#جريمه_فى_حى_المقطم
#صاحبه_البطل_الواحد
#اميره_اسامه
البارت الثالث والعشرون...
خرجت زينه من اوضتها نزلت علي تحت وبمجرد ما نزلت لقت والدها اعد علي السفره ومامتها راحه جايه تحضر الفطار أبتسمت وعينها دمعت علي اد ما كانت بتحاول تتلاشي مامتها إلا انها فعلا وحشتها بعيدا عن اللي حصل زينه طول عمرها بتحبها اوي وعمرهم ما اختلفوا وديما كانت زينه المدلله لصفاء وحيدر بالرغم انها عرفت انها مش بنتهم عمرهم ما قصروا معاها في اي حاجه وديما كان في بينهم دفا وحب وحنان لكن من بعد اللي حصل زينه كانت ديما بتحاول تبعد حتي مكالمتها ليهم ديما كانت مع والدها اكتر ولما كانت بتروح زياره او هما يجوا كانت ديما بتحاول تتلاشاها لكن بمجرد ما رجعوا وشافتها حست انها وحشتها بجد واشتاقت للمتهم مع بعض فضلت زينه واقفه بتسترجع ذكريتها
صفاء....صباح الخير يا زينه كنت لسه هاجي اصحيكي يا حبيبتي تعالي
ابتسمت زينه ونزلت
زينه...صباح الخير يا ماما وباستها من خدها
صفاء...صباح الفل
راحت زينه علي والدها حضنته من رقبته ومالت علي خده باسته صباح الخير يا بابا
حيدر...صباح النور علي ست البنات واحلي عروسه اعدي افطري
زينه...بابتسامه وحشني اوي الفطار معاكم
صفاء...بألف هنا يا روحي يلا كلي عشان لما تخرجي انتي وعلي تبقي قادره تلفي عاللي ناقصك
زينه...حاضر
زينه...مش كان فارس جه معاكم
حيدر ..والله يا زينه قولتله قاللي هينزل بعد يومين خليه براحته بقي ده مجنون
صفاء....هتعملي بروڤا علي فستانك تاني امته
زينه....بكره ان شاء الله
صفاء...علي خير يارب
حيدر....علي شكله بيحبك يا زينه
زينه...باحراج..علي طيب ومحترم وجدع وكملت بأبتسامه اخر حاجه كنت اتخيلها ان انا وعلي نتجوز
حيدر...لما قاللي لحد وانا بقفل كنت متوقع انكم هتقولوا مقلب انا كمان مصدقتش بس بصراحه فرحت اوي
علي انسان كويس وراجل وانا هبقي مطمن عليكي معاه
صفاء....ربنا يسعدكم يارب يا حبيبتي
زينه...يارب
صفاء....كده يا زينه تكدبي علينا وتقولي انك وقعتي ليه تعملي كده يا بنتي كل ما افتكر انك كان ممكن تروحي فيها اتجنن
زينه....مكنتش عايزه اقلقكم والله عموما هو درس وتجربه
حيدر....الحمد لله انها عدت علي خير
زينه....الحمد لله يلا انا هقوم انا بقي عشان علي شكله كده هيتأخر هروحله انا مفيش وقت يا دوب نلحق اليوم من من اوله
صفاء...طيب كملي اكلك
زينه...مش قادره والله يا ماما شبعت الحمد لله
حيدر....خلي بالك من نفسك
زينه...حاضر يا حبيبي يلا سلام اشوفكم بليل
صفاء ..سلمي علي علي
زينه...حاضر باي
خرجت زينه من الڤيلا راحت علي ڤيلا علي اللي كانت خلصت تشطيبها اخيرا في وقت قياسي حوالي 3 اسابيع الكل كان بيشتغل من نار.
مشيت زينه علي رجلها لحد ما وصلت للڤيلا.
اتصلت بي علي مكانش بيرد.
زينه...مبيردش ليه ده ولا حتي صحاني اكيد نايم ليلتك سوده ياعلي.
راحت عالباب ووقفت تخبط بايدها خبط متواصل عالباب.
