__________
مري مرور السحاب اللي يعيد
الحياه لارض طوتها الممحله والدهر .
____________
اخذتها ضي وهي تقول : والله ماارد عليه خلي قلبه يحترق
مشت ضي للحفله وفي الشارع قدامها بوابة حوش الرجال وكانوا ينزلون من ( شاحنه سياره ) اللحم بيطبخونه عند الرجال داخل
وشافت مالك وهو يساعدهم مشمر ثوبه وشماغه على كتفه وعقاله فوق راسه
وجنبه اخوانها يساعدون وهنا ضي اكدت مشاعرها ولا تقدر تكذب على نفسها وجلست تتأمل ضي كيف هو يساعدهم لو انهم مو نفس قبيلته وكيف انه فاهم عاداتهم وتقاليدهم وكانه اخو اخوانها مو بس خويهم وعلى طول قبل يلف مالك دخلت بس ماشافها لان شوي بعيد وهي كانت عند مكان مافيه نور
دخلت ونزلت وسلمت وجلست جنب ساره وغند يكون الحفل في حوش كبير مره وفيه بنات جالسين جنب ساره وغند وضي وفيه فتحه شق بسيط بالجدار هم بزاوية الجدار وكانوا ٣ بنات يناظرون من الفتحه بعينهم وتكلمت وحده من البنات
مشاعل : يايي بنات خقيت على ذا الولد الي مشمر بثوبه اخ شوفوا حتى شاربه مو نفس العيال لونه بني فاتح
سجى : شكله ماهو من اهل الديره او من معارف اهل الديره بس من بعيد
صيته : وين اي واحد
مشاعل : ذاك الي شماغه على كتفه الطويل الي شعره نص كيرلي
صيته : الصدق مانلومك يهبل حظ من كانت حلاله
مشاعل : اي والله بين عليه مو من هنا بس واضح عليه انه عاش بديره او يعرف احد من الديره من شكله بس ماشاءالله مز
سجى : اي والله صدق حظها من كانت حلاله
ساره بهمس ل ضي : ودي اعرف من يتكلمون عنه
ضي : وش علينا منهم عاد من زينه
ساره : دقايق لا يكون تعرفينه او شفتيه
ضي بعصبيه : اخوك
غند بشهقه وصوت عالي : مالك !
ضي : فضحتينا شوفيهم هالبنات يناظرونا
ساره : دقايق دقايق اخوي ؟
ضي بنبره عصبيه : اي قام حضه
ساره بغمزه : شفيك معصبه ولا لا يكون غرتي
ضي : اص تكفين اسكتي من زينه اغار عليه وبعدين كيف انتي اخته
ساره وهي تضحك : اخخخ تكفين الله يعين الي ياخذك بيجلس سنين عشان تحبينه
ضي : وبعدين ترا باب الرجال يكون جنب باب الحريم بس بمسافه بعيده شوي فشفته
غند وساره : افا تبينا نشك فيك يشيخه لو ايش مانشك
ضي : يالبيه يلوموني بحبكم بس قصدي انه كيف عرفت شكله من وصفهم والا انتم خابرتكم كفو مانكم من حقين الشك
مشاعل : ضي انتي تعرفينه
ضي : انتي دوبك بدوبي دايم اي اعرفه اخو صحبتي
سجى : كيف اخو صحبتك ! وانتي ماعندك صحبه الا غند وغند ماعندها اخو
ساره : انا صحبتها عندكم شي ؟
صيته : انا اشوف الزين سبحان الله كيف صرتي صحبتها ماشاءالله انتي والاخو كل واحد يقول الزين عندي
غند : طيب عرفتوا ممكن تتفضلوا تروحوا
ساره : والله انا مااخاوي الا الكفو
مشاعل : لو نتكلم عن الكفو فينا مانخلص منيه لا بكره بس الله يعين
ضي : اي والله مانخلص منيه لين سنين وانتم وراكم ماتحشمون نفسكم وتنقلعون وبعدين عيب عليكم من قبل شوي تناظرون
