تفكير وفكرت بكده انها اتخلصت من الرقم
طلعت زينه علي اوضتها وكالعاده مسكت مذكراتها كتبت فيها كل حاجه حصلت في يومها لحد ما راحت في النوم..
في صباح يوم جديد صحيت زينه من نومها خدت شاور وخرجت كملت لبسها وجهزت وبعد شويه نزلت عملت نسكافيه وخدته وخرجت علي عربيتها وراحت عالشغل
كان اليوم ماشي كويس الشغل هادي وكانت ندا بتستعد انها تمشي بدري عشان هتسافر شرم تغطي مؤتمر الشباب واللي كانت ندا راحه فيه باسم الجريده بتاعتهم
ندا.....زنزوووون
زينه...خضتيني يا جزمه
ندا....بضحك قلبي 😂😂انا كنت جايه أسلم عليكي
زينه...انتي مسافره الوقت مش قولتي طيارتك الساعه 9
ندا...ايوه بس فؤاد مش محتاجني هنا فا يدوب اروح عالڤيلا احضر شنطتي بسرعه واطلع عالمطار
وهو كمان ماشي علي فكره انتي مش ماشيه
زينه...لسه ورايا شويه شغل
ندا....طيب تمام مش عايزه حاجه
زينه...هو فؤاد مش راجع تاني ولا هيوصلك ولا ايه
ندا فؤاد هيوصلني اه بس مش راجع اصل هو لسه قايلي من شويه انه مسافر هو وشمس
زينه...ايه ده خيانه رايحين فين ومقالوش ليه🤨
ندا....والله انا لسه عارفه ده عامل لشمس مفجأه عشان عيد جوازهم ومرضيش يقولنا عشان عارف اننا هنفتن ونبوظ المفجأه😂
زينه...بضحك والله عنده حق ده كفايه انتي 🙄
ندا...قصدك ايه يا بت🤨
قامت زينه وراحت حضنتها هتوحشيني يا رخمه
ندا....ده هو أسبوع وارجع علي طول
زينه...كلكم كده سايبني 😭خدي بالك من نفسك
ندا...حاضر وانتي كمان كل ما اكون فاضيه هكلمك وبعدين ماجد ودينا ماهم موجودين معاكي
زينه...ماشي يا ختي و اما اشوف هتكلميني ولا لا مع اني عارفه انك واطيه هتروحي هناك تنسي نفسك
ندا...بضحك لا والله انا اقدر يا زنزون يلا باي بقي عشان الحق اجهز نفسي
زينه...ماشي باي يا قلبي
خرجت ندا ورجعت تاني زينه اعدت كملت شغل.
