زينة الهاشم 2

الجزء 07

زينة الهاشم 2 💝
الجزء 07
جاتني صليحة حكيتلها واش قال بابا قاتلي زينة هذا راه قرار مصيري خمي مليح حنا هكاك دخل نجيب يرجف قالي شوفي زينة انا راهم احرجوني ومقدرت نقوللهم والو أني قتلهم هيا مش قابلة شوية كي تدخلي عندهم قوليلهم ما نرجعش ليه صحا ختي مطيحيليش نيفي قدامهم معندك ما ديري بجدو مازالها ختي صغيرة وتلقاي أفضل منو ملقيت واش نجاوب خفت قلبي يدق ف 200 شوية جا سيدعلي ولد عمي قالي زينة ارواحي كنت حاطة خمار لبست ملاية ودخلت معاه لقيت صالون معمر رجال حسيت قلبي راح يطيح بين رجليا ولا كلشي مني يرجف بالسيف لا نطقت السلام قالي عم هشام الكبير ارواحي بنتي اقعدى بحذايا رحت قعدت  شفت من تحت لتحت لقيت هشام وعمومو لزوج سعيد ورياض عمي مصطفى بابات مريم الامام لي فتحلنا فالعقد راجل آخر بانلي امام تاني سيدعلي ولد عمي وباباه (عمي الكبير)  وأكيد نجيب خويا بدا الامام يهدر على الزواج وبلي هو مسؤولية ومش عند اول مشكلة نهربو المهم دارنا درس على الصبر على الحلو والمر ممبعد شاف ليا قالي يا بنتي زوجك راه مستعرف انو غلط في حقك وراه جاي باه يستسمح منك ويرجعك لدارك واش قلتي شفت طول مع نجيب لي كان ديجا يشوف معايا دارلي براسو لالا تبكمت عاود سقساني الامام مع شفت لنجيب قالي العم الكبير بنتي نتي واش حابة مش هوما واش حابين هذي حياتكم نتوما زوج برك وليت نفيبري مش غير نرجف عاود سقساني الامام للمرة الثالثة حابة ترجعي لراجلك ولالا هزيت راسي بلا منشوف لنجيب بايه قالي بنتي معليش تهدريها قتلو ايه نرجع طلعت راسي لنجيب نلقى الدخان طالع منو شفت مع هشام نلقاه يحضن في سعيد ورياض رجع الامام قالي الحمد لله وربي يهدي سركم ويهنيك زيدي بنتي إذا عندك شروط قوليهم قتلو نعم عندي قالي بنتي دقيقة بغيت نقولك انو المرأة لي تطلب الطلاق من زوجها بدون سبب راها تلعنها الملائكة وتاني لي تسأل طلاق امرأة أخرى نظن فهمتيني قتلو نعم بصح أنا شروطي هي انو يسكني وحدي شاف معاه الامام قالو قابل قتلو تاني نخدم تخنزر هشام فيا شفت عمومو هزولو ريسانهم نتاع اقبل بقى متردد ممبعد قال قابل قالي الامام زيدي بقيت ساكتة رجع عمو الكبير قالي بنتي إذا كاين أمور خاصة بينكم نظن تقدرو تهدروهم وحدكم صح يا نجيب شفتو ناض مش عاجبو الحال قالو معليش قالو الامام خليهم يروحو مع خوك الصغير خير (قصدو على سيدعلي)نضنا رحنا لبيتي خرج سيدعلي جا هشام يحضني بعدتو بقى يشوف معايا قتلو مالا ماكش قابل نخدم قالي يا طفلة الله يهديك حبسي  متبدايش ذوك وحنا مزال مفريناهاش قتلو شفتك محبيتش حتى قالولك عمومك تبسم قالي علابالك فيا كيفاه داير بصح والله هذي المرة منيش قابل على جالك قتلو علاه قالي زينة متنسايش راكي مريضة واش متقدريش للخدمة، قتلو انا حابة نخدم ومهوش كامل سبب واذا مراكش قابل غير مكالاه نكملو زرب غلقلي فمي قالي راني قابل ارضاي عليا برك سكت .
