صحت مُرجان وأبتسمت من شافت روز عندها بنفس السرير من زمان هم ماناموا مع بعض كذا وصحت مروقه وجدًا ، بدت تتجهز وصحت روز معاها وكانوا مبسوطين
مُرجان: صح النوم
روز : صباح الخير
مُرجان: انتي الخير كله والله
روز : وش هالنشاط الي فيك من الصباح ، دخلت دُرر ووراها الماس
الماس : يالخاينين متجمعين بدوننا !
دُرر : قايله لك اصلًا واضح مايبونا
أشرت روز عالمكان الي جنبها ، بدون دلع تعالو هنا
ونطت دُرر فوق روز
روز : سلامات ؟ وشفيك مبسوطه والابتسامه شاقه وجهك
الماس : مافي شي بس توها مكلمه ريتال
مُرجان: ريتال ريتال ولا ريتال ؟ وضحكوا البنات على مقصدها
دُرر وهي ترمي المخدة : حيوانه انقلعي
مُرجان: تحسست شكلها ريتال
دُرر : تقول بيجون بعد شهر
توسعت عيون مُرجان بذهول : كذاابه ذي كل مره تمدد !! والله وراهم بلا
دُرر : مدري تقول صار لهم ظرف
شهقت الماس من تذكرت شيء : مُرجان وين اغراضنا الي كانت ببيتهم ؟ رحتي على اساس تجيبينها ولاجيتي
مُرجان: يوووه نسيت اوف ، بتصل على ايهم يجيبها
دُرر : بس كثيره وكل وحده بغرفه بلشه والله
الماس : مو مشكله بكلم فارس يجهزها
روز : دامك بتكلميه خليه يجيبها اجل
الماس : لاحرام يتعب
مُرجان وهي تلتفت عليها : لا والله ؟ ايهم يتعب وهو لا
الماس : بنات حرام مانمون عليه ايهم احسن
دُرر : ايهم مارد ، خلاص روز تروح وش المشكله
انصدمت روز وقامت بسرعه ، مستحيل اروح !
مُرجان: روز ماتروح ابد
الماس : ليه على راسها ريشة
مُرجان: خلاص بروح انا روز ماتروح
دُرر : مين قدك مُرجان مدلعتك
الماس : أجي معك انا ؟
مُرجان: لا بس انا بروح وعندي شغل ثاني بعد ، فهمت روز مقصدها وانها بتكلم جسار وخافت تصير مشكلة وفزت
روز : خلاص بروح معاك انا كمان
ناظرتها مُرجان بأستغراب وماحبت تقول شيء وانتظرتها تخلص وطلعوا
مُرجان: ليه جيتي ؟
روز : اعرفك بتسوين مشكله
مُرجان : اصبري بجيب علبة مويا
روز : تمام أنتظرك عند الباب ، جت مُرجان ومشوا متجهين للبيت
روز : مُرجان خلاص خل نرجع خايفه
مُرجان: اشبك يابنت وصلنا امشي !
روز : تكفين لا خلاص ، سحبتها مُرجان بعدم اهتمام ودخلت البيت
فز سيف من شافها داخلها ووراها روز
سيف : اعوذبالله شلون دخلتو !
مُرجان: قفلوا بابكم مره ثانيه
فارس : كله من الخبل جسار ماقفله ، ارتعشت من انذكر اسمه وطلع من غرفته وهو يشكي من الم رقبته
جسار : ياعيال رقبتي متكسره تكسير الله يلعن الساعه الي نمت فيها مع سلمـ.. وشاف روز قدامه هي ومُرجان وسكت
مُرجان: نبي اغراضنا فينها ؟
فارس : اغراض ويش
روز : أغراض الحفله لمن تجهزنا هنا محد اخذهم وماحصلناهم
سيف : مافيه شيء
جسار بهدوء وعيونه على روز : بغرفة سلمان
ناظرت له مرجان بكل حقد وتقدمت له وكان مستغرب جدًا منها ، ورشت المويه الي بعلبتها كلها عليه انصدم من فعلتها
جسار بعصبيه : غبيه انتي !
مُرجان بنفس النبرة : عشان ماتتعدى حدودك مره ثانيه سامع !
