بعد ٤ سنوات
"بيت الجد صالح بالديره "
صحت ضي بعد انهارت امس وهي راجعه من المستشفى بالغصب وشافة حالة جدها الي يادوبه يتكلم
" بالامس بالمستشفى "
دخلت العنايه المركزه وهي تشوف جدها الي اكله التعب ومايقدر يتكلم وهي منهاره بكي
الجد وهو يحاول يتكلم : افا ياضي العيون مايبكينا مرض يخسي المرض خليك قويه وانا ابوك وانا شهيد باذن الله
ضي : لعيونك تبكي دوله وماحنا متعودين عليك كذا متعوده على ابوي الشهم الي يهجد قبيله
الجد : وانتي خليك مثل جدك عزيزة نفس وتهجدين قبيله
ضي : اخسي ياجد مابعدك احد
الجد : بعدي بنت قويه وماترضى بالغلط وتوفي بالحق وبما انك توفين الحق بوصيك لاجاء يومي واخذ الله سبحانه وتعالى روحي خليك قويه ولا تنزل دمعه منك خليك احسن مني انتي بنتي الي مافيه مثلها
ضي وعيونها مليانه دموع : لا تقول كذا ياجد الله يطول بعمرك ويحفظك لنا وانا مااقوى الا معك
الجد : اوعديني ياضي
ضي : بس ياجد
الجد وهو يقاطعها : انا قلت اوعديني وانتي ماتخذلين
ضي وهي تحب راسه : اوعدك عسى ربي يطول عمرك
قاطعهم نايف الي دخل وسمع كل الحكي الي دار بينهم
نايف والدموع بمحاجره: ضي انتهى الوقت خلاص
ضي : ياخي حتى الانسان يحرمونه من شوفة غاليه
الجد : ياضي العيون الله مايحرم احد من شوفة غاليه والمقابله بالجنه ان شاءالله
ضي وهي تفهم جدها زين وحاسه انه يودعها وهي منهار بكي : الله يطول بعمرك وتبقى معي بالدنيا والاخره
الجد وهو يناظر نايف والجد نقطة ضعفه ضي ووده يبكي بس روحه الي تبكي من التعب الي فيه حتى الدمعه ماتنزل جالس يأشر لنايف ياخذها برا
هز راسه نايف بزين : يلا ياضي العيون باذن الله جدي بيطلع بصحه وسلامه هيا انتهى الوقت خلاص
ضي : طيب بس تكفى خلني ابوس راسه
نايف : طيب
ضي وهي تبوس راسه وتحاول تتجاهل تفكيرها الي يوهمها انه اخر لقاء : استودعتك الله وان شاءالله تطلع لنا بالسلامه
الجد : استودعتك الله
ضي وهي تشوف البيت هادي عكس دايم يجي يزعجها نايف ويطق الباب لين مايصحيها وريحة البخور الي تصحى عليها وصوت القرآن الي تشغله امها الصباح وهي تسوي الفطور طلعت من الغرفه ولمحت امها صاده وجها بالصاله ومغطيه وجها بالطرحه
العامله ميري : ماما ضي صحت من النوم
ام محمد بصوت مبحوح : لا تجي الصاله قولي لها الفطور بالمطبخ
ميري : تمام
ضي : ميري ماما وين
ميري : ماما يقول لا يجي الصاله ضي والفطور بالمطبخ
ضي : وليه فيه احد غير امي ؟
ميري : لا
استغربت ضي ومشت لصاله
ضي : صباح الخير ياجنة الدنيا
ام محمد بصوت مبحوح : صباح النور ياضي العيون
ضي وهي توقف قدام امها وشكت فيه شي : يمه فيه شي
ام محمد وهي حاطه الطرحه على وجها ويدينها فوقها : لا يبنتي بس راسي مصدع
ضي : يمه متأكده مافيه شي !
