زينة الهاشم 2

الجزء 18

زينة الهاشم 2 💝
الجزء 18
جرا هشام هزني وهبط بيا الدروج يجري عيطت عليه يماه استنى استر الطفلة جرات لبستلي ملاية نتاع لبنات دارتلي خمار وكمل بيا لطوموبيل راحت معايا لعجوز طريق كاملة نبكي ونعيط شي من الوجاعة وشي من الخوف إذا صرات كاش حاجة فالبيبي هاذ المرة نهبل هشام كلا روحو ماكلة اليوم نقتل ربها ونتهنى منها فرخة دمرتلي حياتي خلاص اما منحتاجهاش قاتلو دير لي تريحك اهدى برك وسوق بالعقل نتا تزيد تكمل على زينة وصلنا فوتوني طول ليزيرجونس جابولي جينيكولوغ شحال وهيا معايا ممبعد قاتلي اطمني نورمالمو سالامات ولات العجوز تحمد في ربي وتعاود وخرجت لولدها تطمنو كملت الطبيبة قاتلي كيفاه طحتي قتلها زلقت من الدروج قاتلي حفظك ربي لازم تحاذري روحك دخلو لعجوز وهشام قاللها واش طبيبة خير ان شاء الله قاتلو لالا لاباس بصح راح نشدوها اليوم تحت لاسيغفايونس نتاعنا قاللها معليه قاتلو جيبلها حوايجها وتاني هاك جيبلها هذا الدوا هو راح وعجوزتي قاتلي يا بنتي ياك قتلك اخطيك منها ومدوريش بيها قتلها وانا علاه هيا تبلاتني وحكيتلها كلشي قاتلي الله يستر وخلاص بديت نبكي قريب خسرت ولدي للمرة الثانية ونتي تخمي على بنت خوك قاتلي والله نخمم على بني خايفة كاش ما يدير فيها ويباصي بقينا على الجمر حتى جا هشام هو وزهيرة عاونتني بدلتلي ممبعد قال هشام ليماه هيا نروحو وزهيرة تبقى مع زينة معجبهاش الحال قاتلو كيفاه ختك تبقى هنا قاللها نوغمال ديجا وغدوة تقدر الخدمة راح تخدم لاقارد وتبات فالسبيطار وزيد نتي كبيرة ومريضة ماتقدريش تسهري وتقابلي زينة خليها هيا معاها خير رجعت اقتانعت وراحت معاه غير راحو سقسيت زهيرة واش دار مع هدى قاتلي ملقاهاش غير نتوما خرجتو زربت يماها وختها داوها قالولها اليوم يقتلك قتلها خليها ممبعد نلتى بيها قاتلي تهناي بردنالك قلبك انا وزهية قتلناها بالضرب بالسيف لا سلكتها يماها قتلها صحيتو خواتاتي سقساتني كيفاه صرات حكيتلها بعد المغرب عاود هشام جا وجابلنا لعشا بقى معانا شحال ممبعد راح انا دارولي الدوا رقدت للصباح ومسكينة زهيرة بايتة سهرانة معايا تعس فيا حتى للصباح دخل عندنا طبيب تساول مع زهيرة ممبعد رجع سقساني انا على حالي وحمدلي على سلامتي وراح قاتلي زهيرة هذا لي حكيتلك على يماه فالعرس قتلها الله يبارك زينون عرفتي تخيري ولينا نضحكو قاتلي منقبل كان كامل ميديهاش فيا بصح ملي تلاقيت يماه ولا يصبح عليا غير يلقى فرصة يحكي معايا بصح في حدود قتلها ان شاء الله فيه خير ليك قاتلي آمين شوية جات الجينيكولوغ شافتني قاتلي لاباس تقدري تخرجي عيطت لهشام قتلو قالي ديجا فالطريق جاي مع جا تقهوينا وستنيت الطبيبة عاودت شافتني زادتلي دوا وقاتلي الراحة التامة من الفراش متنوضيش غير لهذيك الجهة ونقصي السوائل باه متضليش داخلتها خرجنا للدار هزني هشام من جهة بابنا طول لداري وشمبرتي بدلتلي زهيرة وقاتلي نروح نجيبلك تتغداي هبطت شوية وعيطت لعجوز لهشام اهبط نحتاجك راح شوية وجا قاليحبي ما بغاتك تهبطي لتحت عندها على عينها حتى ترتاحي وحتى انا نشوف هكا خير راكي تعرفي نخدم ومنقدرش نخليك وحدك بصح لتحت معاهم حاجة متخصك واش رايك إذا مش حابة تهبطي معليش ندير ملادي ونقابلك قتلو لالا نهبط لتحت خير عاود مسكين هزني قتلو تعيا تصرا حاجة في يدك من كثرت هزاني قالي اطمني حبي راها لاباس دخلني حطني في بيت لعجوز (بيتنا القديمة)قتلو لالا نبقى مع لبنات حتى دخلت لعجوز ولبنات زينب هنا قاتلي اقعدي هنا في بيتك باه ترتاحي مليح سلمو كامل عليا وحمدولي على السلامة جابولي تغديت ورقدت طول.
