زينة الهاشم 2

الجزء 11

زينة الهاشم 2 💝
الجزء 11
رحت غسلت وبقيت نستغفر هزيت هذاك القضيان رميتو فالكوزينة ورحت للشومبرة كملت تخمال الحوايج الجدد درتهم فالخزانة ولي مجاونيش درتهم فلي فاليز واش غاضوني والله قاع حاجة توب وكاين لي بتيكي نتاعهم ملبستهمش كامل ورجعت للكوزينة انا نخمل فالقضيان حتى نسمع فالدقديق فالباب الدخلاني يا ربي وتكون هيا وحق الله اليوم ناكلها ونعطيها طريحة الكلاب لقيتها زهية زينة ختي تعيشي عيطي سقسي على ما كيفاه راهي هشام مهوش يرد قتلها لاه وين راهم قاتلي ما وقيلا طلعتلها لاطونسيون وراه داها هو وزهيرة للسبيطار زهيرة نسات تليفونها وهشام مهوش يرد جوزتها لداخل للكوزينة عندي وعيطت لهشام جاوبني ليه ليه واش حنونتي جاوبتو مشنفة زهية هنا تسقسي على يماك قالي راها مليحة ضوك غير يتنحى عليها نجو قتلو بالشفا عليها وكوبيت جات رايحة زهية قتلها اقعدي بقينا نحكو حتى قاتلي زينة ختي اسمحيلنا والله مكان علابالنا واش معولين قتلها زهية حنونتي ربي عالم بلي ملومتش عليكم خاطر متأكدة محكاوش قدامكم ولات تبكي والله يا زينة منوينا نأذوك وربي شاهد واش تعذبنا كي مرضتي قتلها معليش ختي حكاية وخلاصت خلينا في ضوكا قاتلي اتهناي هذيك انا نربيها ملي جات العقرب متهنيناش قتلها خليك منها متجيبيش المشاكل لعمرك من تحت راسها حنا هكاك عاود دقدق الباب فتحت زهية كانت يمات هدى قاتلها كاش خبر على خديجة هشام مهوش يرد قاتلها لالا راها مليحة راه عيط لزينة وطمنا عليها علابالي دارتهالها بلعاني قاتلها اهبطي كملي الغدا واش قاعدة ديري هنا قاتلها ضوك نجي جاتني قاتلي صحا زينة باي هي هبطت وانا كملت ودرت الغدا لحق الظهر ومبانوش عيطت لهشام واش مزلتو قالي لالا رانا خارجين هبطت لتحت لقيت زهية فالكوزينة تغسل فالمواعن من ورا الحمارات قتلها راهم جايين قاتلي يا نوجد بيت ما قتلها لالا فرشيلها فالصالون خير بالاك يجو يطلو عليها قاتلي هيه ديجا زينب ضوك جي هيا وما الجوهر (مرت عمهم الكبير) سقمنالها الفراش وهوما دخلو تلاحت زهية عنقتها ما حنونتي راكي مليحة هزتلها راسها برك سلمت عليها قتلها الحمد لله على السلامة تبسمت معايا بقينا معاها شوية جاو الهمجيات نضت انا تبعني هشام سمعتها قاتلو هشام نحطلك تتغدا وتتماوع قاللها راح نتغدى عند مرتي كنت فالدروج واش فرحت وزربت دخلت رحت نسخن فالغدا جا من ورايا وعنقني واش حبيبتي زعفانة قتلو علاه الكلام لي سمعتو قليل قالي والله تريح ما وتشوفي واش نديرلك فيهم للزوج قتلو شكون قالي خديجة وبنت خوها قتلو يماك علاه قالي هيا خرجت الهدرة حطينا تغدينا نعست نضت بكري وزيد تقلقت والدوا جاتني كامل على طريق خليت الكوزينة هكاك ورحت رقدت مع نضت لقيت هشام راقد بحذايا رحت للكوزينة لقيتو مخملها وغاسل لماعن صح مش مخملة مليح بصح المهم الجاست زدت خملتها وعمرت طبسي كبير قاطو ،رحت