جسار : والله يامُرجان لو ماتطلعين من هنا لاقلب الدنيا عليك
مُرجان: ايش بتسوي مثلًا ؟ انا علمتك لو تعيدها بتصرف تصرف ثاني معاك
فارس : هدو ياعالم وش صاير ؟
سيف : وش العلم
روز : مُرجان خلاص تعالي
جسار : ايه انتي فالحه تتكلمين من وراها بس قدامي ماتنطقين ولا حرف
مُرجان بعصبيه : مالك دخل فيها انت سامع ! ، طلع سلمان من غرفته منزعج من اصواتهم العاليه
سلمان : وش بكم انتم ؟
فارس : والله ماندري وش السالفه
سلمان : وش تسوين هنا انتي ؟
ارتبكت مُرجان من طلع سلمان وسكتت ماردت ، دخل جسار ينزل ثوبه وهو معصب منهم الاثنين وطلع وكانت مُرجان للان موجوده وفارس وسيف يسألونها وروز تناظرهم
سيف : علمينا وش صاير والله مايحصل الا كل خير
سلمان : وش سوت هي ؟
فارس : كبت الميّ على جسار
سلمان : وليه ؟
فارس : علمي علمك ياولد
تقدم جسار بدون مبالاة يسحب روز ويدخل غرفته ، كانت مرتبكه ومتوتره وانصدمت من انسحبت من جسار
روز : خير !
جسار : وش افهم من حركتك ذي ؟
روز : أي حركة ؟ تستهبل انت أبعد بس
جسار : تحسبيني خبل ماعرف ؟ جايتني وش تبين مو انتي الي رفضتي امس
روز : جايتك ؟ جايه اخذ اغراضي بس
-
مُرجان: خير المتخلف اخذها !
سلمان : هدي ماهو ماكلها بيطلعها
مُرجان: تستهبل انت اكيد بيسوي فيها شي !
الماس : تأخرو اشبهم ؟
دُرر : معرف
الماس : نروح نشوف ؟
دُرر : تمام ، البسي وانا جايتك
الماس : طيب
-
جسار : اجل ليه جايه عندي ؟
روز : جسار اشبك ماتفهم انت ؟ اقولك بناخذ اغراض انا ومُرجان ، سكتو من سمعوا صوت الطق على الباب وكانت مُرجان معصبه من جسار وحركته البايخه
فارس : ياهوه بتكسرين الباب
مُرجان: الاهبل كل مازانت الجلسه سحبها ودخلها غرفته ! على كيفه هي ؟
سلمان : جسار افتح الباب وش قاعد تسوي انت
جسار : عاجبك حالهم الحين ؟
روز : افتح الباب وخلاص
جسار سكت وهو يناظرها وواضح عليها الرعب والخوف منه وحلف وأجزم انه مابيعيد كرته مع أي احد سوا كان روز أو غيرها ومن هالوقت قرر جسار أنه يرجع زي ماعهدوه أخوانه وأهله وفتح الباب بدون أي رد ، طلعت روز بسرعه وحضنت مُرجان
مُرجان بهمس : سوا شي ؟
روز : لا
سيف : وش السالفه الحين ! مصختوها عاد
طلعت روز من البيت بدون أي رد وكانوا قدامها الماس ودُرر وتجاهلتهم ، دُرر أستغربت من روز ودخلت البيت وشافت مُرجان معصبه عليهم
دُرر : ايش حصل !
الماس : وشسالفه ؟
مُرجان وهي تأشر على جسار : شوفي الاهبل ايش مسوي
جسار : اطلعي برا
مُرجان: بجلس عندك مثلًا؟
سلمان بصراخ : اطلعو برا كلكم !
ارتجفت من صراخه وطلعت وبقو الماس ودُرر مستغربين ، سحب فارس الماس ودُرر وطلعهم للحوش
الماس : ايش صار ؟
فارس : والله ماندري جت مُرجان معصبه من جسار وكبت عليه الميّ
دُرر : غريبه اشبها
سيف : خلاص ارجعو للبيت بعدين نشوف وش السالفه ، جسار معصب وسلمان معصب محد له خلق يكلمهم
طلعت دُرر ووراها الماس
الماس : تتوقعين ليه مُرجان سوت كذا ؟
دُرر : معرف بس اتوقع صاير شيء
جاهم ايهم من بعيد ومستغرب من وجودهم
ايهم : شتسوون هنا ؟
دُرر : كنا بنجيب اغراض وكذا
ايهم : امي تدوركم ترا ، جدي يبي الكل عالفطور
الماس : يليل ماخلِصنا يعني !
