زينة الهاشم 2

الجزء 04

زينة الهاشم 2 💝
الجزء 04
فطنت فالسبيطار وحدي غير لفرملية معايا راحت جابتلي طبيبة شافتني وراحت بعد مدة دخلو عندي بابا ونجيب و حتى هشام معاهم دورت وجهي كامل عليهم شوية قالتلهم الطبيبة تقدرو تخرجوها رحنا للدار وحتى هشام ورانا بالطونوبيل غير وصلنا هو كمل طريقو وحنا طلعنا للدار دخلت ديراكت للشومبرة غطيت راسي سمعتهم يسقسيو واش صرا بدا نجيب يحكيلهم ويعيط ويسب فيه فاتو 4 ايام من فراشي منوضش ومنحكيش كامل معاهم نهار الرابع سمعت الحس والعياط خليها تخلى مهمني في والو جا بابا عندي جبدني عندو وعنقني قالي اسمحيلي يا بنتي وعدتك بصح منقدرش نوفي خاطر غلبنا فالشرع  وليت نبكي بصح علاواه منعرف انا منيش فاهمة روحي إذا حابة نرجعلو ولالا ، خرج بابا خلى الباب مفتوح سمعتو مع نجيب لي يعيط ويسب ونعمل فيه ونقتلو ونتهنى منو نطقت كريمة المهم متروحش معاه وخليه يجي يشوفها مرة زوج ونحاوزوه قاللها بابا ناوية نتي بنتي تسكن فالمحاكم يا تخلوها عندكم وتخلوه يجي يشوفها يا رجعوهالو يرحم والديكم خلو المخلوقة تتهنى وتريح من المشاكل هذو قاتلو دنيا ونتا لاه متديش بنتك ياك كنت مطلعها معاك قاللها حكمتلها المحكمة ممنوع تسافر بلا بيه يا لوكان للعلاج خاطر راها على ذمتو نخلي الحالة تهدا ونهدر معاه بالاك يهديه ربي ، الغدوة منو مع صباح نوضتني كريمة نوضي الكلب هنا بقيت نشوف معاها هو صح أذاني بصح مهوش من حقها تعاير وتسبو كل وقت رحت غسلت وجيت لبست جيب سيري مع شوميز وطلقت شعري فحفت روحي بالريحة مع جيت خارجة تلاقيت بكريمة رجعتني للبيت قاتلي واش وقيلا عجبك الحال امشي لبسي ملاية وديري خمار كانت سعاد جات عندنا قاتلها علاه حتى تتحجب قدامو قاتلها راه مهوش وحدو لبست ملاية ودرت خمار قاتلي استناي هنا حتى يدخلو شوية جا بابا قالي ارواحي بنتي دخلت للصالون لقيتو هو وسعيد والمحامي وطبعا نجيب وبابا جا هشام يسلم عليا جبدني نجيب عندو تخنزر فيه هشام قعدنا سقساني لاباس مليحة هزيت غير راسي رجع قال لنجيب حاب نقعد معاها راس لراس قالو خليتك تشوفها ياسر عليك هشام تقلق شفت سعيد حط يدو على كتف هشام شاف ليه دارلو اشارة نتاع معليش شوية نطق المحامي قالو عندو الحق يقعد معاها وحدهم متخلينيش نقدم عريضة ويولي يلقاها في مكان آخر خارج الدار تزايد هو نجيب فالهدرة ممبعد دار لهشام قالو شفتها مالا تفضل هذاك نشوف فيه بدا يتحول مزية سعيد يكالمي فيه ، مدلي هشام صاشيات شفت مع نجيب ممبعد مع بابا هزلي راسو شديتهم عليه وخرجت مجيت نلحق لبيتي لقيت نجيب خطفلي هذوك الصاشيات ودخلت انا وياه للبيت فرغهم فالارض طاح منهم لي سوفاتمو انا حشمت شفتو رفد حاجة وراهالي لقيتو تليفون قالي اللعب مش عليا وخرج دخلو لبنات قاتلي كريمة حسبك عريانة عندنا حتى جايبلك الشوالق وزاد جابلك الشيكولا علاه ياك ممنوعة عليك ولا حاب يطلعلك السكر يقتلك بقيت نبكي غير بالساكت.