للبيت جبدت جبة بيزوبيزو موتارد ديكوتي وفيها سباتي يجو طايحين على لكتاف رحت للدوش لبستها وجيت درت مكياج سامبل نتاع الكوريين مشطت شعري كوتشيفال سمعتو قالي زين هذا وين معول قتلو راك نايض قالي حاجة باينة ملي تحركتي من حذايا فطنت بيك قتلو هابطة لتحت جايين ضياف قالي صحا اصبري نهبطو مع بعض غسل وجا لبس بانلي مهوش مليح قتلو واش بيك قالي والو متوحش الحلو وغمزني زربت هربت لحت خمار الصلاة جبدني عندو باسني من جبيني مخليتي فيا والو بهاذ الجاست قتلو الواحد حتى رجع من الموت باه تكاكا قالي الصح كي هداه ربي مشفتيش لي ربي يعطيه غيرالضربة الصعيبة وهو والو قتلو الله يهدينا قالي آمين هبطنا ديت هذاك الطبسي للكوزينة قاتلي زهية كاين لاه شقيتي روحك وزهيرة المهبولة تلاحت عنقتني توحشتك يا زينونة كانت هدى وختها تما منعرف واش يديرو بقاو يتخنزرو فينا سمعت هشام قاللها كوليها خير كون مش الضياف هنا اقسم بالله نكمل على لي بقى الصباح عندك الزهر وفكوك عاوديها وتشوفي عاودي غلطي وعتبي الدرجة الأولى اقسم بربي لوكان محرقتكش منتسماش عوجت فمها قالنا راني خارج كاش ماتحتاجو قاتلو زهية والو قالي ونتي زينة قتلو سلامتك حبيبي عض شاربو وخرج وهذيك العلة حكمتها اصبري كان مقتلتكش بالقنطة منيش بنت يما.
سقسيتهم شكون هنا قالولي زينب ونسا عمومي قتلهم وبنات زينب وين قاتلي زهيرة بقاو عند مريم قاتلهم ما مريضة وديرو عليها الحس دخلت عندهم سلمت لقيت ام هدى تم سلمت عليها حتى هيا بقات داهشة قاتلي يما الجوهر ماتلاقيتوش وقيلا قتلها ايه تعرفيني حاكمة داري وقدري قاتلي انا لي نعرفك حتى تقوليلي بقيت مجمعة ومقصرة مع يما الجوهر (مرت العم الكبير) ويما صفية (مرت العم الصغير) ودايرة معاهم جو وحتى هوما حسيتهم جايين في صفي وبقاو يحكيو غير على هشام واش صرا فيه كي رحت انا ويقولو هبل عليك وهدى ميتة بالقنطة لي حيرني قاعدة وتسمع عادي أما عجوزتي ملي نشوف معاها نلقاها تشوف فيا حتى مرات نشوف ليها من تحت لتحت نلقاها تشوف معايا وتبع فيا بعينيها لدرجة توسوست حسيتها باغية تهدر بصح هيا متقدرش خاطر فمها تعوج قاع من لاطونسيو بصح قالولهم منا لغدوة ترتاح بصح عسوها قادر الخطرة الجاية ديرلها AVC جلطة المهم جمعنا شحال ممبعد نسا العموم راحو وزينب بقات وجاو بناتها بقيت مع لبنات عاونتهم خملنا الحالة حنا هكاك جا هشام حالو ميعجبش لاح السلام ردينا عليه شاف معايا سقسيتو غير بالاشارة واش بيك دارلي جاست نتاع تعبان قتلهم اسمحولي نطلع قاتلي زينب يا علاه اقعدي قتلها لالا ندير العشا وراكي تشوفي هشام تعبان كان هو راح دخل عند يماه قاتلي اقعدي حنونتي تعشاي معانا والله توحشناك لقيت بناتها للزوج عنقوني طاطا زينة توحشناك بقاي معنا قتلها صحا معليش بقيت نلعب ونتمسخر مع لبنات وزهيرة وزينب وجدو العشا شوية دخل هشام خصني قهوة لابغيتو قتلو معليه