-الرياض عاصمتنا الحبيبه ومدينة الأحبه"
"بالكوفي"
لين : الجوهره روحي استلمي الطلب
الجوهره : خلي انوار تروح شدخلني
انوار : قالت الجوهره روحي ماقالت انوار
الجوهره : اف طيب
جاء يركض وضرب كتفها وطيحها
الجوهره : ااهه ماتشوف ؟
جلس يجمع اغراضه بدون مايلتفت عليها واعتذر ولف لاجل يساعدها وانصدم وكانت الصدمه متبادله بينهم
الجوهره : انت ؟
ايهم : اووه اهلين
الجوهره : الحمدلله والشكر طلعت ماتشوف اعمى
ايهم : وش هالاخلاق ؟
الجوهره : معليش
وكملت طريقها باتجاه صاحباتها وقف يناظرها ويتأمل وبداخله يقول هاذا اسلوبها الحين ؟ شلون بعدين
الجوهره وهي تتنفس بقوه وتمسك صدرها الي يهبط وينزل بسرعه
انوار : بنت وشفيك
لين بفزع : جوجو فيك شي تبين المستشفى ؟
الجوهره وهي تشرب مويا : لا مافيني شي
-
تجمعو عند الكاشير وانصدم سلمان من الاربع سلات الي كلها خرابيط وسلتين فيها المقاضي المطلوبه
سلمان بعصبيه : الحين انا موصيكم على كل هاذا ؟
مُرجان وهي تميل فمها لانها عبت سلتين لها : وشفيها يعني انت قلت جيبو مقاضي
عززو لها الكل الا الماس وفارس
سلمان : والله اني قايل هالباربي بتورطنا
جاء بيدفع سبقته يدها من حطت صرافتها ودفعت كل الاغراض وقالت
مُرجان : خلاص لاتعصب ياطعس
ضحكو من كلمتها
سلمان وهو معصب من العيال ناظرهم وقال اجل تمشون على شورها ؟ شيلو الاغراض وقدامي للسياره وناظرها وقال
سلمان : الحين انا صرت طعس يادلوعه
روز : يعني وشفيك معصب كلها كم شيء وبنستفيد منها
فارس وهو يمسك كرتون الكندر : الحين هاذا بتقنعني ان منه فايده ؟
دُرر : اوف خلاص لاتتناقشون امشو وخلصوني
ركب الكل بسياره سلمان الجي كلاس عند باب البيت"
سلمان : مين ينزل الاغراض
روز : هاذا وأشرت على جسار
جسار : نعم يالاخت ؟ اشتغل عندك انا
روز : طيب انت عندك عضلات على الفاضي يعني
جسار : بعتبرها مدحه وانادي الحارس يدخل الاغراض
دُرر : من الاول قول كذا وخلنا ندخل نرتاح
دخلو داخل وكانو مقابلين بعض بالمجلس بطفش وتأفف
مُرجان : مافيه فعاليات ؟
سيف : وش فعالياته مانعرفكم
مُرجان : يعني كل شخص يعرف عن نفسه ونسأل وكذا تصير فعاليات
فارس : تم
رددو وراه الكل بتم الا سلمان
مُرجان ناظرت سلمان بنظراتها البريئه الي تسحر حتى اخواتها فكيف هو ؟ حس بشعور غريب من نظراتها وبداخله و ودّه يصرخ ويقول لعيونها بس لعيونها
سلمان وهو يزفر : تم
الماس بحماس وتفاعل : انا ببدا
استغربت دُرر لانها مو من عوايد الماس هالحماس والاندفاع لكنها سكتت من شافت فرحتها وحماسها
روز : دقيقه دقيقه قبل نبدا ليه مانطلع للجلسه الي برا
فارس : تم مشينا
"بشواطئ جده"
ايهم كان يتمشى قدام البحر ويفكر هل يرسل رسالته ولا يرجع للكويت ويمشي على شور امه متردد جداً بين امه وقلبه
فتح ايهم الجوال ودخل على الاكاونت وارسل "السلام عليكم"
الجوهره بعد ماعرفته : وعليكم السلام اهلين
ايهم : كيفك ؟
الجوهره : تمام بس كيف جبت حسابي البرايفت ؟
ايهم : عندي مصادر
الجوهره بابتسامه : لا يشيخ ايهم : ايه وشرايك بس
الجوهره : ايش تبى ؟
ايهم : مافيه شي بس كذا حبيت اتواصل معاك
الجوهره : تمام
ايهم : دام الي بحسابك قليل ليه حاطه صورتك افتار واسمك الكامل ؟
الجوهره : ....
