______________
اعتبرني ملاذ تحس قربه بامان
واي كلمه تخاف تقولها قولها
اعتبرني شعور فاقده من زمان وجاء يلبي ندا عينك ومرسولها
______________
نزلت ام غند لعبدالعزيزوابو غند
ابو غند : غند وينها مانزلت معك
ام غند : جالسه تتجهز وبتنزل بعد شوي
بعد دقايق ...
ابو غند : البنت طولت والولد ينتظر ياام غند روحي شوفيها
عبدالعزيز : لاتروحين اذا تسمحون اروح لها فوق يمكن مستحيه ومنه تتعود
ابو غند : براحتك وزوجتك وحلالها
طق الباب عبدالعزيز وفتحه كانت غند جالسه ترسم ومعطيه ظهرها الباب
غند : ماما ماني نازله ماابغى يعني لازم البس فستان واتكشخ عشان حضرته ودقيقتين بس بيجلس ويروح
صار صمت واستغربت غند
قفل الباب عبدالعزيز ولفت غند
ابتسم عبدالعزيز : كل هالعصبيه وانك مانبي تنزلين عشان ماتكشخين
غند : مو عشان هذا
عبدالعزيز : كيف مب عشانه توك قايله ياشيخه انزلي الحلو حلو لو لبس خيشه
غند : لو ابي انزل ببجامه عادي بس طاعة الوالدين اولى
عبدالعزيز : صحيح طاعة الوالدين اولى بس فيه وحده تنزل لزوجها ببجامه
غند : توك قايله " زوجها " والحلو حلو لو لبس خيشه
ضحك عبدالعزيز : والله انك غريبه
لفت انتباهه الرسمه الي جالسه ترسمها كانت راسمه شخص بيده بيالة شاهي وجالس يغني ومرتكي وقدامه ابل
قرب وهي توترت واخذ الفرشه من يدها : عطيني الوان
غند استغربت : اي لون تبغى
درجات الرمادي والاسود ولون ذهبي
غند وهي تفكر داخلها : وهي معقوله ذا غار وبيخرب الرسمه
عبدالعزيز : سريع شفيك
غند : طيب
جلست غند بمكانها على كرسي وجابت له كرسي
وهو كمل يرسم
عبدالعزيز : ماودك تسألين وش جالس اسوي
غند : لا
عبدالعزيز : طيب بسألك مين هذا الي يغني
غند : وليش تسأل
عبدالعزيز : ماعرفت الاجابه
غند : اكثر انسان يحب الابل واضح من الصوره
عبدالعزيز : يمكن الي يحب الابل صار يحب شي اكثر من الابل
غند : ايش يحب
عبدالعزيز : نخليها بعدين
غند : الحين صدقت ضي يوم قالت انك مجنون لو تبي شي يجيك
عبدالعزيز : شفتي لو ابيك جبتك بعد
غند : ماتقدر
عبدالعزيز : تتحدين يعني
غند : السالفه ماهي تحدي بس جد ماتقدر
عبدالعزيز : طيب ياست غند شوفي الرسمه خلصت وبعدين نتفاهم بموضوع اني مااقدر
غند انصدمت كيف انه يعرف يرسم وكمل على الرسمه ورسم ليل وقمرا
: طلعت تعرف ترسم
عبدالعزيز : موهبه سابقه لكن سحبت عليها
غند : ليش
عبدالعزيز : تضيع وقت يمكن
غند : بالعكس الي يضيع الوقت الابل
عبدالعزيز : يوه يالابل لو تبي وقتي كله فدا
لف عبدالعزيز عليها لابسه بجامه وردي وسيعه وشعرها رافعته وغمازاتها واضحه حتى وهي تتكلم
هي استحت ونزلت راسها
عبدالعزيز : الحين نرجع لموضوعنا السابق
غند : اي موضوع ؟
عبدالعزيز قرب من أذنها : اي شي ابيه اوصل له وباسها مع خدها
غند جتها ام الركب
بعد عبدالعزيز وهو يضحك : يلا أنا عاد بروح اكمل تجهيزات العرس
غند : اي عرس ؟
عبدالعزيز : اووووههه نسيت اقول لأساس العرس
غند : مافهمتك تكلم بوضوح ؟
عبدالعزيز : عرسك
غند : ايششش ؟ اي عرس وليش بدري
عبدالعزيز : إذا استنينا وقت طويل فهذا مايعجب ابوي وممكن مايعجب راعي البل
غند : مين راعي البل وايش دخله
عبدالعزيز : انتي أدرى !
غند : اففف أنا كيف بتزوج واحد ماافهم عليه ولا على تلميحاته
عبدالعزيز : مع الوقت تفهمين
غند : فهمت الحييين انت تقول انه ابوك ماراح يتحمل نطول اكثر
عبدالعزيز : ايه
غند : ابوك والا راعي البل عفواً اقصد عبدالعزيز الي هو نفسه راعي البل
عبدالعزيز : واووو صفقه اخيرا فهمتي ! حبيبتي مو اي احد اسمعه راعي البل يعني أنا
غند ناظرت وشمقت: كيف مو انت مافيه احد اكثر منك يموت بالبل اتوقع اكثر من نفسه حتى
عبدالعزيز : يمكن يمكن احب البل اكثر من نفسي لكن فيه أشياء احبها اكثر من البل
غند : اقول العرس هذا ماراح يصير الشهر هذا
عبدالعزيز ابتسم : وانتي تتوقعينه الشهر هذا لا الاسبوع الجاي
غند : ايش !! انت اهبل والا ايش
عبدالعزيز : اول شي اسمعها الكلمه مهبول مو اهبل وبعدين العرس راح يصير بعد اسبوع يعني يصير ان شاءالله
غند : يامهبول على قولتك ماراح يصير
عبدالعزيز : واذ راح يصير وش تسوين
غند : راح اهرب
عبدالعزيز ضحك : تهربين ! لاتخليني اسوي العرس بالديره اخليك حتى للبر ماتقدرين تهربين
غند : البر اهون على الاقل اني اهرب لك
عبدالعزيز : العرس راح يصير الاسبوع الجاي إذا ربي كتب والا
غند : والا ايش راح تحط حراس عشان مااهرب !
عبدالعزيز : تعرفيني إذا ابي الشي يصير والا خليت العرس بكره وانتي تعرفين هذا الشي يعجب ابوي التعجيل بالعرس
غند سكتتت : خلصت كلامك
عبدالعزيز : وصلت ؟ والا باقي مافهمتي
غند : ممكن تطلع برا
عبدالعزيز مشى لجهة الباب : سمعاً وطاعه اشوفك بعد اسبوع
غند : اتمنى مااشوف وجهك
عبدالعزيز : نشوف
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
