"تِمنيت الخير وجيتني من الله "

Part 2

عدت شهور وضي صارت ماتروح المدينه واذا بتروح بالغصب مره بالسنه
عشان ساره بس
وكانت تتعذر باحصنتها وجدها بهالفتره تعب تعب شديد وهي الي تهتم فيه
وتجلس عنده اذا اهلها راحوا المدينه وجدها استغرب
الجد : ضي شفيك يابنتي ماتروحين المدينه وتنبسطين ( هو ملاحظ انه فيها شي مو بس عشانه )
ضي : ياجد كيف تبيني اروح وانت مو معنا المدينه بعدك اظلمت
الجد : يابنتي انا خلاص جاء يومي والمرض اشتد علي
ضي : استغفرالله لاتقول كذا ياجد بعيد الشر ان شاءالله وانا من زمان مااطيق المدينه بس عشانك اروح
طلعت من الغرفه وتفكيرها مشتت وصارت حتى يوم تروح المدينه مره بالسنه ماتشوف مالك واستغربت وين اختفى
" بيت ابو مالك "
من بعد السالفه ومالك اذا جو اهل ضي مايروح من البيت الا اذا كانت ضي مو معهم واستغرب ليش ماتجي هل عشانه قام وطلع من غرفته وتوجه لغرفة ساره فتح الباب
مالك بتردد : بسألك
ساره : وش بتسأل ان شاءالله انه سؤال زين
مالك : عن ضي اخت محمد تعرفينها انتي صديقتها
ساره : اي وش فيها
مالك : لا بس بسأل ليش ماتجي مع اهلها
ساره : بغمزه وابتسامه خفيه ليه وش عندك تسأل عاشق
مالك : اقسم بالله ياساره اتركي ذي الحركات عنك والا اصفقك
ساره وهي تضحك  : طيب طيب لا تعصب بس هي جدها تعبان وهي الي تهتم فيه فصارت ماتجي ياعمري حزنت عليها هي تحب جدها مره
طلع مالك وهو حزين مره عليها وعلى حبه لها الي يحسب انها ماتجي لانها تتخبى منه ومن هنا قرر انه يتغير ويتجاهل حبه لها
_____________

وش الحب لو ما كان لأرواحنا ميلاف؟
وش الخِل لو ما تسكن النفس قدّامه؟
___________

" عند ضي بالديره "
جلست وهي تتصل على ساره : هلا والله سوير كيف حالك
ساره : هلا بضي العيون بخير الحمدلله وانتي طمنيني عنك وعن جدك عسى تحسن حاله
ضي : الحمدلله بخير كلنا وجدي خف شوي بس لازلت خايفه عليه جالس يهلك نفسه ويحاول انه مايبين لي انه فيه شي
ساره : ماعليه ياحبيبتي تفائلي بالخير تجدينه وان شاءالله يقوم بالسلامه وانتي بعد لاتهلكين نفسك بالتفكير
ضي : ان شاءالله والله انك تنحطين على الجرح وتداوينه ياحبني لك
ساره : خلينا من هالكلام الحلو لا تذوبيني يابنت تخيلي اليوم اخوي مالك سألني عنك
ضي بتوتر : وش سؤاله
ساره بضحك : يقول انك وينك مختفيه ماتجين المدينه مع اهلك
ضي : اي وانتي وش قلتي له
ساره بضحك : قلت انها تحبك وهي مستحيه منك ( هي ماقالت لها ضي عن الي صار بينها وبين مالك )
ضي بصدمه : ايششش تمزحين انتي مجنونه غلطانه قلت لك ياحبني لك
ساره وهي فاطسه ضحك : والله يابنت وش فيك امزح امزح لا تعصبين هدي هدي
ضي : الله يسامحك طيرتي عقلي
ساره : اسفه اسفه خلاص مااعيدها بس قلت له انك عند جدك وهو تعبان
ضي وهي تحاول تغير الموضوع لانه يجيب لها الصداع يوم احد يجيب طاري مالك : هين تحسبيني بنسى والله اردها لك والايام بينا
ساره وهي تضحك : عاد والله اخوي ينحب هذا حليله وانتي شفيك انخرشتي
وعاد انتي انتقامك يوه غير بس من الحين بدعي انك تنسين
ضي وهي تتجاهل يوم كلام ساره قالت شفيك انخرشتي : اقول بس ادعي كل ليله انتقامي مايجي عادي ابدا
ساره : ابشري بس ياخي لاتتغلين علينا وتعالي لو مره بالشهر ياخي مااشوفك الا مره بالسنه ياحيوانه اشتقت لك
ضي : لا خليني احسن كذا اتغلى عليكم يكثر الشوق
وهنا دخل مالك على ساره بالغرفه وسمع ضي هنا
مالك : ساره امي تناديك لها ساعه ماتسمعين
ساره : تمام اجي ياضي العين بروح لامي يلا تبغين شي
ضي : سلامتك
قفلت ضي المكالمه وهي تقول من زينه ينحب هالدباء مدري وش شايف نفسه عليه
________
تمنيت العمر وياك لكن للظروف احكام
وانا ربي حكم اني احبك وانحرم منك
_________

عدت الشهور والسنوات وكلٍ على هالحال جد ضي زاد عليه المرض وضي اهملت دراستها بسبب تعب جدها وصارت ماتقابل احد حتى المدينه مو بالسنه تروح لا صارت ماتروح ابداً وتخرجت من الثانوي وهي حتى فرحة التخرج مافرحت فيها
" عند مالك "
تخرج من الثانوي واجتهد وتغير ماكأنه مالك ابداً شكله وشخصيته صار عصبي اكثر من اول وهو معروف بالعناد بس زاد عناده ونحف ودخل العسكريه