زينة الهاشم 2

الجزء 21

زينة الهاشم2💝
الجزء 21
هبطت لتحت لقيت ديجا زهيرة فلكوزينة قالتلي اسمحيلي حنونتي خليتك خدمتي كلش وحدك قلتلها عادي مكانش مشكل انا اصلا منقدرش نرقد مع الصباح نقضي شغلي الصباح خير. انا قليت البوراك وهي وجدت الطابلة وكلش شافت لمثوم قالتلي زدتي درتي لمثوم قالتلي انا لوكان جيت في بلاصتك والله مانزيد نديرو بقينا نضحكو قلتلها صاي تحرقت ورتحت وفاتت الحالة حنا هكاك ويدخل علينا هشام قالي كيفاش تحرقتي وكتاه تحرقتي قلتلو لالا متحرقتش بدات زهيرة تضحك وانا ثاني عيت نشد الضحكة قاللنا وعلاه راكم تتضاحكو فهومني ذوك قالتلو زهيرة ياخي واحد المرة غلبك رمضان وقلبت المرميطة على زينة وحرقتها قالي انا قلتلو ايه قالي والله ماني شافي قولتلو ذوك صاي حكاية وفاتت قالب وكتاه حرقتك قولتلو بعد لفطور ونحكيلك كلش. حطينا فطرنا كي خلصنا هشام ويماه راحو لتراويح ولعجوز ديجا قالتلنا زوج يديرو لفطور وزوج يغسلو لماعن انا كي شبعت مسحت فمي ونضت كملت خدمتي بقات هذيك تتخبط وتشنف معجبهاش الحال مديتهاش فيها طلعت لداري روبوزيت ونضت صليت وهبطت ديت معايا مقروط وجدنا كلش لسهرة وقعدنا روحو من تراويح قعدنا مجمعين شوي هكا هشام قعد يخزر فيا هاذي هي طبيعتو نعرفو قاللنا راني خارج انتهلاو في رواحكم وانت زينة اطلعي ترقدي راكي مترقديش مليح اليامات هذو نوضي و غمزلي هو خرج على عينيهم بصح عاود دخل من الباب الفوقاني
انا زدت شوي ولحقتو مع دخلت بعد ويحكمني بالبوس داني ديراكت لفراش كي خلصنا دوشنا. لحق وقت السحور انا ديجا ناكل غير الفاكهة وهو داير حسابي جابلي لفوق انا منهبطش هو هبط تسحر معاهم ورجع. الغدوا منو كانت دالتهم هوما انا مهبطتش كامل الصباح مقدرتش نرقد قعدت نتقلب في فراشي نضت درت مسحة خفيفة في داري من بعد جبدت المصحف بقيت نقرا من بعد صليت ورقدت. مام لعشية مهبطتش كامل نردلها فيها نهار كانت دالتنا هي دخلت والآذان قال الله أكبر. هبطت كي قرب يآذن فطرنا كامل كي خلصنا هشام ويماه كي العادة خرجو وهي تاني ناضت راحت لشمبرتها وانا بقيت مع زهيرة صراحة مقدرتش كامل غلبت مزية زهية شافتني منيش مليحة قالتلي اطلعي ترتاحي وانا نغسل مع زهيرة قولتها لالا بزاف عليك وانت من الصباح واقفة قالتلي لالا عادي روحي ترتاحي ستسمحت منهم وطلعت لفوق روبوزيت مليح وصليت من بعد هبطت لتحت سهرنا عادي من بعد كي خرج هشام نطقت هدى وقالت للعجوز ياخي قلتي نديرو الدالة بصح واحد لعباد مهمش مدايرين معانا الدالة قالتلها وعلاه شكون قالتلها زينة اليوم راهي مغسلتش لماعن غسلت عليها زهية ناضو لبنات في زوج يعيطو عليها وش دخلك ياخي حنا الي غسلنا ماشي انت كلاوها من بعد زهيرة قالت لعجوز ما ديجا اهدري معاهم البارح زينة مخلاتش طول لماعن الي طيبت فيهم بصح هوما خلاو كلش مغسلو والو حتى قالتلها زهية ايه تفكرت ماشي انت الي قلتيلي نغسلهم وعلاه مغسلتيهمش وخليت عليهم كامل هذوك لماعن قالتلهم وانتوما وش دخلكم دالتها تغسلهم اليوم انا منقودلهاش انا مانيش كيما انتوما انا نضت خليتهم يتقابضو طلعت لداري لفوق تكيت حسيت روحي صح بلي راني مريضة. من بعد كي جا هشام قلتلو شوف كاين زوج خيارات ياتحكي معاهم ونرجعو نفطرو كامل هنا لفوق  عندي قالي وعلاه قلتلو كيما راني نقولك ولا نقعد نفطر وحدي وانت اهبط لعندهم راك مسامح نقدر نقعد نفطر وجدي قالي وعلاه وش بيك كشما قالولك قلتلو مكان والو بصح انا كي نفطر منقدرش نوض نغسل لماعن ونوقف لازم نرتاح شوي وهذيك بدات تحاسبني كي مرانيش نغسل لماعن وكي نجيو نفطرو هنايا انا عندي لافيسال اصلا هو من قبل وعدني وشراهالي قلتلو ولا نهبطوعا لتحت قالي وحق ربي ماتهبط لتحت وانت ماتقعدي تفطري وحدك تهبطي تفطري لتحت ونزيد نلقاك صباح ربي لثم راكي عارفة العقلية تخلي كي يآذن المغرب وتهبطي والمرا فيهم تحكي معاك.