مشاعل : وش فيها نناظر حلالنا
صيته : اي نناظر حلالنا وراك انتي ماتتوسطين لي بنايف
ضي : الله لايبلانا الحمدلله الذي عافنا مما ابتلاء غيرنا
سجى : اي صدق وعن طاري عبدالعزيز ماشاءالله كامل والكامل الله وظيفه ووسيم ماناقصه الا بنت الحلال
ضي : اخواني خليتهم لحريم الحلال مو زي بعض الناس احشموا عمركم وامشوا قبل لا يدخل الشيطان بينا
الهنوف : بنات شفيكم ماترقصون
ضي : انا مقدر وهلكانه صدق
ساره : انا مره استحي وماارقص الا مع ضي
غند: صدق ضي هي الي تحمسنا
الهنوف : يوه يالهضي لاعبه بقلوبكم لعب
ساره بغمزه: ولاعبه بقلب شخص ثاني
ضي بغمزه : شرايك اطبل لك
ساره : ياخي اعديتيني بالجرأه بس الحين الطبل والهز صار عندي فوبيا منه
غند : الصدق ذي الشيله تحمس خلونا نرقص عليها
الهنوف : مافهمت على تناغازكم المهم يلا قوموا وبعززز لكم وبقول لموضي
ضي : حي عينك زوجة الاخو الكفو
الهنوف : حي نباك لعيونكم تكرم مدينه اذا ماعززت لكم من اعزز له
ضي : لعيونك يازوجة الاخو بشغل لك شيلة قبيلتك ( الهنوف نفس قبيلة ساره ومالك )
ساره : لا تنسيني حتى انا بنت عمها نفس القبيله
ضي : يوه حبايبي نفس القبيله
غند : احح وانا وين رحت
ضي : يكفي انك بنت عمي
غند : يوه ياحظي
قاموا يرقصون ولفت سمعها كلمه ( واخذ قلبي وعقلي ( اسم القبيله ) )
_____________
اضويت لك قمرى وشرعت لك باب
وصبيت لك كأس الهوى من عروقي
_____________
عند العيال
دخل فيصل وسلم
همس مالك لعبدالعزيز : هذا متى جاء
عبدالعزيز : اظاهر انه تو جاء قبل شوي ابوي يقول انه عمتي بتجي
تعيد
مالك : يارجال بيني وبينك صح القبول من الله بس مابه قبول
عبدالعزيز : الله يستر علينا وعليه لولا اخلاق المسلم واحترامي له انه ولد عمتي كان مااعترف فيه
مالك : صحيح الحمدلله على الدين بس واضح انك شايش من كلامك لايكون بقلبك شي عليه
عبدالعزيز : تخبر هالجيل بس يغازلون وانا قفطته يغازل ضي قبل يتوفى جدي الله يرحمه
مالك : ابك وش هالعلم لاتخليني اتوطى ببطنه
عبدالعزيز : اركد اركد قلنا لك قبل سنتين وانت تحسبني سكت له
مالك : لا بالله خويي واعرفك تاخذ حقك واكثر ماينخاف عليك ينشد فيك الظهر
عبدالعزيز : خلاص اجل مايحتاج وصار ماني اخوها اخذت حقها
انتهت العزيمه وكلن عود بيته
________
في الصباح في الديره
ام محمد راحت غرفة البنات وصحتهم من نومهم : قوموا قوموا ابوك قال بنكشت
ضي : يالله صباح خير كشته في ذا الصبح طيب خلوها العصر
ام محمد : وش على هالصبح الجو يهبل ومتوقعين امطار ان شاءالله
تجهزوا والكل ركب سيارته
ضي : تكفى يبه خلني اسوق فيكم
نايف : اقول بس تبين تقلبينا
ضي : انت
روح مع العيال وانا بسوق بابوي وامي
نايف : على الاقل الهنوف نقول انها مع محمد ماينخاف عليها بس موضي موضي مصعب مداوم ولا هو هنا بتولدينها
