#جريمه_فى_حى_المقطم
#صاحبه_البطل_الواحد
#اميره_اسامه
البارت الثاني والعشرون...
طلعت زينه علي اوضتها بمجرد ما علي مشي مشاعر مختلطه كتير فرحانه خايفه متوتره مكسوفه مشاعر كتير كانت جواها شويه تبتسم وشويه تعيط وقفت بصت في المرايه وهي قلبها هيخرج من مكانه فضلت تمشي ايدها علي وشها وتضحك في المرايه من وسط دموعها.
ومن غير اي تردد كالعاده راحت علي مذكراتها.اللي من بعد خروجها من المستشفي سجلت فيها كل اللي حصلها🙄🙄🙄🤫🤫
زينه📝
الجمعه 26/3/2022
اسعد يوم في حياتي
علي اخيرا أعترفلي بحبه وانا كمان اعترفتله بحبي
مكنتش متخيله اليوم ده يجي علي اد ما كنت مستنياه علي اد ما كنت بهرب وخايفه منه وبدعي انه يتأخر شويه لكن لما اخيرا جه ندمت علي كل لحظه اتمنيت فيها انه يتأخر..عمري ما تخيلت ان بعد اسوأ يوم في حياتي ممكن يجي اسعد يوم
علي اعترفلي بحبه طب ازاي اسئله كتير في دماغي مش قادره ارد علي اي سؤال فيهم هقدر اتعامل معاه علي انه حبيبي
يمكن في خيالي وبيني وبين نفسي كنت بعرف لكن وهو واقف ادامي صعبه اوي فكره ان الصديق يتحول لحبيب علي اد ما هي حاجه حلوه ان كان في بينا علاقه صراحه وصداقه وتجديد علي اد ما هي محرجه اوي مش متخيله ان ممكن يتقفل علينا باب اوضه واحد مش متخيله اني انام في حضنه حجات كتير مش قادره اصدق انها ممكن تحصل بيني وبين علي لكن اكيد هي هتبقي فتره وتعدي وهيبقي ليا كل حاجه زي ما كان ديما
كل حاجه..
المهم ان لحظه اعتراف علي ليا بحبه هتفضل اهم واحلي لحظه في حياتي
وهيفضل 26/3/2020يوم مميز بالنسبالي
بحبك ياعلي ❣️
.........
قامت زينه بعد ما شالت المذكرات بتاعتها فضلت واقفه ادام الدولاب بتاعها تطلع في فساتين وتمسك كل واحد تحطه علي جسمها من غير ما تلبسه وتبص في المرايا تجرب الاحلي كانت مضايقه من ايدها اللي مربوطه اوي ومش عارفه تلبس أيه.
فالوقت ده خبط الباب وظهر فارس اتخضت زينه واترعبت
زينه...حرام عليك يا فارس وقفت قلبي
فارس...سوري سوري مقصدش والله انا خبطت وبعدين انتي ايه اللي عملاه في اللبس بتاعك ده
زينه...بابتسامه مش عارفه البس ايه ايدي اللي مربوطه دي مضيقاني اوي بفكر افكها واجرب كده هقدر انزلها واحركها ولا لا
فارس....لا طبعا مش ينفع سبيها كده عشان مش تتعبي وبعدين عادي مش وحش يعني
زينه....طب قولي انت جبت اللي كنت عايزه
فارس...اهاا جبت كل حاجه بصراحه ندا تعبت معايا اوي
زينه...بابتسامه شيفاك يعني مرتاح مع ندا وداخل خارج هو في حاجه كده او كده ولا ايه قول متتكسفش انا اختك
ابتسم فارس وحط ايده علي شعره بصراحه
زينه ..ايوه انا عايزه الصراحه دي
فارس...هي لذيذه ومرحه وجميله يعني حاسس انها مميزه
زينه..الله الله طب افهم من كده ايه
فارس...مش عارف يا زينه انا ببقي نبسوط معاها لكن مش قادر احدد ده ايه بالظبط مش عارف اذا كان تعود انها بقت معايا في الفتره اللي انا فيها في مصر ولا بجد انا مبسوط معاها
زينه...امممم ودي بقي هتحددها ازاي
