အဆိပ်ပါရမီရှင် ကြင်ယာတော် book 7

အခန်း(၁၃၅၃)

အခန်း(၁၃၅၃)

သေရေး ရှင်ရေး ရုန်းကန်မှု။

Qin Min မှာ ဆေးစာအုပ်ကို ကိုင်ထားရင်း လမ်းလျှောက်လာကာ စိတ်လှုပ်ရှားစွာ ပြောလိုက်သည်။ "ဒီဆေးစာအုပ်ကို ကျွန်မ ဆေးပညာ လေ့ကျင့်ပြီး တည်းခိုခန်းမှာ လူတွေကို ကယ်တင်ပေးတဲ့အချိန် ဦးလေးကြီးတစ်ယောက်က ပေးခဲ့တာ။ အပ်စိုက်ကုထုံးက သာမာန်ဆေးပညာသီအိုရီတွေနဲ့ ကွာခြားပြီးတော့ အရမ်းထူးဆန်းတယ်။ ကျွန်မတို့က ဆေးအမှန် ညွှန်းဖို့ အရမ်းစိုးရိမ်နေတဲ့အချိန်မှာ ဒါက ရောဂါကို ကိုယ်တိုင် တိုက်ဖျက်နိုင်အောင် ခန္ဓာကိုယ်ဖွဲ့စည်းပုံ အခြေခံကို အားကောင်းစေနိုင်တယ်။"

ရှိနေသူအားလုံးမှာ ဆေးပညာကို နားလည်ကြပြီး သူမစကားမှ ဆိုလိုရင်းကို နားလည်ကြသည်။ Gu Qishao မှ ပြောခဲ့သည့်အတိုင်း၊ သူတို့က နာမကျန်းမှုကို မကုသနိုင်လျှင် အသက်ကို ထိန်းထားနိုင်သည်။ လူတိုင်းမှာ အကောင်းဆုံးကုထုံးအတွက် လမ်းဆုံးဆီသို့ တူးဆွနေခဲ့ကြသော်လည်း ဤရှုထောင့်ကို လျစ်လျူရှုခဲ့ကြသည်။ ကိုယ်ခံပညာ ရှုထောင့်မှကြည့်လျှင် ရောဂါကို တိုက်ဖျက်ရန် ခန္ဓာကိုယ် သန်မာအောင် အားကိုးနိုင်သည်။ ၎င်းမှာ ဘာကိုမှ မကုသနိုင်သော်လည်း အနည်းဆုံးတော့ နာမကျန်းမှုကို တိုက်ခိုက်ပြီး အသက်ကို ထိန်းသိမ်းနိုင်ရန် ခန္ဓာကိုယ်ကို စွမ်းရည်များ ပေးနိုင်သည်။ တိမ်တိုက်ကုန်းမြေကြီးတွင်၊ "ခွန်အား" နှင့် " ချီ"  ကို ထိပ်ဆုံးအဆင့်အထိ ကျင့်ကြံထားသူများမှာ မသေနိုင်သောခန္ဓာကိုယ်တစ်ခုရရှိရန် ဒဏ်ရာနှင့်ရောဂါအားလုံးကို တွန်းလှန်နိုင်သည်ဆိုသော ရေပန်းစားသောစကားတစ်ခုရှိသည်။ မည်သူမှ အထွတ်အထိပ်ကို မရောက်ခဲ့ကြသော်လည်း လူနည်းစုမှာမူ ချီကျင့်ကြံမှုမှ ရောဂါဝေဒနာများစွာကို ခုခံနိုင်ခဲ့သည်။

"တစ်နည်းအားဖြင့်ပြောရရင်၊ တကယ်လို့ မဟာပရိယတ်ကုက  စစ်မှန်ချီကို ကျင့်ကြံနိုင်ရင် ကျွန်မတို့မှာ မျှော်လင့်ချက်ရှိမှာလား။" Mu Linger မှာ ဝမ်းသာအားရ အော်လိုက်လေသည်။

Gu Qishao မှာ မေးစေ့ကို ပွတ်လိုက်သည်။ “သူ့ရဲ့ လက်ရှိခန္ဓာကိုယ်နဲ့ ကျင့်ကြံနိုင်ပါ့မလားဆိုတာ မသေချာသေးဘူး။ သူ့မှာ အချိန်အလုံအလောက်မရှိဘူး။”