دُرر : اوف كل مازانت الجلسه قال تعالو وتجمعو وبكانا حشى مو فطور
ايهم : بسرعه ارجعو للبيت لاكسر رجولكم ! لي تفاهم ثاني معاكم
-
مُرجان: يع عصبني الكلب !
روز : حقيقي مُرجان ابدًا مافيني حيل اتناقش بهالموضوع
مُرجان: روز ايش قالك ؟
روز : ماقال شيء
مُرجان: بدون استهبال
روز : ماعرف والله كلامو ماله داعي ومعرف يعني مُرجان: خلاص تعالي نتجهز
روز : تمام بروح لغرفتي أبدل واجيك
دُرر : مابتطلعين اجلسي
روز : اشبكم ؟
الماس : ايش مسويين انتو ؟
روز : ماسوينا شيء
مرجان: اوه قصدكم على جسار ؟ بس رميت عليه علبة المويه
الماس : وليه ؟
مُرجان: عاد اسألوا روز هنا
روز بزعل : مُرجااان
دُرر : بسرعه ايش صار ؟
مُرجان: اقولهم ؟
روز : انا بخرج بكيفك ، طلعت روز وهي معصبه على جسار وحركته البايخه الي سوت كل هالاشياء ، سكتت شوي من تذكرت فعلته ولمست شفايفها بهدوء
الجوهره بصدمه : شفيك واقفه هنا ؟
روز : لا ولاشيء بس بروح ابدل عشان ننزل تحت
الجوهره : تمام قولي للبنات معاك ، هزت روز رأسها بالايجاب ودخلت غرفتها تبدل ملابسها جلست لثواني تناظر بالمرايا كانت خايفه دخلت عليها مُرجان الغرفه
مُرجان بهدوء : اطلعي ماقلت لهم
روز : بعد ايش يعني يامُرجان! برافو عليك صراحه
مُرجان: خلاص اسفه تعالي الكل نزل تحت
روز : تمام جايه
-
فهد : علامهم تأخرو ؟
فيصل : كل يوم كذا مُرجان وروز لازم
عبدالرحمن: الله يعيننا عليهم أجل !
دخلت روز وهي مبسوطه وجلست جنب الماس ودُرر
تركي : مابغينا ياجدي علامكم طولتو ؟
روز : لان مانبي نجي
ملفي : بنت ! اعقبي
روز : انا صادقه ليه نجي ؟ دام مافيه موضوع ولاسالفه
تركي : افا شكل فيه كلام بقلبك وش مزعلك
روز وهي تقلب الأكل بالشوكة ، معرف يعني لازم أفطر على وجيه تسد النفس ؟
ضحك فهد من كلامها ونطق : أعجبتني هالبنيّه ، رفع جسار نظره لأبوه ونزل رأسه
عبدالعزيز : بلاك ماشفت الباقي
البارود : مجمعكم عشان الورث انا تعرفون كل فترة تصير مشكله ولانقدر نوزعه
سلمان بعصبيه : رجعنا لنفس الموال يعني ؟ وراك بلا انت أكيد
فهد بحدة : ولد ! لاتقاطع كلام جدك ، سكت سلمان طاعةً لأبوه
الكل أستغرب مو من عوايد سلمان يسمع لأحد لكن الواضح ان فهد مسيطر عالكل هنا
دُرر: مافهمت وايش دخلنا بالورث احنا ؟
ملفي بسخريه: من بيورث الأملاك يعني ؟
دُرر: وأنت شدخلك بأملاكنا ؟ جدي يوزعها على ابوي وعمي وخلصت القصه
عبدالرحمن: أنتم يبي لكم تأديب الظاهر ! كل شوي واحدٍ ناط لي يقاطع جده ، يمين بالله لو ماتنخرسون لي تفاهم ثاني معاكم
الجوهره بهمس : شكلهم مو ناويين خير مرا معصبين كذا
ملفي : عالعموم انا قسمت الورث كله واتفقنا على نهج نمشي عليه انا واخواني
عبدالعزيز : اسلم
ملفي : عشان مايطلع الورث برا العايله بنزوج اثنين
فارس بسخريه : يعني ماكفاك انا ؟
فهد بأستغراب: وش تخبص انت
ضحك سلمان بعّلو صوته : ليه ماعلموك ؟ انهم مزوجين فارس
فز فهد بصدمه ووقف : وش العلم ؟
تورط ملفي وماعرف وش يقول
البارود : اجلس يافهد
فهد : وش صاير ؟ وفارس من مزوجه !
