زينة الهاشم 2

الجزء 22

زينة الهاشم 2💝
الجزء 22
هدى لعبت روحها تبكي وراحت نحاتها وجابتهالي قلتلها غير اديها منلبسهاش قولتلها بصحتك بقات تشوف معايا . شوي هكا طلعت لفوق باش نلبس ونروحو لدار عمو وهو لحقني دارلي محاضرة كيما عوايدو قالي لوكان قيستي راني قلتلكبلي مهمش حوايجك قولتلو هي معجبتنيش ومبغيتش نحرجك قالي كي معجباتك كان لازم تعرفي بلي مهيش تاعك انامن وكتاه شريتك حاجة ومعجباتكش قولتلوفي هذي عندك الحق،كان لازم نرضيه كنا رايحين لدار عمو مصلحتليش نرضيه كيما موالفة رضيتو بالحاجة الصغيرة شوي بوسان حتى رضا. روحنا لدار عمو كيما موالفين فوتنا النهار لثم نحينا الغمة تاع الصباح لعجوز راحت هي وبنت خوها لدارهم يغافروه مع لعشية جات لعجوز هذيك مجاتش بقات في دارهم كي روحنا لدارنا قولتلو غدوا اديني لدارنا قالي لالا متروحيش قولتلو كيفاش منروحش قالي حتى تشوفك الطبيبة وتقولك اذا تقدري تروحي ولا لا وديجا الرونديفو تاعك راهو قريب ونسقسيوها قولتلو كيفاش حتى تسقسيها المرة الي فاتت قالتلي تقدري تروحي والمرة هذي باين تخليني قالي والو مكانش حتى نروحو لطبيبة زينة بركاي ماتكسريلي في راسي ديجا راني قلقان من الصباح متزيديش عليا انا هذيك الليلة رقدت بصح غاضتني عمري بزاف مقدرتش نبكي بصح دموعي على شفري ثاني عيد حكيت معاهم قلتلهم متجيش حتى نشوف الطبيبة راني تعبانة شوية ثالث عيد داني لعند الطبيبة شافتني قالتلي لباس الحمدلله ذوك عندك 5شهر قالتلنا وش حابين يكون عندكم نطقنا في زوج مع بعض قلنالها طفلة تبسمت قالتلنا المرة الجاية ان شاء الله كعاد المرة خذي طفل انا شوي معجبنيش الحال حتى هشام حسيتو معجبوش الحال كيفي قاللها ايه باينة كاينة مرة وحدوخرا ضحكنا زاد سقساها اذا نقدر نروح لخواتاتي قالتلو عادي تقدر تروح بصح سوق بالشوي هذا مكان كي روحنا خملت حوايجي قالي ادي شوي حوايج راح نخليك تبقاي فرحت بزاف وجدت حوايجي وحوايجو قالي مش راح نخليك بزاف لكان كثرتي يومين ولا 3ايام قولتلو عادي انا عندي الدينا ومافيها هذوك اليومين. كي جا فليل قالي راني خارج انا وخاوتي وصحابنا وجديلي قشي قولتلو وين رايحين قالي لتلمسان تحبي الصح انا صاي كت قولتلو وعلاه تخرج مع صحابك وانا تخليني كليتو ماكلة قالي شوفي غدوا نروحو مع بعض نباتو في داركم بعد غدوا انا نروح مع صحابي وانت ابقاي في داركم قولتلو معليش وشنفت عليه المهم رايحة لدارنا لوكان خلاني هنايا وحدي نهبل.