عيت معاه والو مبغاش يفهم ميبس راسو قالي والو يسموك تهبطي لتحت تبقاي معاهم قلتلو انا نقدر نطيب عادي بصح بعد لفطور نفشل ومنقدرش نغسل لماعن وكامل. من هذاك اليوم مزدت سمعت حكاية غسيل لماعن منعرف حكا مع يماه ولا زهيرة معلباليش، مسكينة زهيرة ديما تغسل تعاونها زهية. كملنا اليامات تاع رمضان عادي، واحد اليوم كانت دالتي وجدت لفطور وكاش في السهرة هبطت معايا كيما موالفة من كلش كي جينا قاعدين كامل حتى نطقت هدى قالت كي تكون دالت زينة الطابلة تتعمر وكي تكون دالت هدى وزهيرة الله غالب قالتلها لعجوز شمري على يديك شكون الي قالك متخدميش قالتلها وعلاه حنا نشمرو على يدينا وهوما تجيهم من برا قالتلها اذا راكي تهدري على المقرود زينة الي خدماتو بقات تشوف معايا مخلوعة كي شغل مآمنتش قلتلها وش بيكي تشوفي معايا هذا انا الي خدمتو سكتت. هو صح مكانش مشاكل كبار بيناتنا بصح الحساسية ديما كاينة كملنا اليامات عادي وكيما موالفين في النصفية عرضنا عمهم لكبير روحنا لعندهم فطرنا فوتناها شابة. في اليامات لخرة تاع رمضان قاللنا هشام هيا تخرجو تشرو حوايج للعيد انا قلتلو غير روحو منيش قادرة نخرج عيا معايا باش نخرج محبيتش قولتلو والله غير منيش قادرة عيت الله غالب، خرجو هوما راحت زهيرة وزهية وهدى وانا ولعجوز بقينا فدار كنت لتحت معاها من بعد قلتلها انا نطلع لفوق نرقد تعبت بزاف كي جاو هوما لقاوني راقدة لغدوا منو عطاتني زهيرة حوايجي قالتلي نورمالمو هذو هوما حوايجك انا كي ديتهم معجبونيش انا اصلا منلبسش كيما هكا منعرف كيفاش جابهوملي هشام خبيتهم فلخزانة مقيستهم مخممت فيهم واحد الكولاغ اغونج تعيف انا منلبسش اللون هذاك. وصيت هشام يجيبلي حوايج باش نخدم الڨاطو قالي لالا راكي مريضة مكلاه تعبي روحك قولتلو لالا نخدم وزبد وحدي لفوق باش نتفاهمو قالي دبري راسك قضالي كلش وخدمت وحدي درت بقلاوة وتشاراك وصابلي بالشوكولا ودرت بنيون هذو هوما خدمت كونتيتي مليحة مهيش بزاف بصح تكفي وانا درت حسابي نهبطلهم شوي لتحت بصح يزيدو يخدمو هوما ثاني.