ضوك نجيبلك وجدتهالو وديتها للصالو لقيت غير عجوزتي وحدها اشارتلي نتاع ارواحي لحقت عندها بقات تحاول تهدر بالسيف مضمون كلامها كان ربي ان شاء الله منوض من هذي البلاصة كان انا حكيتلها عليكم ولا على هذيك الهدرة لي هدرها هشام قبل عرسكم ربي يكملي على الصحة لي باقية وزيد ياك مكانش منها وانا لي شفت دليل صبوحيتك قتلها معليه بالاك هدرتها هكا برك متقلقيش روحك مكان والو سقسيتها على هشام قاتلي مشفتوش خرجت حوست عليه مكانش بقات غير عند ذيك لي غير راحو الضياف دخلت وغلقت بابها حتى قاتلي انفال طاطا قالك خالو راني الفوق رحت عاودتلو قهوة هذي بردت وديتهالو لقيتو فالكوزينة يشرب في براسيتامول قتلو واش بيك قالي والو عيان برك قتلو زعما  قالي هيه واش باغي يكون قتلو قلت لاقدر الله بالاك كاش ما قالولك على يماك وراك مخبي علينا قالي لالا لاباس غير لاطونسيو وديجا كانت زهيرة معايا كون قالتلكم هيا قتلو بصح كبرت وولات فرملية الله يبارك كيفاش تتهلى في يماك (زهيرة جابت الباك ودارت براميديكال راها تقرى وتفوت ستاجات فالسبيطار )هزلي راسو برك شرب القهوة وقالي زينة متسناينيش على العشاء راح نتفرج ماتش مع خاوتي (ولاد عمومو)نطول باه نجي قتلو فالحق معروضة لتحت قالي بصحتك المهم حبي كاش ما قالولك كاش ما سمعتي متعمريش راسك بيهم كي نجي انا نتوالاهم قتلو شكون قالي الهم هذيك وماليها قتلو صاي روحو راها غير هيا هنا قالي تهنينا من جدهم كون غير هزوها معاهم بدل حوايجو شفتو وجهو ولى أصفر قتلو متروحش كي راك تعبان قالي لالا نروح نلهى خير هبطنا مع بعض هو خرج وانا رحت للكوزينة مع لبنات تعشينا هدى تنطق كلمة تردلها زينب وزهيرة رجعت سكتت تعشينا جمعت معاهم شوية قتلهم تصبحو بخير. قاتلي تسنيم نرقد عندك قاتلها زينب لالا قتلها خليهم لاه قاتلي راكي عروس جديدة منحرموش عليك وضحكت تبسمت قتلها لالا يرقدو عندي اديتهم وفرشت فالارض انا وياهم فالبيت عيطت لهشام طولت مزال ماجي قالي مزال شوية قتلو غلبت راح نرقد وكي تجي نوضني نسخلك العشا قالي لالا غير ارقدي والله تعشيت رانا في دار عمي الصغير وتعشينا كامل هنا قتلو بصحتكم كي جي نوضني قالي اوكي حكيت لبنات قصة سندريلا مساكن رقدنا قبل مانكملوها مفطنتش حتى على الاذان نوضت ملقيتش هشام في بلاصتو كيفاه مجاش نضت نحوس عليه لقيتو فالصالة ساجد ويتهز ومهوش مفرش سجادة هذا واش بيه غير حطيت يدي عليه ودار عندي خلعني المنظر نتاعو وجهو صفر عينيه حومر جسمو كامل يرجف قتلو واش بيك اهشام قالي والو حبي يدي برك والله تقول حسيت بيه من العشية باين بلي مهوش مليح قتلو وين واجعاتك قالي كامل مش حاس بيها بقيت نحاول نديرلو مساج وهو مسكين والو حتى ولى يعرق بطريقة فضيعة قتلو نعيط لواحد من خاوتك يجيك قالي خلي يطلع الصباح ونعيطلهم منخلعهمش ضوكا قتلو وتبقى مستحمل لصباح قالي معليش مبقاش بزاف وليت نحس