البارود : انا زوجته
فهد بعصبيه : وانت على أي اساس تتدخل بعيالي ؟ وتزوجهم
ضرب البارود عكّازه بحده : انا ابوك وجده وعارف مصلحته
فهد : انت وشلون تسوي كذا بدون ماتعلمني !
بدا الكل يخرج من شافوا الوضع صار جدي والبنات كلهم طلعوا ومابقى غير الرجال ، البارود تجاهل فهد وطلع للمجلس ولحقه فهد بعصبيه
تركي : هدو يارجال الموضوع بسيط وينحل
فهد بصراخ : ولدي مالك الحق تزوجه وتلعب بحياته توه صغير !
البارود: ماهو بصغير ولدك صار اطول مني وتقول صغير
فهد : يايبه انت تدري كم عمر فارس تدري ؟
-
الماس : يمامي ابوهم يخوف مرا كيف لو يعرف ان فارس متزوجني انا احتمال يقتلني !
روز : لامعليك انا احميكِ
دُرر : احمي حالك بالاول ، ضحكوا البنات عليها
الجوهره : مالك داعي حطمتيها
روز : زعلت ترا راضوني بسرعه !
مُرجان: خلي حبيب القلب يراضيك
روز بعدم فهم : مين ؟
مُرجان: جسار ! وركضت بسرعه عشان ماتسمع رد روز وهي عارفه انها بتعصب عليها ، وبدت روز تلاحق مُرجان بعصبيه
دُرر وهي تناظرهم بضحك : مايعقلون اقسم بالله !
كانت مُرجان تركض بقوه وتضحك وركضتها مُتعبه جدا وماكانت تشوف الطريق كويس وتدور بنفس المكان
روز بصراخ : خلاص تعبت بموت !
مُرجان : عشان ماتجيني مره ثانيه
روز : انا اوريك فالبيت خليك قدها !
مُرجان: هذا اذا شفتيني اصلًا
تجاهلتها روز ومشت ، ولسوء حظها جسار كان قدامها ارتبكت ووقفت بمكانها وما اعطاها أي ردة فعل وكمل طريقة ، استغربت وهي كانت متوقعه انه يرمي كلام عليها وتنهدت بسعادة لانه ماكلمها وكملت طريقها للبيت
-
فارس : ابي ابوي يمسح فيهم البلاط
سلمان : لاتستانس واجد اخرتها بيغسلون مخه
سيف : عيب عليك هذا فهد محد يقدر له
سلمان : الا انا
جسار : يارجال انت حتى انا ماتقدر لي
ابتسم له سلمان وهو يحرك العود بفمه ، متأكد ؟
جسار : ايه
فارس : ياعيال ماودكم نطلع للرياض ؟
سيف : ليه ؟
فارس : نغير جو كذا ونشوف متعب ووليد
سلمان : والله ؟ تم ماعندي مانع
جسار : معاكم انا
سيف : متى نحرك ؟
فارس : أخر الليل
مُرجان: بنات مرا طفش حقيقي وخلصت الفعاليات معد فيه شيء نسويه
روز : ما ابا شيء بس ابي انام تعب مرا
ربتت دُرر على مكان بجنبها ونطقت : تعالي نامي عندي
روز : آه يلوموني فيكِ
ابتسمت دُرر وحضنت روز الي ارتمت عالسرير عندها
الجوهره : بنات لو قلت شيء مابتزعلون صح ؟
الماس : ايش ؟
الجوهره : معرف خايفه
مُرجان: شفيك صاير شيء
الجوهره : لا
روز : أجل ايش بتقولين ؟
الجوهره : ايهم
فزت دُرر : شفيه ايهم صارله شيء ؟
الجوهره : لا لا مافيه شيء
مُرجان: الجوهره قولي تراك وترتيني
غمضت الجوهره عيونها ونطقت بخجل ، انا وايهم... ماكملت كلامها من شهقت روز وصارخت
روز : كذااابه منجدك ؟؟؟
الجوهره : ايوه
الماس : صدمه صدمه صدمه !
