هلا تعانقنا ؟ فليس خطيئةً
ان الخطيئه ان اضم سوالك
____________
عند العيال :
ابو محمد : ياابو غند بما ان البنت مالها الا ولد عمها وولدي عبدالعزيز متوظف ورجالٍ طيب وحنا اهلها ومنها وفيها بخطب بنتك لولدي على سنة الله ورسوله
ابو غند ارتبك: والله ونعم وسبعة انعام وعبدالعزيز ولدي ورجال طيب
بس تخبر لازم ناخذ رأي البنت
ابو محمد : مابعد رأي الابو رأي
عبدالعزيز متوتر كيف ابوه زوجه بهالسرعه والعيال يناظرونه ويغمزون
ابو غند : هذاك اول وياماصارت مشاكل للازواج يمكن سبحان الله ماهو نصيب بعض هذا ماهو تقليل بولدك والا بنتي بس سبحان الله كل شي فيه حكمه
ابو محمد : اجل لاتتأخر قبل تمشون علمني واذا موافقين الملكه باكر عبدالعزيز بيروح بكره بالليل وانت ان شاءالله تستنى لبعد بكره مايمديك بكره تسري
نايف : ابوي مافيه تفاهم عطاهم على السريع
مالك وهو يضحك : ماشاءالله بعد بكره العرس والي بعده نشوف ورع عبدالعزيز
عبدالعزيز : لا عاد كل شي الا هذي
مالك : يوه تزوجت وتركتنا عزابيه انا ونايف افا
عبدالعزيز : من قال لكم اجلسوا
نايف : اجل مافيه احسن من طريقة ابوي يزوجنا على السريع
مالك وهو يضحك : خلاص صرت عريس وتكبرت علينا يوههه
عبدالعزيز وهو يطقطق معهم : من الحين عزابي مااكلمه
نايف : قلنا تكبر بس ماهو هالكبر
مالك : خله خله يستانس
_________
عند البنات جالسين يسولفون
ابو غند من برا الخيمه : ياام غند ياام غند
ام غند طلعت له : سم وش تبغى
ابو غند : خلي غند تجي ابيها
ام غند : وش السالفه الله يجعله خير
ام غند نادت غند : هلا بابا
ابو غند : يابنتي اميرتي الي تمنيت بيوم الايام اشوفها عروس ولد عمك عبدالعزيز خطبك والي خطبك مني ابوه له وانتي وحيدتي ولازم اأمنك على الشخص الصح والي يستاهلك ومافيه احسن من عبدالعزيز سند لك بعد الله ثم انا هل انتي موافقه
غند والتوتر اكلها اكل : الي تشوف انت وماما
ام غند : بس ياابو غند البنت صغيره
ابو غند : ماهي صغيره بهالسن ياماتزوجوا ناس وهم اصغار منها باضعاف
وولد عمها سند لها ومحد بيخاف عليها كثرنا الا هو
ام غند : الله يكتب فيه الخير
ابو غند : الف مبروك يابنتي ربي يتممم لك على خير ويسعدك
بس ترا الملكه بكره باذن الله عشان بيروح
ام غند : والله سريعه الملكه مره مستعجلين
ابو غند : ماتعرفين الولد وراه دوام واحنا بعد
غند طلعت وهي باقي شوي والارض تنشق وتبلعها
البنات : غند وش فيك
ام محمد : الف الف مبروك يابنتي والله حظ وليدي ببنيه زيك
البنات : وششش انخطبت!
ام مالك : الف مبروك ياام غند وام محمد الله يتمم لهم على خير ويسعدهم
موضي : ابشركم عبدالعزيز خطب غند
ام محمد وام غند : الله يبارك فيك ياام مالك وعقبال عيالك
ضي : كيف متى وش
ساره : الي تسمعين اسمعه
ضي : اي والله الف الف مبروك والله ياحظ اخوي وعقبال الي ببالي ( ساره )
ساره : يوه ياغند بتودعين حياتنا حياة العزوبيه
ضي : يابنت الناس تفرح وانتي تزيدين توترها
___________
عند العيال
ابو غند : ابشركم البنت وافقت
ابو محمد : الحمدلله الله يتمم لهم على خير
ابو مالك : الف مبروك يابو مالك وابو غند وعسى ربي يوفقهم ويسعدهم ومبروك ياعبدالعزيز
عبدالعزيز : الله يبارك فيكم
ابو محمد : الله يبارك فيك وعقبال مالك ووخيته اجل توكلنا على الله وبكره الملكه ان شاء الله
مالك : يوههه الف الف مبروك يااحلى عريس بالحياه مبروك ياعضيدي
نايف : الف مبروك وانا اخوك عسى ربي يتمم لك على خير ومنك المال ومنها العيال وعقبال نشوف عبدالعزيز صغير واصفقه
عبدالعزيز : عشان اصفق وجهك
العيال يضحكون : ياليت محمد معنا
عبدالعزيز : اي والله بس روح الصبح حرمته باقي شهر وتولد
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