فارس....اكيد لما ارجع امريكا مش هقدر اختبر مشاعري بجد غير لما ابعد يا زينه لو حسيت انها فعلا فارقه معايا اكيد هقدر وقتها افهم اللي انا حاسه ده
لكن لو حسيت ان الموضوع عادي بردو هقدر افهم شعوري تجاهها
زينه...معاك فعلا اوقات بنحتاج اننا نبعد شويه ونأعد مع نفسنا عشان نقدر نفهم اللي بيحصل جوانا
فارس ..بالظبط هو ده اللي عايز اقوله مقدرش اقول اي حاجه او اخد اي خطوه غير وانا متأكد من مشاعري مقدرش اظلمها او اخليها تتعلق بحاجه ممكن تكون غلط
زينه...بأبتسامه حب هو انت كبرت فعلا ولا انا اللي مكنتش واخده بالي
قرب فارس منها حضنها وباس راسها
فارس....انتي هتكبري نفسك ولا ايه بجد يا زينه كان واحشني اوي الكلام معاكي
زينه....وانا اكتر والله يا فارس
فارس...طب قوليلي بقي انا صارحتك مش ناويه تصارحيني انتي باي حاجه
زينه...بارتباك هااا لا مفيش اصل اقصد
فارس...بضحك بس بس خلاص فهمت كل ده ومفيش امال لو كان فيه كنتي عملتي ايه
زينه...انت هتعمل فيها كبير يلا يا واد علي اوضتك
فارس...ابدا مش خارج غير لما اعرف
زينه...بابتسامه بقولم امشي هنتأخر روح يلا اجهز وسبني اشوف هلبس ايه
فارس....يعني بقت كده ماشي ياستي هروح اجهز وقف عند الباب وبصلها
فارس...زينه علي فكره
زينه... افندم🤨
فارس.. بتحبيه ؟
بصتله زينه بصدمه وسكتت
فارس...اصلي انا حاسس انه بيحبك اوي
زينه...انت بتقول ايه
فارس...مش بس كده ده بيغير عليكي مني
زينه....بابتسامه مين
فارس...بابتسامه علي
ضحكت زينه وبصت في الارض ورجعت بصتله.
زينه...مش بقولك انك كبرت يا فارس
فارس...انتي بس اللي مكنتيش واخده بالك يا زينه ولا حتي كنتي واخده بالك من نفسك بس واضح انك ابتديتي تركزي..ربنا يخليكي مبسوطه
ضحكت زينه....طب ادعي صح بدل ما يسمعك ويضحك عليك😂😂🙈🙈
فارس ..لا وعلي ايه انا رايح اجهز ويلا اجهزي بسرعه بقولك ايه الفستان اللي هناك ده هيكون حلو عليكي اوي
بصت زينه علي مكان ماشاور ورجعو بصتله كان خرج من الاوضه وقفل
زينه...بحب مجنون😂
قررت زينه انها تلبس الفستان اللي فارس شاور عليه.كان فستان اسود قصير واصل قوق الركبه الكم بتاعه من الدانتيل وتحته شراب اسود خفيف جدا
ابتدت تجهز وبعد حوالي ساعه خبط عليها فارس
فارس ..واااااااو ايه الحلاوه دي كلها
زينه....بجد شكله حلو أيدي مش مبوظه الشكل
فارس...خلاص والله زي القمر ذوقي طبعا😎
زينه....شوفت بقي مزعلتكش ازاي
فارس...طب ايه مش يلا بقي
زينه...مش لما يعدوا علينا
فارس....ندا بتقول انهم خمس دقايق ويعدوا علينا
زينه...امممم قولتلي😉😉😉
ضحك فارس انا نازل اشرب كوفي بسرعه اعملك
زينه....لا مش عايزه😂 انا جايه وراك
طلعت زينه چاكت اسود طويل عشان تلبسه
عدي كام دقيقه والباب خبط جري فارس يفتح
كانت زينه فوق سامعه الجرس فا قررت انها تنزل
خرجت من اوضتها وبمجرد ما نزلت لمحت علي واقف عالباب كانت مرتبكه علي غير العاده وكأنها عامله عامله راحت وقفت ادامه هو وفارس.