زينه...علييييي عليييييي افتح يا عررررريس
وابتدت تطبل علي الباب افتتتتتح يا علي
نزل علي بسرعه فتح الباب وهو لابس البنطلون الچينس ومش لابس حاجه من فوق
علي...ايه في ايه عامله فرح ليه
زينه...بضحك انت فين شكلك نايم
علي...لا صحيت وكنت باخد شاور وملحقتش اكمل لبس لقيتك عامله فرح في ايه
عامله صداع عالصبح ليه
زينه....انت بتزعأ
مصحتنيش ولا كلمتني ليه
علي....كنت بلبس وهعدي عليكي وعارف انك اكيد صحيتي ماانا قولتلك هننزل امته
زينه....عاملي فيها عريس وبتتأخر
علي...بت ادخلي وانتي ساكته بدل ما اوريكي العريس هيعمل فيكي ايه وبعدين انتي ازاي تيجي لوحدك مستنتنيش ليه
زينه...يعني هو انت ساكن في المريخ وبعدين مش انت اللي اتأخرت عليا
علي....طب ادخلي مسمعش صوتك لحد ما اخلص مفهوم
زينه...زعأ زعأ براحتك
بكره اطلعه علي عينك
علي...وقف وبصلها هزعلك
زينه...وحشتني
علي....انتي شاربه ايه عالصبح يا زينه
زينه...نسكافيه
علي...نسكافيه اللي عامل الدماغ دي انجري اعمليلي حاجه اشربها بسرعه مفيش وقت
زينه....انت حاطت بطانيه هنا ليه انت كنت نايم هنا
علي...اه
زينه...ليه
علي....من وقت ما ابتدوا العمال يظبطوا الڤيلا وانا بنام هنا
زينه...طيب ما الاوضه جت بقالها اسبوع
علي....مانا مش هنام فيها غير وانتي معايا
ابتسمت زينه بحب
وابتسم علي اول ما لمح ابتسامتها
علي...بحبك يا زنانه
زينه....وانا بحبك واتحولت في ثانيه يلا انجز
علي...مجنونه والله بقولك ايه
زينه....ماتيجي تطلعيلي تيشرت
زينه....باحراج احترم نفسك وقول يا صبح يا علي
علي....نيتك علي طول شمال كده عايز البس علي ذوقك
زينه....لا انا بحب ذوقك اطلع يا علي
علي...ابو شكلك
طلع علي وسابها فضلت زينه تضحك
وقفت زينه تبص عالڤيلا باعجاب وهي طايره من الفرحه وفجأه سرحت وافتكرت الكلام اللي عايزه تقوله لعلي وكانت شايله هم انها تقوله كل ما تيجي تقوله يحصل حاجه واغلب الوقت هي اللي كانت بتتهرب من انها تقوله مش قادره تتكلم ولا عارفه تبدأ منين لكن كانت مقرره انها تقوله قبل الفرح ودعت ربنا ان يجيلها الجرأه عشان تعرف تقوله
راحت تاني فضتله القهوه بتاعته ورجعت مسكت البطانيه عشان تطبقها وتظبط المكان.
زينه....بصوت مسموع ليلتك سوده ياعلي معايا لو بعد الجواز بهدلت الدنيا بالشكل ده انا هسكت الوقت بس يعدي الاسبوع ده والمحك شايل حاجه من مكانها ...ايه الكوبايات دي وايه السجاير دي كلها
شالت البطانيه ولمت الكوبايات ورجعت عدلت المخدات لكن فجأه لمحت مجموعه من الورق المصور أثارت فضولها لما شافت أسمها منقوش عليها ومكتوب تحت بحبك
ابتسمت زينه وأعدت وهي ماسكه الورق اللي في ايدها وجواها فضول بيحثها علي اكتشاف اللي جواها
فتحت اول ورقه والابتسامه لم تفارق محياها..وبمجرد ما لمحت المكتوب أبتدت أبتسامتها تختفي تدريجيا وتحل محلها
صدمه حست للحظات انها بتحلم فضلت تقلب في الورق بذهول
وكل ما تقلب تتصدم اكتر قلبت زينه الورق بسرعه وكأنها قاصده ورقه معينه حفظاها عن ظهر قلب وهي الصفحه اللي بتعترف فيها بأسوء يوم في حياتها وبمجرد ما لمحت المكتوب اتجمعت الدموع في عينها حست ان في سكينه دخلت بين ضلوعها شقت صدرها
نزل علي فالوقت ده
علي....اديني خلصت اهو يا زنانه مش كنتي جيتي طلعتيلي التيشرت
فضل علي يقرب وهو مش شايف بتعمل ايه
علي....عملتيلي القهوه
ولا.... وقبل ما يكمل كلامه اتصدم لما لقاها ماسكه نسخه المذكرات بتاعتها وقفت زينه ادامه وهي ماسكه المذكرات وبترفعها ادام عينه وعينها أتحولت لبئر محمل بالمياه علي وشك الفيضان
زينه....ايه ده ياعلي
علي.......
