"تِمنيت الخير وجيتني من الله "

Part 13

___________
' لك بالحشا روضة غرام و قصـايـد
‏ولك في عيوني حب ماله نهايه '
___________
‏.
.
.
ورجع بس صادف مالك ونكد عليه لحظته الحلوه وحاول مايخليه يطلع وكان يراقب مالك بس يوم شافه رايح من جههه مو جهة الاسطبل هنا استانس بس مايدري انه مالك غير رأيه بعدها راح من الجهه الاخرى للاسطبل عشان ضي ماتنتبه وقرب وضي نزلت من الخيل بتهرب عشان ماعليها غطى ولابسه بجامه بعد مسك يدها وشد عليها
فيصل : ضي لازم اقول لك شي
ضي : وش تقول فكني ماعلي غطى جالس تشد علي
فيصل : ضي انا احبك وابيك خلينا نستمتع بالحب
ضي : حبتك القراده ان شاءالله وانا اشهد وش نستمتع بعد فكني
فيصل وهو يشدها بيضمها ويبوسها : انا ابيك انتي مره حلوه
ركض مالك يوم حس انه يشد على ضي ومو عارف من هذا بس مستحيل اخوانها كذا : من انت وش تسوي فكها قرب وهو يشوف الملامح : فيصل !
فيصل : وش دخلك فينا انا وبنت عمي نحب بعض
مالك قام ومسك يده ولواها : ماتستحي انت عورت يد البنت وهذي ماهي حلالك
فيصل : قلت لك وش دخلك فينا نتسمتع انت غريب عليها وانا ولد عمها
مالك : والله لااذبحك لو ماقلبت وجهك وانتي ياضي ارجعي
ضي هربت وهي تستغفر ولا ١٪؜بالميه توقعت كل هذا يصير وخايفه احد شافهم وفهموها غلط وخايفه صدق مالك يذبح فيصل
مالك فك ايد فيصل : ثاني مره لو صار ياوصخ بفضحك فاهم والا منت فاهم
فيصل وهو يضحك : ماراح يصير لانها رح تصير حلالي
مالك مسك نفسه عشان ضي وعشان اهلها والا يخلي وجهه كله كدمات اذن الفجر بصوت ابو محمد وراح للاستراحه ولقى العيال صاحين
عبدالعزيز : وينك مالقيتك بالغرفه وانت يافيصل
فيصل وعيونه بعيون مالك خايف يفضحه تكلم قبله : اءء كنت امشي برا استنشق هواء نظيف
مالك وهو يعاينه بنظرات حاده : اي كنت برا وصادفت فيصل يسوي شاهي وطلعت ولقيته طالع وراي وانا ماطرا علي نوم
محمد : ياعيال قوموا صلوا
صلوا وجلسوا بالحوش والكل يسولف
" عند استراحة الحريم "
وصلت ولقت امها وام مالك وحصه وام غند كلهم صاحين يصلون
ام محمد : وينك يابنت جايه من الحوش صلاه
ضي : اي يايمه صحيت قبل ساعه بس اني حلمت بحلم يخوف ورحت اخذ هواء حسيت اني انكتمت
ام محمد : بسم الله عليك هيا قومي صلي واذكري الله
العمه حصه : يابنتي تعوذي من الشيطان
ام مالك : صحي البنات ياضي الله يرضى عليك يقومون يصلون
ضي : هذي هي صحت الهنوف وموضي بروح اصحي غند وساره
وصلت الغرفه غند سوير قوموا بنصلي اذنوا الفجر
ساره : قمت قمت
ضي : غند قومي وبعد لا تفوتك الفعاليه بعد الفطور عبدالعزيز بيسوي مسابقة الخيول والي يفوز له ١٠٠٠
غند بسرعه قامت يوم سمعت صوت عبدالعزيز وهي منخرشه تحسبه جاي : بسم الله قمت قمت وش تقولين انتي
ضي : الحمدلله يوم سمعتي الفلوس صحيتي
غند : اي اي
صلوا وافطروا وجاء وقت المسابقه ذي يسووونها كل عيد