ايهم : معليش العذر والسموحه تدخلت فيك
الجوهره : حصل خير
كانت مبسووطه وجداً من هالمحادثه البسيطه الي تنتظرها من اسابيع واتجهت غيرت افتارها لصوره سودا واكتفت بتغيير اسمها لجوجو
"بالبيت"
كان الهوى عليل ونسيمه يضرب عليهم والنار شابه والكل كان يتحرك لأجل تبدا جلستهم لأجل تبدا اول مُبادره من الكل للتعرف لبدايه جديده لحياه جديده مُدتها شهرين فقط ، خلصو وجلسو على المخدات يتأملون الجو الكل كان ساكت ومستمع وروز تنتظر الحليب يسخن لأجل تسوي لهم الهوت تشوكليت خلص وبدت توزعه عالكل رفضو العيال وجاب جسار الشاهي وعطاهم
روز : بالله ترفضون الهوت تشوكليت عشان شاهي ؟
جسار : شجوك تشربين حق المدلعين هذا
روز : اسكت بس
الماس : يلا اسكتو ببدا انا اتكلم
سكت الكل واستمعو لها
الماس : وهي تحتضن كوبها وتاخذ رشفه منه وبدت تحكي وقالت كل شخص يصير قبال الثاني وتسألون بالفعل توزعو ، خانته رجوله واتجه قبالها بدون شعور
جسار : انا ببدا قبلك يادُنا
الماس : خذ راحتك
جسار : كم عمرك ؟
روز : 20
جسار : حلو
روز : وانت ؟
جسار : 25
روز شهقت : ياساتر مايبان
جسار باستغراب من شهقتها : لايكون مو عاجبك ؟
مُرجان قاطعتهم : يليل مطولين اخلصو كملو
جسار : وش اهدافك بالحياه ؟
روز : ابيع رسوماتي وادرس قانون
جسار : ...
روز : وانت ؟
جسار : بمسك نص شركات جدي بأذن الله
روز : حلو ، احس اسئلتي خلصت
سيف : جاني النوم وش السوات
جسار : خلاص سد حلقك ابدا انت
سيف بحماس قام وجلس بعد ماكان جالس على رجول فارس
سيف : كم عمرك ؟
دُرر : 21
سيف بضحك : اما
ناظرته دُرر بحده : وشقصدك ؟
سيف : لا ابد ولاشي
دُرر : كم عمرك انت طيب
سيف : 25
دُرر : ليه انتم شياب كذا
سلمان : لا والله انتم بزران
فارس : خلاص كملو بسرعه طفشت
الماس : بروح شويات وجايه
سيف : وش لونك المفضل ؟
سلمان بضحك هستيري : وش اسئله البدايات ذي
الكل ضحك على كلمه سلمان وعصب سيف
سيف : شدراني معرف اسأل
دُرر : وش ودك تصير طيب ؟
سيف : انا طيار
انصدمو البنات لانه ماكان باين
دُرر : وساكن عندنا ؟
سيف : ماخذ اجازه بسبب ظروف ، وانتي ؟
دُرر : ادرس هندسه مناظر طبيعيه
سيف : كويس واكمل بضحك ماقلتي لي وش لونك المفضل
ابتسمت دُرر وقالت : النيلي
مُرجان بملل : خلصتو ؟
سيف : خلصنا خلصنا بس اسكتي
مُرجان بحماس : انت ايش اسمك ؟
ناظروها بصدمه
سلمان : ماتعرفين اسمي ؟
مُرجان باستغراب : لا
ضحكو عليها كلهم
روز : صارلنا اسبوع هنا وماتعرفين اسمه
مُرجان : معرف نسيت
سلمان : وش تتوقعين اسمي
مُرجان : احس ليث او لؤي
سلمان : وش اسامي المخكر ذي
