_________
: دامك زرعت الحب في داخلي ورد
أنا مابي غيرك من الناس يسقيه
_______
عدت الشهور على ضي كانها سنين وهي ماتطلع من غرفتها كثير وعبدالعزيز ومحمد وموضي رجعوا المدن ونايف كمل جامعته ويجي مره بالاسبوع الديره واشتاق ل محارشته لها ومالك رجع الرياض وساره قبلتها الجامعه هي وضي بس ضي على وضعها ذا مالها شغف وبنيتها تتركها
دخل ابو محمد عند ضي بالغرفه : يابنتي بكلمك شوي
ضي : امر وش ابغى
ابو محمد : مايأمر عليك عدو بس الموضوع عن ميراث جدك
ضي : يبه انا ماابي شي من الميراث وانتم عياله احنا احفاده مالها دخل
ابو محمد : لا بس تعرفين جدك عنده مركز تدريب للخيول بالمدينه
ضي : اي وش فيها
ابو محمد : جدك بوصيته كاتب انه المركز لك وانتي مديرته الآن
ضي : بس يبه ماابي
ابو محمد : جدك تعب على هالمركز وعشان بدرب فيه ومن لما كنتي صغيره ياخذك له تفرحي فيه هذا الي باقي من جدك
ضي : ان شاءالله
طلع وهو يرد على اتصال موضي
موضي : كيف حالك يبه
ابو محمد : تمام الحمدلله
موضي : ترا بنقل من القصيم للمدينه
ابو محمد : هذي الساعه المباركه يامرحبا تنور المدينه الحمدلله اجل كذا كلنا بننقل
موضي بضحك : اي تعالوا حتى تغيير على ضي
قفل من المكالمه وهو يتصل على نايف وعبدالعزيز يجونه الاسبوع الجاي بالديره
" بعد اسبوع "
ابو محمد : انا جمعتكم بقول لكم اني بنقل المدينه وصراحه مزارع جدكم اكثرها هناك واشغاله كلها والديره من بعد موت الوالد مالها طعم
نايف : احلى يالوالد صرت مديني
عبدالعزيز : الديره حلوه بس وانت صادق المدينه عشان الاشغال بس يبه مزرعة جدي وبيتنا والعزبه والحلال الي هنا واالاسطبل حق ضي
ابو محمد : العزبه والحلال حطيت عندها عمال وكل اسبوع انزل الديره اتطمن واما عن اسطبل ضي جدك كاتب بوصيته ان المركز الي بالمدينه لها وهي مالكته الحين وفيه مزرعه الي فيها الاستراحه بالمدينه ببني لها اسطبل صغير
نايف : الله يرزقنا حظ ضي
دخلت عليهم وهي سامعه كل الحكي والدموع بمحاجرها كيف بتترك الديره والاسطبل الي بنا لها جدها واكبر ذكرى منه ومزرعتهم الي كل عصريه تروح لها مع جدها كيف بتتقبل عيشة المدينه : سلمت على اخوانها وجلست
نايف : من الحين بتصيرين بنت المدينه مو بنت الديره
ضي : وش حلاة كلمة بنت الديره
نايف : محشومه
ابو محمد : يوم ١٥ من رمضان الشهر الجاي نمشي ان شاءالله
الكل : ان شاءالله
دخلت ضي وهي تتصل على موضي تبارك لها على نقلها
موضي : هلا بضي العين هلا بخالة الغزاله
ضي : هلا بام الغزل كيف حالك
موضي : بخير دامك بخير
ضي : الحمدلله عاد يوه الحين صرتي قريبه ابشري مابيبقى من الميك اب حقك والفساتين شي اول ازرف على حبه حب الحين لا
موضي : نشوف حتى بيتي مااخليك تدخلينه
ضي : نشوف اذا تقدرين علي او لا
موضي : مايقدر عليك الا رب العالمين
" يوم ١٥ رمضان "
كانت ضي تجهز كل اغراضها الي بالغرفه والدموع بمحاجرها تحاول ماتبكي وهي تشوف كل الذكريات بكل زاويه بالبيت
دخل نايف وهو يزفر: خلصتي
ضي : اي خلاص
نايف : يلا اجل توكلنا على الله بس هاه تراك معي بالسياره خلي عصافير الحب امي وابوي لحالهم بالجيب وانتي تركبين معي
ضي : بشرط
نايف : وش شرطك
ضي : تجيب لي بنادول لان بيصدع راسي وانا بالطريق معك
نايف : بس هذا شرطك لجل عيون ضي تكرم مدينه
ضي : يلا هيا توكلنا على الله
" في المدينه "
ضي دخلت بيتهم الجديد الي بالحاره الي قدام بيت محمد وابو مالك مو نفس الحاره لا قدامهم انسدحت على السرير وهي هلكانه ونامت
" عند مالك الي جاي بالطريق للمدينه وهو يكلم سوير "
ساره : تدري وش صار بالمدينه
مالك : عساه خير
ساره : خير الحمدلله وانا اسعد انسانه
مالك : فرحينا معك يلا
ساره : ابو محمد نقلوا هنا واليوم هم بالمدينه
مالك الي مصدوم : تمزحين
ساره : والله ماامزح اخيرا ضي بتكون قريبه مني
مالك وهو وده يقول وبعد تكون قريبه مني : انا اشوف المدينه منوره
ساره : اي والله يلا تبغى شي امي تناديني
مالك : سلامتك
قفل وهو مو مصدق وقلبه يرقص من الفرح ضي عيونه بتكون قريبه منه وهو يردد هالقصيده
" يامرحبا ترحيبة .. كلها لك
تكسيك من .. راسك ليا حد ماطاك
من قلب مهيوم .. بحبه صفا لك
يلعب به الغربي ليا سمع طاريك "
" بيت ابو محمد "
صحت على السحور ضي وراسها مصدع نزلت لتحت تتسحر
: السلام عليكم
الكل : وعليكم السلام ورحمة الله وبركاته
سلمت على محمد والهنوف وموضي الي بيتها بحي بعيد عن اهلها
سحاب : اخيرا ياعمه بتكونين قريبه منا وتلعبين معنا بس لاتلعبين مع عزل هي ماتلعب معي بس مع عساف
نايف بضحك : موضي شكل عساف الدباء جايب راس بنتك
هنوف : والله ان ولدي يطيح الطير من السماء
موضي : بنتي ماهي خفيفه وولدك الله يخليه لك بس اغراها بالعابه وبنتك عوبا تزاعل اي احد
هنوف : ودي اقول انك لا جبت ولد يطلع وزنه اول ماينولد 5 كيلوا بس المشكله انك نحيف
ضي : الله يرزقني فضاوتكم
دخل ابو محمد: باقي على الصلاه ٢٠ دقيقه توضوا وجهزي ياضي المبخره ومحمد كراتين الموياء ونايف المكنسه وعبدالعزيز التمر (عاداتهم كل يوم بالمسجد ) ومن بكره ان شاءالله فطورنا عند ابو مالك حلف علي اننا نروح له
الكل : ان شاءالله
وياموضي بعد صلاة الفجر رجلك يستناك برا
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