قتلو حابة داري وحدي سمعتني قالي هذي أكيدة بلا متقوليلي نتي زيدي بقيت ساكتة شوية ممبعد قتلو ياك نتا لي قلت بلي راني مريضة مالا دير في بالك بلي واجباتي الزوجية مانقدرش عليهم قاع ضحك قالي الخدمة تقدريلها وواجباتك الزوجية لالا قتلو مالا بطلت منرجعش ولى يضحك قالي مثلا واش هوما هذو الواجبات قتلو مانقدرش نطيب ونسيق والشغل الثقيل المتعب قالي زيدي قتلو هذو هوما همسلي والفراش تقدريلو قتلو والله متحشم ديجا هذا بالذات منقدرلوش شاف ليا بنص عين قتلو واقيلا معجبكش الحال ياك عندك لي معوضااك قرصني من خدي قالي بلاصتك والله مكان لي يعوضها من كلشي واطمني حنونتي والله حابك معايا برك المهم قدام عيني الشي لاخر كامل متخميش فيه صحا حاب نحط البوبية نتاعي قدامي ونكحل عليها هذا مكان  قتلو وحاجة قالي لي هيا قتلو رد بالك يدك تزيد ترفدها عليا قالي تتكسر ان شاء الله ولا تنحط عليك قتلو بعيد الشر قالي هيا تهلاي في روحك وخرج جات عندي صليحة مجيت نحكيلها جا سيدعلي قالي ارجعي عندهم قتلو علاه قالي منعرف عاودت دخلت عندهم قالي الامام يا بنتي فهمتي زوجك في شروطك قتلو انعم قالو ونتا سمعت شروطها وقبلت بيهم قالو هيه قالو راك متأكد قالو أكيد قالي مالا بنتي نهار آخر حنا كامل شاهدين خرجت بالزربة وحكيت لصليحة قاتلي خيرما درتي هكا مليح كي شرطتي عليه بقينا نتصنتو قالو غدوة يجي يديها قاللهم نجيب مش غدوة ممبعد ونقولو وينتا يجي المهم خرجو راحو وتهب العاصفة نجيب يعيط عليا من الدروج نتاع برا قاتلي صليحة اجري لبيتك وغلقي بالمفتاح وردي بالك تخرجي زربت درت واش قاتلي دخل هو يطير وينزل اليوم نقتلها حبطتلي راسي اليوم نهارها نسمع في سيدعلي يقولو يا نجيب انعل ابليس وش راك دير وهو القيامة مقومها عيا يوصل للباب باه يكسرو وشدو سيدعلي من لخر قالي عيطيلو ضوكا يرجع يديك وردي بالك تغلطي وترجعي هنا خلاص معندكش أهل معندك اخ معندك خواتات فضلتيه علينا مالا اندبي بيه كي يقتلك منسمعش بيك.
انا لداخل ومتكمشة على روحي ونبكي لربي لي خلقني واش ذنبي انا واش درت حتى راهو يصرا فيا هذا كامل فاتت نص ساعة ملي نقص عياط نجيب حتى طفى كامل وقيلا خرج سمعت دقديق خفيف على بابي قلت شكون قاتلي صليحة افتحي فتحت لقيتها هي وسعاد لي حضنتني يا حنونتي وختي واش صاري فيها عنقتها وكملت في بكايا حتى دخلت علينا الجادور نتاع كريمة هكا يا بهلولة كلحوك بزوج كلمات سمحتي في حقك ورجعتيلو عيات صليحة وسعاد يسكتو فيها وهيا والو غير تزيد بلخف نسيتي بلي بسبتو خسرتي بنتك وممكن مراحش تزيدي تولدي قاع نسيتي بلي تزوج وجاب ضوكا وحدة اخرى غير تصبحي مريضة ولا عيانة يعايرك بيها عييت ساكتة بصح مقدرتش قتلها ونتي واش دخلك ياك انا راح نعيش معاه مش نتي بقاو مخلوعين فيا قتلها نتي لاه راجلك رماك هنا ومامبا مسقساش عليك رجعتي تحرشي في بناتك عليه حتى رجعك بقات داهشة قاتلي ااانا وينتا قتلها نتي علابالك وينتا منيش راقدة على وذنيا باه تبلعطيني خليني هذي حياتي وانا حرة فيها مدخلوش رواحكم فيا قاتلي طوال لسانك خصك سوطة باه ترجعي لعقلك قتلها انا بعقلي نتوما لي هبلتو عييت نستنى فيكم تعقالو والو زدتو كلبتو قاتلي اواه نتي عقلك طار بصح ضوك نجيب يرجعو لبلاصتو قتلها قولي والله علاه واش  يكون نجيب هذا اه إذا ساكتة خاطر محتارماتو مهما يكون يبقى هو الي رباني مش معناها نخافو وزاد حتى هو لاه جاي يحاسب فيا هو نسى روحو كيفاه كان يضل يحاول في صليحة باه ترضى عليه وترجعلو بداو يسكتو فيا  كي صليحة كي سعاد وانا صح تقول كلبت وليت غير نخلط فالهدرة ونعيط لاه مشفتوش يحسبني رقدت ويجي يحاولها ميخليلها راس ميخليلها عينين يبوس ويعنق يا حنونتي يا حبيبتي في صلاحكم قاع تقضو اموركم وكي جات في زينة بانتلكم كامل تحكمو وتدخلو ياو افهمو هذا راه راجلي مهوش صاحبي باه جايين تقوليلي تلقاي غيرو ياو خلاص تفرها فيا ضرك عياو يسكتوني مقدروليش قاتلي سعاد ياجدك فضحتينا جمال وسيدعلي راهم فالصالون ونقلع  يندب راسو بيا كيما دارها بيا ومرضني هو ضوكا يحصل بيا مش يقيسني ويروح يكمل حياتو مع لخرى فرحان وزاهي كلي مدار والو  والو والله نقعد على قلبو كي العلة لابغى يقتلني المهم ميتهناش في حياتو وليت غير نخلط فالهدرة حتى جا عندي سيدعلي غير تهدني ختي نتي كاش مايصرا فيك وكي تروحي عندو بردي قلبك وخاطرك وعيطيلي ندخلو للحبس نرشيه المهم اهداي عزيزتي بصح وليت كي مهبول نهدر ونعيط ونتف في شعري حطيتو قاع قدامي بالسيف لدخلتني صليحة للدوش وفتحت عليا الما زعما باش نهدا ساعة طحتلها فالارض وجمعت رجليا ويديا وليت نرعش كامل ونرجف كيما عيات تفتحهم مقدرتش خرجت تجري منعرف واش بيها اجرو ليها دخل عندي نجيب وجمال هزني جمال (نجيب عندو ارنيديسكال) حطني فالسرير وغطاني وسيدعلي طار جابلي راقي.