_________
لها وجه تُحاسده المِلاح
تذوب به القُلوب وتستباحُ
اذا جاء المساء يصير بدرا
وشمساً كلما حل الصباحُ
صحى وهو مصدع راسه وقام وصلى العصر وطلع للمطبخ عند امه وساره
: السلام عليكم ورحمة الله وبركاته
ساره وام مالك : وعليكم السلام
مالك : الله الله الله وش هالريحه الطيبه تسلم يدينكم
الكل : الله يسلمك
ساره : مالك صدق بتمشي اليوم
مالك : اي بسري مع الليل بعد التراويح ان شاءالله
ام مالك : ياولدي ليه ماتخليه الصبح احسن من خطوط الليل
مالك : مافيه ازين من خطوط الليل وانتي تعرفين عندي دوام بعد صلاة الفجر
ساره : ومتى بتجي
مالك : ان شاءالله على ليلة العيد
ساره وهي تبتسم: يوه بيفوتك اشياء ( تقصد ضي )
مالك : وش بيفوتني
ردت ام مالك : مابيفوته شي كل العباد يصومون
ناظر مالك ساره وحس انها تعرف شي عن علاقته بضي من لما ابتسمت : اجل بمشي اساعد محمد وعبدالعزيز ونايف
ام مالك : زين ماتسوي ياولدي واصلا هذا حنا خلصنا ومابقى شي على المغرب بنروح لبيت ابو عساف
ساره : اجل بطلع فوق البس عباتي
" في بيت ابو محمد "
خلصوا ضي وموضي الحلويات الي مسوين لجل ياخذونها لبيت محمد
ضي : يمه يلا مشينا
دخل نايف : احلى وش هالخوات السنعات اكيد الحلا مسويته موضي كله وضي اشك انها بس غلفت وزينت
ضي : اي اي خل بس تروح موضي بتقعد محد بيضبطك
نايف وهو يمثل الحزن : اسف اسف امزح والله انتي الحلا كله
ضي : اي العب علي بهالكلمتين
نايف : تذكرين ( قصده يوم قالت اخوي الحلو ) وهي صدق من قلبها بس اسلوب ضي كانه يخليه مزح
ضي : كنت صادقه بس الحين بسحب كلامي مانت اخوي الحلو
نايف : خلاص ياضي العيون يابنت جدي السنعه ( لان فعلاً هي كانها بنت جده مو بنت ابوه
ضي : قول عمتي واسامحك
نايف وهو يضحك : لعيون ضي تكرم مدينه قصدي لعيون عمتي ضي
ضي : حلو تسمع الكلام ياحظ زوجتك خفيف تسحبك بالكلام
نايف : وانا اقول ياحظ ازواجكم بالاكل اللذيذ
ام محمد : يلا مشينا تأخرنا
نايف : وين يمه تأخرنا الساعه ٤ ونص
ام محمد : اقول ياولدي الله يصلحك لازم نساعد
موضي : وهي صادقه امي امشوا
برا عند عبدالعزيز ومالك بالحاره
عبدالعزيز : صادق انت بتروح اليوم
مالك : اي
عبدالعزيز : عندي لك بشاره
مالك : الله يجعله خير عطنا
عبدالعزيز : نقلوني الرياض عندك
مالك : تمزح اسألك بالله
عبدالعزيز : والله ولا بعد الليله بمشي
مالك : الحمدلله يافرحتي
عبدالعزيز : جعله دوم وعقبال نقلنا للمدينه
مالك : امين يارب يلا خلنا نروح المسجد اذنوا
عبدالعزيز: اي خلنا نلحق
" عند الحريم "
بعد ماانتهوا من الفطور جلسوا يسولفون وعلى الطاوله الحلا والقهوه
ضي : يمه ابشرك عبدالعزيز نقل لرياض
ام محمد : الحمدلله يارب زين وبعد عند مالك
ام مالك : اي والله يجون ويروحون مع بعض
موضي : وبيمشي بعد اليوم
ام محمد : استودعته الله
ام مالك : مع مالك يعني
هزت راسها ساره ب ايه
ام مالك : ماقلتي لي ياام محمد نايف وش يشتغل
ام محمد : هذي ثاني سنه بالجامعه بتخصص طب بيطري
ضي وهي تضحك : مايحتاج يمه يختبر بالكليه خليه يختبر على غنم ابوي تكفي
موضي وهي تضحك : مايحتاج خليه يجرب عليك