زينه..المذكرات بتاعتي بتعمل ايه عندك ياعلي
هرب الكلام من علي اخر حاجه افتكرها انه نام زي عادته من بدايه ما العمال اشتغلوا في الڤيلا ورفض يروح ينام مع شمس وفؤاد عشان يقدر يختلي بمذكراتها وكأنها روايه محببه الي قلبه يفرح ويحزن مع سطورها
زينه....انت ساكت ليه ياعلي هاا رد عليا وكملت بصراخ انطقققققق
علي....بارتباك زينه اهدي بس انا هفهمك كل حاجه بس ارجوكي اعدي
زينه...تفهمني ايه وتقولي ايه مذكراتي عندك ليه وازاي ياعلي انا لسه كنت بكتب فيها امبارح خدتها امته وازاي ده انا حمدت ربنا لما كانت الڤيلا متشمعه ومحدش قدر يوصلها بعد التفتيش اللي حصل في الڤيلا ازاي ياعلي خدتها وازاي المباحث معرفتش عنها حاجه
سرح علي وهو بيفتكر اليوم اللي كانت هتخرج فيه من المستشفي وجاب ناس متخصصه تنضف الڤيلا وترجعها زي ما كانت بعد ما اتفك التشميع وطلع حط المذكرات مكانها تاني
زينه....انت ساكت ليه رد عليا طيب طيب انت خدتها عشان تقدر توصل لاي حاجه توصلك ليا وقت الحادثه مش كده ياعلي
ورجعت بصت زي المجنونه علي اخر صفحه ولكن كانت الصعقه لما لقت اخر ورقه هي الورقه اللي كتبت فيها انها خلاص راجعه من العين السخنه
بصتله زينه ازاي ازاي ياعلي اخر ورقه عندك اليوم اللي كنا راجعين فيه من العين السخنه لما جتلي عالبحر وانا بكتب انا كتبت حجات كتير بعدها
علي....زينه انا عارف انك مصدومه ومش هكذب عليكي واقولك اني كنت ناوي اعترفلك ان المذكرات بتاعتك معايا انا مكنتش هقولك يا زينه عشان... قاطعته زينه
زينه...عشان مش هتلاقي حاجه تقولها ياعلي هتقولي ايه انك خدت مذكراتي من ورايا ولا هتقولي عالطريقه اللي خدتها بيها خدتها ازاي ياعلي ومن امته المذكرات دي معاك وكملت بدموع قطعت قلبه قولي ياعلي أنك مشوفتش اللي فيها
قرب علي منها عشان يحاول يهديها مد ايده يمسك ايدها بعدتها عنه بعنف
زينه...متلمسنيش ابعد عني انا مش عايزه اي حاجه غير بس اعرف المذكرات دي وصلتك ازاي وخدتها ليه
علي...اتنهد بوجع ولقي ان مفيش اي فرار من الحقيقه
علي...هقولك يا زينه كل حاجه بس قبل ما اقولك عايزك بس تعرفي اني بحبك واني عملت كده بدافع الحب والله العظيم
زينه...حب ايه حب ايه ياعلي اللي يخليك تتجسس علي حاجه متخصكش حب ايه اللي يخليك تسرق مني حاجه انا رفضت اني اصرح بيها واكتفيت اني اكتبها علي ورق
علي....يمكن انا غلطت بس والله العظيم يا زينه مكنتش اقصد انا هحكيلك اللي حصل
وأبتدا علي يحكيلها اللي حصل وهي تسمعه وهي بتفتكر كل كلمه قالها.
