زينة الهاشم 2

الجزء 29

زينة الهاشم 2 💝
الجزء 29
الوحيد لي سامح في حقو وسامح في روحو وفي أحلامو هو أنا أما نتوما كل وحدة تخمم على روحها ما خممت باش متخسرش خوها بصح معليش كي خربتلي حياتي ، وحتى خواتاتي لي يوم منقصتش عليهم  حاجة.._واش دارت ختك حاجة عادية علاه أنا مكنتش معاك من قبل ولا بنات الناس معليش وخواتاتكم مترضاوش عليهم _اعرفي واش تخرجي من رب فمك كنتي معايا صح بصح غلطت معاك شي يوم لعبت عليك ديري في بالك كون مكنتش ناويك أقسم بربي مندنى ليك _حتى فاتح ناوي زهية وين المشكل _المشكل انو مكانش هنا المشكل ماتقدريش تعرفي واش في قلب الواحد وبالاك على عيني قال ناويها وهو غدوة يلعب بيها ويرميها أنا مقتلوش منمدلكش أنا قتلو اقضي أمورك وهاهي ليك _كون جا هذا رايك وتخمامك مدير فيها واش درت ولا فيا أنا _علاه جاتك ساهلة نتاع تخرج من الدار وتروح تتلاقاه في دارو علاه أنا وياك قبل زواجنا وينتا تلاقينا في دار وحدنا _واش تهدر نتا واش من دار وهيا ديجا جامي خرجت وتلاقاتو أمنت رخيسة هذيك وكذبتنا حنا علاه متعرفش بلي أكبر خامجة هيا هدى بالاك شي هذا درتو نتا وياها _بلعي قسام فمك لا نكسرو _زيد هز يدك زيد واش خليت ديجا ذليتني قدامها قداه من مرة بصح هاذ المرة بردتلها قلبها علامة _واش تخلطي نتي وينتا ذليتك قدامها _ذليتني يوم دخلتها عليا ، ذليتني يوم مدت نيميرو نتاعي للقحاب ومدرتلها والو _ذليتني يوم طيحتني قريب قتلت ولدي ورجعتها، ذليتني يوم سحرتني ونتا باه تطردها لالا وليت ترقد معاها باه ترضى ومتسحركش حتى نتا ، ذليتني البارح كي أمنتها هيا وأنا ضربتني قدامها وهيا تضحك علينا ، ذليتني كي حاوزتني وحاب تنحيلي ولدي _بركات على ربي من هاذ ذليتني مكانش مذلول من غيري أنا نرضي فيكم بكل الطرق ونتوما تشوفو فالصورة غير كيما تهوالكم نتوما شكون قال لقسامك بلي مدرتلها والو يوم مدت نيمرو تاعك حاوزتها شهرين لدارهم وكون ما ما رجعتها محال راح نرجعها ،دخلتها عليك مننكرش هيه رخيس ودرتها بصح باه نرضيك عاودت دخلتك عليها هيا دخلت بالساكت ونتي بالشان والطبع ، رجعتها كي طيحاتك ياك نتي بذاتك سامحتيها وقلتو مهيش قاصدة ولاحابتني نطلقها ظلم وتعسف ونرجعو في نفس مشاكل أول زواجنا، اذا على السحر تهناي مهيش هيا لي سحراتك وباه نوصل للي سحرك نرضي فيها كي الكلب _كي مهيش هيا لي سحرتني مالا شكون _ساعة لي نعرف راح نقولك وأنا مأمنتهاش وضربتك لالا ضربتك خاطر خبيتي عليا ومحكيتيليش بلي زهية في علاقة مع فاتح و مكنتش راح نضربك خاطر ضربتيها كنت راح نضربك خاطر باقية تعلي في صوتك وطيري عليا قدام ما أهنتي روجولتي ونتاع حاوزتك وشديت ولدي خاطر منحبكش انسايها كنت داير راح تركحي كي تولي فيها ولدك بصح الظاهر نتي واحد ميعنيلك من غير نفسك تأكدت بلي نتي لي جامي حبيتيني قاع واش درت على جالك يا زينة تفكرتي غير الحاجة الخايبة بصح نستاهل انا الحمار لي طايح وغارق في حبك حتى تعميت ومشفتكش مليح المفيد هذي دارك وهذا ولدك بصح أنا من اليوم مكان بيني وبينك والو كيما قلتيها نتي هنا تخلاص حكايتنا هو خرج وأنا طحت فالارض نعيط لربي لي خلقني .... بالسيف لا هديت غير كي شفت عبد الاله يبكي وتخلع مسكين ضميتو نسكت فيه وندوح بيه حتى رقد وأنا بقيت غير ندور تغميت جيت نهبط لتحت لبنات سمعت الحس سمعتو قاللها ما من اليوم ديري بلي مت من اليوم وحدة متسال عندي حاجة ديرو لي تخرج عليكم أنا من اليوم عندي وليدي وخلاص وحدة فيكم متهمني وحدة فيكم ماتعنيلي براكات عليا عاودت دخلت شبعت بكا لين رقدت.