غند : شرايك نروح انا وانتي وساره على السياره ونايف يسوق باهلك
ضي : حي عينك بنت العم ياعليك تفكير بطل
نايف : لا عزالله افلحتوا بتقلبون نفسكم انتم
ابو محمد : هذا الي ناقص حنا معنا ضيفان عيب
ضي : وين العيب تكفى يبه تكفى
ابو محمد : المره الجايه ان شاءالله مو وقته الحين
ضي : بس جدي الله يرحمه كان يخليني اسوق تكفى
عبدالعزيز : ياخيتي ياكبدي المره الجايه ان شاءالله خلاص لاتقاطعين ابوي وهو صادق الحين ابوي معنا
نايف وعبدالعزيز غمزوا لها ومشوا
ركبت مع نايف ولا ساقت ووصلوا للمخيم حقهم عباره عن خيمات جنب بعض وحده مطبخ ووحده دورة مياه اعزكم الله و٥ غرف خيام وثلاث كبار للحريم وحده والرجال وحده
الكل جلس يجهز والبنات حطوا الاغراض ويصورون ومستانسين والعيال جالسين يقطعوا الذبيحه وانتهوا
البنات جالسين يرتبون الاكل ويضبطون الجلسه والكبار يطبخون الذبيحه
ومالك طلع يجيب اشياء من السياره النواقص وشاف فيصل جالس لحاله وناداه
مالك : فيصل فيصل
فيصل بقلبه يليل شيبي ذا : هلا وش فيه فيك شي
مالك : لا بس قلت تعال خلنا نمشي من هنا
فيصل : والعيال نتركهم
مالك : العيال مو فاضين يمشون
فيصل : اجل زين يلا
ابعدوا عن المكان شوي لين ماوصلوا ورا جبل صغير
مالك مسك فيصل مع كتوفه
مالك : انا ماني قايل لك لاتقرب ضي !
فيصل : يارجال انت وش بلاك ماسوينا شي وبعدين وش دخلك هذي بنت خالي
مالك : انا وش قلت لاتخليني اقبرك هنا ميت ماني محذرك ماتقرب لها ولا ترفع حتى عينك سواء على ضي او اختي او اي وحده
فيصل : وش دخلك انت بنت خالي واسوي فيها الي ابي محرمها انا وانت ماتعني لها شي
مالك عصب : وش الي تسوي اي شي فيها تخسى تلمس شعره منها وبعدين منت محرم لها تحط من راسك انت وتوكل قبل يلقونك ميت
فيصل : اقول يالغريب انت الي وش تعني لها والا عشيقها وبعدين اكيد عاشق ام شامات يالبى بس
مالك عيا يتمالك نفسه وعطاه بقس على وجههه ونزف خشم فيصل : انا اخذرك وهذا اخر انذار ماهو لازم تصير عشيقتي عشان اغار عليها بس نحميها من مريضين نفسك جاك العلم ويتعداك ان قربت لها او اي وحده منهن والله يلقونك ميت
ناظر فيصل مالك الي العصبيه تتملكه وعيونه الحاده وركض وهرب
مالك : استغفرالله استغفرالله بيجنني هذا وش الي يسوي فيها اي شي لولا خوفي من الله لقوه ميت الحين
رجع فيصل ومالك بعده
عبدالعزيز : فيصل انت علامك وش فيه وجهك
ناظر فيصل مالك الي نظراته تهديد : اءء لا بس طحت ولقاني مالك وساعدني
مالك : الله يستر عليه والا كان راح فيها
ابو محمد : وش طحت منه
فيصل : رحت ورا الجبال وزلقت من حصاه
محمد : يلا يارجال غداكم جاهز حياكم الله
ابو مالك وابو غند ومالك : كثر الله خيركم
ابو محمد : اعذرونا على القصور والا حقكم اكثر
مالك : ابد مامن قصور ياعم وكثر الله خيرك
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
