__________
من عرفتك والليالي كلها مختلفه
ماتشابه غير ضحكاتك ووجهك
_________
ضي كشخت ومسويه شعرها ويفي من تحت وفستانها احمر وضيق على الجسم
وساره : فستانها لونه بيبي بينك والفستان لا هو الضيق ولا هو المنفوش وعليه ورود فاتحه وشعرها كيرلي
غند : شعرها ستريت ولونه بنفسجي فاتح من تحت فيه نفشه خفيفه وانيق وخفيف
موضي : لابسه مخور من النوع الملكي ولونه اصفر وعليه ورود وشعرها ستريت
الهنوف : فستانها فضفاض لونه اسود وشعرها ويفي خفيف
____________
عند العيال في مجلس واحد من جماعة الديره
مالك وهو بهوجس بكلام ضي لما قالت لو اموت مااحبه وهو يدري انها تحبه بس تكابر ومشتته مابين تحبه وبنفس الوقت تكرههه
" في يوم من الايام "
كان مالك ضايقه فيه الحال ومن كثر حبه لضي صار يسوي وتعود اذا ضاق يروح للاسطبل حقها الي في المزرعه بس اخر الليل وعامل المزرعه يعرفه ف فتح له البوابه
وقرب من عند خيل ضي الي تحبه وكان هديه من جدها اسمه " رعد "
وكانت فيه ورقه طايحه عند الخيل بالاسطبل ومعفطه اخذها وفتحها وكان مكتوب
( البلاء يهون من انك تحب شخصٍ
كل الدروب بينكم مقفله يالله بجبرٍ
ينسيني كل هذا )
اخذها واحتفظ فيها ويعرف خط ضي زين زمان لما كانت تجي تذاكر عند ساره كانت تنسى دفترها ويشوفه هو
نرجع لواقعنا الحالي ..
عبدالعزيز: ولد ولد مالك
مالك : انكبت القهوه عليه لانه ناداه بنص هواجيسه بسم الله هلا شفيك امر شف القهوه انكبت علي الله لايخرب مسلم
عبدالعزيز : لاحول ولاقوة الا بالله وش فيك اليوم منت على بعضك فيك شي
مالك : وانا اخوك الهواجيس لعبت فينا لعب
عبدالعزيز : عاد بالهواجيس مانلومك خلها على الله
نايف : يعيال جارنا عنده حفل تمايم يلا تجهزوا بنروح اول مانطلع
مالك : اسبقوني بروح اغير ثوبي والحقكم
العيال : طيب
_____
عند البنات
جلسوا يتهاوشون كلهم عند مرايا المغاسل بالبيت
ضي : انقلعوا انا سبقت
غند : اقول بس بعدي انا قبلك
ساره : لا انتي ولا انتي تراها مرايتين يكفون ٤
موضي : احممم وخروا عن الي اكبر منكم بس
ضي : يليل مافيه الا الي برا عند حمام الرجال
الهنوف : ترا مافيه احد العيال كلهم عند الجماعه ومحمد قال بنروح مناك للحفل
ضي : زين اجل خلوني اروح اعدل نفسي
دخل الحوش مالك وهو يشوف الزول الي معطيه ظهره لابسه احمر والطول ولون الشعر وطوله زي ساره بالضبط
ضي وهي مشغوله تكمل على شعرها الويفي وتناظر نفسها بالمرايه ناظرت تحت وهي تشوف مالك ينزل ثوبه تحسبه نايف : والله اني اشوف مستحيل يصمل ثوبك يوم كامل لازم ياينكب عليه شي او يصير شي
مالك الي مايشوف من الثوب جالس ينزله ماستوعب الصوت يمكن هو من الهواجيس والهوس يسمعه صوت ضي وقال : اسمعي خذي الثوب ياسوير واغسليه واكويه
ضي الي تجمدت بمكانها من الصدمه والصوت ومن الخرشه مسكت الفير من قدام وهو حار
نزل ثوبه مالك وناظر الوجه الي يناظره الا هذي ضي !!
ماهي دقيقه الا ويناظر مالك يدها : يدك يدك وش سويتي فيها ! يدك جالسه تحترق واخذ الفير من يدها ومسك يدها وفتح المغسله على يدها الموياء
ضي سحبت يدها وركضت للبيت
البنات من صدمتها مانتبهت ليدها : وش فيك بسم الله منخرشه كذا !
ضي : مدري فيه بسه نقزت
ساره شهقت : يمه ضي وش فيها يدك محروقه
ضي ناظرت يدها الا وهي دم من كثر الحرق الي جاها ودموعها تنزل بدون صوت ماستوعبت الا لما ناظرت يدها : من الخرشه مسكت الفير بالغلط مع الراس حقه
موضي : جيبوا موياء موياء وثلج وشاش وكريم سريع
غند راحت تجيب موياء وساره الاسعافات الاوليه
ساره شكت انه مو من بسه حتى الهنوف لان ضي ماتخاف منهم بس سكتوا ولا حبوا يسألون او يفكرون
ام محمد : بسم الله عليتس الرحمن الرحيم يدتس وش بلاها
الهنوف : الفير احرقها
ام محمد : الله يهديتس ياضي قلت لتس من اول لاتستخدمين الاجهزه ذي موبس تعدم الشعر تعدم كل شي
ام غند : يابنتي هاتي يدك الف لك الشاش
ضي : ماابغى اروح للحفله
ساره وغند : لا تكفين بدونك ماتسوى ولا شي اذا ماراح تروحين ماراح نروح
الهنوف : افا مايصير هالكشخه تروح على الفاضي وتراها كلها حرقة يد ماتسوى انه ماتروحين ومايستاهل الموضوع تعبتي على كشختك
ام محمد : خلوها اذا هي مب رايحه ترتاح
ام غند : اذا توجعك اجلسي
ضي : البنات متحمسات روحوا انتم وانا بجلس
البنات : والله ماتجلسين لحالك
ضي : يابنات روحوا استانسوا انا عاددي لاتشيلون همي !
ساره : اجل انتم روحوا وانا بجلس عندها
غند : ماحتجلسوا لحالكم وين مارحتوا او جلستوا معكم
وافقت ضي لجل خاطر البنات والا هي ماودها بشوفة احد وتعبت نفسياً وجسدياً تبي تجلس مع نفسها لحالها تستوعب كل شي وماتدري تلقاها من حرقة اليد او الشعور الي داخلها تحارب نفسها : اجل بروح
قاموا البنات وضموها : اخيرا
ام محمد : لا يكون يوجعك شي
ضي : لا ابدا
قبل تروح للحفله راحت تلم اغراضها الي عند مغسلة الحمام وكانت لابسه عبايتها
البنات : يلا عجلي عجلي
ضي : الحقكم ترا اعرف الدرب
ام محمد : طيب لاتتأخرين
ضي : ماعليك
خلصت لم الاغراض ورفعت باليت العيون ولقت تحته ورقه فتحتها ومكتوب :
.
.
.
(طمنوني عن خلي وش جراء له ؟ من صدمتٍ احرقت يده
حرقتٍ بيده كنها حرقه بقلبي .. البلاء بلين سببها مني والثاني
ان خلي تعور لو اتأسف منيه لسنين ادري انه شايلن بخاطره علي
قلت اكتب هذي لعل تخفف حرقة قلبي )
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