علي....اليوم اللي وصلنا في الصبح بعد ما نمنا شويه جيتي صحتيني وقولتلك اني محتاج اخد شاور قولتيلي اطلع خد شاور في الاوضه اللي كنتي فيها انتي وندا
وفعلا طلعت وخلصت بس لمحت شنطتك مفتوحه وعليها من فوق مذكراتك وقتها يازينه انا كنت اصلا بحبك وبمجرد ما لمحت مذكراتك حاجه جوايا خلتني افتحها يمكن مش من حقي بس اللي بيحب حد يا زينه بيشوف انه ليه كل الحق فيه غصب عني فتحتها كنت بحاول الاقي اي حاجه تقربني منك او تخليكي تحسي بحبي ده مكنتش مستني ابدا اني الاقي ادام عيني تاريخ هو بالنسبالك اسوء يوم ولقيتك كاتبه ان في سطور مذكراتك هتحكي عنها ملحقتش اوصلها وندا خبطت ونزلت وبعدها لعبنا لعبه الاسئله مكنش في بالي ساعتها اني اخد المذكرات بتاعتك صدقيني فكرت اني أسألك في اللعبه عن أسوء يوم في حياتك لكن أجابتك يا زينه هي اللي خلتني اعمل كده لما كدبتي وقولتي ان مفيش يوم سئ فضولي قتلني ايه اللي يخليكي تخبي علينا واحنا اقرب حد ليكي والاهم اني شايف بعيني كلامك اللي كتبتيه طب ازاي كاتبه كده وجاوبتي بعكس كده تاني يوم او اليوم اللي شوفتك فيه عالبحر قربت منك وانتي تقريبا مش حاسه بوجودي وقفت ثواني ولمحت اللي كتبتيه واللي لسه حافظه لحد الوقت.
علي اد ما كان اليوم جميل لكن حسيت للحظه اني ارتبكت واضايقت لما علي سألني عن اكتر سؤال بيتعبني في حياتي وهو ايه أسوأ تاريخ في حياتي وكأنه حط ايده علي وجع حاولت كتير اداويه ومعرفتش ازاي خطر في باله السؤال ده
علي....لو انتي مكاني يا زينه كنتي هتعملي ايه بعد تصريحك الصريح علي مذكراتك انك كدبتي وخبيتي عليا اجابه سؤالي
فضلت زينه بصاله ودموعها نازله وبتفتكر كل اللي علي بيحكيه
كمل علي كلامه
علي...مكانش ادامي يا زينه غير حاجه واحده وهي اني اخد المذكرات دي بأي طريقه لكن قررت اني اخدها بطريقه متخلكيش تلاحظي أختفاءها وان كل اللي عايزه هو اني احتفظ بنسخه وطبعا كان صعب اعمل ده في العين السخنه لان مكنتش هعرف اروح ادور علي اي حد بيصور وكمان كنت متوقع ان اي حد ممكن يقولي اجي معاك وقتها كان هيبقي صعب حتي لو لقيت حد بيصور.
فاليوم ده رجعنا وانتي كنتي تعبانه ومصدعه وقفت العربيه عشان تنزلي تاخدي منها العلاج وفضلتي تخرجي اللي فيها كله وبعدين رجعتيه و لمحت المذكرات وانتي بتحطيها فوق هدومك بعدها انتي خدتي الدوا ورحتي علي العربيه فاللحظه دي انا فتحت الشنطه بسرعه خدت المذكرات وحطتها في شنطتي لاني حسيت ان اللي حصل ده هو الفرصه المناسبه اللي اوهمك بيها انها وقعت منك وفعلا لما رجعنا ومشيت روحت بسرعه صورتها وجبت البيتزا ورجعت ادتهالك ولما رجعت حطيت مذكراتك في الشنطه بتاعت العربيه عشان عارف انك هتيجي الصبح تسألي عليها وفعلا ده اللي حصل وقدرت اقنعك انها واقعه جنب شنطتي اللي أتعمدت اسيبها عشان تحسي اني مشوفتهاش اصلا.