مُرجان: بموت ماتوقعت ! اقوى مقلب بحياتي
دُرر : الصدق كنت اشوف عليكم حركات بس مانتبهت
وبدوا البنات يسترجعون بعض مواقفهم الي كانو الجوهره وايهم فيها
الجوهره غطت وجهها بيديها : اوف خلاص اسكتوا والله اهرب
مُرجان: كيف حبيتوا بعض ؟
الجوهره : منزماان من قبل نجي هنا
روز : احلفي ! كذابه تعرفون بعض منزمان ؟؟
الجوهره : ايوا ... وبدت تحكي القصه كلها لهم
-
1:23Pm
ركب جسار وحرك السيارة
سيف : مر اقرب محطه ورانا خط
فارس : اصبرو ياعيال دقيقه بس ، وبدا يسجل فويس "لا والله ياقلبي سلامتك لاوصلت بعلمك نامي لاتنتظريني"
بدا سيف يصفر ويضحك على فارس
سلمان : افا يابوسلطان أخر شي ياقلبي ولاتنتظريني ، صادوك يالهطف
فارس : يليل والله وصخين قلتها بتعبير مجازي بس علامكم ، وناظروا لجسار الي يبتسم وساكت
سيف : ورجعنا للنكد يعني
سلمان : ايه ماتعرف جسار ؟ يروق فتره وينفس طول العمر
فارس : مالقى ينفس غير يوم سافرنا يعني شكلها بتكون سفرة النكد
مارد عليهم جسار وطلع البكت يدخن
سلمان : شغلي وحده ، عطاه جسار وبدو يدخنون وسيف معاهم
فارس : بتكتمون اهلي انتم الثلاثه !
سيف : امسك
فارس : ماهو الحين بعدين ، افتحوا الشبابيك شوي ساميه : انا وعبدالعزيز طالعين مشوار
عزيزه : وين رايحين ؟
ساميه : ابد والله كذا مشوار خفيف وجايين
عزيزه : زين لاتطولون ، طلعت ساميه وركبت مع عبدالعزيز الي كان شبه متضايق
ساميه : وشبك ؟
عبدالعزيز : البنات ماهم مرتاحين هنا
تنهدت ساميه : احمد ربك انك ماتسمع الشكاوي اليومية طول اليوم يشتكون من النت الضعيف ومن خرجاتهم
ضحك عبدالعزيز وهو يتذكر بناته وتذمرهم ، ماودك نرجع ؟
ساميه : وين نرجـ... ماكملت كلامها والا سيارتهم داخله بشاحنة كبيره ومنقلبه وبدت تغيب عن الوعي وكان أخر شيء تسمعه صوت عبدالعزيز يناديها .
-
سلمان : يازين الحريه يارجال
سيف : ايه ياولد ، ناظر لجسار واستغفر ربه
فارس : جسار يعني لازم تنكد علينا
جسار : وش انا مسوي !
سيف : سولف معنا علامك متضايق وزعلان
سلمان بابتسامة مكر : دواه عندي خلوه
فارس : الشكوى لله ، سيف تخاويني للعيال؟
سيف : جاي اطلع برا
خرج سيف ورا فارس ومابقى بالشقة الا سلمان وجسار
مسح جسار وجهه وشنبه وظل يناظر بسلمان
سلمان : ايه اسلم هات الي عندك
جسار : ماعندي شي
سلمان : تلعب علي يعني ؟ أخوك انا
جسار : قلنا مافيه شي
تنهد سلمان ونطق : بنت فيصل ؟
صد جسار من طرى على باله طيفها وسكت
سلمان : وانا قايل وش علتك بلاك ياجسار طايح وملتوي !
جسار : مافيه شيء اوهام من عندك
سلمان : علمني وش الي حاصل ؟
جسار : الحين وش تشوفني انت ؟
سلمان باستغراب : مافهمت وش تقول ؟
جسار : اقولك وش تشوفني شلون توصفني
سلمان : رجال وينذكر بالخير ياجلعني فداك
جسار : وغيره ؟
سلمان : مافيه
جسار : ماتشوفني أخوف ؟ وضحك سلمان بعّلو صوته من فهم المسأله
