____________
ليت ابي له عم ولا من خواله
ليتهم من ربعنا ولا قصرّانا
____________
ضي : بنات شفتوا المركز الي جدي رحمة الله عليه ورثته منه
البنات : ايه
ضي : احس ماني بفاضيه له بتركه
ساره : ياويلك مني لا تفكرين حتى
الهنوف : وليه
ضي : مابين الجامعه والديره ماني بفاضيه له يبي له مدير صح
غند : طيب اسمعي شرايك تفتحين فيه تدريب خاص للي ماعندهم توفير مال للمعهد زي الاطفال الي ودهم بالفروسيه بس مايقدرون يتوفرون مال يكون مره بالاسبوع
ضي : حي عينك حبيت والله منه آجر ومنه اسعادهم بس انا ماافضى اجيه كل يوم
موضي : طيب اخواني مايقدرون محمد وعبدالعزيز نايف جامعته وخلص منها ولا عنده شغل تخلينه المدير العام
غند: لا عزالله ان الارباح الى القاع
ضي : اجل تم
غند : انتي ضي ؟
ضي وهي تضحك وتناظر ساره الي تضحك : يوه لجل نايب تكرم مدينه يفداه
" عند الرجال "
ابو محمد : ياعبدالعزيز
عبدالعزيز : سم
ابو محمد : روح لنياق وحط لها ذا التبن
عبدالعزيز : تبشر
عبدالعزيز : مالك عيال تروحون معي
مالك : اي والله اني طفشان يلا قدام
محمد : مالي خلق والله
نايف : فيصل ماهو هنا عود لديره وانا معكم
( وصلوا لنياق )
مالك ونايف يناظرون عبدالعزيز يظم الناقه ويركبها
نايف : والله لو انه انا اركبها من عند رقبتها لا تطيرني بالهواء تكسر العمود الفقري
مالك : عاد يوه لعبته النياق ياخوفي لاتزوج يحب ورعانه اكثر من النياق اتوقع وانا خويه يحب الناقه اكثر من حبه لي
نايف : انت خويه انا اخوه اتوقع انه يحبها اكثر مني
عبدالعزيز وهو يضحك : غلاتها ماتسوى غلاتكم غلاتها اكثر
مالك : افا جحدتنا
نايف : يهب يالجحود
عبدالعزيز : امزح امزح
نايف : وانا كنت ناوي اجيبلك بعرسك قعدان
عبدالعزيز : الله اكبر مرتن وحده قعدان
نايف : اجل هونت بعرس معك
مالك : على طاري العرس بدال اجيب معونه بجيب لك عشر نياق
عبدالعزيز : عشر لا هذي كثيره
مالك : ماتغلى عليك والله اجيبها بس متى تعرس
عبدالعزيز : لعرس نايف اعرس بعدها
نايف : مااقول لا بس هاتوا المهر عني
مالك : عاد تدري وش الله يعين حرمك عليك شهر العسل عند النياق
نايف : ههههه وين شهر العسل شهرين
عبدالعزيز : اخ بس الله يجيب زوجتي على خير كل عصر وانا وهي نتقهوى عند النياق
" عند البنات "
ساره : اخخخ ياربي طفش
ضي : لقيتها عندي خطه
غند : وش هي ؟
ضي : نخلي نايف او عبدالعزيز يودينا البقاله
ساره : صدق ومنها نغير جو
غند : يوه تكفين فكينا من نايف طماع لازم كل وحده تدفع له فلوس تقل سيارة اجره
ضي : اجل بتصل على عبدالعزيز
ضي : عبدالعزيز وينك
عبدالعزيز : عند النياق
ضي : متى بتجي
عبدالعزيز : بعد شوي ليه فيكم شي !
ضي : لا بس ابيك تودينا البقاله
عبدالعزيز : تبين ابوي ينتفنا
ضي : تكفى تكفى بدون مايدري محد يدري طفشنا
عبدالعزيز : طيب نايف يوديكم
ضي : يوه فكنا منه ذا الطماع
نايف : ليه تحسبوني اوديكم مجاني سواق عندكم انا
ضي : تراني حطيتك المدير العام للمركز بس ماتستاهل
نايف : تمزحين !
ضي : والله يالطماع
نايف : حي عينك اختي يفداك العمر
ضي : مااقول الا الله يحفظ ابو العز ويرزقه الزوجه الصالحه اخوي تاج راسي الي يوديني
نايف : اح وانا مالي زوجه
ضي : مافيه
نايف : هين اتزوج على خير واقهرك انا وزوجتي
ضي وهي تضحك : نشوف المهم من بيوديني
عبدالعزيز : انا لان نايف بيجلس عند ابوي والرجال وعند محمد
ضي : طيب
وصلوا عند المخيم
عبدالعزيز من برا وهو ينادي ضي : ياضي ياضي
ضي : جايتك جايتك سم وش تبي
عبدالعزيز : يلا يلا قبل لحد ينتبه وفكوني من البزران
ضي : طيب بس بنادي البنات
ركبوا وكانت ضي قدام بالسياره وورا ساره وغند ورا المرتبه الي ورا عبدالعزيز
نزلوا البقاله وكان فيه كلب لونه اسود وواقف عند باب البقاله حقت الديره
غند : يمه كيف حادخل
ساره : شكله يخوف
ضي : عبدالعزيز اطرده يمكن يروح
عبدالعزيز حاول بالكلب وكان الكلب يحاول يتهجم وبعد عن الباب : اسمعوا كل وحده تدخل ورا الثانيه بعدته شوي وانتم وراي وانا بكون هنا عشان مايدخل
دخلت ضي وراها ساره ويوم قريت تذخل غند قرب عندها الكلب ونبح وهي صرخت ومسكت ظهر بمعنى احتمت وراه عبدالعزيز وبكت : ييمهههه يمهههه بياكلني بيخليني قطع لحم
عبدالعزيز الي مو متعود على حريم الا ضي وموضي والهنوف مو مره جته ام الركب : يابنت ماهو بآكلك
استوعبت غند بنص الشهقه وبعدت : ياكلني ولا اكون اتفشل مره ثانيه كذا
عبدالعزيز ضحك : خلاص اجل روحي له
غند : بعده طيب يوم اخرج ترا بدخل
عبدالعزيز : تراه كلب ماهو بآكلك
غند : انت متأكده انك صاحي ذا منسعر اتوقع الكلب يخافك منك مو انت المفروض تخاف منه
عبدالعزيز : يابنت بتدخلين ولا اخليه ياكلك
غند : ياكلني احسن من اني قدامك
عبدالعزيز : شوفي حتى ورعان الديره يضحكون منك
طلعت ضي وساره وهم يضحكون
ضي : وش ذا تراه كلب مايسوي لك شي
غند : اي اضحكوا اضحكوا وانتوا لو قرب منكم هربتم
ضي وهي تضحك : طيب ادخلي اشتري ترا خلصنا وانتي باقي
غند : ماابي
عبدالعزيز : بتدخلين تشترين وغصب
غند : مو على كيفك
عبدالعزيز : يعني بتدخلين والا اوخر عن الكلب يجي ياكلك
غند : خله يجي اصلا انسدت نفسي عن الاكل
عبدالعزيز: تبشرين هذاني
غند يوم شافته وخر : خلاص امزح مزح
عبدالعزيز ضحك : طيب يلا استعجلي
بعد ٥ دقائق طلعت غند وشافت البنات راكبين السياره وعبدالعزيز يستناها جالس وقدامه الكلب عشان مايخوفها
غند : خلصت انا
عبدالعزيز : يلا
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