زينه...ازيك ياعلي
علي...بابتسامه جذابه بخير ايه القمر ده
فارس...بص لزينه😉
بصتله زينه وهي بتبرقله😳
ضحك علي عليها
علي....طب يلا قبل ما تضربي لخمه
سمعوا كلاكسات كتير من ماجد بره
علي...اهو الزنان وصل يلا قبل ما الناس تطلبلنا الشرطه
فارس....هو باللي هو عامله ده المفروض فعلا يطلبوله الشرطه😂😂😂
خرجوا مع بعض من الڤيلا
وجت ندا ووراها فؤاد وشمس وعلي غير العاده قررت شمس تسوق بدل ما تركب معاهم عشان تعرف تكون براحتها مع فارس🙈
ماجد....ايه الحلاوه دي يا زنزون
دينا....ايه الشياكه دي كلها😍
زينه...بجد انا مضايقه من ايدي اوي
دينا....مالها ايدك ماهي زي الفل اهي
فؤاد من عربيته ...هننجز ولا اخرج انا وشمس
علي...ماتهدي ياعم خلاص ماشيين اهو
ماجد...قولتلي هنروح فين
علي....انا كنت ناوي نروح سينما وبعدين نخرج نتعشي بس هنكنسل السينما وهنروح علي مكان هيعجبكم عشان عايزكم في حاجه
ماجد...حاجه ايه🤨
علي...متستعجلش لما نروح هتعرف
ماجد...اوبااااا شكل الحوار في كرستين😉
علي...بص لزينه اللي وشها اتغير😡
علي...يخربيتك🙄 اركب يا ماجد واتكل بدل ما تتقتل يا ابني
ماجد...في ايه انا مش فاهم حاجه
دينا...بضحك اركب يا فاضحني
ركبوا كلهم ومشيوا ورا علي
بصلها علي وفضل يضحك وهو كاتم ضحكته
زينه...بصتله بغضب انت بتضحك علي ايه😡
علي....انا عملت حاجه انا مالي ابن خالتك السبب🙈
ابتسمت زينه غصب عنها بصت عالكريق ورجعت بصتله
زينه...علي
علي....عيونه
ابتسمت باحراج ...انا قلقانه ياعلي
علي....ليه ياحبيبي بس ايه اللي قالقك
أبتسمت زينه وضربات قلبها اعلنت تمردها من جديد بعد كلمته...احممم يعني مش عارفه بسس
علي...مش عايزك تقلقي ولا تتوتري وبعدين هو احنا هنقول حاجه وحشه ده الكل هيطير من الفرحه يعني انتي مش عرفاهم
زينه...عارفه انهم هيفرحوا بس انا مكسوفه اوي حاسه اني عامله عامله
علي....انتي مش هتقولي اي حاجه خالص انا اللي هقول ولو علي انك عامله عامله فا انتي عامله احلي عامله.ضحك زينه وبعدت وشها تفكر فالخبر اللي هيتعرف بعد وقت بسيط
.....
وصلوا اخيرا ركنوا عربياتهم ودخلوا مع بعض المكان كان مكان شيك وهادي جداا عالنيل
دخلوا اعدوا عالتربيزه
ماجد....انا جعان
دينا....احنا لسه بناعد انت لحقت
ماجد ...مره من نفسي هي جت عليا
ندا ...بضحك سبيه صحيح حكايه الاكل دي تخصص فؤاد وعلي😂🙈🙈
علي...طيب تاكلوا ايه عشان لحد ما الاكل يجي كده هنتكلم شويه مع بعض
فؤاد.. في ايه
علي...هقولكم
ابتسمت شمس وبصت لعلي أبتسملها فالوقت ده اتأكدت انه اخيرا اعترفلها
طلبوا الاكل والويتر مشي
ماجد...ها يا سيدي في ايه مش مرتاحلك
علي....ليه بس
ماجد...شام ريحه كده وقلبي بيقولي حاجه بس يلا خلينا نسمع
ابتسم علي عموما قلبك صح يا صاحبي
زينه....كانت اعده مش قادره ايدها متلجه ومتوتره أتفجأت بايد علي بتمسك ايدها اوي من تحت التربيزه ومن غير ما حد يلاحظ كأنه بيطمنها وبيقولها انا جمبك مسكت زينه في ايده جامد كان حاسس علي ببروده ايدها فا قرر يرمي الخبر ويخلص عشان يخلصها من التوتر ده.
