نرجع لزمن 4 سنوات
كانوا بالطريق للمدينه عائلة ابو محمد ومعهم الجد صالح متعودين كل اجازه يروحون المدينه بيت محمد ويشوفون مزارع الجد والجد كان عنده مركز تدريب للاحصنه وضي كان عندها اختبار قدرات تخلصه وصلوا بيت محمد
نزلت ضي وهي يستقبلونها سحاب وعساف سحاب : اشتقت لك مره ياعمه
ضي : وانا اكثر
سحاب : عمه احنا صار عندنا جار وعندهم بنت قدك ودايم تلعب معي كانها انتي
عساف : عمه بليز العبي معنا
ضي : ابشروا بس بدخل اسلم ثم العب معكم
الجد صالح : السلام عليكم ورحمة الله وبركاته
الكل : وعليكم السلام ورحمة الله
محمد : يالله حيهم اقلطوا اقلطوا وهاه ياجد لا تروح الليله للمركز ولا تشغل بالك الذبايح قدها جاهزه
الجد : ابشر وماقصرت
محمد : حقكم اكثر
ابو محمد : يامحمد يوم مرينا من هنا به بيت ساكنين به ناس الي جنبكم والصدق اخر مره جينا مافيه احد
محمد : اي ذا جارنا الله يذكره بالخير ابو مالك توه نازل وزين ذكرتني بتصل عليه اعرفكم عليه
الكل : زين والله تسوي
" في مجلس الحريم "
الهنوف : وش بك ياضي تهوجسين
ضي : عندي اختبارات قدرات وشايله همه
الهنوف : الله يعين وييسر لك
ام محمد : ياضي يابنتي اتركي التفكير وقومي ساعدي الهنوف بتجيهم جارتهم وجهزي معها الذبايح
الهنوف : لا ياعمه العامله عندي خليها هي تروح تذاكر
ضي : افا عليك وش هالحكي اصلا انا لعبتي الطبخ خصيصا الذبايح ومنه افتك من الهوجاس بالاختبار
قاطعهم نايف الي دخل وهو يتنحنح عشان الهنوف وهي تلبس جلالها واصلا يمون على الهنوف ضحك : ههههه وش لعبتك واخر طبخه وش سويتي بالمطبخ قلبتيه فوق تحت لين ماصار لون القدر اسود
ضي : يجي منك اكثر انقلع هذي اخرة الي يسوي لك اكل اخر الليل والله هين لا تاكل اصابعك من وراه
نايف : نصيحه يالهنوف حتى السلطه لا تخلينها تقطعه
قاطعتهم ام محمد : اقول وراك انت ماتروح تساعد اخوك الرجال عنده وانتي يلا ادخلي المطبخ لااسمع لكم حكي
بعد ماانتهت ضي من المطبخ دخلت على الضيوف وساره وامها جالسين وهي تسلم جلست عند امها
ضي : يمه ذولي مين
ام محمد : اسمها ام مالك وبنتها ساره جار اخوك شوفي البنت يحليلها شكلها قدك
ضي : اي والله يمه احس ارتحت لها بروح اسولف معها لعلها تخفف عني التفكير بالقدرات
"الي مايعرف ضي اجتماعيه بزياده "
المهم طقوها ميانه وصاروا اصدقاء وبنفس العمر
" في الصباح يوم اختبار ضي "
ضي : يالله صباح خير يارب توفقني
نايف : حيها بنت الثانويه
ضي : انقلع مالي خلقك الناس تصبح على شي زين وانا اصبح على وجهك زدت توترييي
نايف : يجي منك اكثر ياوخيتي المهم ترا جدي جايب له حصان منصاب من المعهد بالحوش
ضي : ياقلبي بسم الله عليه قبل اطلع الاختبار بروح امره
نايف : ماشاءالله عليك تخافين على الاحصنه اكثر مننا
ضي : وهي طالعه للحوش مابعد حب الاحصنه حب وانا اختك
دخلت المجلس فيه ابوها وجدها ومحمد " صباح الخير للجميع وهي تحب راس جدها وابوها "
الكل : صباح النور والسرور
الجد : هلا والله صباح النور ببنيتي ترا بُه حصان برا جبته من المركز منصاب برجله لاطلعتي مريه كود يشوف وجهكك يتعافى
ابو محمد : اليوم اختبارك روحي ربي يوفقك بس ترا الي بيوديك نايف محمد بيطلع تأخر على دوامه
ضي : يبه لا تكفى الا نايف يزيد التوتر اكثر واكثر