فطنت بهشام ينوض فيا هيا حبي بزاف عليك يا الخميرة وليت نتبسم واش العمر كاش وجع قتلو لالا حبيبي مكاش الحمد لله هيا نوضي حبي بدلي عندك ضياف جايين يشوفوك قتلو شكون قالي نسا عمومي وسلاف قتلو مالا نبدل قبل روح جيبلي حوايج من لفوق وانا نغسل ونجي قالي هيا نعاونك نغسلك والحوايج درت حسابك قتلو صحا حنوني عاوني داني للتوالات وكي طبيعتو مهبول انا نبدلك تحتك قتلو مريض نتا راني بالدم قالي ها نوغمال مش راح نعاف حنونتي قتلو لالا مش هكا بصح مجاياش قالي نوغمال غير نتي مكبرتها بعد معافرة باه خلاني بدلت وحدي وغسلت عاود رجعني للبيت قتلو واش جبتلي جبة ولا سروال وبيل قالي لالا شوفي واش شريتلك جاب بيجامة نتاع حوامل غوج بالنواغ تهبل معاها كيمينو بالوذنين ههههه ارنوب قتلو منك صح قالي علاه زعما كبرتي عليه قتلو لالا بصح لا بصح لاوالو هيا تلبسي لبسلي عنقتو وبستو على خدو مارسي حبيبي يهبلو_بصحتك عمري وبعدي عليا ديجا بديت نننن....._ههههه والله متحشم _علاه نحشم التوت عريان وبين يديا ونتلمس فيه اييييي كيفاه ندير ازينة شوفي _يا نندب روح بعدني راني اونبان وزيد مريضة مكانششكون يحملك ويحمل هبالك _عندك الزهر غير مين رانا لتحت والضياف هنا ولا كنت وريتلك هبالي كي داير _اهشام حبيبي ها بركا _واش بيك ياك نبوس فيك برك _علابالي ضوك تخلي بلاصتها كحلة كيفاه نقابلهم بيها _شوفي حبيبك واش صاري فيه ونتي تخمي غير بلي تكون لي طراس وعينيه ذابلين -نتا حبيبي واش نديرلك _مديري والو استحمليني غير شوية هزيتلو راسي بقى يبوس فيا من صدري وكرشي غير بالشوية وبحنانة ممبعد ناض مني وهبطلي التريكو بستو من رقبتو اسمحلي حبيبي والله ما قادرة علابالي عمري رتاحي ممبعد نخلفوها وغمزني قتلو بليز جيبلي مكياجي ندير قالي لالا راكي شابة قتلو شوف كيفاه صفراء وساغني قالي معليش حبي ياك مريضة بركاي متجيبي فالعين لروحك ضوك نجي ،شوية دخل هو لبنات واش زينة لاباس قتلهم الحمد لله قاتلي زهيرة راكي توب وخرجت وزهيرة وزينب راحو جابو ماطلات فرشوهم قالولي حابين يقعدو معاك قتلهم معليش شوية جابتلي زهيرة سيغتات فالغوج نتاعها دارتهالي هاكا توب بقينا نضحكو شوية جابوهم عندي سلمو عليا وحمدولي على السلامة بقينا متساولين حتى قاتلي يما الجوهر  زينة بنتي كيفاه حتى طحتي جيت نجاوبها ردت عجوزتي طيحوها ضربت صدرها يا حفيظ هبلو قاتلها لعجوز الغيرة وما دير بقاو كامل يدعو على هدى الله يجيبلها مصيبة الله يجيبلها المرض كل وحدة واش تدعي حنا هكاك جات مريم جمعنا شحال حتى كي جاو مروحين قالي هشام عمومي حابين يشوفوك جيت نوض قالي وين قتلو نخرج ليهم قالي شدي بلاصتك واش قاتلك الطبيبة قتلو عيب يدخلو عندي للشمبرة قاتلي لعجوز الله غالب مريضة معليش دخلو عندي بقاو يسولو فيا وراحو مطولوش فالليل كنت نتعشى مع هشام فالبيت حتى عيطولو فالتليفون جاوب اهلا عمي لاباس الحمد لله لالا راها مليحة الحمد لله ٫هيه صح الحمارة ربي يجيبهالها ، خلاص تهنى ديجا رميت عليها اليمين كنت نحوسلها على سبة وهيا جابتها بروحها ،هيه خلاص ايا بالسلامة بقيت نشوف معاه داهشة شكون هذي لي رميت عليها اليمين ها باينة هدى شكون عيطت طلقتها قالي هيه بقيت مصدومة معرفت نفرح معرفت واش ندير قالي واش بيك قتلو والو بصح قالي لا بصح لا حاجة خلاف مكالاه تهدري انا صح منحبهاش نكذب كون نقول غاضتني بصح مبغيتش نكون انا السبة في طلاقها.