ماجد....طب ايه
فؤاد...ما تنجز انت وهو هي فزوره
علي....لا يا سيدي ولا فزوره ولا حاجه بس بصراحه كده نويت احصلكم واتجوز
الكل بصله بفرحه واستنوه يكمل واغلبهم مترقبين الخبر دينا وفارس وفؤاد وكأنهم مستنين يتأكدوا من الخبر
ماجد....اوبااا مش قولتلك شامم ريحه كرستين
علي...بسرعه وبدون تردد لا يا ماجد مش كرستين انا بحب زينه يا ماجد
الكل وشه اشرف بالابتسامه والصدمه
ماجد....زينه مين
ضحكت دينا 🙈
علي....بنت خالتك يا صاحبي
ماجد....طب احلف كده😳
علي...بابتسامه من غير ما احلف انت مش مصدقني ولا ايه
ماجد....زينه علي بيتكلم جد ولا بيهرج كالعاده
بصتله زينه وهي بتقسم من جواها ان هيغم عليها من الاحراج
شمس ..بدموع مبروك يا علي لو هتنمنالك حد مش هتمنالك غير زينه
حضنتها شمس والكل ابتدا يباركلهم
الا ماجد اللي مصدوم ولسه فاكر انه مقلب
علي...بضحك مالك ياض مبلم كده ليه
ماجد....يعني هو ده وحيات امك مش مقلب اصل امته وازاي وفين
علي...لا امته وازاي وفين هحكيلك بعدين مش وقته خالص انت مش شايف زينه عامله ازاي
ماجد...بضحك اصل ده اخر خبر اتخيله علي فكره انا مش بهزر😂😂انت وزينه طب ازاي ياجدع ده انتوا ناقر ونقير
علي....طب قولي انت موافقي ياصاحبي
ماجد ..لو ده مش مقلب اكيد موافق وطاير من الفرحه كمان بس لو مقلب هطلع عينك وعينها
علي...والله ما مقلب
قام ماجد وقف خد علي في حضنه وهو طاير من الفرحه وراح علي زينه اللي ميته في حلدها باس راسها
ماجد....مبروك يا احلي زينه في الدنيا والله العظيم انا مش قادر اقولكم فرحتي عامله ازاي
زينه...الله يبارك فيك يا حبيبي🥺❣️
علي....وانت يا فارس ايه رايك
فارس....انا مبسوط كتير عشان احساسي طلع صح😉
علي...بابتسامه لا يا شيخ هو انا كنت مفضوح اوي كده
فارس...صراحه اوي وزينه كمان
بصتله زينه بغضب😡
فارس....لا زينه مش اوي🙄
ضحكوا كلهم علب فارس وزينه بعد المباركات والاحضان
علي...المهم الوقت انا عايز همتكم معايا بكره الصبح هملم بباها وماكتها ابلغهم وعايزكم تنجزوا معايا عشان خلال شهر هنتجوز
ماجد...نعم شهر ايه انت بتستعبط اول ما تنوي تتجوز متقدرش تصبر
علي...بقولك ايه انا قررت اطلع منها هي مش ناقصه تسخين انا اقنعتها بالعافيه
دينا...ايوه بس شهر قليل يا علي
شمس...بصراحه انا لو عليا عايزه افرح بيهم بكره قبل شهر
ندا ..بس هما فعلا ممكن ميلحقوش يخلصوا كل حاجه في شهر
علي...من بكره هختار انا وزينه كل حاجه واي حاجه حابه تغيرها تعرفني وبعد بكره هنبدأ علي طول
ماجد....ماشي بس خالتي وجوزها هيلحقوا يجوا
علي...بقولك لسه شهر اكيد هيلحقوا يعني مش قصه المهم همتكم معايا وانت يافارس بيتهيألي المفروض انك تأعد بدل ما تسافر وترجع
فارس....لا للاسف انا لازم اسافر اخلص شويه حجات وهرجع قبل الفرح باسبوع
علي...طيب تمام انتوا قولتوا ايه هتنجزوا معايا
شمس...انا معاك طبعا
ندا ..وانا كمان معاك انت وزينه
دينا....وانا طبعا شوفوا عايزين ايه مني وانا موجوده
