________
فيني شعور احسه نابع من الوريد
من يلوم الوريق ان صار تواق لك
ريف قلبي ومرباعه وشوفتك عيد
وانت مثل الهوى وارضي لا فاق لك
صوتك عيونك شفاتك يدك عن لا ازيد
لكلك اشتاق لك وانت وش فيك متثاقلك
_________
صعدت ضي فوق واخذت شاور وطلعت وسوت شعرها ويفي من تحت شعرها لين تحت ظهرها ولبست فستان ماسك على الخصر والجسم وفيه كسرات خفيفه ولونه ابيض ومزين بالورد لون وردي كبيره الورود وتبخرت وتعطرت ويديها مزينه بنقش الحنا واصل لين نص اليد من عاداتهم بالعيد وجلست تدندن دخل نايف
نايف وهو لابس سروال وفنيله : يالبيه وش هالجمال وش هالشياكه والاناقه ياحظ الي بياخذك
ضي : من البدايه قل وش عندك وايش تبغى مايحتاج هالمدح
نايف : يعني مو امدحك ابغى شي لا وربي تطيحين الطير من السماء جعلني اتزوج زوجه زي حلاوتك بس تكفين ياوخيتي ياضي العيون اكوي لي الغتره قبل ابوي يصفقني أتأخر عليه
ضي : احسن خل وجهك كدماتت باول عيد
نايف : افا يااخت نايف ماهقيتها منك
ضي : لانه عيد برحمك
نايف وهو يرسل بوسات من بعيد : يالبيه يااخت نايف تمام بنزل تحت والبس ثوبي وانزلي وجيبيها
كوت ضي الغتره حقت نايف ونزلت وعطتها نايف وجلست تبخر اخوانها كلهم حتى محمد جاء وهي واقفه هيبة اخوانها مع ابوها ترعب اي احد يشوفهم من الهيبه
" بعد صلاة العيد "
صعدت ضي تزيد الروج ووصلوا اخوانها ونزلت لهم
بعد ماخلص صلاه راح لها وجلست تصور اخوانها وتعيد على اهلها وتتصور معهم والكل فرحان وجت الهنوف ومحمد والاطفال ياخذون عيديه من جدهم
نايف وهو يبوس يد امه : يالبى الي غطت عليكم كلكم نبع الحنان وش هالجمال وش هالزين ياحظك يابوي
عبدالعزيز : مابعد امي زين
ابو محمد وهو يضحك : اقول اخلصوا يلا كل شي جاهز مشينا للاستراحه
محمد : اي ياطويل العمر مشينا
ضي : بصعد اخذ عبايتي
ابو محمد : يلا لاتطولين
ضي : دقيقه وانا نازله
طلعوا كلهم لسيارات ومالك كان واقف عند عبدالعزيز بالسياره معه ابوه وامه وساره لفت نظر ضي وهنا طاحت ومحد سمى عليها صدق جلست طول الفتره تكذب نفسها بس هنا شافة رزته وهو يكلم عبدالعزيز عن مكان الاستراحه لانه ماقد جاها ووسامته وطوله وعضلاته الي باينه مع الثوب شكله يطيح الطير من السماء ركبت ضي السياره ومالك ماانتبه لها : معقوله ماانتبه لي ؟ استغفرالله ياضي وش هالسوالف والتفكير اكيد مارح ينتبه لك ولا يحبك
____________
كل عام وانا احبك اكثر من العام
على مرور الوقت من غير تحديد
عيدي معك ماهو محدد بالايام
في كل يوم اواجهك يعتبر عيد
______________
وصلوا الاستراحه ووصلوا ابو غند من جده والعمه حصه
البنات راحوا لاستراحة الحريم والرجال لاستراحة الرجال هي استراحه كبيره بس منقسمه قسمين قسم لرجال وقسم للحريم
البنات بالصاله حاطين السماعه بعد ماسلموا والتوزيعات على الطاوله
ضي : غند بلا استهبال قومي نرقص
ساره : اييي يابنت عيد طلعي طاقتك كلها في الرقص
غند : لا يابنات استحي
ضي : هنوف قومي خلينا نسحبها
الهنوف : ماطلبتي شي
قاموا البنات يرقصون والاطفال والحريم الكبار يصفقون
حصه : ماشاءالله ضي كبرت وصارت حرمه
ام محمد : اي بسم الله عليها استودعتها الله
ام مالك : ماشاءالله حظ من ياخذها
كملوا البنات الرقص
" عند الرجال "
سلموا وجلسوا بالمجلس وجو الجماعه الي من الديره بعضهم مو كلهم يسلمون على ابو محمد ومره يعزونه ويعزون ابوه غالي على قلبهم
ابو عبدالاله : وينك ياابو محمد ماتزور الديره ولا عيدت فيها ماهي من اطباعك
