_______
لاصار مالي حظ فيك انت بذات
ماعاد ابي غيرك لو يزين حظي
_______
بعد صلاة التراويح
نايف : يلا مشينا
ضي : اي جهزنا انا وامي والهنوف بس معنا ام مالك وضي
نايف بابتسامه: تم بنمرهم
وصلوا بيت ابو مالك واخذوا ساره وام مالك وساره جلست جنب ضي بجهة اليمين واليسار ام مالك والهنوف وقدام نايف وام محمد ضي ملاحظه على ساره مره مستحيه ولا تتكلم
ضي بهمس : بنت وش فيك
ساره : مافيني شي
ضي : اجل وش بك هاجده
ساره : يعني بالسياره وش متوقعه
ضي : والا مستحيه
ساره : اسكتي اسكتي خلاص قدنا بنوصل
وصلوا المول وساره وضي شافوا لهم محل مره عجبهم
ضي : يمه خلينا نروح لذاك
ام محمد : يابنتي انا وام مالك بنروح لحق الذهب امشوا معنا
ضي : يمه مالي خلق لحق الذهب
ام مالك : اجل خلينا نروح انا وانتي والهنوف وهم يروحون
الهنوف : ماعندي مشكله واصلا انا بشري لسحاب بناجر ( غوايش )
ام محمد : اجل لاتروحون لحالكم اتصلي على نايف يمشي معكم
ضي وساره : تمام لاتشيلون هم
تفرقوا وضي وساره راحوا المحل
ساره : بتنادين نايف ؟
ضي : بعد نص ساعه لان بشتري ملابس داخليه واستحي قدامه
ساره : اي اصلا حتى انا استحي اتسوق وهو واقف خلينا نتسوق ثم نناديه قبل نروح لامهاتنا
ضي : تم
دق مالك على ساره يتطمن
مالك : سوير القلب
ساره : لبيه
مالك : لبى قلبك كيف حالك
ساره : بخير دامك بخير وانت كيفك
مالك : الحمدلله وين امي
ساره : حنا فالمول مع ام محمد وضي والهنوف وانا وضي مع بعض وامي وام محمد والهنوف عند سوق الذهب
مالك : مين الي معك ؟
ساره : ضي ونايف بيجي شوي
مالك بدون تفكير : ياحظك حظاه مايحتاج تاخذين عيديه وانتي قدامك عيديه
ساره وهي تضحك : يالخفيف اهجد ترا تسمع
مالك استوعب انه جاب العيد قبل العيد وساره عرفت بس مستحيل يندم على هالشي لانه يبي الكل يعرف حبه لها وخصيصا هييي : اجل تبين شي عندي دوام
ساره : سلامتك
قفلت ساره وضي تسوي نفسها ماسمعت
ساره وهي تغمز عينها: ياحظك باخوي
ضي : اخلصي بروح احاسب
ساره : خلاص خلاص اسفه مااعيدها واصلا خلصت
طلعوا من السوق الي هم فيه وضي دقت على نايف يجي : وينك
نايف : تحت عند مواقف السيارات تبغين شي
ضي بمزح: لا بس لقيت لك عروس تعال
نايف وهو يضحك : على الطاير جايك
وصل نايف وسرعان ماحمررر وجهه وهو يشوف ساره مع ضي وفهم ضي : ضي وين امي
ضي : عند سوق الذهب بنروح لها
وصلوا سوق الذهب وساره شافت خاتم الالماس : الله ياحلو هذا ضي شوفيه لاجاء فارس الاحلام حقي بخليه يجيبه لي والا برفضه
ضي وهي تناظر نايف : تم بقول له
ساره بدون ماتستوعب : قولي له
ضي وهي تضحك : وصل له
ساره : وش وصل له
ضي : يحليلك ماتستوعبين الا بعد سنه
ام محمد : خلصنا يابنات ناقصكم شي ؟
البنات : لا
ام محمد : ام مالك ناقصك شي
ام مالك : لا تو كلنا على الله
ام محمد توكلنا على الله
وصلوا البيت وام مالك وساره راحوا بيتهم وصعدت ضي فوق
انسدحت ضي على السرير وهي تفكر بكلام مالك تجلس تعاتب نفسها : ضي شفيك تغيرتي انتي الي ماتنتبهين لرجال يجي واحد يعلقك فيه غصببب ياربي ياحبيبي ريحني اففف من مالك اخذ تفكيري كله وعقلي لو ايش مستحيل ابادر له او ابين له
_
مرت الايام وكالعاده الروتين اليومي لين ليلة العيد ضي كانت تجهز الحلويات وجت موضي عندهم وتجهز معها والكل فرحان وعبدالعزيز تو وصل هو ومالك من الرياض
عبدالعزيز دخل على البنات بالمطبخ وهو يتنحنح : حي الله خواتي السنعات
تركت ضي كل الي بيدها وهي تحب راسه وتسلم عليه : حي الله ابو العز صار العيد عيدين
موضي : يالله آنك تحيييه ماشاءالله متى وصلت ومن ومتى وانت هنا
عبدالعزيز : توني وصلت ومالقيتكم عند امي عند امي بالصاله قالت انكم تجهزون بالمطبخ
ضي : اي وتشوف كل الشغل على راسي
موضي : يالظالمه بمشيها لك لانها ليلة عيد
ضي : امزح لاتشدينها ياام الغزاله
موضي : مزحك ذا خليه لنفسك
عبدالعزيز : المهم تبون شي بروح للمجلس اجهز مع ابوي واجهز للعيد ولصلاه
موضي : ابوي يقول بنعيد بالاستراحه بنمشي بعد الصلاه للمزرعه الي هنا والا ابوي كان وده بالديره بس ماقدر بالوقت وعمي ابو غند بيجي وعمتي حصه كل الي بالديره
عبدالعزيز : ماعليه نعوضها بالعيد الجاي ان شاءالله خلونا نتعود على عيد المُدن
ضي : وربي كان نفسي بالديره بس خيره المهم انا خلصت بصعد فوق اخذ شاور واتجهز
موضي : وانا بعد خلصت
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