رجعت في المشاكل هشام كثر على ما وصاوه تقريبا كل يوم يجي ونجيب كالب يبقى غير يتشنف وإذا  جابلي كاش حاجة لازم يفيريفي خلاص عييت وغلبت زاد حتى بابا راح ضياقت عليا نتاع الصح واحد اليوم جا هشام وكي راح قلب نجيب الدار علينا انا وصليحة مزية كان سيدعلي تما قالو خلاص ضوك نهدر معاه وصح هدر معاه ولى يجي مرة فالسمانة وهكاك ومتهنيناش كريمة كي تكون ثما ونجيب يديرو حالة ولازم نشوفو بالخمار محال هكاك وكي يطلب نبقاو وحدنا عندهم مايديرو وميخلوناش أنا ملي نروح للطبيبة تقولي مكيش مليحة باين مكيش تاكلي دواك مليح وانا والله ملتزمة بيه غير من المشاكل والتخمام الي قاتلني لدرجة حاولت ننتحر للمرة الثانية لحقت عليا صليحة دنيا مزال هنا هي وكريمة غموني وزادو على مابيا نجي نحاوزهم بصح واش راني ندير دار باباهم وهوما اولى بيها مني واحد المرة كي جا هشام ودخلت عندو قلت لنجيب معليش تخلينا وحدنا تخنزر فيا قريب كلاني وناض جا سعيد يخرج قتلو معليش تقدر تبقى نتا هشام تخلع قالي زينة غير الخير واش كاين قتلو تحبني بقى داهش فيا قالي حاجة باينة نموت عليك قتلو مالا تعيش متزيدش تجيني دهش وبقى يشوف معايا ومع سعيد وليت نبكي قتلو اهشام والله مراني مليحة علابالك راني مريضة بالسكر والقلب ولاطونسيو وراها لاحقة الڨواتر قالي الله اكبر قتلو ايه تعيش خليني نلهى بصحتي عييت من المشاكل قالي علاه انا راني نديرلك فالمشاكل قتلو ايه كعاد تجي غير تروح انت يرجع عليا نجيب ميخليليش (هدرت هكا خاطر متاكدة بلي نجيب كان يسمع لينا واش نقولو) قتلو حتى نتا كي تكون هنا تولي تزيد معاه فالهدرة قالي علاه ازينة مشفتيهش كيفاه يولي يستفز فيا قتلو بصح نورمالمو على خاطري تستحمل قالي زينة والحل كيفاه انا كيفاه نطمن عليك درتلو اشارة بيدي نتاع نعيطلك وكملت نهدر قتلو خليني نطمن على صحتي ممبعد اطمن عليا إذا حبيت بصح إذا بقيتو هكا دير في بالك فالزوج راح تخسروني شد راسو بيديه حط سعيد يدو على كتف هشام وقالو كلامها صح يا هشام خلوها على الاقل تهز صحتها والقرار الاخير راح يرجع ليها بقى ساكت شوية ممبعد قالي يفرجها ربي تهلاي في روحك وإذا كاش ما حتجتي عيطيلي سلم عليا وقالي ديريلنا طريق خرج وانا حسيت روحي خرجت معاه.
هو خرج وانا روحي خرجت معاه وصح من نهار هذاك  معاودش رجع قالي نجيب كون درتيها هكا من النهار اللول نقولك حاوزيه انا ربي عالم بالغمة لي على قلبي بصح واش ندير كان لازم عليا وصح نقص الحس فالدار وانا ارتحت شوية كنت مرة مرة نعيط لهشام من عند صليحة بصح 2 دقايق ونكوبي كيما يعيا يحاول فيا نقولو لالا نخاف نديرلها مشاكل زوج مرات يبعثلي تيليفون مرة مع وليد جارنا صغير لقاه برا ورجعتهولو ومرة تانية مع شهيناز راح ليها للخدمة وجابتهولي قتلها تعيشي رجعيهولو وقوليلو كون يطيح في يد نجيب والله تخلاص حكايتنا هو معجبوش الحال قالي هكا بزااف قتلو مالا منزيدش كامل نعيطلك قالي كيفاه انا نقولك مهمش يكفوني هذوك 2 دقايق قتلو نتا متحبنيش ومتخممش عليا وكوبيت جبت سمانة معيطتلوش جاتني شهيناز قاتلي راه برا طلي عليه من البالكون رحت بالزربة فتحتو وطليت عليه عيطلي عندها ريبونديت قالي لاه راكي تعذبي فيا هكا رجعتيني كلب تجرجري فيا كيما تحبي وليت نبكي دخلت وكوبيت عليه بقيت نبكي عاود عيط هزت عليه شهيناز قاتلو انا رضيت نكون وسيط بيناتكم باه تصلحو الأمور بصح إذا وليت تبكيها هكا غير اسمحلي صحا خويا قاللها جوزيهالي عطاتني التليفون قالي زينة والله ربي غير نموت عليك نتي عندي الدنيا كلها مقدرتش بلا بيك قتلو احسن عوني انا عبد مغلوب على امرو ومحاباش ندير لصليحة مشاكل مهيش ناقصتهم راني وين منلقى فرصة نعيطلك إذا معيطتش الله غالب قالي اوكي حبي تهلايلي في روحك قتلو ان شاء الله حتى نتا تهلى في روحك وكوبيت زدنا يامات جات كريمة قاتلي والو مبانش قاع غير الخير قتلها جا قلتو علاه يجي ماجاش قلتو علاه مجاش وضوكا كيفاه معاكم قاتلي نحط يدي فالنار اذا مكيش تشوفيه برا قاتلها صليحة خافي ربي في ختك والله مراها تعتب الباب نتاع برا قالتلها مالا دايرة تليفون بالتخبية وتحكي معاه ويدخل علينا نجيب قالي هاتي هنا بقيت نشوف معاه ولا يعيط جيبي قسامو وانا كيما طبيعتي غير يعيطو عليا نخاف ومنقدرش نجاوب وليت نبكي قالتلو صليحة والله ماعندها قرب ليا جا يفتشني طبعاتو كريمة قاتلو بعد عليها نتا تعوقها وهي ما بقا فيها والو راح لبيتي حط الخزانة كامل حتى فلي سوفاتمو وفتش طحت فالارض نعدد والله ثلاث معندي تليفون لاه راكم ديرو فيا هكا والله معندي ضمتني صليحة قاتلهم عيب عليكم راها كبيرة وزيد راجلها هذا حتى وراها تهدر معاه محقكمش ديرو فيها هكا قاللها نجيب مدخليش روحك في هاذ لحكاية اطلاقا وخرج انا تسطحت وبقيت نبكي حتى رقدت.