غدوا الصباح نضنا وروحنا لدارنا . كي لحقنا رحبو بينا وانا كثر كعاد عندي بزاف مجيتش عندهم ملي هزيت بالحمل. تهلاو فينا وجاو خوتاتي عيطلهم نجيب يتعشاو هومت تقريبا ديما يجيو كعاد قراب بصح كي نجي انا يعيطلهم يقولهم زينة راهي جات ارواحو. دارلنا عشا جاو خواتاتي برجالتهم مام سيدعلي جا تعشا معاهم قاللنا غدوا عشاكم وفطوركم عندنا قالو هشام والله متصلح غدوا عندي طريق منقدرش.من بعد هوما راحو وانا فرشت ليا ولهشام في بيتي وخواتاتي في الصالو رقدنا . مع الفجر هو نضنا صلينا ورجعنا رقدنا مع الصباح هو ناض قبلي ونوضني قلتلو وعلاه راك تنوض فيا مازال الحال قالي نوضي نوضي باش نروحو قولتلو لوين قالي لتلمسان قولتلو بركا ماطمع فيا ياك رايح مع صحاباك قالي والله ماني رايح مع صحابي راح نروح مع حنونتي بلعاني درتهالك برك نضت سوطيت عليه صح صح قالي والله غير رانا رايحين ديجا وعلاه ديتك لطبيبة ماشي باش نجيبك لهنا كنت حاب نعرف اذا تقدري لطريق ولا لا. نضت بالزربة لبست وتقهوينا وروحنا طريق كاملة هو كان يمشي بالشوي على جالتي باش منتوجعش وميصرالي والو هي بعيدة شوي. جبنا سمانة كامل فنفس الدار لي جوزنا فيها من قبل شهر العسل تاعنا كان بالنسبة ليا شهر عسل ثاني جوزتها روعة بصح مكانش في بالي راح تخرجلي خرجة جديدة تقلبلي حياتي كامل.
جبنا سمانة ولا فالاحلام نسيت كامل تعبي وهمومي رجعنا بيوم لخميس ملحقناش حتى 5 تاع صباح نوضني هشام حبي نوضي وصلنا _صح ولا تتمسخر _راني نلعب انا ذوك  هكا رقدتي وخليتيني _اسمحلي عمري والله مقدرت نهدر وانا نعسانة خلاص _هيا حبي معليش اطلعي ولا اصبري نهزك _لالا بزاف نهار كامل وانت هازني نتكى عليك ونطلع شديت فيه وطلعنا جوزت طول للشومبرة نحيت غير الحجاب والخمار وكملت رقادي هشام شابع عليا ضحك شكارة وصايي رقدنا للزوج فطنت غير بحاجة تترش عليا نضت مخطوفة لقيتو المهبول نتاعي مدوش ويرش فيا بالما من شعرو _صباحو _صباح النور حنوني نهدر بدلال_نوضي ياجدك لحقت صلاةالجمعة وانا مدوش نوضي بركاي متدللي عليا سينون منصليش _هههه لالا غير روح صلي وانا نغسل وندير غدا _لالا مديريش حبي نهبطو لتحت منها نشوفهم ومنها زينب هنا قتلو صحا هو راح وانا تقهويت خفيف غير على جال الدوا درت ميناج خفيف للدار ودخلت للدوش انا ندوش سمعت هشام جا واش حبي مكملتيش اممممم التفاح يبان نذوقوه شوية _لالا بركا والله روطار يكونو يستناو فينا على الغدا _تغداو وكملو نجيب لعمري من برا _خصر دراهمك على الماكلة هكا _مش خصارة في عمري _اهشام هيا والله جيعانة وتعبانة _هيا ازربي لبسي ولا كاش ما ندير فيك خرجت لبست وهبطنا سلمنا عليهم كامل العجوز وجها مقلوب انا فالحق معايا نورمال بصح مع ولدها لالا تغدينا مع كملنا قالت لهشام نحتاجك راحو للصالة وحنا بقينا مجمعين طولو شوية سمعنا هشام يحكي بالعياط راحت وحدها تجي وحدها _راني نقولك مراحتش وحدها انا ديتها كي زيدت مرت خوها وكي شفت العباد يجوهم قتلها ابقاي عاوني يماك وختك_خلاص مالا خليها تعاونهم ممبعد ساهل دخلو عندنا للكوزينة هشام قال رايح كاش ما تحتاجو  قالولو والو نضت انا قتلو طلعني وروح قاتلي لعجوز هذا قاع دلال قتلها تعبانة قاتلي ياك سمانة ونتي مريحة وكلشي يجيك واجد قاللها هشام ما قتلها الله غالب ولد ولدك لي قبيح كي باباه وقت بطول يركل فيا حرم عليا النوم قاتلي عندك طفل انا هزيت لها راسي وهشام قاللها بديتيني بحكاياتك نسيت مقتلكش راها الطبيبة قاتلنا ولد _يويويويوووووي  ناضت لعجوز تزغرت خرجنا نضحكو عليها طلعني للفوق وراح للحوانيت.