فيه راح يتغاشى هزيت تليفونو قتلو واش الكود تبسم قالي نفسو مبدلتوش ضحكت خاطر الكود انا درتهولو كي تزوجنا فتحتو لقيت سعيد هو الاول عيطتلو هز الو رجعتلو سلام سعيد خويا زينة غير الخير ختي واش كاين قتلو اسمحلي نوضتك قالي لالا راني رايح للجامع قتلو هشام يدو واجعاتو بزاف قالي والله لا عرفتها عشية كامل وحنا نقولولو امشي للطبيب ومياخضش الراي قتلو والله راه في حالة قالي راني جاي قتلو سعيد خويا كي جي ارواح من جهتنا تحت معلابالهمش منيش حابة نخلعهم قالي صحا كوبيت لقيت هشام رقد واقيلا تغاشى عييت نهز فيه والو رحت جبتلو الماء غسلتلو وجهو وشممتلو الريحة فطن انا خلاص نرجف بالخلعة دايرة الكوراج حتى عيط سعيد راني عند الباب زربت لبست حوايج الصلاة وفتحت لقيتو هو وصالح وباباه كانو رايحين مع بعض للجامع كي عيطت جاو دخلو تخلعو في حالتو تعاونو خرجوه وراحو للسبيطار وانا صليت وبقيت نقرا فالقرآن ساعة غفيت جابتني الفطنة لقيتو الصباح مزية تليفون هشام بقى هنا عيطت لسعيد قالي اطمني ختي دارولو دوا ويسناو غير فالحمى تهبط عليه ونجو قتلو صحا حتى قريب 11 باه عيطلي سعيد لقيتو هشام واش لاباس قالي الحمد لله حنونتي راني مليح متتقلقيش راني جاي ندخل نصبح على ما ونطلع عندك صحا ،لبست غوب نتاع خرجة (كي درت حجاب شرعي حوايج الخرجة قلت نلبسهم فالدار ) فالماغون ودرت معاها خمار وهبطت لتحت صبحت عليهم حتى قاتلي هدى وين هاملة على الصباح تخنزرت فيها من فوق لتحت قاتلها زينب الهملة ليك ان شاء الله تلاصقو بالهدرة سمعت تسنيم يا باباتي زربت خرجت لقيت سعيد ساند هشام مع الدروج مسكين دارولو بلاتر من رقبتو حتى لصبعو الصغير نتاع يدو وعلقولو يدو في رقبتو لحقت عندو على سلامتك قالي الله يسلمك فاتو للصالو دخلو لبنات بقاو يتباكاو سيرتو زهيرة واش كاين واش بيك قاللهم صالح والو غير يدو من لاكسيدون لي فاتت راها مبراتش مليح قاتلو زهية سيغ كي رفدت ما البارح جات العجوز ليوم مليحة خير من البارح تهدر بقاو شوية حطينالهم الغدا هشام يدو اليمنى لي مريضة مقدرش ياكل همستلو كي يروحو نوكلك هزلي راسو وتبسمنا قالي سعيد زينة اوقفي عليه علابالك الطبيب قالنا كون كاش حاجة لاقدر الله يفوت ديراكت عملية بعيد الشر قاتلو هدى راني هنا منغفلش عليه قاتلها زينب كون وقفتي عليه من الأول كون موهوش في هاذ الحالة مالا جات مرتو خليه ليها شفت سعيد تنخزر فيها نتاع اسكتي عطالي دواه وفهمني كيفاه يشربو وبقى ينبه على البلاتر لازم ما يتكسرش ويدو متهبطش من رقبتوإلا للضرورة ويبقى بيها 45 يوم نطق قالو يا جدك بزاف انا 10 ايام ونحيه نسيت روحي قتلو قالوهالك والله متنحيه حتى يقول الطبيب بقاو يضحكو ناضو الشاشرة راحو وانا غديت هشام وهذيك لبنادم تموت بالغزول كمل طلعنا الفوق لدارنا بدلتلو حوايجو ونغمض في عينيا هو شابع ضحك رقدنا منضناش حتى قريب المغرب.