وكانوا البنات برا بالمزرعه وكل وحده معها خيل وطبعاً لابسين نقابات عشان العيال بس فوقه قبعة حمايه كلهم لابسين الا ضي وغند تناظر عبدالعزيز منخرشه للان الموقف يتكرر بذاكرتها
كانوا على اليسار ضي وغند وساره والهنوف وموضي رفضت وعلى اليمين مالك ونايف وفيصل ومحمد
محمد : ياهنوفي الله يصلحك قلت لك لاتركبين خايف تطيحين
نايف : ياعصفور الحب انا اشوفك راكب اثاريه عشانها مو عشان المسابقه
محمد : طبعا ماني بمثلك اطمع بالفلوس
نايف وهو يضحك : فيه شي ازين من الفلوس
مالك وهو يناظر ضي ويقول بداخله : اي والله فيه شي احلى من الفلوس واحلى من اي شعور حلو قربك وحضنك ومبسمك
ضي : طبعا الخيل
نايف : خلي الخيل المفروض تقولين اخوي
ضي : ولا تزعل اخوي نايف
عبدالعزيز : بسوي لك سكب مابتسابقين
غند بتردد : لا لا لازم ضي هي اساس المسابقه
ساره ونايف بنفس الجمله مع بعض : هذي بتفوز علينا ليتك ساكته
تنحتحت ضي وتداركت الموقف : افا ماانت باحسن اخو وانا كنت بسوي نفسي منصابه عشان تفوز
نايف وهو يمثل اللهجه الكويتيه : يبا نتغشمر
عبدالعزيز : خلصتوا سوالف هيا مستعدين
مالك وهو يناظر فيصل بحده : مستعدين ابدأ
عبدالعزيز : المزرعه كلها تلفونها وترجعون هنا
الكل : تم
عبدالعزيز : انطلقوا
انطلقوا ومحمد والهنوف مالحقوهم غيروا طريقهم عصافير الحب على قولة نايف يسولفون مع بعض وعشان محمد ماشاف الهنوف امس
الهنوف : ماعليك مابطيح لو خليتنا تكمل
محمد : ياعيون محمد انا خايف عليك واصلا من امس ماشفت هالجمال خلينا نمشي بعيد عنهم ونسولف
وقفوا بعيد عن اهلهم والاستراحه ونزلوا من الخيل : يااجمل اعيادي
محمد وهو يضمها : انتي العيد كله يوم كامل كانه سنه
الهنوف وهي تضحك : عاد لازم تتحمل يوم
محمد : مقدر مقدر يابنت الحلال
جلسوا يسولفون وعند المتسابقين غند الي ماقدرت تكمل من تعبها وخايفه تقابل عبدالعزيز ثاني مره توترت وقررت ماتكمل ابدا وترجع للاسطبل بدون ماينتبه عبدالعزيز
ضي كانت قدام فيصل ومالك وساره ونايف وراهم
قام مالك ولف الخيل لـ فيصل وطيحه
فيصل : وش تسوي انت
مالك وهو يبتسم : بالغلط انفلت مني لايكون بس عورتك
كمل وترك فيصل
وعند ساره ونايف ساره كانت مستحيه بجنبها خيل نايف ومن توترها ماانتبهت وكان قدامها حجر والخيل طيحها
نايف كان منزل راسه بس رفع راسه يوم شاف ساره طاحت ونزل : فيك شي تعورتي
ساره وهيي تتألم ودموعها بتنزل : لا لا كمل
نايف : خليني ادلك على الطريق
ساره : لا ماعليك اعرف كمل
كمل نايف وساره قامت وهي تتألم من ركبتها الي طاحت عليها ودموعها تنزل وبالقوه ركبت الخيل ورجعت
عند ضي ومالك كان جنبها ويتسابقون وهو يمشي خفيف وهي مسرعه تبي تفتك منه
مالك : تتحدين
ضي : مالقيت الا معي
مالك : اذا انتي قدها
قاطعته : قدها وقدود
تسابقوا ولفت وشافت نايف من بعيد وهي اصلا ماتبي تفوز ومالك بعد مايبي يفوز تحداها لانه عارف انها بتفوز قامت ورفعت الخيل وسوت نفسها ماقدرت تتحكم بالخيل وطاحت على ظهرها كان بينزل بس شاف نايف
