___________
تاخذني ظروف الحياه السريعه والقاك عقب البطى
مثل ماكنت انا ادري ان ضاقت علي الوسيعه
ماحدٍ موقف لي على ساق غير انت ..
___________
مشوا اهل غند وعبدالعزيز يستنى مالك
" في بيت اهل مالك "
ساره : كم تاخذ هناك
مالك : شهر شهرين على حسب
ساره : يوه بتبطي عن المدينه
مالك : ببطي عن المدينه وضي المدينه
ساره : اخس وانا ماتشتاق لي
مالك ضمها : يوه اصلا انا مالي حياةٍ بدونك
ساره : يلا عقبال تجي ونشوفك احلى عريس
مالك : يارب ادعي ياوخيتي
مشى وطلع مالك بعد ماودع اهله وركبوا السياره
عبدالعزيز : مشينا
مالك : توكلنا على الله
عبدالعزيز : الا انت ماعندك اجازات
مالك : والله مدري بس ليه
عبدالعزيز : بحدد زواجي
مالك : وراك مستعجل
عبدالعزيز : ابوي قده عطاهم المهر
مالك : والبلشه اذا مافيه اجازات
عبدالعزيز : ارفض اي اجازه لو يوم عشان يعطونك انا برجع الاسبوع الجاي عندي اجازه ٣ ايام وبحدد الزواج وبضبط اموري
مالك : يااخوك تحتاج شي ناقصك شي
عبدالعزيز : والله انك ماتقصر بس الحمدلله ماناقصني الا لعبك بالزواج
مالك : عاد اللعب مابطلع بزواجك بشعل الحفل
( بعد اسبوع )
بجده تحديداً ببيت ابو غند
جلست غند بغرفتها تهوجس غرفتها المُطله على الشارع
والا صوت حجر طق الشباك انخرشت غند وركضت تشوف مين الي رمى حجر على الشباك وفتحته وهي تناظر تحت على طرف الشباك
فرح عبدالعزيز وصفر وهي انخرشت
غند: يمه شجابه ذا متى جاء وكيف
عبدالعزيز : تراني بدخل اذا قلت انزلي لاتنخرشين
غند : ولا بعد يبيني انزل
ابو غند وان غند بالصاله وسمعوا صوت ضجيج
ابو غند : هذا وش صوته من يصوت
ام غند : والله مدري روح شوف
ابو غند : اي والله بروح اشوف
فتح الباب ابو غند الا وقدامه عبدالعزيز
ابو غند : عبدالعزيز وش جابك
عبدالعزيز سلم على عمه : هلا والله بعمي جابني الخير
ابو غند : عساه خير ادخل حياك الله
دخلوا للبيت
ابو غند : ياام عبدالعزيز بيدخل
ام غند استغربت وش جاب عبدالعزيز
دخل عبدالعزيز وسلم
ابو غند : يالله تحييه بس غريبه وش جابك
ام غند : وهي تضحك يوه ايامهم الحين مو زينا زمان نشوف بعض بالتخفي الحين لا اي وقت يشوفون بعض
عبدالعزيز ضحك : لا جاين بموضوعٍ اقوى
ابو غند : وش هو عساه خير
عبدالعزيز : خير ان شاءالله جاين احدد معكم العرس
ابو غند : هو وراك مستعجل خله بعد سنه
عبدالعزيز : والله ياعمي ابوي قال روح وشاورهم وتعرف مابعد رأي ابوي راي والمهر وكل شي جاهز بس بنحدده بعد عيد الاضحى
ابو غند : بس انت تعرف البنت وراها جامعه باقي لها سنه
عبدالعزيز : بنتك ماني بمانعها عن الجامعه ولا عن الزواج بالعكس والله على راسي وبعيوني وبكون لها داعم باذن الله
ام غند : بس العيد بعد شهر مايمديني نجهز
عبدالعزيز : القاعه وحجوزات العرس علي وهذا مهركم جاهز عليكم بس تجهزون اغراضها واذا شيٍ ناقص ابشروا بس كلموني ويكون عندكم واي مبلغ تبون
ابو غند : والله ياوليدي انا موافق بس تعرف البنت ماعرفتك زين وانت ونعم فيك بس لازم تعارف
عبدالعزيز : التعارف بعد الزواج والحب وبنتكم غاليه وبحطها بعيوني ان شاءالله بس لو تسمح ياعمي ابي اكلمها
ابو غند : حياك الله ناديها ايام غند
ام غند : تمام بروح اشوفها واناديها
دخلت ام غند غرفتها وهي جالسه على السرير وبيدها اللابتوب وشعرها رافعته فوق وكعكه عشوائيه ولابسه نظارتها وبجامه
ام غند : عبدالعزيز هنا بيشوفك
غند وهي تسوي نفسها ماهي عارفه انه هنا بس ماتوقعت انه يطلب يشوفها : من من هاه عبدالعزيز
ام غند : اي عبدالعزيز
غند : ماابي اشوفه
ام غند : كيف ماتبين تشوفينه هذا رجلك يابنتي
غند : واذا يشوفني بعد الزواج
ام غند : هذا حلالك وزوجك من بعد القران يلا قومي بدلي لبسك وسوي شعرك سريع قبل ابوك يشوفك يقول طالعه للولد بذي الهيئه
غند : وانتي توك قلتي رجلي يعني اطلع له عادي كذا بالنهايه زوجي وبيتعود علي كذا
ام غند : الله يصلحك يابنتي يتعود عليك بعد الزواج الحين بيقول ذي البنت ماهي بمرتبه افهمي
غند : خليه يقول بالنهايه زوجته وخليه يتعود من البدايه
ام غند : بنتي شفيك سريع البسي هذا وهو ثاني لقاء بينكم بعد الملكه وهذي احلى الايام ولازم يشوفك مرتبه يقول حرمتي مرتبه
غند : طيب رح ابدل بس بشرط
ام غند : ايش
غند : مب انا اروح له خليه هو يجي الغرفه
ام غند : ايش ايش يجيك هنا يابنتي صاحيه انتي
غند : لا لا يروح تفكيرك بعيد ياماما بس عشان يعرف اني دلوعتكم من البدايه يشوف غرفتي
ام غند : وابوك كيف حنقول له
غند : قولي ماتقدر تنزل مستحيه
ام غند : بيجيك هو وينزلك بس بقول ومالي شغل
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