3 ايام فاتو مشفتو ما لمحت خيالو قاتلي زهيرة من نهار دابز ما مرجعش معلبالهمش مساكن بلي شعلتها معاه قبل يماهم زهية مسكينة غير ساكتة ودمعتها على خدها جات عندنا لعجوز قاتلي عيطيلو قتلها منعيطش _علاش واقيلا مزلتي معندة وباغية تروحي لداركم _محبش يطلقني كون راني رحت _يا خاه نندب ناضت زهية تبكي وتعدد أنا السبة كلشي في جرتي بالسيف لا هديناها ورقدت خرجنا من عندها عاودت قاتلي لعجوز عيطيلو صحا بنتي غير نتي يهز عليك خلي نطمنو وينو عيطت لقيتو مغلوق (كان داير الكود)شوية دخلني ميساج من عندو واش تحتاجي قتلها وش نقولو _قوليلو الصغير غير يبكي معرفتش واش بيه بعثتلو هكا بعثلي _هبطيه ل ما تشوفو إذا حاجة طبيب نجي نديه بقيت شوية رسلتلو _ما عرفتش واش بيه  واحد نص ساعة دخل لاح السلام برك وتخنزر فيا لحق ليماه باس راسها ورفد عبد الاله وجا خارج _اصبر وين راح تديه تخنزر فيا ودخل للصالون وغلق الباب في وجهي قلبي طاح بين يديا جامي تخيلت يجي يوم يعاملني فيه هشام هكا طلعت طول لداري شبعت بكا جات زهيرة جابتلي عبد الاله يبكي يحوس يرضع كيما درت معاه محبش يرضع يشد صدري غير شوية ويرجع يبكي عندو 3 أيام هكا معرفتش قاع واش بيه عاودت هبطت للعجوز نبكي و نحكيلها قاتلي سيغ نشف منك الحليب وراه جيعان سمعنا شوية دخل حط الحليب والماء على الطابلة وخرج ، سمانة وحنا هكا صح رجع للدار بصح ميحكي مع حتى وحدة فينا حتى يماه القضيان ومهوش يقضي يحط الدراهم على الطابلة ويخرج ميحوسش قاع علينا يجيب غير لحليب والكوش لعبد الاله انا دارتلي لعجوز عقدة بجلجلان والعسل وحلوة الترك باه يرجعلي الحليب كليتها هيا صح طلعتلي السكر شوية بصح الحمد لله رجع فيا الحليب قلت لعجوزتي تقولو ميجيبلوش لحليب قاتلي في عوض ما تروحي تراضيه باقية تجياحي رجعت بعثتلو ميساج  لحليب متزيدش تجيب شافو بصح مردليش الوحيدة لي يهدر معاها زهيرة وغير كي يجي وميلقانيش لتحت يقوللها روحي جيبيلي عبد الاله الفوق عندي فايت 7 ايام معتبش الدروج ،زهية غالقة على روحها ودايرتها غير على البكا انا منكذبش قدامهم دايرة الكوراج سيرتو كي شفتو متجاهلني حتى انا متجاهلاتو بصح غير نطلع لفوق ونغلق بابي نشبع بكا دارنا ماعلابالهمش محكيتلهم والو بزاف عليهم كرهتهم بمشاكلي وديجا واش نقوللهم هذيك الزبل مهيش هنا حاوزتها لعجوز وزيد هيا كي شافتو مكانش هنا راحت لدارهم، اليوم مع العشية طلعو عندي لبنات _واش زهية وأخيرا نضتي من لفراش زهيرة _لالا حاوزتنا ما عمومي لتحت راها مخلطة لحالة انا وزهيرة جينا فالدروج نسمعو وزهية مسكينة فالصالة متكسلة هشام _اخرج من وجهي لا نقتل ربك العم الكبير _اقعد واهدا خلينا نحلو الحكاية _واش تحل يا عمي واش تحل فاتح _منيش فاهم علاه راك دير هكا انا فاش غلطت _ومزالك تهدر يا فرخ سعيد _اسكت نتا منبعد واهدر السكات شوية هدر العم الصغير _يا هشام وليدي طفل وحب بنت عمو وين المشكل _المشكل مهوش في حبها ولالا المشكل في واش دار ياك جا هدر معايا وقتلو كمل قراية وراها ليك علاه رايح يخلط من ورايا فاتح _واش خلطت أنا غير كي هدرت معاها _متهدرش معاها علاه حتى تهدر معاها _واش بيك نتا والله كنت نهدر معاها كيما نهدر مع زهيرة وزينب وخواتاتي غير باه نسقسي عليكم والله ما قصدت حاجة _متسقسيش على قسامنا رانا لاباس مناش لاباس واش دخل جدك قاع صحا الهدرة باه تسقسي الملاقاة والخرجة علاش _احبس انا والله متلاقيتها ولا خرجت معاه وزاد عيني نشوفها نجي لدار ندير سبة ونشوفها متنساش راها بنت عمي قبل كلشي _تتڨوعر عليا _ يا أقسم بربي جامي تلاقيتها واش بيه قسامك أني نقولك فالتليفون وجامي قتلها بلي نحبها ولا ناويها حتى مين كنت جاي قلت نسقسيها وبالاك هيا عندها كاش واحد في حياتها _شوف يا سيدي _ا سعيد نتا وعمي تهدرو مع هذا المسنطح _نوض لربك نوريلك التسنطيح كي داير _نقول لجدك حاجة انا حاب زهية وراح نديها حبيت ولا كرهت _يا قسامك......سمعنا غير حاجة تكسرت وقوا السبان والعياط شوية نسمعو في عمهم لكبير حيوانات وليتو مش محتارميني قدامكم نوضو اقتلو بعضكم خير نتا يا فاتح واش داك قتلو عليها قالك كمل وارواح علاه رايح تحكي معاها وتخلط ونتا واش بيه جدك وليت كي البارود على والو تشعل ياك جا ونواها على سنة الله نتا علاه راك دير هكا _كيفاه علاه ندير هكا وهو يلعب من ورا ظهري _يا جدك افهم اقسم بالله ملعبت ورا ظهرك وإذا كاش واحد وصلك الهدرة راه بلعاني حب يدير بيناتنا مشاكل راني نقولك راها بنت عمي قبل كلشي رخيس انا حتى نلعب ببنت عمي يا طفل افهم زهية حابها ورايدها ملي كنا صغار وقلت لبابا عليها وقالي اتهنى كمل قرايتك وأنا نجيبهالك علاه دير هكا تقول ما راك نتا لي عشقت زينة وقريب هبلت على جالها _مالا شوف مليح الرخيس واش صرا فيه من ورا الحب والعشق سعيد _مدابز مع زينة عليها شاعل علينا هكا _سعيييييد متخلينيش نغلط فيك العم لكبير _اسكت سعيد مهيش هاذي حكايتنا صحا قاع وفاتح غلط راه جا يطلب السماح وجا يخطبك في زهية واش تقول _ما عندي منقول ما مسؤولة عليها ودبر راسها العم من وينتا لعجوز مالا راه رافد شنافتو وقال ماليوم ماني مسؤول على حتى وحدة حتى بمرتو_آي علاه  ، المهم يا خويا نتا و فاتح  منا على سمانة  ارواحو اخطبو الطفلة مني ومن أمها وخوها هشام _عمي مدخلنيش _بلع مكانش هدرة من ورايا وهيا معايا واحكيلي على حالك هذا لي مهوش يعجب وخرجو.