مُرجان بحده : اسامي حلوه وشمقت له
سلمان : وش هالنظرات ؟ عدلي عيونك قبل لافقعها لك
مُرجان : اتكلم معايا زين سامع ؟
سلمان : طيب ، اسمي سلمان
مُرجان : كيوت كم عمرك
جسار : اخرتك كيوت يابو فهد
سلمان ضحك سلمان وقال : 26
مُرجان : ليش كذا كلكم كبار مايبان
فارس بدلع مزيف : لا توني بعمر الزهور صراحه
ضحكت مُرجان على كلامه واكملت : طيب ايش ودك تصير
سلمان : انا ماسك اغلب شركات جدي
شرقت مُرجان من سمعت كلمته توقعت كل شي الا انه ماسك منصب وشركات توقعته صغير وللان ماتوظف
ضحك سلمان وهو يقرب منها ويعطيها مويه وقال : صحه صحه
مُرجان : منجدكم انتو كبار صدق ؟ سيف : وش متوقعه يعني بعدين ليه محسستني اننا شياب ترا كل الي بيننا خمس سنين
سكتت مُرجان ولا ودها تقول انها اصغر من العشرين للان ومادخلتها خافت يطقطقون عليها
رجع ظهره على المركى وطلع البكت من جيبه وبدا يشغل زقاره ولف عليها وقال : الاسئله الي سألتيني اياها كلها جاوبي عليها
مُرجان : تمام ، حالياً اول سنه جامعه وادرس طب جراحه احب اصور ، واحب الون الأحمر وضمت رجولها لها وعضت شفايفها وناظرت للنجوم وكملت ، ابي اشتري نجمه
ناظرو لها الكل واستغربو وجلس جسار يطقطق عليها
جسار : تراها مو اكله يالاخت
مُرجان : كيفي ابي اشتريها
روز بضحك : مرت اربع سنين وللان على قرارك
سيف : اربع سنين على هالقرار شكلك راعية طويله يا اوجان
سلمان : طيب جاوبتي على كلشي واسئله ماسألتيني اياها اصلا الا عمرك
ناظرته مُرجان بحقد : مابتكلم ، زعلت من هالموضوع فعلاً لانها عارفه انهم بيطقطقون على عمرها
دُرر : مالعبت الا على الوتر الحساس ياسلمان
سلمان لف عليها بخبث : لهدرجه يزعل الموضوع شكلها ثلاثينيه باين عليها الصدق
ضحك الكل وبدت تدمع عيونها ومحد لاحظ وبقدوم الماس لمحتها جت وحضنتها قالت اموت عالزعولين انا
مُرجان بصوت مخنوق : وخري بس ومسحت دموعها
فارس : نمزح والله ماله داعي الزعل
جت دُرر وحضنتها وقالت اسفه خلاص
مُرجان ناظرته بحقد : انت يالشايب الثلاثيني محسبني زيك انا يوم تقول ثلاثينيه ؟
سلمان بضحك : ليه زعلتي الواضح انك تحسستي من كلمتي ، والي على راسه بطحه يتحسس
مُرجان : معليك ماني بقدك
سلمان : كم عمرك طيب
مُرجان : ليه مصمم؟
سيف : بس كذا نبي نعرف مو احنا نتعرف على بعض ؟
مُرجان وهي تحرك عيونها يعنني ماتشوفهم : 19
سلمان ضحك بقوه : اثاريك مراهقه عشان كذا هالزعل كله وكمل يضحك
وكملتها روز وجلسو مستلمينها طول الجلسه
فارس : طيب انا ماعرفتك يادُنا
الماس : اف تعبت الاسئله مكرره وبجاوب عليها