هو ده كل اللي حصل يا زينه
زينه...بدموع ليه ليه ياعلي انت اخر شخص كان ممكن تتهز ثقتي فيه ليه عملت كده
علي...بغضب عشان بحبك عشان مقدرتش اشوف ان في حاجه تعباكي او يوم مأثر علي حياتك وانا مش عارفه كان فضول يازينه فضول مقدرتش اوقفه غير لما اعرف
حطي نفسك مكاني
زينه...انا عمري ما هحط نفسي مكانك ياعلي عشان انا لو مكانك عمري ما كنت هعمل كده
علي....كدابه يا زينه لو زي ما بتقولي مكنتيش فتحتي المذكرات انتي بمجرد ما شوفتي اسمك عليها فضولك خدك عشان تعرفي اللي جواها
زينه...مش صح يا علي انا فتحتها لما لقيت كلمه بحبك توقعت انك كاتب فيها حاجه عني حاجه ممكن تفرحني
علي....حتي لو زي ما بتقولي بس فتحتيها زينه انتي لو حطيتي نفسك مكاني هتعملي اللي انا عملته
زينه...لا يا علي
علي...لا يا زينه لو كنتي لمحتي الورق ده مكتوب عليه اسم كرستين كنتي بردو هتفتحيها عشان فضولك كان هيقتلك يا زينه انا مبادفعش عن نفسي يا زينه وعارف اني غلطت بس غلطي كان حب زايد وخوف
وبعدين انتي كده كده كنتي عايزه تحكيلي مش هو ده اللي انتي قولتيه لما كنت معاكي واعترفتلك بحبي لما وقفتي فوق يا زينه وقولتيلي بنفسك انك كدبتي عليا لما قولتيلي مفيش يوم سئ في حياتك وقولتيلي انك لازم تحكيلي عشان لو مش حابب اكمل اهو انا ياستي عرفت واعتبري نفسك انتي اللي قولتيلي
زينه....بوجع من وسط دموعها بالسهوله دي ياعلي عايزني انسي اللي انت عملته ..لما رديت عليا ياعلي وقولتلي فكري قبل ما تقولي واني لو مش عايزه اقول ماقولش
كنت بتثبتني بكلمتين عشان انت اصلا عارف
علي...لا يا زينه عشان عارف ان اللي انتي كنتي هتحكيه هيوجعك لاني لما عرفته وجعني زي ما وجعك مكنتش عايزك تتوجعي وانتي بتحكيلي كنت عايز اخفف عنك واديني عرفت يا ستي
زينه....بدموع بس انا ياعلي مكنتش هقولك كل اللي انت شوفته
انا بس كنت هعرفك اني تعبانه وكنت هعرفك ان امي وابويا مطلعوش امي وابويا مكنتش هقول اكتر من كده ياعلي..
علي...بوجع واعتبريني يا زينه معرفتش غير كده وبس
زينه....مينفعش ياعلي مينفعش لاني عارفه انك شوفت الاسوء من كده شوفت ان امي خاينه ياعلي انهارت زينه بعد جملتها
علي...بحزن زينه ممكن تهدي ارجوكي
زينه....انت وجعتني ياعلي وصحيت فيا وجع بحاول انساه لكن المرادي الوجع كان علي ايدك انت
علي....زينه انا كل اللي قرأته في المذكرات دي ميهمنيش غير اني بس عرفت انك تعبانه وهو ده بس اللي يستاهل اهتمامي اي حاجه تانيه متهمنيش انا بحبك انتي وهتجوزك انتي لا يهمني مين اهلك ولا ايه اصلك انا كل اللي اعرفه واللي انتي كمان لازم تعرفيه ان امك وابوكي هما اللي موجودين حاليا اللي قضيتي عمرك كله معاهم زي ما انتي متعرفيش غيرهم انا كمان معرفش غيرهم هما دول اهلك اللي انتي تعرفيهم واللي انا اعرفهم ميخصنيش اي حاجه تانيه
زينه...حتي لو زي ما بتقول يا علي انت متعرفش غير امي وابويا كفايه انك عرفت ان امي خاينه
اعدت زينه عالكنبه وهي منهاره
راح علي اعد علي ركبته ادامها ومسك ايدها بحب.