فؤاد....كل حاجه هتخلص بسرعه ان شاء الله
ماجد....خلاص هنبدا من بكره وان شاء الله هنلحق سبلي بقي انا اي حاجه خاصه بالفرح اخلصهالك
علي...طيب حلو اوي
وانتي ياشمس انتي وندا ودينا خليكم مع زينه شوفوا ناقصها ايه وعايزه ايه
فؤاد....بابتسامه والله ما مصدق اخيرا هنفرح بيكم
علي...طولت انا ها
فؤاد..ولا طولت ولا حاجه كل بأمر الله بس بجد انا فرحان اوي مبروك يا زينه فرحانلك من قلبي والله
زينه....بابتسامه الله يبارك فيك يا فؤاد
ماجد...بقولك ايه انت لسه هتستني لبكره كلم ابوها الوقت واحنا معاك كده اطلبها منه
علي....ياعم انت مجنون اكلمه ايه الوقت لا مينفعش انا هكلمه بكره مع نفسي
ماجد...نفسك ايه والله ابدا هو الوقت مش بيقولوا خير البر عاجله
دينا...والله هو ماجد مجنون بس فكره حلوه
فارس...كلمه هو اكيد لسه راجع من الشركه
ندا...خلينا نشوف رد فعلهم
علي...انتوا مجانين مش هينفع ماتتكلم يا فؤاد
فؤاد...بضحك والله انا بقول كلمه
ماجد...اهو حتي العاقل بتاعنا قالك
علي....عاقل ايه بس ده طلع مجنون زيكم
شمس...فيها ايه ما تكلمه ياعلي
ماجد...انتوا لسه هتستأذنوه انا هكلمه
علي...ياض استني عيب كده
زينه...ماجد بلاش جنان
ماجد...ياشيخه اسكتي انتي وهو
مسك ماجد الموبايل واتصل عليه فديو كول
ماجد....حيد باشا منور الدنيا
حيدر...بابتسامه اهلاااا ازيك ياماجد اول ما افتكرت تتصل علي جوز خالتك
ماجد...حقك عليا والله عارف اني مقصر بس الشغل واخد وقتي انا ودينا والله بس والله واحشني اوي
حيدر...كان الله في العون انت اكتر والله واحشني انت والشباب كلهم
ماجد...حضرتك اكتر والله خالتوا عامله ايه
حيدر...الحمد لله بخير اهي اعده جمبي
صفاء...ازيك ياماجد
ماجد...اهلا يا صفصف وحشاني والله
صفاء...انت اكتر يا حبيبي والله دينا عامله ايه وزينه وفارس وشمس وعلي وفؤاد وندا وحشتوني كلكم والله
ماجد...كلنا زي الفل والله ناقص بس انتوا تنزلوا تنورونا
صفاء....ياريت والله انا زهقانه جدا وكنت لسه بقول لحيدر وشكلنا كده ممكن ننزل قريب
ماجد...حلو انتوا من ناحيه هتنزلوا فا هتنزلوا
صفاء...اشمعني
ماجد....لا هاتي الاول كده الكاميرا علي الباشا الكبير
صفاء...تعالي ياحيدر
حيدر...خير يا ماجد
ماجد...خير طبعا وانا بيجي من ورايا غير كل خير😂😂
حيدر...انت هتقولي😂😂
ماجد....بص بقي يا باشا انا جايبلك عريس زي القمر لزينه طالب ايدها وعايز يتجوزها خلال شهر
حيدر...شهر مره واحده بس شهر ده كتير اوي😂
ماجد....انا بقول كده برده اسبوع حلو اوي
انا بتكلم جد علي فكره بقولك ايه كلنا اهو متجمعين وخارجين سوا جاب الكاميرا عليهم كلهم وهما ميتين من الضحك
حيدر...حبايبي عاملين ايه وحشني اوي والله
صفاء...عاملين ايه ياشباب وحشتوني
شمس....حصرتك اكتر والله يا طنط
فؤاد....ازيك يا حيدر باشا
حيدر....الحمد لله يا فؤاد بخير انتوا عاملين ايه
ازيك ياعلي
علي...حيدر باشا بخير الحمد لله حضرتك عامل ايه
حيدر....انا بخير والله