دخلنا نجرو لزهية نوضي صايي فرات وأخيرا راح تدي فاتح _واش ندير بيه وبعد واش بعدما عاداني خويا منيش قابلة ومنحتاج لا فاتح لا غيرو بقينا معاها شحال كيما عيينا نقنعوها والو ميبسة راسها ، الغدوة منو كنت لتحت عند عجوزتي راني تقريبا نظل لتحت خاطر الفوق وليت نتوسوس و نديها غير تخمام نطلع غير نرقد وفالنهار بعد الظهر نهبط المهم مع لعجوز على المغرب قتلها خلو عبد الاله عندكم نطلع ندوش (كنت بالعادة ولازم ندوش)خليتو وطلعت دوشت قريب نكمل دقدقت عليا زهيرة _زينة كملتي _قريب علاه عبد الاله يبكي _لالا هشام يعيطلك كي قاتلي هكا منعرف علاه قلبي خبط بالقاوي وحسيت بواحد الرجفة قتلها 5 دقايق ونجي شللت وخرجت لبست غوب ميني دومي مونش وشيحت شعري خفيف درتو كوتشوفال وهبطت لقيت لعجوز وهشام وهدى فالصالة مالا جابها صحا فيا نستاهل قعدت بحذا لعجوز نوضي قابليني منا نضت قابلتو حتى دخلت زهية وزهيرة قاللهم اقعدو بحذاها تسامينا حنا 3قدامو وقف وهز الكابل نتاع شارجور في يدو _هيه يا لالة زهية من وينتا ونتي مع فاتح ولات تبكي والله ماني معاه _بلعي عليا وبركاي من النواح ولي تكذب عليا اليوم نقتلها هيا جاوبي _والله ما بيناتنا حاجة كان يعيطلي نهدر معاه شوية يسقسيني برك عليكم وواش دايرين ولا على كاش طياب منبعد نفوتلو ما تهدر معاه هاهي قدامك _زعما جامي هدرتو هكا ولا هكا _أقسم بالله غير جامي مرة برك كي جا هابط قالي زهية حاب نجي نخطب إذا معندك حتى واحد _هيه واش قلتيلو _قتلو الشور شور ما وهشام _كي جا تلاقيتيه ولالا _أقسم بالله متلاقيتو خبط الطابلة بالكابل متكذبيش _تبكي بالشهقة أقسم بالله متلاقيتو من نهار جا باركلك ليك انت وزينة على عبد الاله شاف معايا ومع زهيرة ونتوما كان علابالكم بالحكاية هزينالو روسنا _صحا يا الكلبات دار ليا _زهية ولا زهيرة خرجو من عندك بلا علمي ولا علم ما _هيه مرة وحدة خرجت زهية من عندي شفت الكلبة تاع هدى تبسمت كملت كيما قتلك بعثتها جابتلي تاست _وعلاه مخبرتوش ما _مكنتش متأكدة خفت نقوللها وكي ندير تاست يخرج نيڨاتيف كاش ما تسمعني _الله يهديك يا بنتي وانا واش دخلني _علاه قليل ما درتي فيا من قبل كي مهزيتش سكتت طول _صحا زهية قتيلها بلي فاتح خطبها مني في عرس فاتح _هيه حسيت غير بالشحطة على فخضي _آه مهبول نتا _مزال منبعد نوريلك الهبال نتاعي صح حكيتها وهبطت دمعتي راح لهدى _مالا قلتيلي زهية هذا شحال وهيا مع فاتح وتخرج وتتلاقاه في دار صالح (مريم ساكنة مع عجوزتها ودارهم كارينها هيا محبتش تبقى وحدها)_هيه _ونتي وين علابالك ولا شفتيهم _لالا مشفتهمش أنا بصح ختي شافتهم زهية _تكذب والله ما صرات يا خويا _اسكتي متهدريش انا ندبر راسي _صحا وين علابالك بلي خرجت من عند زينة وبالاك قالت لما نحتاج كاش حاجة وخرجت من الدار نورمال _لالا واحد اليوم كنت نطل من التاقة شفت وحدة خرجت من الدار لابسة حجاب واسدال فالاول حسبتها زينة طلعت نتأكد باه نجي نخبر عمتي ياخي كي دقدقت خرجتلي زينة عرفتها بلي زهية وكي قتلها عمتي تحتاجها لحين تلبكت وغلقت الباب في وجهي _شاف معايا واش الحكاية _هيه هذي النهار لي قتلك شراتلي تاست وكانت لابسة حجابي النواغ وخماري الڨري _صح هذا واش كانت لابسة _هيه صح بصح نهار آخر ....مجات تكمل شحطها هشام لذراعها بدات تطلع وتنزل انا صح شحطني بصح مقواليش كيما هيا _زيدي زيدي اكذبي هاني نسمع فيك _منيش نكذب نقولك فالصح _نهار الاول قتيلي ختك  شفتهم خارجين من اوتال وضوكا  قلتي دار صالح منا وجاي احفظي الكذبة مليح وطاح فيها ضرب بالكابل هذاك.