نايف : ضي وش فيك
ضي : مافيني شي كملوا كملوا
مابيد مالك الا انه يكمل بس مشى بخفيف عشان نايف يفوز
اخخخ منك ياضي كله من ذا الي مسوي نفسه محور الكون ياويلي ياظهري
وقامت وركبت الخيل ورجعت
وفاز نايف والكل وصل
عبدالعزيز وهو يضحك : عجايب الدنيا ضي مستحيل مستحيل مافزتي
نايف : عشان ثاني مره تعرفون اني قدها وقدود
ضي : الله وكيلك طحت
عبدالعزيز : ولا بعد طحتي هذي مستحيله
ساره : كلنا طحنا
غند الي تو توصل : من الي فاز
عبدالعزيز : ان تصل متاخرا خيرا من ان لاتصل
نايف وهو يضحك : من بيفوز علي
غند الي ودها الارض تنشق وتبلعها : ضي اكيد
ضي : لا هالمره سمحت لهم عجزت شكلي بدري
بعدها راحوا البنات للاستراحه والرجال بعد
ام مالك : عاد نستأذنكم بعد نص ساعه بنمشي لرياض
ام محمد : وليه عسى ماشر
ام مالك : الشر مايجيك بس بروح لاخواني واهلي اعيد عليهم امس ماقدرت اروح
العمه حصه : يوه عاد حنا مانقدر لازم من اول عيد
ام غند : توصلون بالسلامه ان شاءالله
ام محمد : تروحون وترجعون بالسلامه
ام مالك : الله يسلمكم من كل شر
ضي : تمزحين بتروحون صدق
ساره : اي والله صدق عاد خوالي ناس راقين وعندهم العزايم مُمله مره والبنات بس يسولفون عن الماركات والبراندات وانا صرت زيهم بس انتوا غيرتونا وصرنا مثلكم واصلا حتى مالك لما يروح هناك يطفش وكل شوي طالع لنفوذ الرياض وعيالي خوالي هكرهم صاروا زيه وهو صار مثل عبدالعزيز
ضي : عاد قبيلتكم لهجتها زينا بدويه
غند : كل عائله تختلف لو كانوا قبايلهم تعكس ذلك احنا لما نرجع جده بنات خالاتي لما اتكلم لهجتكم مايفهموني ويضحكون لما يقلدوني
الهنوف : عاد انا احس الوحيده الي اتكلم بدوي وعائلتنا تميل للبداوه
" عند الرجال "
مالك وهو ينادي ابوه برا بالحوش
مالك : يبه الله يوفقك خلني اجلس ماباقي الا كم يوم وتنتهي اجازتي روحوا الرياض
ابو مالك : اعقب الي مثلك يسوق بدال ابوه
مالك : ابشر من عيوني اسوق فيك لو تبي لاوربا بس تكفى الا الرياض
ابو مالك : يعني بتقطع صلة الرحم هذيلو هوالك ماهقيتها منك
مالك : ونعم بخوالي يايبه بس اجازتي بتخلص وودي هنا
ابو مالك : وش تبغى هنا عبدالعزيز معك بالرياض والشهر الجاي عندك اجازه واهل ابو محمد معيد عليهم يكفي امس لاتعاند وامش قدامي وش يقولون الناس عنا مايسلم على خواله وعمانه تمرجل
مالك وهو بقمة الحزن : على هالخشم والراس ابشر
ابو محمد : متى بتمشون ياابو مالك
ابو مالك : ماشين الحين ان شاء الله
ابو غند : لو طولتوا شوي
ابو محمد : ودنا بس لازم صلة الرحم هيا تبغون شي
الكل : سلامتك
مشوا والبنات ودعوا ساره وام مالك وعبدالعزيز والعيال ودعوا ابو مالك ومالك ومشوا وابو محمد وابو غند والعمه حصه جلسوا اسبوع كامل وابو مالك اسبوع بالرياض وضي حست بطفش بعد ساره وتتجاهل مشاعرها تجاه مالك وانها فقدته
" بعد اسبوع "
____________
متى  على الله تجيني يا غرامي و أجيك
‏الشوق ما له عن القلب المعنّى عزل