ام مالك : ماشاءالله ربي يوفقه
ضي مانتبهت ل موضي وكلامها عيونها على سارع الي وجهها احمر ساره مايحمر الا ياانها تكذب وتخبي شي او انها مستحيه : سوير وش عندك قلب وجهك احمر
ساره : هاه وش لا لا بس راسي مصدع
كملوا السوالف والضحك لين صلاة التراويح ام مالك وساره رجعوا بيتهم وموضي رجع زوجها
ام محمد : ضي يلا بنمشي نايف برا
ضي : يمه بساعد الهنوف بغسل المواعين واجي على رجولي ماعليك البيت مو بعيد
سحاب وعساف : تكفين جده خليها بس شوي احنا نوصلها
ضحكت الجده : تمام لاتتأخرين
الهنوف : مايحتاج ياضي
ضي : افا يحتاج ونص غصب عنك بنظف معك وعادي اروح وقت ماابي
" برا بالشارع "
عبدالعزيز : مالك انا بروح اخذ بدلتي من المحل مفصلها وتلحقني بس الحين بروح اودع امي وابوي واخواني
مالك : ياابن الحلال لو خليتنا بسياره وحده ازين
عبدالعزيز : بس يمكن مااجي ليلة العيد
مالك : ييسرها الله توكل على الله وبلحقك استناني عند المحطه الفلانيه
عند ضي بعد ماخرجت من بيت محمد لمحت مالك عند السياره وطنشته ومشت وهو انتبه لها وناظرها لين مااختفت عن الانظار
عند ضي بعد مامشت من الشارع الي يسكن فيه محمد وابو مالك
بينهم شارع صغير شبه خرابه وهنا قابلت شلة شباب ويلاحقونها وهي تمشي سريع لين ماأشر رائد رئيس هذي الشله لثلاثه من اخوياه يوقفون بطريقها قدام وثنين بجنبها يسار وثنين يمين وهو وراها حاوطوا عليها دائره
رائد : ياحلوه ماتبين تستانسين شوي
ضي : ياوصخ ياقليل ادب الي مثل اشكالك المفروض يتوب بهالشهر الفضيل
رائد : كيف تبيني اتوب وانتي ذنب حلو
ضي : انت ماتستحي على وجهك وهي تمد يدها وتعطيه كف
صديق رائد : اقول هذي مايمشي معها الا بالعين الحمراء خلنا نسحبها وندخلها البيت ذا الخرابه وبرمضان الناس مشغوله مااحد بيسمع
عند مالك بعد ماشاف ضي مالها اثر وهو شك انه فيه شي ويعرف ذي الشله دايم يتهاوش معهم لحقها لين ماشاف الشله ذي مسوين دائره وماهو قادر يشوف الشخص هذا
ضي : والله ان لمستوني مايصير لكم خير مايمديها تكمل الا وجاء رجال ولوا يد صديق رائد
مالك : جرب تلمسها ياقليل الادب
رائد : نور البطل فارس الاحلام بعد لايكون ذي حبيبتك وحنا ماندري
مد مالك يدها وطاح فيهم ضرب ورائد وجهه غرقان دم
رائد : عاد تدري حبيبتك مزيونه
ضي وهي تصرخ : مالك انتبه وراك
مسك واحد من الشله حديده وضرب راس مالك ونزف
مالك : ضي روحي البيت وخليني
ضي : والله مااروح مسكت حجر كبير ورمته على الي ضرب مالك
رائد وهو يتمتم بالكلام : حلو بعد تغار الحب حقتك
مالك وهو يشوفهم كلهم بالارض : ضي خلاص روحي هذيلوا اعرف لهم زين
ضي بدون تفكير : انت كويس
مالك بعصبيه : قلت لك روحي
راحت ضي وهي كلها توتر وكيف قالت له انت كويس وهي مابينها وبينه ولا شي وكيف انتبه لها وجاها
أنت تقرأ
"تِمنيت الخير وجيتني من الله "
General Fictionبسم الله الرحمن الرحيم ✨ الكاتبه : نهلاء آل صالح 🐎🤍 صلوا على النبي قبل تبدأ بالروايه ✨ " اول روايه لي واسأل الله ان تنال اعجابكم ✨ سبحان الله وبحمده سبحان الله العظيم 🌷💕 لا ابيح النقل بدون حقوق 🤍