دخل نايف وهو مايدري ان ضي بالصاله وعيونه من كثر البكي مايله للاحمرار : يمه ابوي راح المستشفى وانا باخذ السياره الثانيه واروح
ضي : ليييه فيه شي ابوي وش فيه
نايف : ضي متى صحيتي
ضي : خلني متى صحيت وش فيكم اليوم قولوا لي وش فيه ابوي بالمستشفى
نايف : لا لا مافيه شي
ضي : مابي بزر ينلعب علي وبعدين وش فيه وجهك احمر
نايف : اءءء لا وجهي حساسيه بس
ضي وهي تلف على امها بعصبيه : يمه لا تكذبون علي والله فيه شي تكفين قولي
ام محمد : ان لله وان اليه راجعون
ضي وهي معصبه وماهي قادره تسيطر على توترها وضربات قلبها الي تزيد : وش فيه من الي مات
نايف : ضي اسمعيني واهدي واذكري الله يمه ماني قادر اقول قولي لها
ضي : وششش تقول ليييي
ام محمد : يابنتي جدك عطاك عمره ادعي له بالرحمه
ضي وهي ترتجف وزادت رجفتها وضربات قلبها ومن الصدمه تمتم: يمه الي تقولين صحيح ؟
دخل ابو محمد عليهم
ايه الي تقوله صحيح وهذي هي الحياه وتقبلي الموضوع باي طريقه جدك راح لارحم الراحمين وهو من زمان حاس بموته وادعي له بالرحمه
ضي قبل تتكلم طاحت عليهم
نايف : يبه يبه ضيييي
ام محمد : الحق شغل السياره بجيب عباتها والبس عباتي
ابو محمد : انتي خليك ياام محمد بالبيت وانا بروح معها واصلا مناك بنصلي على ابوي خليك هنا الناس بتجي تعزي انا بروح معها انا ونايف
ام محمد : طيب بس تكفى انتبه عليها وهي معها ضعف بالقلب
ابو محمد : ان شاءالله دقيقتين بتبكي وبتتقبل الموضوع بس هذيلو هم البنات يحبون الدلع بزياده
ام محمد : لاحول ولاقوة الا بالله
ياخِيل في طبعك شُموخ ومعزه وانا مثل طبعك ونفسي عزيزه 🐎✨
" في بيت ابو مالك "
بعد ماوصل لهم الخبر
ساره منهاره لانه الجد مره طيب وسمعته سابقته وخيره واجد : ياربي ياحبيبي ارحمه واغفر له والطف بحال ضي
دخل مالك الي توه جاي من دوامه بالرياض وحاب يفاجئ ساره بجيته : هلا بسوير القلب
ساره وهي تلف عليه وعيونها دموع : هلا بك متى جيت
مالك : قبل شوي وعلى طول رحت لك حتى امي وابوي مو موجودين بالبيت وبعدين خلينا من كل ذا ليش تبكين
ساره : جد ضي توفى الله يرحمه
مالك : لاحول ولا قوة الا بالله الله يرحمه ويغفر له
ساره : امين وامي وابوي راحوا للمستشفى امي ارتفعت حرارتها شوي ورفضوا اروح معهم وبجيتك خابره قالوا إنك بتجي
مالك : لا يكون فيها شي
ساره : لا الحمدلله تو اتصلت عليهم مافيه شي خفت الحراره
مالك وهو يناظر الشباك : زين الحمدلله اصلا هذا هم جو بنزل
ساره : زين ببدل وانزل بعد
مالك : وهو يفكر بضي كيف حالتها وهو يعرف حبها لجدها وغلاتها عنده غير عن الباقي وطول هالسنين وهو يحارب نفسه ويتجاهل حبه لها بس ماقدر واخر واول مره شافها لما شافها ضامه الخيل ومن ذاك الوقت للحين مو راضي يتخطى وقرر يتغير ويبعد عنها حتى دوامه بعيد مع انه كان فيه فرصه ينقل للمدينه بس انه رفض نزل وهو يبوس راس امه وابوه
: كيف حالكم وكيف صحة الوالده
ابو مالك وام مالك : الحمدلله تمام
ابو مالك : اليوم توفى ابو ماجد رحمة الله عليه ابيك تنزل معي الديره نعزيهم وقبل لا نعزيهم نصلي معهم بالمسجد هنا بيصلون عليه
مالك : الله يرحمه اي قالت لي سوير يلا مشينا عشان نلحق
ابو مالك : يلا
" عند ضي بالمستشفى "
صحت وهي دايخه وقدامها نايف
ضي والدموع بمحاجرها: نايف
نايف : لبيه ياضي العيون
ضي وسرعان مابكت : الي صار قبل شوي صدق والا اتحلم
نايف : حلم وانا اخوك
ضي : لا تستهبل عليه ليته حلم
نايف وهو يضمها : كلنا نتمنى انه حلم هذي الحياه وانا اخوك
دخل ابو محمد : نايف يلا بنصلي
نايف : وضي ؟
ابو محمد : ماينخاف عليها وتو كلمني ابو مالك بيمرونا السياره بنتركها هنا
ضي وهييي منهاره : يبه تكفى خلني اشوف جدي لاخر مره تكفى
ابو محمد : يابنتي مايصير والرجال كلهم يسمعون صياحك وقدنا غسلناه وكفناه
نايف : يبه خلها
ابو محمد : ياولدي خلاص قدهم غسلوه وكفنوه بناخذه للمسجد مع ابو مالك وبعدين ضي شوف الابر بيدها مايصير تعبانه وضي اتصلت على محمد يجيب الهنوف هنا تجلس عندها ونروح كلنا
ضي : مايهمني التعب اهم شي شوفة جدي
نايف : ياضي العيون مايصير خلاص كفنوه
ضي هزت راسها بزين وهي للحين مو مستوعبه
اتصل ابو مالك يقول انه دخل مالك يدورهم وهو عند المواقف
هز راسه ماجد بزين
ابو محمد : يانايف ضي بتجيها الهنوف ويلا هيا الصلاه باقي عليها ساعه وابو مالك ومالك ينتظرون ومالك تراه هنا داخل بالمستشفى وابو مالك عند السياره
نايف : ساعه يايبه كثيره وانا مقدر اخلي اختي لحالها
ضي : خذوني معكم عادي
ابو محمد : كيف ناخذك عند الرجال واحنا معنا ابو مالك وولده
نايف : يبه خلاص انا الحقكم وانت مع ابو مالك ومالك وانا والله مااترك اختي لحالها رفع جواله وهو يتصل على مالك
نايف : مالك
مالك : هلا احسن الله عزاك والله يرحم ميتكم
نايف : جزاك الله خير امين ابوي بيروح معكم عشان لاتتأخرون وانا بستنى هنا عشان اختي واروح بالسياره
مالك : اقول رجلي على رجلك مااروح الا وانا معك اجل استناك وابوك يروح مع ابوي
نايف : زين اجل بقول لابوي
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