علي...حتي دي مليش دعوه بيها يازينه حتي لو هي غلطت انتي كتبتي في مذكراتك انها ندمت وحاولت بكل الطرق انها تعتذرلك واتغيرت كلنا بنغلط يا زينه كلنا لينا سقطات في حياتنا المهم اننا منتمداش في الغلط وهي غلطت وندمت ومتمادتش في الغلط وبعيدا عن كل ده انا مليش دعوه هي هتفضل في عيني الست اللي طول عمري بحبها وبحترمها وام حبيبتي انا اسف يا زينه سامحيني وافتكري ديما ان لو اتقلبت الايه وانتي كنتي مكاني كنتي هتعملي زي ما انا عملت
سحبت زينه ايدها من علي مسحت دموعها ونطقت في جمود
زينه...مين غيرك يا علي يعرف اللي في المذكرات
علي...مفيش حد والله العظيم ولا في حد هيعرف والمذكرات معاكي خديها يا زينه قطعيها احرقيها اعملي فيها اللي انتي عيزاه
وافتكر علي انه قال لشمس علي تعبها
علي...بس
بصتله زينه بانتباه
علي....عشان مبقاش بكدب عليكي لما سافرت وسبتك قيل ما اسافر شمس كانت عندي ولمحت المذكرات وتقرييا هي كمان فضولها خانها ولمحت اول كام سطر وعرفت انها تخصك ساعتها شمس اتخانقت معايا وقالتلي ان ده مش من حقي مكنتش لسه قرأت اللي فيها وهي حذرتني اني اقرا اي حاجه ووقتها اعترفتلها بحبي ليكي وعرفتها اني عايز اعرف ايه التاريخ اللي بتتكلمي عنه قالتلي قبل ما تقرأ بلاش عشان ممكن تلاقي حاجه ممكن تخليك تخسر الحب ده ساعتها مشيت وانا بعدها سافرت وقرأت المذكرات دي في الطياره واللي لفت انتباهي هو تعبك يا زينه وبمجرد ما وصلت قولتلها وحكتلها بس مقولتلهاش غير علي تعبك عشان لازم حد يكون معاكي كنت خايف عليكي وعايز حد ياخد باله منك لحد ما ارجع بس لكن والله ما عرفت اي حاجه ولا اي حد هيعرف وهيفضل سر بنا
قامت زينه وقفت وهي لسه دموعها بتنزل
زينه....بس سر للاسف مش من حقك انك تعرفه ياعلي وكملت بنبره تحمل وجع العالم
ياخساره ياعلي خنت ثقتي فيك انا ثقتي فيك كانت عميا يمكن فعلا الفضول ده حاجه وحشه جدا عذراك بس للاسف اوقات الفضول ده بيودينا لاماكن صعبه وبنضطر ندفع تمن فضولنا ده
وقف علي بأستفسار وهو بيبصلها تقصدي ايه يازينه
زينه....اقصد انك تنساني ياعلي وتبعد عني مش عايزه اشوفك في حياتي تاني مش عايزه اعرفك تاني ولو اضطرينا نتقابل عشان محدش يحس مش عايزه اسمي يتنطق علي لسانك ومن اللحظه دي انت بره حياتي ياعلي
علي...بصدمه انتي بتقولي ايه يازينه انتي عايزه تسبيني
زينه....مبقاش ينفع يا علي انسي اي حاجه بينا
علي....بغضب انسي انتي مجنونه انسي ايه
انسي حبي ليكي انسي ان كمان اسبوع انا وانتي هنتجوز
زينه....اه ياعلي انسي مفيش جواز انهي كل حاجه
علي....مش بمزاجك يا زينه وبعدين تقدري تقوليلي هتقوليلهم ايه السبب
زينه...عادي اختلفنا علي اي حاجه قررنا اننا نحتفظ بس بصداقتنا من غير اي رابط تاني
علي....لا يازينه وانا مش موافق ولو انتي هتقدري انا مش هقدر
زينه...انت اللي حطيت نفسك وحطتني في الموقف ده ياعلي خلصت خلاص وانا هرجع الوقت اقولهم
علي....وانا موافق يا زينه وهاجي معاكي كمان عشان لما يسألوني اقول السبب ونشوف بقي هيقولوا ايه
زينه...بصدمه انت بتقول ايه انت مجنون
علي..اعتبريني مجنون
يا زينه انا قولتلك ان مفيش اي حاجه هتبعدني عنك ولو السبب ده هيبعدك عني يبقي لازم تشرحيه بالظبط
زينه....انت بتهددني يا علي
علي...اه يا زينه بهددك وهعمل كده لو فكرتي تبعدي عني
زينه...بدموع انت بتعمل فيا كده ليه حرام عليك كفايه اللي انا فيه ليه ياعلي بتوجع فيا اكتر
علي...بوجع بعدك عني هو الوجع يا زينه وانا مستعد اعمل اي حاجه عشان متبعديش
زينه...وانت شايف انك تهددني وتضغط عليا هو ده الحل
علي....اه يا زينه وصدقيني هنفذ ده وحالا لو فكرتي انك تسبيني ادامك دقيقتين تفكري فيهم يا تقومي الوقت ورجلك فوق دماغك نخرج الوقت نكمل حاجتنا وكأن مفيش حاجه حصلت عشان فرحنا وجوازنا هيتم غصب عنك او هروح اقول كل حاجه
اعدت زينه تاني وهي منهاره ومخبيه وشها بايدها عارفه ان علي مجنون وممكن يعملها
اما علي كان سامع صوت عياطها وقلبه بيتقطع عايز ياخدها في حضنه لكن مش قادر وعارف ان اللي قاله مجرد تهديد وانه استحاله يقول حاجه زي دي لكن كان خايف انها تبعد فعلا عنه فقرر انه يهددها.