نايف وهو داخل : اخخ منك بس انا احمدي ربك بالاول انك عندك اخو يوديك واصلا من تشوفين وجهي يروح التوتر
ضي : وش نسوي الجود من الماجود الله يعين
" في بيت ابو مالك "
مالك وهو نازل يفطر : صباح الخير
الكل : صباح النور
مالك : يمه الله يهديك ثاني مره قولي لشغاله تسوي قرصان على الفطور احبها
ابو مالك : اقول انت اخر سنه لك ومهملها زين انها ماسوت قرصان خفف اكل شف وزنك كم صار وياويلك اليوم ماتداوم
مالك : يبه ياحبيبي الدوام مو مشكله سمعاً وطاعه اليوم بداوم قبل الحارس بعد بس عن الاكل لاتكلمني مالي غناه بدونه دعواتك بس اني انحف
الكل : الله يهديك
ساره : شفتوا اهل محمد امس مره كتكوتين حبيتهم خصيصا ضي شخصيتها قويه بس انها كيوت فيها قبول الارض
ام مالك : اي والله يحليلهم بس هم منين جايين
ابو مالك : من ديره قريبه من هنا وكل حياتهم بهذي الديره
قاطعهم مالك : بصعد انا فوق وابدل واجهزي ياسوير بوديك
طلع فوق وهو يفتح الشباك الي يطل على الحوش الخلفي من بيت محمد شباكه صغير ف مايوضح الا يشوف بنت شعرها لين ظهرها ومو واضح وجهها وكانت تحضن الخيل وبعدها لفت ووضح نص وجها ملامحها الي تميل للعصبيه والحزن مالك وهو يتأمل وهو يشوفها كيف ضامه الخيل وكانه انسان قريب مره لها كيف حنيتها له كيف شايله همه وهو طايح على الارض
بعدها رفعت الطرحه وهي تروح السياره
جلس يفكر فيها وكيف يشوفها ثاني مره ( كان مراهق وداشر )
" اليوم الثاني كانت عصريه "
كانوا الحريم جالسين بالصاله وعندهم ساره وام مالك
وكالعاده ضي تسولف على ساره عن اختبار القدرات وكيف الحمدلله كان سهل
ساره : خلينا نمشي شوي لاي مكان
ضي : انتي صاحيه برا رجال بس عندي خطه نروح السطح
ساره : تمام قدام
ضي : يالله ياحلو الجو
ساره : جد سبحان الله
ضي : بسألك انتي عندك خوات واخوان
ساره : لا بس عندي اخو واحد اسمه مالك داشر واكثر انسان يحب الاكل لدرجه مهمل دراسته وعاد ٣ سنين من الدراسه
ضي : حظك اخو واحد ماتشيلين همه انا ماشاءالله ٣ اخوان واخت
ساره : بالعكس نفسي باخت تواسيني
ضي : افا عليك اعتبريني اختك من اليوم المهم خلينا ننزل احس تاخرنا امي بتجلدني مادروا اننا هنا
ساره : تمام
وهم نازلين صادفة مالك كان بالحوش يلعب كوره مع عبدالعزيز ونايف وسحاب وعساف ( يمه قد ماقالت لي ساره ماتوقعته طويل وسمين )
" اليوم الاخير والي هو يوم رجوع الديره "
كانت ضي جالسه تجهز اغراضها جتها سحاب ومعها ورقه
سحاب : عمه ذي من واحد برا عطاني الورقه وقال عطيها ضي ( يعرف اسمها لان ساره كانت تتكلم عنها )
ضي اخذت الورقه واستغربت : فتحتها وكانت الصدمه
مالك يوم عرف انه يوم رجوعهم بما انه داشر قرر يكتب لضي ويتغزل فيها لانه مو قادر ينسى شكلها : ياحظ الخيل وانتي حاضنته ليتني مكانه وكاتب تحت اسمه
ضي : عصبت وردت له وهي تكتب ( سمين ومغازلجي ماتستحي على وجهك انت ماتخاف الله )
نادت سحاب وقالت عطيها اياه ولا تقولين لاحد تمام ؟
سحاب : تمام بس توعدني المره الثانيه تلعبين اكثر معي
ضي : تمام ياروحي
طلعت ضي وهي تركب السياره وتخز مالك الي واقف مع عبد العزيز الي من اول يوم صاروا اصحاب وهم قد بعض مع انه فرق الشخصيات
عند مالك الي ماكان ابداً ابدا مع عبدالعزيز وكان قلبه يتقطع بعد ماشاف رسالة ضي ودع عبدالعزيز وهو ماهو طايق احد
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