زينه...ازيك يابابا ازيك يا ماما
حيدر....وحشتيني ياقلب بابا ايه ده مال ايدك يا زينه
صفاء...مالك يا زينه ايه اللي حصل لايدك
زينه...بارتباك ااااه لا ده
علي....وقعت وقعت علي ايدها واتكسرت
صفاء...بلهفه اتكسرت ومتقوليليش يازينه وانت فارس مقولتليش ليه
فارس...زينه قالتلي مقولكيش عشان متقلقيش انتي وبابا
صفاء...كده بردو يا زينه
زينه...ماقلقيش انا بخير والله
حيدر.....خلي بالك علي نفسك يا حبيبتي شويه
زينه...حاضر يا حبيبي
حيدر...طب قوليلي المجنون ابن خالتك بيتكلم جد
زينه...بصتلهم باحراج
وبصت لوالدها.ايوه يابابا
حيدر...بفرحه بجد يا زينه طب مين هو قوليلي
خد علي منها الموبايل
علي ...انا ياباشا طالب منك ايد زينه
حيدر...بصدمه مصحوبه بفرحه انت يا علي
علي...ايوه انا واتمني ان حضرتك توافق
حيدر...بفرحه طبعا موافق ياعلي المهم زينه تكون موافقه
علي...طيب المهم ابقي لازم نتكلم تاني عشان بصراحه انا مستعجل ولا انا ولا زينه لسه هنتعرف علي بعض ولا محتاج أكون نفسي كل الحكايه ان زينه هتغير الحجات اللي مش عيزاها في الڤيلا ولو هتغيرها كلها معنديش اي مانت بس كل ده يكون في شهر
صفاء...بفرحه طب مستعجلين ليه مش تستنوا تظبطوا كل حاجه براحتكم
علي....اللي زينه هتشاور عليه هيتعمل بس مش لازم نأجل
حيدر....طيب عموما انا معنديش اي اعتراض والوقت اللي يعجبكم ومناسب لشغلكم حددوه وانا وصفاء ان شاء الله هنكون عندكم في اقرب وقت اخلص بس شويه حجات بص ياعلي انا كنت ناوي والله انا وصفاء ننزل نهائي خلاص تعبنا من الغربه بس اكيد مش هلحق اصفي كل حاجه هنا هخلص اللي اقدر عليه وهننزل وبعد فرحكم هرجع تاني اخلص كل حاجه براحتي
علي...ان شاء الله وبكره هيكون ليا مكالمه تانيه مع حضرتك عشان تقولي كل طلباتك لزينه
حيدر....انا مليش طلبات ياعلي غير امك تشيلها في عينك زينه غاليه عندي اوي انت هتاخد حته مني كل اللي عايزنه منك تحافظ عليها وتكرمها وتصونها وتفرحها
نزلت دموع زينه بحزن باستها شمس من خدها ومسحتلها دموعها
مسك علي كف ايدها اوي
علي...كل اللي حضرتك بتقوله ده هعمله وزياده بس كمان زينه ليها حقوق لازم تاخدها كامله عموما انا هكلم حضرتك بكره عشان المجانين دول جمبي وعاملين دوشه
حيدر...بفرحه ماشي ياعلي مبروك يابنت قلبي
زينه...بدموع الله يبارك فيك
خدت منه صفاء الموبايل وهي بتعيط
صفاء ...نفسي اخدك في حضني الوقت يا زينه مش قارده اقولك عن فرحتي بيكي قوليلي محتاجه اي حاجه اجبهالك من هنا
زينه....لا عيزاكم تيجوا بالسلامه بش
صفاء...هكلمك بكره يازينه
زينه...ماشي يا ماما
صفاء...مبروك ياحبيبتي وخلي بالك علي ايدك
زينه...حاضر يا ماما
صفاء وحيدر...لا اله الا الله
زينه...محمد رسول الله
ماجد....بتعيطي ليه يا كئيبه افرحي يابت انا هاين عليا اطلع عالتربيزه ارقص
ضحكت زينه وبصت لعلي
علي...بحب كان لازم اقول شهر🤨
زينه....باحراج انت مستكتره كمان
شمس....ربنا يسعدكم يارب ويفرحكم يا حبايبي.
