_________
جابك الله ..
تمطر الدنيا وتزهاها رحابه
يوم اظلك من طرف قلبي وقلبي راس مالي
___________
صعدت ضي فوق للبنات
ضي : خذي جوالك بنات ترا بنزل تحت
البنات : ليه سلامات تو استانسنا
ضي : مدري احس فيني نوم وخمول بروح ارتاح
ساره : يوه الجلسه بدونك شينه تو ماكان فيك شي
عند : ايش بك عسى مافيك شي لايكون فيك حراره
ضي : لا الحمدلله مافيني الا العافيه بس احس بصداع فقلت افضل انزل ارتاح
الهنوف : اي والله واصلا الجو شوي بارد بسم الله عليك
نزلت ضي وراسها بينفجر من التفكير وهي اذا الشي مب عاجبها وتفكر ماتحب تجلس عند الناس
عند ضي بالغرفه بصوت قوي ودها تصرخ : يعع يقهر يقهر كيف كذا متحكم يحسب نفسه وش لو اموت مااحبه
مالك طالع من المجلس وهو يضحك بيروح حمام ( اعزكم الله ) الي يكون بالحوش قريب من المجلس وسمعها لان قريب من غرفة البنات الي نايمين فيها : نشوف ياحفيدة صالح
_______
في الصباح ثاني ايام العيد المبارك
عند البنات بالمطبخ
موضي : يوه ياضي خذي الكبده عاد مشتاقين لكبدتك سويها لنا
الهنوف : صدق تعودنا كل عيد عاد مستحيل نمل منها
غند : اخ تذكرت جدي الله يرحمه كان يموت عليها ومستحيل ياكل كبده غير حقت ضي
ضي وهي فيها الغصه ودها تبكي ماسكه الكاسه ومن كثر ماانها شاده عليها بتنكسر الكاسه ( طريقتها عشان ماتبكي ولا تبين ضعفها لغيرها ) : الله يرحمه يامال جنات النعيم فتحتي المواجع
ساره وهي تلطف الجو بعد ماانتبهت ليد ضي : يوه عاد حمستوني مره اذوقها متأكده مادامها من ضي باكل اصابعي من وراها
الهنوف : اي والله انك صدقتي تاكلين اصابعتس من وراها
ضي : بشرط
البنات : ايش سمي ؟
ضي : تقطعون الكبده
الهنوف : احم صح احب الكبده منك بس ريحتها وبعدين مقدر اجلس تشوفين كرشتي باقي شوي وتغطي دربي عني
موضي وهي تضحك : وانا بعد
ضي : لاوالله وقفت الحين بس عشانكم حوامل الله يعين على هالحوامل حوامل رفلات
غند : تكفين فكينا من ريحتها بليز
ضي : مانلومك ياغنوجه تسنعي تسنعي انتي الحين بالديره
ساره : لعيون ضي تكرم مدينه
ضي : حي عينك الخوي مايخلي خويه
الهنوف : عندي فكره افا بس ساره تقطع
البنات : ايش
الهنوف : تعرفون العيال يحبون كبدة ضي خلوهم يقطعونها
ضي : والله على فكرتك ذي لو امي تسمعنا بتصفقنا كلنا وتطبخنا مع الكبده
موضي : عندي الحين اجيب لكم نايف
اتصلت موضي على نايف : اسمع ترا اليوم الفطور يحبه قلبك من يدين ضي
نايف : احلى خبر سمعته اليوم
ساره وهي ماسكه جوالها ترسل لمالك : ترا اليوم الفطور من يدين ضي 😉
موضي : بس بشرط تقطعون لنا الكبده واللحم
نايف : وحريم البيت وينهم
موضي : افا تبي تتعب الحوامل
نايف : بسم الله حددتي الكل انتي ترا بس انتي والهنوف والباقين وين راحوا
موضي : شرطت ضي وكلهم تعذروا الا ساره
نايف : مادامها بس ساره جايك اخذ الكبده والا اعرفها بنت فهد رفله
غند : نشوف الرفل مين
وقفت موضي بالصاله معها الكبده عشان البنات بالمطبخ ومايقدر نايف ياخذ الكبده
ام محمد : الكبده ذي لجل مين
موضي : العيال بيقطعونها
ام محمد : والبنات وين
موضي : ضي الي بتسوي الفطور والبنات بيساعدونها
ام محمد : وليش مايقطعونها
موضي : سمعوا الي بتسوي الفطور ضي والعيال ماعندهم مشكله مادام ضي الي تسوي الفطور
ام غند : يوه الله يرحم ابو ماجد كان يموت على فطور ضي واكلها مالومهم فيه ماشاءالله
ام مالك : حمستوني اذوقه عاد ماشاءالله ضي الزين كله فيها وهذي اول مره بذوق اكلها ان شاءالله انه زين مثلها
ام محمد : اكيد بنتي يهبل مثلها
____________
غلاك عندي فارق عن غلا الناس
لو هم خذو بعضه لك القلب كله
____________
عند العيال
محمد : يالله صباح خير من بداية صباحية العيد نقطع
نايف : هو المفروض هم بس زوجتك معييه
محمد : حلالها تبي ورعي يصير فيه شي
عبدالعزيز : الله اكبر تراه تقطيع بس
محمد : نشوف لااعرست وش بيصير
نايف : مالقيت الا عبدالعزيز يوه شوف يوم تشوف حرمته بالتاسع تطبخ ذبيحه
مالك وهو يضحك : صدقت الله يرزقه زوجه تعكس كل ذا وترا كلها كبده ولحم
عبدالعزيز : اركد بس
محمد : الا ابوي وينه وابو مالك وعمي
نايف : راحوا يعايدون الجماعه
عبدالعزيز : يلا بعد الفطور بعد بنروح نكمل معايده
مالك : ديرتكم ماشاءالله تحس صدق روحانية العيد فيها
نايف : بس لاتمشي فيها بتلقى ورع يلحقك بالطراطيع بكل حي
عبدالعزيز : مايجونك الا انت يانايف
نايف: اي عز الله وتخرب كل كشخة العيد
_______
عند البنات بعد ماانتهت ضي من الفطور
البنات : تسلم يدك
ضي : الله يسلمكم
ام مالك : ماشاءالله تبارك الله حظ من كنتي حلاله وحظ من كنتي ام لاحفاده
ساره بغمزه : اي والله حظ من كنتي زوجه لاخوها
ضي وهي تدق كتف ساره وتهمس بيدها : اوريك اوريك
ام محمد : بنتي ماتاخد الا الي يصونها ويستاهلها
ام عند : الله يرزقها بالزوج الصالح
الكل : امين
_______
عند العيال
نايف : ماشاءالله يامالك ماخليت من الكبده شي كانك مااكلت من سنه
عبدالعزيز : مانلومه الاكل صاروخ
مالك وهو يبتسم : عسى الي سوى الفطور للجنه صدق ماشاءالله لذيذ
الكل : امين
محمد : يلا لااكلتوا تجهزوا بنروح نكمل معايده
الكل : خلصنا الحمدلله
______
عند البنات
موضي : ترا امي قالت تجهزوا جيراننا عندهم حفله
الهنوف : وش حفلته
موضي : تمايم احفادهم
ساره : احس باحراج مااعرف احد احس ببكي
ضي : جماعتنا مابيهم كذا يستقبلون كل الناس كانك منهم
غند: عاد مره احب عزايم الديره تذكرني بطفوله
ساره : هو كيف في بيت او استراحه
ضي : يحليلك بنت المدينه على حسب فيه بالاستراحات وفيه بالبيوت من بيت لبيت يختلف بس هذا بيكون ببيت
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