لحقت ليلة القدر وهوما كيما موالفين يديرو العرضة هذيك تعاونا جاو كامل ، من بعد الرجال طلعو كامل لصالو تاعي لفوق وفطرو لثم وحنا بقينا لتحت كي خلصنا تفاهمنا نص يطلع لفوق ويغسل لماعن ونص يقعد لتحت باش منطولوش طلعت انا وزهيرة وكانت معانا بنت عمها الصغير قولتلهم حنا نغسلو لهنا ونقيو الحالة وهوما يقعدو لتحت يفرزو قالولي معليش نعاونوك مفيها والو لميت هذوك لماعن وحطيتهم فلافيسال ولات زهيرة تضحك قالتلي مهبولة عندك لاقيسال ومخليتني شهر كامل نغسل فلماعن قلتلها والله ماني انا خوك الي محبش يهبطها لتحت تعاونا سيقنا الحالة ونقيناها، وجدتلهم تيراميسو وليسلاد دوفروي وحطيتلهم التاي والقهوة وكان هشام ديجا جاب قلب اللوز زلابية وبقالي شوي مقرود وبقلاوة ماشي بزاف حطيتلهم وهبطنا لتحت بقينا نقصرو كملنا هذاك اليوم عادي يهبل . الغدوا منو كي كامو راحو يبداو الميناج تاع العيد قالتلي هدى اهبطي عاونينا قلتلها وعلاه نعاونك  عندي داري نقيها وانتوما دبرو راسكم لهنا هي معجبهاش الحال بدات تشنف قلتلها شنفي ولا اخبطي راسك للحيط انا عندي داري لفوق نديرلها الميناج هنايا معندو مدخلني. اصلا داري لفوق كي نكون انا وياه ديما نظيفة معنديش خدنة بزاف هشام قالي نجيبلك وحدة ديرلك الميناج انا محبيتش قولتلو والله غير راهي نظيفة راح نديرلها مسحة خفيفة وخلاص. نقيتها درتلها يوم هذاك نهار مكانتش دالتي نضت الصباح مسحتها فرزتها خملتها مليح لحق الظهر كملت كلش بقاتلي غير الشمبرة خليتها متوشيتهاش خلاص رحت توضيت وصليت ورحت نرقد كيما موالفة نضت مع لعشية كانت الخمسة هكاك صليت العصر ورحت لشمبرة خملتها وفرزتها كملت كلش لقيتها الستة روحت قريت شوي قرآن وهبطت لتحت حتى انا وليت نديرها مكرة فيها كيما موالفة ديرلي كي متكونش دالتي نهبط 10دقايق قبل الآذان مهمنيش فيها.
الليلة تاع العيد كي كملنا كامل قالتلي عجوزتي اصبري نديرلك الحنة واطلعي انا منقدرش نجيك للفوق قلتلها معليش، ستنيتها دارتلي الحنة فيدي وطلعت كي جا هشام بقا يضحك قالي ااا درتيها بلعاني درتي الحنة وانا نحوس عليك قولتلو وعلاه تحوس عليا قالي تفكرت واحد المرة قولتلو غير اخطيني منيش قادرة راني تعبانة وحابة نرقد وهكاك ودار رايو انا قدامو منقدر ندير والو رايو الي يمشي. كي خلصنا روحنا دوشنا ورقدنا مع الصباح هو غسل وراح للجامع انا نضت لبست ديجا الجبة الي جابهالي معجبتنيش ومزية عندي حوايج كل مانخرج معاه يشريلي حاجة ربي يحفظو لبست ومشطت درت مكياج وهبطت لتحت عندهم غافرتلهم ستنينا حتى جا هشام. كي دخل طل علينا فالصالو وجهو تقلب نضنا غافرنالو كي كملنا شاف ليها وقالها انت وش راكي لابسة قالتلو كيفاش هذي وش راني لابسة قاللها هاذ الجبة الي راكي لابستها كيفاه لبستيها قالتلو كيفاه لبستها قاللها متتمسخريش بيا انت علبالك بلي انا هاذ الجبة جبتها لزينة انت وعلاه لبستيها ديجا راهي ضيقة عليك باين بلي مهيش تاعك قالتلو لالا انا حسبتها ليا قاللها بركاي متتمسخري الجبة جبتها لزينة وكنتو كامل حاضرين انت خيرتي وش حابة تشري وكل وحدة خيرت وش بغات والصاشي الي جبتها انا وين راهي شاف معايا قلتلو متشوف معايا ماوالو انا عطاوني صاشي ديتها وسكت قالي كيفاه ديتي صاشي وسكتي ديجا من قبل كنت نقواك نوضي قيسي حوايجك وعلاه مقيستيهمش. قلق بزاف مزية لعجوز قالتلو انعل بليس وراهو العيد خلينا نجوزو العيد كي لعباد.