زينة الهاشم 2

الجزء 15

زينة الهاشم 2💝
الجزء 15
الدقيقة هذيك نقولو غير معليش معليش بصح كي رحت درت رايي درت حالة نحيت على خاطري عندي بزاف ماحضرتش عرس صراتلي واحد العفسة مش مليحة جات واحدة لعجوز عند عجوزتي قالتلها عجبتني بنتك الصغيرة عجوزتي عجبها الحال بصح كي لقاتها تحكي عليا قلبت خليقتها قالتلها هذي عروستي ماهيش بنتي الجماعة كامل كانت حاضرة وشافو وش صرا المهم فوتناها شابة حتى لدقيقة الاخيرة كي لبست لعروس لاغوب بلونش دخل لعريس ومعاه هشام وولاد عمو كامل دخلو دارو حالة بالشطيح والفرحة ويازينة انت شدي بلاصتك ومتتحركيش ايييييه ونشوف لالة مولاتي تشطح معاه هنا الجنون الحومر نحسهم يشطحو فوق راسي شعلت فيا النار قولتلو مدامك تشطح معاها اصبر تشوف نضت نشطح انا وزهيرة فالجنب شافني الوقت هذاك مكنتش نخمم يشوفني ولا ميشوفنيش ميهمنيش هو يشطح معاها قدام الغاشي وانا لالا شوي هكا لقيتو عندي همسلي قالي تقعدي ولا ندير فيك حاجة متعجبش هنا واصبري كي نروحو لدار نتفاهمو عليها ذوك منحكي والو بصح كي نروحو لدار حسابها وحدو روحت قعدت ، غير خرج حسين عروستو ومشا عيطلي هيا نروحو قولتلو مازال شوي اصبر قالي والو هيا لصقت فيا الكلبة هذيك قالتلي نروح معاكم انا ثاني تعبانة من عرس خويا وراسي ضرني المهم ديناها راحت معانا غير ركبنا قالت لهشام علبالك وش صرا قالها واش كاين هو ديجا كان قلقان يهدر ويعيط ويكفر قالتلو فلانة خطبتلك فيها ويحكم هذيك الطوموبيل كيفاش يسوق فيها انا وليت نستنى غير وكتاه تتقلب بينا ولا ندخلو فكاش حاجة علبالي اليوم يڨلبها بينا.
ماجينا نوصلو لدار حسيت قلبي راح يخرج من بلاصتو من الخلعة دخل الطوموبيل للڨراج. طلعنا انا وياها لولين كي ندخلو من الڨراج لازم نفوتو على دار لعجوز هي راحت لشومبرتها وانا كملت طلعت لداري شوي سمعتهم يتقابضو قالتلو بات هنا معايا انا كملت طلعت خليتهم ياكلو بعضاهم، شوي هكا وطلع يخبط في رجليه دخل خبط الباب وش هدرت مع ربك وكيفاش تنوضي تشطحي ووش العفسة هذي الي درتيهالي انا من بكري كنت مقلقة قولتلو انت تزهى وتفرح وتشطح انت وياها وذوك جاي تحاسب فيا قالي بلعي ربك ومتحاسبينيش وربك وربك بدا يكفر ماخلا ماقال كيفاش تشطحي قدام ولاد عمومي وشوفي لاغوب تاعك كيفاش مدايرة قعد ياكل في روحو انا ثاني مسكتش، قالي فزدتيلي الليلة وانا كنت معول نبات عريس  بصح شوفي انت وش درتي قولتلو هذاك وش تعرف انت لازم كل وقت نكون فاتحة رجليا متعرفش حاجة وحدوخرا قالي امالا كي وليت هكا اصبري عليا وشوفي خرج وخبط الباب شعرا طيرو. بقيت ناكل في روحي خرجت وخرجهالي. منعرف اذا بات عندها لتحت ولا وين بات مبانش كامل قعدت مقلقة من بعدروحت رقدت مع الصباح جا قالي هيا وجدي روحك باش تروحي قولتلو منروحش قالي كيفاش هذي متروحيش تروحي بالسيف عليك وانا الي نحكم فيك وانا الراجل وكلمتي هي الي تمشي ومش راح نخليك تعفسيها قعد ياكل في روحو من بعد خرج راح شوي هكا سمعت التبطيب روحت فتحت لقيتها زهية قولتها وكتاه جيتي قالتلي روحت البارح فليل قولتلها وعلاه روحتي البارح فليل قالتلي منعرف شوفي مع راجلك المهبول منعرف وش بيه عيطلي فليل قالي وجدي روحك راني جاي نديك عيت معاه خليني نبات مبغاش يخليني قالي وجدي روحك راني جاي باش نديك. قولتها معليش مفيها والو راهو يحكم فينا كيما يحب ، روحنا وجدنا رواحنا لبسنا قشنا تفكرت قفطان تاعي تاع الشوفة لبستو ودرت خيمار معاه وروحنا. كي وصلنا عادي احوال الصبوحي فات عادي حتى وين عمتو بقات تشوف معايا وقالتلي زينة وش بيك وجهك صفر تباني مريضة ولا مرقدتيش مليح نطقت اللفعة تاع هدى هههه من التبهديلة والزعاف تاع هشام البارح قولتلها ماشي من التبهديلة والزعاف هذاك من السكر الي طلعتيهولنا البارح من بعد قالتلي لعجوز علاه وش صرا انتوما متخليوهش كامل يرتاح ويتهنى ديما مشاكل قلتلها لالا منيش انا شوفي مشركة الفم الي راحت قالتلو بلي كاينة وحدة خطبتني وتنوض ليها رخستها مخلات ماقالتلها مام انا مسكتش قلتلها غير ركبنا قالتلو هو شعرا ڨلب بينا الطوموبيل سطرنا ربي برك ولا كانت تقلبت بينا ناضت لعجوز كلات بلعتها ماخلات ماقالتلها غسلتها كيفاه وانت متحشميش ولوكان صرات كاش حاجة لوليدي اقسم بالله غير ندفنك.