فضل علي واقف مستني ردها وزينه منهاره وفي صراع جوه عقلها بعد حوالي خمس دقايق من الصمت هديت زينه قامت وقفت وراحت علي المطبخ تحت نظرات علي المترقبه
فتحت زينه الميه قربت ايدها وفضلت تغسل وشها يمكن تقدر تطفئ النيران اللي اشتعلت في جسدها
قفلت الميه وراحت سحبت كذا منديل نشفت وشها واخيرا كملت بنبره خاليه من اي مشاعر
زينه....انا جاهزه ياعلي يلا نخرج
علي....باستفهام مش فاهم
زينه....يلا نروح مشوارنا ياعلي عشان نكمل اللي ناقص قبل معاد فرحنا
أتنهد علي براحه وكان طاير من جواه انه قدر يأثر عليها
وفي وقت بسيط كان وصل علي مع زينه للاماكن اللي هيجيبوا منها باقي حاجتهم كانت ماشيه معاه زي اللي مدبوحه مش بتختار اي حاجه ولو سألها تهز راسها بالايجاب وبس فضلوا طول اليوم بره جابوا كل اللي ناقصهم وزينه تقريبا مش معاه لاول مره يحس بحاله الحزن اللي مسيطره عليها دي
حاول كتير علي يخرجها من الحاله دي لكن فشل فقرر يسبها شويه واكيد مع الوقت هتتحسن وتهدا اكيد الصدمه كانت قاسيه عليها بعد وقت طويل وصل بيها علي عالڤيلا قبل ما تمسك مقبض الباب وتنزل مسك علي ايدها بسرعه والغريب انها مسحبتش ايدها فضلت ساكته وباصه ادامها
علي....زينه متعمليش فيا كده انا عارف اني غلطت واستاهل اي عقاب في الدنيا إلا انك تبعدي عني سامحيني انا عارف انك بتحبيني زي ما بحبك لو ليا غلاوه عندك انسي انا بحبك والله العظيم وقرب شفايفه من ايدها باسها وهي علي نفس وضعها ساكته تماما حتي دموعها كأنها خلصت نزل علي وصلها لحد الباب وسلم علي والدها ووالدتها صمموا انه يدخل يتعشي معاهم لكن اتحجج انه مرهق من اللف وأستأذن ومشي.
عدي يومين زينه علي نفس حالتها تقريبا مش بتخرج من اوضتها الا للاكل مكانش ليها نفس تاكل لكن كانت بتنزل غصب عنها عشان محدش يحس لكن حست والدتها انها متغيره وقررت تتكلم معاها شويه في اليوم ده كان معاد وصول فارس واللي صادف نزوله قبل الفرح باربع ايام كل حاجه كانت تقريبا خلصت الفرح اتحجز في اكبر فنادق القاهره ومن اخر مره علي شافها ماشافهاش تاني ولا كانت بترد علي تليفونه كانت بتشوف رسايله عالواتس ومبتردش وده كان هيجنن علي اللي مش عارف يعمل ايه عشان يعتذر ويسمع صوتها اللي وحشه جدا.
.....