خلصت الاعده بتاعتهم وروحوا.
وصل علي ادام باب الڤيلا.
علي...هتوحشيني لحد بكره
ابتسم زينه وبصتله انا فرحانه اوي
علي...انا اللي فرحان يازينه اوي مش مصدق ان كل حاجه بتخلص بسرعه كده
قوليلي يازينه
زينه...نعم
علي...نفسك في ايه
زينه....مش فاهمه
علي....اي حاجه تيجي علي بالك
زينه...بضحك ايه طلعلي مصباح علاء الدين وانا مش واخده بالي🤨😂
علي....وهو علاء الدين يجي ايه جمب علي العدوي😒😒هو حيلته غير سجاده فرحان بيها
زينه...بضحك طب انا عايزه السجاده بتاعت علاء الدين
علي....بأبتسامه وليه بس التعجيز ده بقولك ايه يلا يابت علي بيتك انا غلطان😒
زينه...طب خلاص خلاص مش عايزه السجاده
علي....امال عايزه ايه
زينه....عيزاك تفضل معايا علي طول ياعلي
مسك علي ايدها باسها انا عمري ما هبعد عنك يا زينه انا ماصدقت الحلم اتحقق
زينه...باحراج ااا طيب انا همشي بقي
علي...خدي يابت هنا🤨🤨🤨🤨
زينه...في ايه
علي...هو انتي مالك فيكي ايه
زينه...في ايه
علي....مش عارف من ساعت ماقولتلك اني بحبك وانتي عامله زي البنات اللي بتتكسف ليا لا بقولك ايه انا بحبك اه بس عايز زينه التانيه اللي بتتخانق معايا وبتناقر فيا زينه الغلبانه هاا الغلبانه عرفاها زينه اللي بتضرب وتحدف بأي حاجه الكيوت دي مش عايزها
زينه...🤨🤨تصدق انا غلطانه وضربته في كتفه انزل ادامي افتحلي الباب مش عارفه
علي....حمدتلله عالسلامه اهي دي زينه اللي عايزها😂😂
بحبك والله العظيم
زينه...طب بص انت اللي بترجع زينه الكيوت وبتخليني اتكسف
علي...طب انزلي ابو شكلك يا شيخه😒
نزل علي فتحلها خرجت زينه من العربيه وهي بتضحك
علي...اضحكي اضحكي يلا انجري ادامي عالڤيلا
زينه...رايح فين انا وصلت خلاص اتكل علي الله
علي....لا بقولك ايه انجري ادامي انا حبيبتي متمشيش في جنينه الڤيلا لوحدها
زينه....قول انك خايف تسبني من غير ما تحس ان كل حاجه تمام🤨
وقف علي وهو بيتنهد
علي...مش هكدب عليكي يا زينه من بعد اللي حصل ده وانا تقريبا مش بنام وديما قلقان عليكي ولو قلقت في اي وقت بفضل باصص من الشباك عالڤيلا بتاعتك اه يا زينه انا خايف عليكي ويمكن كمان هو ده السبب في استعجالي للجواز مش هرتاح يا زينه غير وانتي في حضني
زينه...بحب طب يلا وصلني وبلاش قلت ادب
علي...اتنيلي انتي لسه شوفتي قلت ادب🙄
زينه....روح ياعلي روح عشان انت متربتش
ضحك علي وشدها من كتفها دخلها في حضنه ومشي بيها علي باب الڤيلا واطمن انها دخلت وان فارس وصل قبلهم وسابها ومشي.