ابو محمد : والله ماقدرت الاشغال كثيره على راسي وانا عييت لاجل فيني جلطه بالقلب بس ماعلمت عيالي خفت ان رحت الديره طحت عليهم وتعرف المستشفيات بعيده والا انا مااخاف من الله بس خفت على خوف عيالي
ابو ناصر : ماتشوف شر ان شاءالله وعاد تعال الديره
ابو محمد : الشر مايجيكم ان شاءالله جايكم ان شاءالله الشهر الجاي
ابو عبدالاله : وعاد جب ابو مالك واضح انه رجال طيب وكفو
ابو محمد : ونعم بابو مالك رجال و اشهد ان جاء الديره تنور
ابو مالك : ونعم بحالك ماعليك زود النور نورك ان شاءالله اني اقدر والا ديرتكم مافيه مثلتها تفتح النفس هي والناس الطيبه فيها
"عند زوايه بالمجلس "
مالك : ماشاءالله ماشاءالله ماشاءالله عريس عريس يابو العز لو اني زوجتك تخرفنت
نايف : يالخسيس وانا مالي مدح
محمد : منت بمحتاج مدح يعجز اللسان عن وصفك
مالك وهو يضحك : يعجز اللسان عن وصف قباحته
عبدالعزيز وهو يضحك : ماعليك زود عاد كلام الزوجه مايصير بين الرجال وبالمجلس مشيتها مير عاد ماارضى على نايف
نايف : يهب عاد ماني محتاج مدحك ماهو من زين مدحك
مالك وهو يضحك : شوفوه شوفوه زعل
نايف : بزر عندك انا
مالك : محشوم محشوم خلاص يارجال سامحنا نمزح
نايف : لاني طيب بسامحك وانت ماتستاهل الطيب
عبدالعزيز وهو يضحك : خلاص يارجال اقول قوموا نلعب
مالك : قدام وليه لا
وقفوا الرجال عرضه ورقص قبيلتهم يسمى بـ (دحه وفرينسي ) لانهم شماليين
ومالك شاش معهم ( لانه هو وابوه يعرفون رقص قبيلة ابو محمد )
وبعدها قاموا يعرضون رقصة قبيلة مالك تسمى بـ ( القزوعي )
قام نايف وعبدالعزيز مع مالك بحكم انه يعرفون رقصه من مالك
ومحمد وابوه وباقي الرجال صافين عرضه وابو مالك معهم بحكم انه كبير بالسن كملوا الرقص وخلصوا
عبدالعزيز : بروح اشوف الغدا وين راح
" عند الحريم "
في المجلس ساره و غند جلسوا يسولفون وضي الي تو جت من المطبخ تساعد امها في طبخ الذبيحه وخلصت من التجهيز وبالمطبخ هنوف وموضي وجلست ضي فتحت جوالها تشوف يمكن احد ارسل من اخوانها يبغى شي وفتحت حالة واتس نايف الرجال يلعبون وشافت مالك يلعب معهم ويعرف طريقة اللعب حقتهم اللعب يعني الرقصه الخاصه بالقبيله ومن هنا صدق تخرفنت بس من ملامحها مو باين انه صدق تخرفنت تقدر تتحكم بملامحها
وناظرت ساره بطرف عين الي قاطه معها بجوالها من لمحت نايف
ضي وهي تضحك : احممم ماشاءالله قاطه والا لمحتي حلاوه
ساره بفهاوته : وش حلاوه هذا هو الحلا على الطاوله
ضي وهي تضحك : عاد اتحداك اذا استوعبتي
غند وهي تضحك الي كانها فهمت السالفه : ياربي اخيرا لقيت احد افهى مني المهم بنات بروح اعدل الميك اب حقي ضي فين الحمامات الله يكرمك
ضي : شوفي مااعرف اشرح بس فيه هنا حمامات قبل تدخلين المجلس عند الغرف بس مافيه مرايا بس فيه حمامات برا عند باب المطبخ الي ورا فيه مَمَرْ على باب الرجال الثاني بس ماعليك محد رح يدخل وقريب من المطبخ وعند الحمامات يعني تطلعين من الحوش وتلفين يسار تلقين ذا الممر فيه باب المطبخ والحمام
غند : تمام شكرا
راحت غند للحمامات ونزلت شنطتها وجلست تحط روج وجالسه تدندن وتعدل الميك اب وكان ماشي عبدالعزيز ولمح احد عند المرايا يرقص ويدندن ولون الفستان نقس ضي وعليه ورود وبحكم شعر غند اسود وطويل زي ضي كان يحسبها ضي ودخل بدون كلام ودخل يده على ظهرها وهو يقول
أنت تقرأ
"تِمنيت الخير وجيتني من الله "
Ficção Geralبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