جينا للدار هوما طلعو قدامي وانا بلعاني نتمختر باه زعما يلحق عليا سمعت هدى قالت لزهية اليوم معاك زهيرة مكالاه تحرمي عليا كيما البارح قاتلها علاه حتى حرمت عليك خويا ياك قالتلها اني قتلك بركاي من الجياحة نتاعك لحق عليا هشام طلعنا لفوق لدارنا هو بدل وانا دخلت ندوش دخل عليا كملي واهبطي لتحت قتلو علاه قالي نرقدو لتحت قتلو وإذا توحشتها وحاب ترقد لتحت عندها أنا واش يهبطني تخنزر فيا هابط نص ساعة متلحقينيش راكي عارفة وخبط الباب وخرج كملت لبست بيجامة نتاع رقاد ونشفت شعري خفيف لقيتو يعيط واش مزلتي قتلو راني نشف في شعري خفي روحك صاحا كملت شعري بالزربة وهبطت دخلت لبيت لبنات لقيتو تما دهشت قالي ساعة قتلو واش بيك علابالك كنت ندوش قال لزهية رانا هنا فبيت ما ياك نورمال قاتلو هيه خويا ربي يخليك ليا خرجنا قتلو واش نديرو فبيت يماك قالي نرقدو واش نديرو قتلو علاه نطلعو لدارنا قالي منقدرش زهية عندها فوبيا كي متكونش ما هنا لازم نرقد معاها تخاف ڨراف قتلو بصحك قالي وراني نتمسخر ضوكا فهمت مالا علاه هدى هدرت هكاك البارح بات مع زهية واي واي على الحلوف، رجعت قتلو بصح عيب نرقدو في فراش يماك خلي نرقدو فالصالة خير قالي هيا برك والله راح نطيح اني نعسان فرشت فالارض شدينا بلايصنا قالي زينة اقسم بربي وتعاودي تعانديني ونقولك حاجة مديريهاش وديريها تشوفي مني حاجة متعجبكش عوجت فمي عطاني بظهرو قتلو شفتك تزرب فيا قلت توحشتني قالي علاه خليتيني نورمالمو البارح حتى انا نبات عريس بصح نتي سمطتيها عليا قلتلو هيا نخلفهالك اليوم قالي معينيش قتلو صحا اشفالها مليح قالي هاني شافي نحيت البيجامة بقيت غير بدوبياس ومديتلو بظهري بصح مرة مرة نقيسو بلعاني ناض قالي زينة حاب نرقد قتلو علاه انا واش درتلك ونحيت الغطاء على صدري شفتو كيفاه بلع ريقو وطاح عليا حبيبي الزين العمر نتاعي قتلو واش ياك حاب ترقد ها رقد حتى انا تعبانة دارني تحتو خصني دوايا باه نرقد قتلو رانا لتحت قالي غير خفيف ونرقدو ياك تاعبين مع حاوطت رقبتو جاب بيا زوج سوايع هذا قاع وتعبان زعما المهم رقدنا للصباح غسلت كنت طالعة نلبس سمعت هدى تعرش لزهية ونتي ضوكا متحشميش ولا ضرة معايا ومعلباليش قاتلها روحي تلعبي على صباح ربي هو بايت مع حنونتو ونتي جاية تصدعيلي راسي قاتلها بركاي متكذبي قتلو ايا نرقدو قالي روحي ترقدي منجيش وشفتو دخل لبيتكم دخلت عليهم صباح الخير ضحكو معايا قاتلي زهيرة صباح النور يا عروسة تبسمت وشفت معاها ردتلي التبسيمة وبقات تشيرلي على رقبتي حتى نلقى هدى تعيط عليا مكفاتكش الدار الفوق طول وعرض جاياتو لتحت ياخض فيك باه نسمع توحويحك  تخنزرت فيها وبقيت نهدر مع زهية كنت راح نردلها بصح خليت هشام يغسل مالا ضوك يلحق علينا محبيتوش يشوفني بعين ناقصة قاتلي نحكي معاك يا خامجة ولالا يا ع....ية يالي نهار كامل فاتحاتلو رجليك سمعتها غير كي عيطت مع درت لقيتو شادها من شعرها قالها هذا الروڨار متبلعيش ربو  كامل عطالهم ربي فم غير نتي عطاك زيڨو وخبطها على الحيط دارت ليه حقار فالح فيا غير انا هيا والو قاللها تخرجي ولا نخسرلك فيڨورتك هربت لبيتها تخنزر فيا واشارلي نتاع اطلعي طلعت وهو ورايا شدني من يدي بالزعاف ولحقني قدام المراية شوفي ربك كيفاه مقابلتهم هكا لقيت رقبتي مطراسية والبيجامة قافلتها بالعوج جهة من صدري كامل تبان قتلو وانا علاه كنت طالعة نبدل هي بقات تتبلى فيا بقى يستغفر بدلنا ورحت درت قهوة تقهوينا هو خرج وانا رجعت لشغل داري.