_________
اخر غرامي بالحب واوله عطني
عهد واعطيك روحي لو تبي
__________
امسى الليل والكل نام
" عند العيال "
سهرانين برا وبينهم شبة نار بالوسط والشيبان نايمين ابو محمد وابو غند وابو مالك
محمد : يانايف يبي لها شاهي من يدينك شاهي جمر
مالك : اي والله واغنيه من صوت العذب ابو العز
عبدالعزيز : وقصيد منك
نايف : تبشرون جهزوا الي عندكم
" عند البنات "
الكل نايم وطلعت غند تشرب موياء من خيمة المطبخ والا فيه صوت احد يغني ! ودخلت المطبخ وكان الصوت واضح بالمطبخ
والا الصوت جميل صوت احد يغني واغنيه تحبها !
" عند العيال "
بدأ مالك بالشعر يقول : ضعت في زحمة جمالك
وضيعت الكلام والكلام
يضيع دايم لا جاء وقت اللقى
انتي المفروض
مااقول لك غير السلام
واترك عيوني تقول الكلام الي بقى
الشباب : الله الله
مالك : الله عليكم
مالك : عطنا ياابو العز
بدأ عبدالعزيز يغنييي
" عند غند "
بالمطبخ وجالسه تسمع الاغنيه واندمجت وهي تقول ببالها : ياربي من راعي الصوت الحلو هذا وبنص اندماجها طاح الكوب من يدها وسمعوه العيال
وطلعت غند بسرعه
عبدالعزيز وقف غناء
نايف : ياعيال هذا وش صوته
مالك : علمي علمك
عبدالعزيز : جاي من المطبخ شكله
مالك : نايف روح شوف
قام نايف وراح للمطبخ ومالقى احد ورجع : ياعيال مالقيت شي
محمد : يمكن شي طاح من المطبخ
مالك : غريب والله
محمد : يلا يلا خلاص الساعه ٢ وابوي بيصحينا من بعد الفجر يالله يالله ننام
" في صباح اليوم الثاني "
عند البنات
ضي طلعت من الخيمه هي والبنات متجهين المطبخ
ضي : يالله يابنات الجو يهبل يهبل
الهنوف : صدق يفتح النفس ماشاءالله
ضي : شرايكم نقلبها تفحيط
موضي : وش تفحطيه تبين ابوي يفقش راسك
ساره : الله احس حماس
غند : معكم معكم اهم شي نطلع اخ تصدقون ودي اركض
ضي : صدق ودي اركض وبنفس الوقت ودي احد يفحط فينا جوي اليوم غريب
ام محمد وهي تضحك : لا حول ولا قوة الا بالله انتي صاحيه يابنت مافيتس ذرة انثى وش تفحيطه وهي صادقه تبين ابوتس يفقش راستس
ام مالك : الله يصلحهن هالجيل يوه زمان اول حتى المطبخ نستحي نطلع له اذا به رجال
ام غند : اي والله جيلنا الحين غير عن جيلهم
دخلوا البنات المطبخ وبدأو يجهزون الفطور
" بعد نص ساعه تقريباً "
وقف نايف برا بياخذ الفطور
نايف : ياضي ياضي
ضي " عند : جايتك جايتك
نايف : تسلم يدينكم على هالفطور الزين يوه بتخليني اسمن
ضي وهي تضحك : يااخوي ماتسمن لين مااسمن
نايف : اجل مااسمن لين مااموت
ضي وهي تغمز: الا بتسمن ترا بعض الناس ( تقصد ساره ) هي الي مسويه الفول
نايف مسوي نفسه مافهم وهو يضحك : من بعض الناس
ضي : لا لا من الضحكه فاهم
نايف : مدري
ضي : الا اقولك وانا اختك مع هالاجواء الزينه الي ماتنفوت ابدا شرايك نفحط
نايف : وش ماسمعت
ضي : بلا استهبال نفحط
نايف : هو فعاليه بس وين وابوي
ضي : الموضوع عليك صرف لنا مخرج
نايف : بشوف خليكم باي لحظه جاهزين وانا اخو ضي ارفض لها طلب
ضي : حي عينك
" عند الرجال "
بعد مااكلوا وخلصوا
همس نايف لعبدالعزيز ومالك : ياعيال بما انه طفش خلونا نفحط ومنه نونس البنات
عبدالعزيز : وش وش ماسمعت
مالك : والله فكرتن زينه بس وين المخرج كيف نصرف الشيبان
عبدالعزيز : اهجد وبعد تبي البنات معنا تبي ابوي يخلينا يفرمنا فرم
نايف : ياعيال والله صادق بدال هالطفش
مالك : عرفت كل واحد معه اخته ونتحدى
عبدالعزيز : ليتكم نايمين وبعدين كيف كل واحد معه اخته انا ونايف اختنا وحده
نايف : نسيت غند انت
عبدالعزيز : ماهي باختي هي واذا بتركب اكيد معي ومع ضي
نايف : اقول اهجد ضي معي
عبدالعزيز : تخسى معي وانا اخو ضي
مالك يناظرهم مبتسم وهو وده يقول معي
نايف : صفقه من صفقه اذا اختارت من معنا
عبدالعزيز : تم ياويلك اذا معي بتجيك صفقه اكيد بتختارني انت بتقلبهم
نايف : الثقه الي الله يحرمنا منها
عبدالعزيز : ليت عندك نص من ثقتي اقول رح نادهم يلا
عبدالعزيز : يبه بنروح نتمشى انا والعيال شوي
ابو محمد : وين تروحون هذا العلوم الزينه اجلس بهالمجلس
مالك : ياعم الجو يفتح النفس وترا ماحنا مبعدين ربع ساعه وجايين
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
