အခန်း(၁၂၀၂)
မင်းက မင်းကိုယ်မင်းလည်း တန်ဖိုးထားဖို့ လိုအပ်တယ်။
Qin Min မှ သူမ၏ သတို့သမီးပုဝါကို ချွတ်လိုက်ပြီးနောက် Mu Linger မှာ ငေးမောကြည့်နေမိသွားတော့သည်။ အကြီးဆုံးသခင်မလေးချင်မှာ “ပန်းပွင့်ကဲ့သို့ အသွင်အပြင်နှင့် လမင်းတူသောမျက်နှာ” ပိုင်ဆိုင်ကြောင်း သူမ ကြားသိခဲ့သော်လည်း အစစ်အမှန်မြင်ကွင်းမှာ သူမကို အံ့ဩမှင်သက်သွားစေဆဲပင်။
ထိုကဲ့သို့ အလှတရားမှာ ဥာဏ်ပညာထက်မြက်သည့် အလှတရားဆီသို့ ဦးတည်သွားသော်လည်း အထူးသဖြင့် သူမ၏ မျက်ခွံနှစ်ထပ်နှင့် မျက်လုံးကြီးများမှာ ဆွဲဆောင်မှုရှိသော အလှတရား လျော့ပါးနေခြင်း မရှိပေ။ ၎င်းတို့တွင် သံလိုက်ကဲ့သို့ စွဲဆောင်မှုတစ်ခုရှိခဲ့ပြီး Mu Linger မှာ " meijiaonang” သို့မဟုတ် အလွန်လှပသော မိန်းမလှ ဆိုသည့် စကားစုကို ချက်ချင်း အမှတ်ရမိသွားသည် ။ ၎င်းမှာ Qin Min ၏ရုပ်ရည်ဖြင့် လိုက်လျောညီထွေဖြစ်စေရန် ဖန်တီးထားသည့် ဝေါဟာရတစ်ခုကဲ့သို့ပင် သူမ ခံစားလိုက်ရသည်။
Han Yunxi မှာလည်း အံ့သြသွားသည်။ ကာလရှည်ကြာ မသန်စွမ်းသူများမှာ အလွန်တက်ကြွပြီး အားပြည့်နေသေးသည်ကို သူမ တွေရခဲသည်ပင်…။
Qin Min က ဒီနှစ် ၂၀ ဒါမှမဟုတ် ၂၁ ဖြစ်သင့်တယ်ဟုတ်လား။ သူမ အသက် ၁၆ နှစ်ကတည်းက ဘီးတပ်ကုလားထိုင်ပေါ်မှာ ပိတ်မိနေပေမယ့် သူမရဲ့ နုပျိုတဲ့ အငွေအသက် ဖယ်ထုတ်ဖို့ အများကြီး မစွမ်းဆောင်နိုင်သေးဘူး။ သူမရဲ့ မျက်လုံးထဲမှာ စိတ်ဓာတ်ကျတာ ဒါမှမဟုတ် ကိုယ့်ကိုကိုယ် သနားတဲ့ အရိပ်အယောင်တောင် မတွေ့မိဘူး။ အဲဒီအစား သူမက နှင်း ဒါမှမဟုတ် လေကို ဘယ်တော့မှ ဦးမညွှတ်တဲ့ ဇီးပွင့်လို လှနေတုန်းပဲ။
Han Yunxi မှာ သူမကို ကောင်းကောင်းမသိသော်လည်း ကောင်မလေးကို နှလုံးသားအောက်ခြေမှ မချီးမွမ်းပဲ မနေနိုင်ပေ။ Gu Beiyue က သူ့လူတွေကို ဘယ်လိုရွေးရမယ်ဆိုတာ သေချာသိတယ်။ သူက မှားယွင်း ရွေးချယ်ခဲ့တာ မဟုတ်ဘူး။
သူမနှင့် Mu Linger မှာ အချည်းအနှီး စိုးရိမ်နေခဲ့ကြသည်။
"မင်းသမီး၊ ကျွန်မက ဘာအဆိပ်သင့်နေတာလဲ။" Qin Min မှာ စိုးရိမ်တကြီး မေးလိုက်သည်။
YOU ARE READING
အဆိပ်ပါရမီရှင် ကြင်ယာတော် book 7
Tiểu thuyết Lịch sử**Book 7 ** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွ...