دخلت والدتها الاوضه عندها
صفاء...صباح الخير
زينه...بابتسامه بسيطه كانت اعده علي سريرها شارده صباح النور
صفاء...انا قولت اجي اشوفك قبل ما اخرج انا وحيدر هنجيب شويه حجات واعدي علي خالتك شويه لحد ما فارس يوصل بليل
زينه....انا كويسه يا ماما
اعدت صفاء جمبها بحب مالك يا زينه حساكي متغيره انتي زعلانه مع علي
زينه....لا خالص ليه بتقولي كده
صفاء....من يوم ما خرجتي انتي وهو من 3 ايام وانتي علي حالتك دي حتي مشوفتكيش خرجتي ولا شوفتيه ولا حتي هو جه وديما حابسه نفسك هنا
زينه...ابدا صدقيني انا بخير
صفاء...بصوت حزين وواضح عليه البكاء ليه بتحاولي تخليني بعيده يا زينه ليه ديما بحس انك بتتعمدي تبعديني عن حياتك لسه منستيش يا زينه اللي حصل
بصتلها زينه بوجع وسكتت
صفاء...عارفه ان اللي حصل ميتنسيش بس انا نفسي تنسيه يا زينه انا عارفه اني غلطت وصدقيني يا بنتي بدفع تمن غلطتي ده لحد الوقت صدقيني يا زينه انا عمري ما حبيت غير حيدر يمكن متصدقنيش بس البني ادم بيغلط وانا غلطت غلطه عمري اللي لحد الوقت بسأل نفسي ليه غلطتها اصلا وللاسف معنديش اي رد علي سؤالي غير انه شيطان وضعف ايمان بس والله ندمت واتغيرت وبتمني ربنا يكون سامحني بس عايزه كمان اقولك حاجه لما شوفتيني يازينه دي كانت اول مره يجيلي البيت والله يا زينه ما حصلت والله مالمسني يا زينه ولا عمري عملت معاه غير اللي انتي شوفتيه وبس يمكن اللي شوفتيه بشع بس كمان معملش معايا اكتر من اللي شوفتيه ده ومن يومها بعدت عنه ومعرفش حاجه عنه والله يازينه صدقني يابنتي
بصتلها زينه وهي دموعها نازله
صفاء...مستغربه ايه ما انتي بنتي يا زينه بنتي اللي اتمنتها من الدنيا وربنا بعتها ليا عمري ما حسيت انك مش بنتي انا طول عمري بفضلك عن فارس ويمكن علي اد حبي ليه لكن حبك وغلاوتك عندي اكبر انا اللي ربيتك وكبرتك واهتميت بكل تفاصيلك انتي بنتي انا يا زينه ابوس ايدك قوليلي انك سامحتيني يمكن انتي قولتيها قبل كده لكن عمري ما حستها ديما كلامك معايا وراه حاجز حضنك ليا بارد وحشني حضنك يا زينه لو هتمني حاجه من الدنيا قبل ما اموت مش هتمني غير انك تسامحيني من قلبك وتحضنيني. يازينه زي ما كنتي بتحضنيني مش هحس ان ربنا غفرلي ورضي عني غير لو حسيت ده منك يا بنت قلبي
انهارت زينه من العياط واترمت في حضن صفاء اللي انهارت هي كمان
زينه...بوجع والله مسمحاكي مسمحاكي يا ماما
حضنتها امها بكل قوتها وهي بتعيط وطايره من الفرحه لصدق زينه اللي اول مره تحس بيه
بعد وقت بسيط خرجت صفاء وحيدر
كانت زينه في اوضتها وفجأه سمعت صوت رساله علي موبايلها
بصت عالموبايل لقيته علي.فتحت الرساله وهي من جواها مقرره انها برده مش هترد لكن اتصدمت لما لمحت الرساله.
علي....زينه انا عارف انك ممكن مترديش او ممكن كمان متشوفيش الرساله بس انا حاسس بتعب جامد اوي ومش عايز اقلق حد عليا معدتي بتتقطع وحاسس ان هيجرالي حاجه لو جرالي حاجه يا زينه اعرفي اني عمري ما حبيت ولا هحب غيرك..
بصت زينه عالرساله وهي هتتجنن وبدون مقدمات نزلت جري من الڤيلا زي التايهه اللي بتسابق الزمن عشان توصل لعلي وتلحقه ...
وصلت زينه علي الڤيلا وهي ناسيه تماما انها نازله بترنج بيتي مثير جدا مجسد كل منحنيات جسمها وبلكلوك في رجلها علي شكل قطه دخلت من البوابه بسرعه وجريت في الجنينه لحد ما وصلت للباب خبطت بايدها بقوه لقت الباب بيتفتح فتحته اكتر ودخلت جري زي المجنونه وهي بتنادي بأسمه
وفجأه😱