جبنا كثر من سمانة انا من فراشي منوضش وكل حاجة تلحق حتى لعندي زهيرة وزهية قايمين بيا علامة وحتى زينب تقريبا يوميا هنا لعجوز وهشام منحكيش عليهم ودار عمومهم تاني غير مرة مرة ويزوروني اهلي محكيتلهم محبيتش نقلقهم ، واحد اليوم  سمعت الهدرة ممبعد جاو خالات هشام زوج دخلو لعندي شوية وراحو كي روحو كانت زينب قاعدة معايا حتى دخلت علينا لعجوز قاتلي علابالك بلي هشام طلق هدى درت روحي معلاباليش قتلها لالا مقاليش ردتلها زينب ما باغي يقوللها وهي مريضة وزيد راه كبير ويعرف صلاحو قاتلها بلعي عليا وردي بالك تروحي تعمريلو راسو بهاذ الهدرة شفت زينب شنفت وحتى انا منكذبش صح مبغيتش نكون سبة بصح راحتي اولى خايفة لعجوز ترجعها ، مع العشية سمعت الحس بقيت مركزة ونحاول نتسمع حتى سمعت هشام مالا جا قاللها ما فوتلها شحال من مرة شحال من غلطة سكت عليها بصح ضوكا خلاص قاتلو يا طفل راهم يقولو خالاتك والله معلابالها بلي زينة ثقيلة جات هوشة بين ضراير برك قاللها تتمسخري بيا قداه من مرة يتلاصقو بين بعض بصح ولا مرة مدو يديهم لبعض مالا علاه هاذ المرة طيحتها قاتلو معلباليش بصح يا بني باه متظلمش روح اهدر معاها وافهم منها كان دارتها بلعاني راهي ليك وكان جات غلطة برك متظلمهاش راهي ولية قبل ما تكون بنت خالك والله عرفت بلي ضوك تحاول ترجعها أفف.. دخل هشام لقاني متسطحة سلم عليا واش حنونتي مليحة قتلو لالا قالي علاه قتلو كرهت كون غير تديني لدارنا قالي يا زينة انعلي بليس هيا تقولك من فراشك متتحركيش ونتي تحوسي تروحي طريق 4 سوايع واش بيك غطيت راسي ونبكي ..... زينة حبي علاه ديري هاكا جاي عيان كاره تاعب تزيديني نتي....نتا راك تخرج شوف واش صاري فيك وأنا مربوطة بين 4 حيوط حابني منملش جبدني عندو باسني حبي فترة وجايزة ديجا مبقاش قد لي فات هيا عمري بقى معايا شحال يحاول ينحي عليا ونا تخمامي غير في هدى ترجع ، الغدوة منو جات هدى مع يماها وخوها نسمع فيهم يهدرو ممبعد دخلو عندي هدى ويماها ولعجوز حتى خوها دخل من وراهم يا نندب هذي ثاني مرة يكشف عليا صح حوايجي مستورين بصح بلا خمار ملقيت قاع واش ندير طاحت عليا هدى نتي ختي اسمحيلي والله ثلاث مكان علابالي بلي بالحمل والله مكنت راح نطيحك كنت راح نشدك غير من شعرك تهدر وتنوح نطق خوها على وجهي اسمحيلها ومرة خلاف كاش مادارت نذبحها تحت رجليك يهدر ويشوف معايا بصح نضراتو غراب نضراتو جاوني كيما نضرات هشام كي يكون يتغزل بيا استغفر الله يا ربي ونكون غالطة وليت نهز غير في راسي تعقنت من الخوف من نضراتو وزيد هذا وقت هشام يا ربي وميجيش ويلقاه هنا داخل عندي واش راح يسلكني منو.