عمري ، 21 ومانيب دلوعه مثل بعض الناس احب استفز البنات الصدق وابي امسك مناصب بشركات جدي
جسار : حلو زيي نتشارك نفس الحلم
فارس : عمري 24 ، ملازم اول
اجمل واحد بالشله والكل يحبني ويموتون فيني كلهم
جسار بدلع مزيف : يع مرا مقرفف
سلمان : شعندك قلبت خكري
مُرجان : وانت كل الناس عندك خكاريه
سلمان ناظرها بطرف عين : ماكلم مراهقات لوسمحتي
مُرجان : يع يع مستفز انا حطلع فوق
سلمان : نمزح نمزح
مُرجان : لا جد تعبت وانتو اطلعو بعد
نزلت عبايتها ،وبدلت ملابسها ولبست بجامتها البيضاء ، رطبت وجهها ومسحت المناكير الي كانت حاطته وفكت شعرها الي كانت رافعه نص ومخليه نص
جوها البنات سولفو عندها شوي وخرجو ينامو انسدحت على السرير بتعب وهي تفكر بأبوها والي حيصير له وهل هو بخير ماكان عندها الا حل واحد تتصل بايهم ويطمنها ، اتصلت لاكنه مارد وتوقعت هالشي لان الساعه ثلاث بالليل .
وبملل فتحت باب غرفتها وخرجت وهي متوقعه الكل نايم بعد ماسمعت اصوات الابواب تتقفل
نزلت تحت تدور كرتون الكندر الي اشتروه من ساعات وكانت تتعبث بالادراج ولا حصلته تأففت وهي تكمل تدوره
-
نزل تحت وهو يفكر بدوامه الي بعد اسبوع وكان يبي يدخن ويرتاح لاجل يعرف ينام ، نزل تحت وسمع الادراج بالمطبخ تتفتح وتتسكر توقع انه واحد من العيال دخل المطبخ وانصدم
حصلته وفتحته واخذت الي تبيه ولفت وشهقت بصدمه من الي وراها وصارخت ركض لها وهو يحط ايده على فمها عشان ماتزعج الي نايمين رغم انهم بالدور الثالث ومابيسمعون ابد ، ماعرفت مين الشخص الي قدامها وانرعبت لمن ركض لها غمضت عيونها بخوف
سلمان : ياخبله هاذا انا سلمان صحصحي
مُرجان بعصبيه وصراخ : وخررررر
سلمان وهو يرفع ايديه باستسلام ويبعد ويلف راسه لاجل مايشوفها بهالشكل : بعدت بعدت بس اسكتي
انصدمت من تصرفه ولا استوعبت حركته جلست ثواني تناظر بعدها استوعبت تورد خدها وصرخت صرخه خفيفه وهربت فوق تركض تاركه الكندر الي جت لاجله بالارض واسوارتها الي طاحت منها وقت مانرعبت
ضحك عليها وعلى تصرفها لمن صرخت وهربت وراح اخذ الاسواره وطلع وراها فوق وراح لغرفته بدون مايدخن ولا انتبه انه نسى
"صباح اليوم الثاني"
الكل نزل تحت الا شخص واحد واتفقو اثنين منهم يسوون فطور بحكم ان محد يعرف يطبخ غيرهم فارس والماس
فارس وهو ماشي للمطبخ : كل شي براسي الله يعين بس
الماس : اوريك ياديما اجل تعلمينهم علي ليه
دُرر بخباثه وضحك : قلت حرام فارس يطبخ لحاله
الماس : انقعلي
روز : يلا يلا لاتتأخرين جوعانه
وجلسو يضحكون ويرتبون السفره
فارس : شرايك نطلب فطور ونسحب عليهم
الماس : تم ماقول لا
فارس : يلا