.......
عدي كام يوم علي خروجتهم في خلال الكام اليوم يوم اتصل تاني علي بوالد زينه واتفق معاه علي كل حاجه وابتدا علي ياخد زينه ويختارو حجات جديده واتفق مع مهندسين ديكور يجوا يغيروا الڤيلا في اسرع وقت وماجد ابتدا يشوف كل حاجه خاصه بالفرح هو ودينا وزينه واختارت زينه المكان وابتدت هي وصحابها يشوفوا الفستان بتاعها وعلي مكانش بيسبها .
وجه يوم سفر فارس ندا كان باين عليها الزعل لكن كانت بتجاهد عشان تبان طييعيه سلم عليهم فارس وطلب من ندا توصله وافقت علي طول فارس كمان كان ظاهر عليه التغيير وشكله مضايق لكن كان مطمن انه هيرجع قبل الفرح .
مشي فارس وندا وطول الطريق ندا ساكته وفارس كمان لكن قرر انه يقطع الصمت ده.
فارس....انتي كويسه يا ندا
ندا من غير ما تبصله الحمد لله
فارس...طيب ليه انا مش حاسس انك طبيعيه.
ندا...احممم ابدا يافارس انا بخير والله
فارس...شكرا يا ندا
بصتله ندا باستفهام شكرا علي ايه يا فارس
فارس...شكرا علي وجودك معايا طول الاجازه وشكرا علي وقتك اللي كنتي بتدهولي وشكرا علي كل حاجه
ندا...متقولش كده يافارس انا معملتش اي حاجه
فارس....اتبسطت معاكي ياندا بجد
ندا...بصت للطريق بحزن وانا اكتر يا فارس وكملت بابتسامه عشان تغير الموقف شوفت بقي الفتره الجايه لا فيها خروج ولا حاجه محدش هيعبرتي ولا يخرج معايا عشان تجهيزات فرح زينه
فارس...بابتسامه انا مش هتأخر كلها 3 أسابيع وارجع تاني ونخرج مع بعض انا حتي بفكر اني مرجعش وافضل مع بابا وماما
ندا...بلهفه بجدد🙄اقصد كويس
أبتسم فارس وكملت ندا طريقها من غير ولا كلمه لحد ما وصلوا المطار.
نزل فارس الشنطه بتاعته
ووقف يسلم علي ندا كان شكلها عايز يعيط
فارس...جت لحظه الوداع هتوحشيني جدا يا ندا
ندا...بحزن وانت كمان خلي بالك من نفسك ولما توصل طمني عليك اقصد طمنا كلنا عليك
فارس....حاضر اول ما اوصل المطار انتي اول واحده هكلمها
ندا....وانا هستني مكالمتك يافارس
فارس...طيب انا مش هعرف اسافر وانتي ضاربه بوز كده مش اسمها ضاربه بوز برضه
ابتسمت ندا غصب عنها ايوه اسمها كده شاطر
مد فارس ايده ليها اشوف وشك بخير
مدت ندا ايدها سلمت عليه وفجأه لقته قرب ايدها من شفايفه وباسها كانت مصدومه
فارس...بأبتسامه شكرا يا اجدع بنت عرفتها سلام يا ندا
ندا...رفعت ايدها فالهوا تسلم عليه من غير ولا كلمه فضل فارس يبعد شويه بشويه وهي سانده عالعربيه تشوفه لحد ما اختفي من ادام عينها
راحت ندا علي عربيتها بحزن وبمجرد ما ركبت نزلت دموعها وهي بتكلم نفسها
ندا....حبتيه يا ندا بس انتي عارفه ان كان هيجي يوم ويمشي
ندا...بس مكنتش اعرف اني هتعلق بيه كده يارب يوصل بالسلامه
..........
عدي يوم ورا يوم وكل حاجه ماشيه زي ما هي زينه فكت ايدها والدكتور طمن علي انها بقت احسن
كانوا بيكملوا كل حاجه وبيسابقوا الوقت لحد قبل الفرح بأسبوع وصل والدها ووالدتها اخيرا
وفجاءه
🙄🙄
